سهرة 15 ......... قهوة وتاي

رد: سهرة 15 ......... قهوة وتاي

السلام عليكم
اسمحولي طولت والله جيت نجري
راكم كلكم غلطتو ودرتكم شوي والشابة اختي عاشقة هفتكم وتسقسي من نيتها ليليا شكون الضيف
عجبتيني هههههههه
الموضوع ليكم تفضلو
 
رد: سهرة 15 ......... قهوة وتاي

السلام عليكم
احم احم جيتكم حبابي تفضلوا
صح فطوركم و ان شاء الله نكون خفيفة عليكم​
 
رد: سهرة 15 ......... قهوة وتاي


do.php




السلام عليكم جميعا متأسفة جدا على التأخير
رواد السهرات اهلا وسهلا بكم في عدد جديد من سهرات لمتنا الرمضانية والعائلية
مما لا شك فيه ان اغلبكم ظن ان ضيف الليلة هو عضو ولكن متأسفة على تخييب ظنكم
ضيفتي الليلة عضوة مميزة جدا

عاشقة واي عاشقة أختارت ان تحب امر آخر ليست عاشقة للحياة ولا لكنوزها ولا هزها اي حب
هي تفخر ونحن نفخر انها عاشقة للجنة إذن رحبو معي بضيفتي الأخت

عاشقة الجنّة
:: عضو بارز ::
star02.gif
star02.gif
star02.gif
star02.gif
star02.gif
star02.gif




اهلا وسهلا بك ضيفتي الدار دارك والمقام مقامك نورتيني


attachment.php



desserts.jpg




KaFTth10280542.jpg




images



13414839725111.jpg


images



e82d2d0e.jpg



ضيفتي متأسفة ولكن انا على عجل ولولا هذا لأخترت احسن الأطباق ولكن تاخرت الليلة فعذرا منك
ونروحو لاول فقرة



السلام عليكم اختي ليليا
مرحبآ بيآ عندک حنونة
مشكورة على الاستضافة ربي يحفظك و ينورك
ان شاء الله نكون خفيفة عليكم
 
رد: سهرة 15 ......... قهوة وتاي

السلالم عليكم
صار هادي نتي اسماء وقاعدة تقولبي فينا ههه
ليليا وين كنتي يا مو زنق حتى لدرك ههه

بون اسوم حكيلنا كفاش مع رمضان وش طيبي وش مطيبيش ؟
تتقاسمي الشغل مع خواتك ولا كل يوم وحدة اطيب ؟
ترتيبك فالبيت ؟ نسيت والله ههه
اسومة وش رايهها فزواج النت ؟
تفضلي الزواج عن حب ولا التقليدي ؟

سهرة طيبة زينة ^^
 
رد: سهرة 15 ......... قهوة وتاي

السلام عليكم
صار هادي اسومة وحنا نحوسو هههههه
انا كي قريت ضيفي قلت راجل كن قريت ضيفة كن نقول مراة :d
على كل حال مرحبا بيك اسومتي ان شاء الله تعجبك الاقامة
وكالعادة نخيك تخلصي الاسئلة تاع ليليا ونوليلك بأسئلتي
سهرة ممتعة اسومتي

 
رد: سهرة 15 ......... قهوة وتاي

do.php



عرّف بنفسك

ajn98366.gif



ضيفتي اللي نعرفوه عليك النشاط والأدب والاخلاق و انو راكي طرف فعال فالمنتدى
انا شخصيا من دخولي للمنتدى ديت عليك نظرة حسنة جدا والحمد لله خليتي كل من حولك يرتاحلك
لازم نعرفو عاشقة الجنة في واقعها شكون هي واش تحب واش تكره
الفقرة هذي انت حرة احكي براحتك اذا انت سمحتينا ندخلو لحياتك الواقعية تفضلي وانا نروح لفقرة الأخرى



السلام عليكم اختي و اخوتي الكرام
عاشقة الجنة في منتدى اللمة اخت بسيطة ارادت ان يكون لها اسم بينكم ارادت ان يحلق اسمها عاليا في سماء اللمة شرط ان تحافظ على اخلاقها و الحمد لله تحقق حلمي
اما بعد فاسماء في الواقع هي فتاة مختلفة قليلا عن المنتدى حتى و ان كان ذلك ليس بالاختلاف الكبير
في الواقع انا فتاة متفائلة نشيطة و حساسة جدااا عصبية اقلق سريعا لكن مسامحة ايضا جدا
لا اكره اي شخص حتى اني لا اعرف معنى الكره حتى من اساء لي اعامله بالحسنى
احب عائلتي و المعروف عني هو انني احب اعمامي و هم اغلى شيء عندي
احب الدراسة و احب ان اكون متفوقة فيها و ان اكتسح المراتب الاولى
هذه هي اراء من حولي مني و ليس رأي في نفسي
و اي شيء اخر اسئلوني و سأجيب​
 
