السهرة 13 .........قهوة وتاي

رد: السهرة 13 .........قهوة وتاي

حالياً الأعضاء النشيطين الذين يشاهدون هذا الموضوع: 8 (6 عضو و 2 ضيف)
‏la brunette, ‏AmiR@RoRo, ‏assinat, ‏Malika Tlm, ‏Msb security, ‏NOUREDDINE 31

سيلفي تشيييييييييييييييييييييز

حالياً الأعضاء النشيطين الذين يشاهدون هذا الموضوع:
ويعملون سالفي بتخبية ‏la brunette

هههههههه :p :up: :d
 
رد: السهرة 13 .........قهوة وتاي


صار العجوزة هادي مولات 70 سنة راهي ضيفتك يا ليليا حرت برك في حاجة وحدة علاه واحد ما سقساها شحال باقي ليها من اسنان أراهن على أنها لا تمتلك الا واحدة في الكوانة تاكل غير المسفوف ... هههه -_-
اهلا زورو كنا نقسرو برك راك هنا مليح اني قريت وش كنت تكتب الله يبارك منور السهرة ونخليك شوية اسئلة هنا متروحش ويديك فارغين

علاه انت سامطة ؟؟ ولا زادت معاك هه نقسر برك
واش هي الحكمة لي تامني بيها بزاف في الحياة ؟
أعطيني شخصية تعجبك بزاف وقوليلي علاه ؟
رمضان يغلبك ولا تغلبيه ؟
شحال راكي مافونصيا في حياتك اعطيني نسبة ؟
رايك في القراصنة ؟
كاين انسان وانا نكتب جا في بالي انا منقلك عليه والو لا عزيز عليا ولا منحملوش ؟ أنت قولي ليه كاش حاجة وانا نقولهالو كيما سمعتها منك

ايا نظن هادو يكفوك يا زورو شوف كيفاه دير وجاوب عليهم
ويعطيك الصحة سهرة علكيف راكي جايبتها
وصح فطورك

 
آخر تعديل:
رد: السهرة 13 .........قهوة وتاي

ا سيدي روح نختار 7
ان شا الله خير برك ما خاصني فقايع هههه

السلام عليكم
اهلا وسهلا لالة اميرة ايييه زعمى انت من وسط 40 مليون زهرك منعنع ضرك نشوفو كان منعنع او مقصبر


جعلولتي من ذهب وأحبالها من فضة حبطت لقاع الجنان لقيت الحبيب يتوضا رميت له غصن حبق وأرمى لي وردة.

هذي جعلولة والا حانوت نتاع ذهب احبال من فضة اييه سلطانة اميرة تمتعي حنا لعبنا فيها مهرية حبال نتاع الحوايج
وواش هبطك للجنان كاش واحد يخلي الذهب والفضة
آآآآآآآه قوليلي خونا راه هناك وهذا يتوضى ورمالك وردة مي انت رميتيلو الاولى اييه نورمال راه وقتكم البنات يتبلاو الرجال
وهذا من جماعة الخاوة يتوضا ويعشق ياخي حالة
اميرة ما خرجتيش ما خجرتيش كي خرجت درت الحرب اقعدي فجعلولتك انا اختك ههه



 
رد: السهرة 13 .........قهوة وتاي


أهلا بيك اميرة و صح فطورك و رمضانك

اتمنى لك سهرة ممتعة مع الاحباب

يمكن الاسئلة تكون صعبة عليك في هده السهرة الرمضانية

لكن مجبرة على الاجابة عن كل سؤال لأنك لم ترحمي اي احد

بأسئلتك .

شكرا لصاحبة الدعوة و اتمنى لكم سهرة ممتعة

اهلين فيك نجيب الله يسلمك ونتا تاني صحا رمضانك
الفطور مزال الحال عليه :-r
الاسئلة راها في المتناول مليحة ههه والحمد لله
ها درك تمشي سياسة كما تدين تدان راهم حتى هما ما يرحموش خلاص ههه
يعطيك الصحة نجيب ربي يحفظك
نورت :regards02:
 
رد: السهرة 13 .........قهوة وتاي


السلام عليكم
وعليكم السلام اهلا من جديد
صار اميرة خلصت الجيش تاع الاسئلة؟؟ ههههه
نستعرف بيك
هههه بعون من الله خلصتهم راكي تعرفيني شاطرة :sport01: :p
هيا نوليو للاسئلة تاوعي
بسم الله
:sport01:
اممم اميرة كيفاه السويد زعما شابة ههههه غير نضحك
مم السويـــد يا ختي شابة بالبزاف راني جايبها غي تحواس مانيش نقعد قاع تالمو شابة
هادي لوليا هادي اومبا هادي ستوكهولم هادي بورس هادي مالمو تقريب كل يومين في ولاية
تهبل بالبزاف ههههه
بصح تعرفي قاع هاد الشي ودزاير خير منها بمليار ما تبنش قدامها السويد خلاص
راكي تعرفي دزاير مكلاصية الاولى عالميا من حيث الجمال والتقدم عليها :-r:-r
:p
هيا نوليو للصح قريت في ردودك على هاد الموضوع بلي نتي البنت الوحيدة في الاسرة
انعم ايه وحدة ووحيدة :d
كيفاه مدايرة مع خاوتك الذكور؟ زعما مدللينك ولا مدايرين رايهم فيك هههه
ممم كفاه والله يا ختي عادي جدا
كاين خويا اكبر مني والاخر اصغر مني
كاينة حاجة لي كبير عليا trisomique
:-r
يعني عادي ماعندي معاه مشاكل ما والو بالعكس ناس ملاح ويهبل اكي تعرفي يجي دمهم حلو هوما :d
والاصغر تاني عادي منين داك ندابز معاه هدا كف وهادي بونية بصح نا ملاح هو تاني هههه


وشكون لي يحب باباك كتر هوما ولا نتي؟
منعرف هههه
اكيد كامل نحبوه وبزاف تاني :regards02:

واش هو الاسم لي تدلعك بيه العائلة؟
قلتي اسم برك قولي اسماء ههه
ميرو ، ميرا ،مرمر ،كل مرة كفاش
وزدت فالحساب زورو لي طلقها فيا مستر جاك
حكيتها لبنت خالتي شدتها عليا زورو ماقال زورو هههه الله يهديك يا هشام خويا مصيبة :p

وهل اميرة صديقاتها من خارج العائلة ولا من نفس العائلة كيما نقولو بنات خالاتك ولا عماتك؟
بنات العايلة هما صديقاتي
بصح كاين من الخارج تاني 3 اكتر من خواتاتي
:-r
ربي يحفظهم

لو نقولك اذكريلي اسم شخص عزيز عليك شكون هو؟؟
اسم شخص واحد ؟!!
كاين بزاف ههه

هيا نخليك مع هاد الاسئلة ومن بعد نرجعلك ان شاء الله


يعطيك الصحة مريومة اسئلتك حلوة كيفك :up:
نورتي المضوع بطلتك
مرحبا بيك فاي وقت (يعني منا للسهرة الموالية مابقاش بزاف ههه)

 
رد: السهرة 13 .........قهوة وتاي

السلام عليكن
صح فطوركم
انا جيت نشرب اتاي وخصوني لي غوسات تع قاطو بالشوكولا

وعليكم السلام سمية
اهلا بيك اختي
رانا صايمين درك ما بقا اتاي
لحقي عالسهرة الجاية ونجيبولك اتاي هههه

هاكي هاد الوصفة من عند الخالة ام اماني وعن تجربة تجي تهبل
:love01:

المقادير:

250غ زبدة،250غ كاوكاو محمص ومرحي رقيق،250غ جلجلانية محمصة،2صفار بيض،نصف كاس سكر رطب،1خميرة كيميائية،3 م ك كاكاو،فرينة

الكريمة:
100غ زبدة،م ك كاكاو،كمية من السكر الرطب او العسل

للتزيين:
شكولة ،عجينة اللوز الاصطناعية

الطريقة:

بواسطة الخلاط الكهربائي نحرك الزبدة مع السكر الرطب جيدا نضيف صفار البيض ونستمر في التحريك ثم نضيف الكاوكاو والجلجلانية والخميرة ونشيح بالفرينة