رد: سهرة 15 ......... قهوة وتاي

do.php



يومياتك

x0t98366.gif


اللي معروف يا ضيفتي انو كل انسان عندو برنامج
والاكيد انو المرا مش كيما الراجل وعلى هذا انت عندك برنامج فرمضان نحبو نعرفوه
وقتك فالمنتدى ووقتك فالدار والكوزينة واش هي حياتك فرمضان وواش الفرق مع الفطار ورمضان
المساحة ليك وحنا نعرفو برنامجك

شكرا

السلام عليكم خاوتي
بسم الله
برنامجي الرمضاني هو :
نبدالك على قداش نرقد باش تجيني ساهلة نحكي هههه
نرقد على 12.30 و نريڨل الهاتف على 2.30 باش نتسحروا و نوجد طابلة السحور مع ماما الغالية و بعدما نتنهي من الاكل هههه بصحتي
نروح نقرا في المصحف نا تيسر من القرآن الكريم و مبعد نصلي الفجر و نزيد نقرا ما تيسر من القرآن الكريم و نرقد على 4.30 و من ثم و انا راقدة حتى ل 10 الزيادة هههه علما انو اول عام ليا نرقد بزاف
و بعدها نتفرج مسلسل خليجي على 11 و كي يخلاص نروح نتوضا للظهر نصلي الظهر و نقرا ما تيسر من القرآن الكريم و بعدها على 1.30 نتفرج طوق البنات ههه
و اذا كانت دالتي في الكوزينة نظخل على 15.00 للكوزينة نحضر فطوري و نتسرسب نصلي العصر و نرجع حتى يأذن المغرب نفطر و نروح نصلي و بعدها نكمل فطوري و نريح شوية و بعدها على 21.30 نتوجه مع عائلتي لصلاة التراويح و نرجع على 23.00 نكوناكتي شوي و نرقد
و اذا مكانتش دالتي في الكوزينة نبقا نكوناكتي حتى لصلاة العصر نصلي و نقرا بعض القران و كي يكون قريب وقت الافطار نروح نساعظ اختي في تحضير طاولة الافطار و كي نفطر نروح نصلي و بعدها نكمل فطوري و نروح مباشرة لغسل المواعن و بعدها مباشرة نروح نصلي الترآويح
و هذا هو يومي دون ان انسى التسياق و غسيل لحوايج هههه
و الفرق بين رمضآن و الفطار هو العبادة
رمضان يومک مليئ بالعبادات و الطاعات اما الافطار فنصلي فقط الصلوات المفروضة​
 
رد: سهرة 15 ......... قهوة وتاي

اهلاا اسوووم

نورتي القعدة :)

معنديش اسئلة نورمالمون ..:d

سهرة ممتعة الزينة ..صحا صحوركم

و خلو شوي ماء للأجيال القادمة :p
 
رد: سهرة 15 ......... قهوة وتاي

do.php



خمسة بخمسة

do.php



ضيفتي الاكيد هنا لازم الاحراج وانت مجبورة تحاوبيني اكيد نعرفك تحبيني ههههه شفت التكلاخ منا

هههه اكيد نحبك غلاتوو

1- عاشقة الجنة واش هو حلمها الاكبر فالحياة ؟ واذا راهي وصلت تحققو او على الأقل عرفت طريقها ليه ؟
حلمي الاكبر في الحياة هو ان احافظ على شرف و ان ارفع رأس والديا عاليا فخرا باخلاقي و ان ارسم صورة جميلة عن عائلتي و لحد الان راني محقاتو بالاضافة الى حلمي الحالي هو الحصول على شهادة البكالوريا لاسعد والداي
2- واش رايك فشباب اليوم هل فعلا راحت المسؤولية عليهم والوحدة منا تخاف من الزواج او العكس ؟
اكيد اختي راحت المسوؤلية و البنت ولات تخاف من الزواج لانو الشاب غير مسوؤل و ايضا خوفها من الخيانة لانه يتزوج بواحدة و قلبه معلق بأخرى و لذلك يجب على شبابنا الاتكلال على نفسه و ان يحصل على لقمة حلال و ان يختار شريكة ذات اصل و اخلاق و دين و ان يعاملها بالحسنى و يعاشرها بالمعروف
3- المرا بلاصتها الدار انت فبالك هذا تفكير قديم او فعلا مهما تروح وترجع بلاصتها الدار ؟
اختي منخبيش عليك المرأة كي تطلع للمريخ تروح و تولي للدار لان اصل المرأة خلقت لبيتها و عائلتها و تربية اولادها اما العمل فهو شيء ثانوي في حياتها
4- كل ولاية معروفة بحاجة ولايتك بواه معروفة ؟
هههه و الله منعرف لانو انا قريبة للبويرة اكثر منعرفش المدية بواش مشهورة نعرف بلي مكروهة لانو عارضت وحد العفسة سياسية واشي هي منعرفهاش ههه
5- شخص ما أذاك تخيلي يقرا واش تقوليلو ؟ واللي فرحك ثاني ؟
لي اذاني نقولو و الله راني مسامحتك و كيما العادة دايمن تبكيتي بصح نحاول نكون خير منك و ربي يتمملك واش رام مقدم عليه
و للي فرحني نقولوا ربي يفرج عليك و يشفيك و يحفظك ليا ة يباركلي فيك ابي الغالي انت اكثر انسان فرحتي نحبك يا قدوتي
ونروحو للفقرة الجاية