نبسط العجينة بالحلال ولازم تكون رقيقة شوية لان فيها الخميرة ونشكلها باي طابع انا استخدمت طابع على شكل قلب
ندخلها للفرن تطيب بعدها نخرجها ونخليها تبرد.
في هذا الوقت نحضر الكريمة
بالنسبة للزبدة انا استعملت ستار في هذا الكريمة وممكن نستعمل فلوريال
نخلط الزبدة مع الكاكاو بالباتور ونضيف تدريجيا السكر الرطب او العسل حسب الذوق
بعدها نلصق الحلوى كل زوج حبات بالكريمة يلزم تكون كمية الكريمة مليحة لانها تعطي بنة للحلوى
من جهة نذوب الشكولة على حمام مائي ونضيفلها كمية قليلة من الحليب

انا استعملت هذا النوع من الشكولة هايلة


.








نغطسها الحلوى من فوق في الشكولة ونحطها فوق مشبك حتى تجف
في هذا الوقت ناخذ كمية من عجينة اللوز الاصطناعية نضيفلها شوية نشاء وشوية لوز مرحي غبرة والسر في اللوز ان عجينة اللوز تبقى طرية مهما طالت المدة من تحضيرنا للحلوى
نضيف كمية من الملون الابيض لعجينة اللوز ونشكل وردات كبار شوية
ونضيف كمية من الكاكاو ابقية العجينة ونشكل وردات صغار

وهذا شكل الطابع المستعمل
.


نحط الوردة البنية داخل البيضاء ونحط داخلها عقاش فضي
نلصق الوردات فوق الحلوى ونزين بخطوط من الشكولة البيضاء والملمع الفضي ونقدمها في ليكيسات
وهذا شكلها النهائي

.


.


عن قرب











المهم كي تجربيها ما تنسايش حقي وخلاص :d
 
رد: السهرة 13 .........قهوة وتاي

السلام عليكم ورحمة الله وبركاته
أهلاً بكِ غاليتي أميرة، نورتي المكان بحضورك حبيبتي
استمتعت كثيراً وانا أقرأ ردودك وأحاباتك على الأسئلة
ليس عندي ما أسألكِ اياه عزيزتي
ولكني احببت ان احييكِ واتمنى لكِ سحوراً طيباً وصياماً مقبولاً ان شاء الله
في أمان الله عزيزتي

وعليكم السلام ورحمة الله تعالى وبركاته
اهلا فيكي غلاتي منور بوجودكم والله
تحية متبادلة :regards01: ،، اللهم امين حبيبتي ولك بالمثل :regards02:
اسعدني تواجدك وطلتك هنا غلاتي
نورت:love01:
 
رد: السهرة 13 .........قهوة وتاي

السلام عليكم خاوتي
واشراكم انشاء الله بخير
مع رمضان

وعليكم السلآم اهلا بك اخي سفيان
من جهتي بخير الباقي باين تاني بخير وش يخصهم ههه

مرحبا بضيفة السهرة
اميرة
ربي يحفضك اختي :)
وسهرة ممتعة
الله يسلمك خويا
ممتعة بوجودكم :up:

الله غالب وصلت روطار هههه :s
ان تصل متاخرا خير من الا تصل :d
ميرسي للاخت ليليا لما تقدمه
بارك الله فيك :up:

سهرة ممتعة للجميع
وصح صحوركم
سلام
:thumb_up02:
:smile02:

اسعدني تواجدك خويا سفيان
طلة عالسريع خير من والو :d
ربي يحفظك شكرا لك :regards01:

 
رد: السهرة 13 .........قهوة وتاي

حالياً الأعضاء النشيطين الذين يشاهدون هذا الموضوع: 8 (6 عضو و 2 ضيف)
‏la brunette, ‏AmiR@RoRo, ‏assinat, ‏Malika Tlm, ‏Msb security, ‏NOUREDDINE 31

سيلفي تشيييييييييييييييييييييز

المرة الجاية كي تجي تديري سيلفي خبرينا قبل باش نسقمو شوي
شوفي كيفاش خرجنا ههههه
 
رد: السهرة 13 .........قهوة وتاي

:p

صار العجوزة هادي مولات 70 سنة راهي ضيفتك يا ليليا حرت برك في حاجة وحدة علاه واحد ما سقساها شحال باقي ليها من اسنان أراهن على أنها لا تمتلك الا واحدة في الكوانة تاكل غير المسفوف ... هههه -_-
ايه وش بيك يا ولدي زدتني 5 سنين انا قلت 65 ماشي 70 مزلت صغيرة و5 سنين تزيد فيا بزاف وش بيك :p
وعلا وش تراهن ؟ ايا راك خسرت الرهان حط واش عندك هههه
عندي زوج وحدة كما قلت وناب واحد وبرك :d
الحمد لله راني ناكل بيهم حتى اللحم هاد الضرس والناب :sport02:

اهلا زورو كنا نقسرو برك راك هنا مليح اني قريت وش كنت تكتب الله يبارك منور السهرة ونخليك شوية اسئلة هنا متروحش ويديك فارغين
ويلكوم فيك ميستر جاك
ام سو هابي تو سي يو هير :d
جاست ام آ قيرل نوت آ بوي
سو آد the "ة" إن يور ووردس اوكآي :-r

ههههه نتمنى تكون فهمت وش قتلك عجزت نقلب الكلافيي خخ:p


علاه انت سامطة ؟؟ ولا زادت معاك هه نقسر برك
ممم علاه سامطة الله غالب ماما كانت تتوحم على الماكلة المسوسة
ايا هاديك هي جات خرجت انا سامطة من عندهم ههههه

( لا ما احلاك ما تكونش تقسر هيهيهي عارف بلي تخلص غالية هههه )
واش هي الحكمة لي تامني بيها بزاف في الحياة ؟

"الحياة مليئة بالاحجار فلا تتعثر بها بل اجمعها وابن بها سلما تصعد به نحو النجاح "
أعطيني شخصية تعجبك بزاف وقوليلي علاه ؟
ممم تعجبني الشخصية القوية لي ما يردها والو تزيد للقدام برك ووش فات عليها تتعلم منو
+ تحب المغامرة وما تخافش من الجاي
ممم يجيني دين ونشستر ادا تعرفو المهم هداك تاع سوبر ناتورال :pمثال لهاد الشخصية :sport02: يعجبني بزاف :up:
وادا جينا للواقع نفس ما قلت سابقا + الاخلاق والتريبة الحسنة

رمضان يغلبك ولا تغلبيه ؟
كل نهار وبراكتو :d
مي فالاغلب انا الغالبة :sport02:حمد لله

شحال راكي مافونصيا في حياتك اعطيني نسبة ؟
ممم 20 % برك مزال المشوار طويل
يعني راك تعرف 65 سنة باش نكمل نسبة مية بالمية نكون وحد 165 هكاك ان شا الله نوصلها وتشوفو وش ندير :d وندخل كتاب قينيس :sport01::p
وتولو تفتاخرو وتقولو ايه هاديك صديقتنا تع اللمة وتفوخو بيا خخخخ
رايك في القراصنة ؟
من خلال وش عشت معاهم نقدر نقلك ناس ملاح ههه
من نهار شفت مستر جاك ( مش انت نقصد الحقيقي :p) رجعت نحبهم ههه شخصيتو تهبل السيد هداك
وزاد شفتك انت هنا وزدت اكدتلي بلي القراصنة ناس ملاح بالبزاف :thumb_up02:

كاين انسان وانا نكتب جا في بالي انا منقلك عليه والو لا عزيز عليا ولا منحملوش ؟ أنت قولي ليه كاش حاجة وانا نقولهالو كيما سمعتها منك
ممم ملا نشعلها ولي يصرا يصرا :-h
" انت اكتر واحد نكرهك في د الدنيا من نهار شفتك ما شفت الخير
طحت عليا كي وجه النحس وسودتلي عيشتي يرحم باباك ما تزيدش دور بيا راني مانحملكش مليار " ههههه
ادا كان عزيز عليك راهي تطفر
وادا كنت صح متحملوش راح نوجدولكم حلبة صراع من النوع الرفيع ههههه
أسحب كلامي
" روح ربي يحفظك وينور طريقك ويجعلها من قبلك خضرا وموراك خضرا هههه
ربي يوفقك ويوفيلك ما تتمنى :graduation:"