شكرا لكي غاليتي اوك نروحوا علاش لا لا​
 
رد: سهرة 15 ......... قهوة وتاي

do.php



شكون تختار؟

do.php



أنا وأعوذ بالله من كلمة أنا يا ناس نحب الشر من عند ربي وراني حابة نشوفك تدابزي
المهم انت خيري عضوة او عضو والباقي عليا خاطيني يا اختي المهم انا ناوية خير
جاك المرسول انت قولي وانا نوصل البرية
والأعضاء كلهم يتفرجو واحد ما يسلك لانو حنا ملايكة ونحبو الخير راحين نشوفو منكر وما نغيروهش
ضيفتي شكون تختاري فالتحدي
ويا جماعة رجاءا هذي الفقرة اغلبكم يهملها تقول صح راحين تدابزو ما فهمتش علاه

شكرا

نيهاهاهاهاها هههه سأختار اميرة رورو اكيد بدون مقدمات خخهخخ​
 
رد: سهرة 15 ......... قهوة وتاي

do.php




من 1 لل 10

do.php



ضيفتي رانا جمعية المغبونات نبكو على الاطلال وانت جايا جيبينا معاك بابيي موشوار مريم راهي كملتها كامل شوي دموع وخناين
انت مديلي الرقم وانا نشوفلك بوقالة اول ما توصلي راح نعرفو وين نقعدوك قدام اللي زهرهم ميت او راه راقد
او راه جاي ودار اكسيدو
اختي خيري رقم وخاطيك انا نضربلك خط الرمل ههه

شكرا

[/QUOTE

هههه و علاش يا لحبيبة انا بكاية و انتي حابة تندبيلي في زهري
ياااا حوجي ياناااا
اووووك سأختار رقم 2
 
رد: سهرة 15 ......... قهوة وتاي

do.php




إنت وزهرك

do.php



ضيفتي راني حاولت نلعبها على المورال هي صح كلاتها مي فالاخير قلقتني لانو كانت ما تردش عليا
فالحقيقت زعفت شوي مي لما قاتلي انو مشغولة وغيرو ما حبيتش نقولها اني زعفت صح
شوفو الحوار

رد: سلام عليكم إقتباس: المشاركة الأصلية أضيفت بواسطة: زهرة الزنبق
السلام عليكم اختي
واش راكي ان شاء الله لاباس
اختي حبيت برك نسقسيك موواضيع سهرات رمضان علاه راكم تعتمدو فيهم ياخي راني دايرة موضوع سهرة او زكارة ما فهمتش شكوون راه يثبت ولاخر يعتمد انا راسلت مشرفة قاتلي راهي عاشقة الحنة هي اللي مسؤولة على فعاليات رمضان
ما عجبكش موضوعي نتاع السهرة


اووووو شكون قاتلك انا ديك نهار راسلتني اميرة قلتلها دبروا راسكم
انا مراني ندير والو بويسك راني نكوناكتي بالهاتف و منقظر ندير والو
و زيد موضوعك برك لي راهو يمشو موضوعي حبستوا خلاص



رد: سلام عليكم إقتباس: المشاركة الأصلية أضيفت بواسطة: زهرة الزنبق
من المفروض الانسان يكون متواضع لما واحد يراسلو يرد
وعذرا على الازعاج
صحا فطورك

اسمحيلي اختي و الله ماني نتكبر عليك
و زيد على هذا الشي متحكميش عليا و انتي متعرفينيش اوك
راني يد في الكوزينة و يد في الحوايج و علاش منردش عليك ؟؟؟
اختي نصيحة متحكميش على واحد باي حكم قبل متتعرفي عليه و صح فطورك حنونة
كاش استفسار راني هنا