ايا نظن هادو يكفوك يا زورو شوف كيفاه دير وجاوب عليهم
ويعطيك الصحة سهرة علكيف راكي جايبتها
وصح فطورك


اهلا بيك مستر جاك اسعدني تواجدك
واسئلتك المهبولة كيفك
اي لايكد يور كواشن ايتس سو ايزي اند كول
اي ويش تو سي يو اقان إن آنوذر سابجكت :d

ربي يحفظك خويا ويوفقك وين ما كنت
راني نستنى بفارغ الصبر كفاش فوتوها فالمارشي ههههه
كملنا الحكاية رانا نستناو :sport02:
صحا فطورك مستر

 
آخر تعديل:
رد: السهرة 13 .........قهوة وتاي

السلام عليكم
وعليكم السلام
اهلا وسهلا لالة اميرة ايييه زعمى انت من وسط 40 مليون زهرك منعنع ضرك نشوفو كان منعنع او مقصبر
واش ما عجبكش الحال يبالي ابن عمي حتى في زهر وحسدتوني :down: :p

جعلولتي من ذهب وأحبالها من فضة حبطت لقاع الجنان لقيت الحبيب يتوضا رميت له غصن حبق وأرمى لي وردة.

هذي جعلولة والا حانوت نتاع ذهب احبال من فضة اييه سلطانة اميرة تمتعي حنا لعبنا فيها مهرية حبال نتاع الحوايج
وواش هبطك للجنان كاش واحد يخلي الذهب والفضة
آآآآآآآه قوليلي خونا راه هناك وهذا يتوضى ورمالك وردة مي انت رميتيلو الاولى اييه نورمال راه وقتكم البنات يتبلاو الرجال
وهذا من جماعة الخاوة يتوضا ويعشق ياخي حالة
اميرة ما خرجتيش ما خجرتيش كي خرجت درت الحرب اقعدي فجعلولتك انا اختك ههه




آه الله الله هاد الشي قاع ملكي وانا لاخبر
ووش قالك عاند وماتحسدش حسدتيني فيها ولا ادا غيراتك اخدمي وحدة كيفها :mad:
فالجنان كاين الخضار والنعناع الطبيعي والبشري كفاش ما نهبطش خخخخ
ههه سبحان الله شكيت فيك تغيري مني ولا تحسديني انتي غرتي من وردة نعطيك بوكي ادا حبيتي هههه
ايه وزيد انا خاطيني ما نتبلاش :-r ولي يتبلا يتبلا بعود حبق يا ختي ما تتمسخريش ههههه
يعطيك الصحة ليلوش
 
رد: السهرة 13 .........قهوة وتاي

حالياً الأعضاء النشيطين الذين يشاهدون هذا الموضوع: 9 (4 عضو و 5 ضيف) ‏soumia hadj, ‏chya, ‏سكون الفجر+, ‏قرصان الساحل


السلام عليكم ورحمة الله وبركاته
واش راكم احبتي في الله
؟؟

 
آخر تعديل:
رد: السهرة 13 .........قهوة وتاي

امورة راهو مازال الوقت ماخلاصش نعطيك سؤال ولالا هههه
هيا نعطيك سؤال معليش ولا اسئلة خير تعرفيني نحب نهدر ههههه
المهم السؤال الاول عندك فيه 3 ثواني للاجابة كن ماتجاوبيش
علابالك واش يصرا؟؟ ننتاقلو للسؤال الثاني بكل بساطة ههههه
المهم ماديريش عليا
امورة تحبي الحيوانات ولالا؟ واذا نعم اعطيني حيوانك المفضل
واش هو اجمل اسم بنت بالنسبو ليك واجمل اسم ولد؟
اميرة تحب البحر؟ اذا هيه اكتبيلي زوج كلمات هكا ولا 4 ولا 10 هههه المهم اكتبيلي حاجة خفيفة على البحر
مادام تحبي الادب والروايات كي ماقريت في ردودك
اميرة ختي عندي 3 ايام من لي بديت نخربش في الفوتوشوب بصح كي نجي نسجل صورة متحركة في الميكرو ماتحبش
كيفاه نديرلها ههههه (هادا السؤال الاجابة عليه اجبارية ههههه)
هيا نخليك مع هاد الاسئلة ونوليلك من بعد اذا بقى وقت
تحياتي
 
رد: السهرة 13 .........قهوة وتاي

امورة راهو مازال الوقت ماخلاصش نعطيك سؤال ولالا هههه
هيا نعطيك سؤال معليش ولا اسئلة خير تعرفيني نحب نهدر ههههه
هههه هاتي لي عندك مرحبا بيك
علابالي بيك ثرثارة ملكبار وما تقنعيش بسؤال واحد برك ههه

المهم السؤال الاول عندك فيه 3 ثواني للاجابة كن ماتجاوبيش
علابالك واش يصرا؟؟ ننتاقلو للسؤال الثاني بكل بساطة ههههه
المهم ماديريش عليا
هههه هدا كل صيام يبالي داير فيك هكا باين
ربي يكون في عونك راها عندكم 29 درجة و
ومع الصيام راك تخلخلتي صح هههه
امورة تحبي الحيوانات ولالا؟ واذا نعم اعطيني حيوانك المفضل
مم وي نحب الحيوانات الاليفة والسوفاج :d
فالاليفة كاين القطط نحبهم بزاف :d
والصوفاج نحب النمورا :d راهم من فصيلة وحدة وشن هو واحد كبير والاخر صغير وواحد اليف والاخر متوحش دا مكان ههه
ايه ونحب العصافير :thumb_up02:سيرتو الملونة :love01:
ونحب الفكرون تاني هههههه

واش هو اجمل اسم بنت بالنسبو ليك واجمل اسم ولد؟
اممم بنت تسنيم (هاد الاسم كنت ناوية زعما تجيني اخت ونسميها بيه جابت خالتي بنت وسماتها تسنيم قريب ناكلها قلتلها ديتيلي الاسم بلعاني هههه )
هناء ،ميساء :d
ولد : نسيم ، ياسر ، أنس ،يونس :d
اميرة تحب البحر؟ اذا هيه اكتبيلي زوج كلمات هكا ولا 4 ولا 10 هههه المهم اكتبيلي حاجة خفيفة على البحر
مادام تحبي الادب والروايات كي ماقريت في ردودك
اكيد نحبو ونعشق فيه تاني :-r
سئمت الحياة وما جرت معها من أسى
فما وجدت غير البحر ملاذا لي ولهمومي
اقبل عليه وظهري مثقل بما هم بي من وجع القيه وكلي امل الا يعود مجددا
اراقبه وهو يمتطي الموج العالي ورويدا رويدا حتى يختفي عن ناظري
عجيب امره هو البحر يبلع من الهموم الكم الهائل ثم يعود ليقابلني بلونه الصافي الذي لم يتعكر بفرط الهموم

اني لبقت كلمة من وكلمة من ودرتك فقرة خخخخ
اميرة ختي عندي 3 ايام من لي بديت نخربش في الفوتوشوب بصح كي نجي نسجل صورة متحركة في الميكرو ماتحبش
كيفاه نديرلها ههههه (هادا السؤال الاجابة عليه اجبارية ههههه)
يا عمري خطوة مليحة يعطيك الصحة
هههه من عيوني
الصورة المتحركة ما تحفظيهاش كما الصورة العادية يعني في save as .. لالا

كي ديري صورة متحركة كي تجي فالحفظ file .. تلقاي save for web ... لتم كليكي تخرجلك نافذة تلقاي لتحت save وديري ok
ممكن كي تفتحيها فالميكرو ما تبانش متحركة مي كي ترفعيها فاللمة ولا اي موقع وتفتحيها تلقايها متحركة عادي :up:
وبالتوفيق :d

هيا نخليك مع هاد الاسئلة ونوليلك من بعد اذا بقى وقت
تحياتي


يعطيك الصحة مريومة لحضورك الحلو
ونتمنى نشوفولك تصاميم :thumb_up02:
نورت حبيبة
ربي يحفظك ويخليك
يعطيك الصحة
 
رد: السهرة 13 .........قهوة وتاي

يعطيك الصحة مريومة لحضورك الحلو
ونتمنى نشوفولك تصاميم :thumb_up02:
نورت حبيبة
ربي يحفظك ويخليك
يعطيك الصحة


شكرااااا :yahoo01:
صحيتي صحيتي امورة من بعد نجرب ترا نصمم صور متحركة وندخلها للميكرو
يعطيك الصحة على الشرح حبيبتي
والله الله راكي جبيتيلي كتابة رائعة حول البحر ربي يحفظك و يحميك من العين
اني علابالي بيك مبدعة ومخبية الابداع برك ههههه
ربي يهنيك
وهيا كي طلبتي تصاميم زعما البارح خربشت شوي ودرت اول تصاميم ليا
وكتبت عليهم كلماتي من مدونتي وشحااال كنت فرحااانة ههههه
خيرتلك زوج منهم شوفيهم يا استاذة الفوتوشوب :$

http://upload.4algeria.com/do.php?img=95971
http://upload.4algeria.com/do.php?img=95972

راني حطيتهملك في شكل عناوين خاطر كبار شوي وزيد باه مايتوقبوش ناس اللمة ههههه
زعما كلي هكا مايشوفوهمش :p
شكرا حبيبتي على رحابة صدرك ربي يوفقك لكل خير
وصح فطورك
 
رد: السهرة 13 .........قهوة وتاي

شكرااااا :yahoo01:
صحيتي صحيتي امورة من بعد نجرب ترا نصمم صور متحركة وندخلها للميكرو
يعطيك الصحة على الشرح حبيبتي
ولو العفو الزينة ديالي بدنا خدمة تحرز كما السوري ههه
والله الله راكي جبيتيلي كتابة رائعة حول البحر ربي يحفظك و يحميك من العين
اني علابالي بيك مبدعة ومخبية الابداع برك ههههه
ربي يهنيك
احم احم حشمتيني هههه
مجرد خربشة وين تبان مع الكتابات تع الصح :-r
ربي يحفظك حبيبة

وهيا كي طلبتي تصاميم زعما البارح خربشت شوي ودرت اول تصاميم ليا
وكتبت عليهم كلماتي من مدونتي وشحااال كنت فرحااانة ههههه
ههههه ديما اول مرة من كل حاجة تطيري بالفرحة
حتى ولو كانت مش حاجة كبيرة بمجرد انها اول مرة تلقاي روحك فرحانة كامل تصرالنا هههه

خيرتلك زوج منهم شوفيهم يا استاذة الفوتوشوب :$
مانيش استاذة راني تلميذة برك هههه
http://upload.4algeria.com/do.php?img=95971
http://upload.4algeria.com/do.php?img=95972

راني حطيتهملك في شكل عناوين خاطر كبار شوي وزيد باه مايتوقبوش ناس اللمة ههههه
زعما كلي هكا مايشوفوهمش :p
شكرا حبيبتي على رحابة صدرك ربي يوفقك لكل خير
وصح فطورك

ههههه ايه خلاص خلي نشوهم انا وهما ماراحش يفيقو للروابط ههه مجنونة
يعطيك الصحة مريومة راكي جايبتها شابين
الاساسيات راكي حاكتها يعطيك الصحة شطورة حتى الخطوط حملتي غير الفن هههه :p
رانا نستناو نشوفو جديدك لؤلؤة ما تبخليناش :up:
اسعدني تواجدك وأسئلتك حبيبتي ربي يحفظك ويهنيك
الله يسلمك ونتي زادا
اتهلاي،، سلامي :love01:
 
رد: السهرة 13 .........قهوة وتاي

ههههه خرابة بيوت انتي يا ليليا تحبيها غير شاعلة
انا عاقلة ماشي تع تشنشيف وعياط خخخ
بون هنا خليها شوي هادي نخمم ففكرة جهنمية ونرجعلها ههه


ايا راني لقيت فكرة
جيبو مريومة درك :sport01:
راهي مطالبة تصمملي صورة على ذوقها وتكون متحركة طبعا :d
وننقولك ادا مليجحة ولا لا "زعما صدقت روحي بلي استاذة "ههه
نضحك برك علابالي كلش يجي من عند مريومة حلو وشباب :-r
راه ليك الوقت مريومة كي تكمليها هاتي :sport02:
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top