رد: سلام عليكم إقتباس: المشاركة الأصلية أضيفت بواسطة: زهرة الزنبق
إقتباس: المشاركة الأصلية أضيفت بواسطة: عاشقة الجنّة
إقتباس: المشاركة الأصلية أضيفت بواسطة: زهرة الزنبق
من المفروض الانسان يكون متواضع لما واحد يراسلو يرد
وعذرا على الازعاج
صحا فطورك

اسمحيلي اختي و الله ماني نتكبر عليك
و زيد على هذا الشي متحكميش عليا و انتي متعرفينيش اوك
راني يد في الكوزينة و يد في الحوايج و علاش منردش عليك ؟؟؟
اختي نصيحة متحكميش على واحد باي حكم قبل متتعرفي عليه و صح فطورك حنونة
كاش استفسار راني هنا

اييه معليش معذورة
المهم يا الشاطرة راكي شاركت فالكاميرا كاشي وراكي ضيفتي الليلة
روحي لكوزنتك كاش ماكلة تتحرق وتدعي عليا
ههههههههه صحا فطورك حنونة

ههههه مهبولة و انا نقول ليليا وشبيها غالبها رمضان
ربي يخليك حبوبة تسلميلي
ان شاء الله بعد التراويح نتواجد معاكم
اسمحيلي لا زدت في الهدرة
صح فطوركم


ضيفتي كليتيها

وبصحتك وزعفتك وزعفت روحي ههههههه







ههههه درتيها بديا و كنت عيانة خلعتيني يا محاينک و اسمحولي حنونة عالازعاج
 
رد: سهرة 15 ......... قهوة وتاي

هدية الضيف

ضيفتي راحا نجري نشوف كادو خايفة الحوانت سكرو ويا ويليي تبهديل فضاضيح ضيفة ما نمدلهاش كادو
اصبري

310543women.gif



22559z.jpg



الحمد لله لقيتهم فاتحين ان شاء الله يعجبوك


مشاء الله تبارك الرحمان رووووعة غاليتي و هل يوجد احسن من كتآب الله هدية

بآرك الله فيك عزيزتي و جزاكي الله خير الجزاء
 
رد: سهرة 15 ......... قهوة وتاي

السلالم عليكم
صار هادي نتي اسماء وقاعدة تقولبي فينا ههه
ليليا وين كنتي يا مو زنق حتى لدرك ههه

و عليكم السلام حبيبة ههههه وي هاذي انا شفت ليليا طولت قلت نبينلكم بلي انا

بون اسوم حكيلنا كفاش مع رمضان وش طيبي وش مطيبيش ؟

رمضآن و الكوزينة بون في رمضان تاع السنة لي طبيتهم لحد الان هي
الشربة بيان سيوغ و الكباب و طاجين الزيتون
و طاجين الحلو و الماشطو و جاج محمر و البوراك و البيتزا و نحضر السلاطة طيبت بسبوسة و خبزت تونس و فلان هههه و شكشوكة و المعقودة و الله اعلم نسيت الباقي هههه

تتقاسمي الشغل مع خواتك ولا كل يوم وحدة اطيب ؟
اصلا انا و اختي اكبر مني دايرين الدالة و اختي الصغيرة تطيب لفلان تحضر سلاطة تغسل مواعن السحور نتقاسمو الخدمة
ترتيبك فالبيت ؟ نسيت والله ههه
اسومة وش رايهها فزواج النت ؟
ترتيبي في العائلة انا الثانية
و رأي في زواج النت مفيهش المصداقية vive الزواج التقليدي لانو توجد فيه عاداتنا و تقاليدنا و نكره العلاقات تاع الخرطي هاذو نحب لي يجي من الباب ماشي من التاقة

تفضلي الزواج عن حب ولا التقليدي ؟

نفضل الزواج التقليدي الممزوج بالحب يعني نحبو و يحبني و يجي يخطبني من اهلي بلا منمروا بعلاقات سوفاجية من قبل هههه
سهرة طيبة زينة ^^

الله يبارك فيك و يحفظك غاليتي
نورتي
 
رد: سهرة 15 ......... قهوة وتاي

السلام عليكم
صار هادي اسومة وحنا نحوسو هههههه
انا كي قريت ضيفي قلت راجل كن قريت ضيفة كن نقول مراة :d
على كل حال مرحبا بيك اسومتي ان شاء الله تعجبك الاقامة
وكالعادة نخيك تخلصي الاسئلة تاع ليليا ونوليلك بأسئلتي
سهرة ممتعة اسومتي

و عليكم السلام ايه هاذي انا احممممم :p:p
هههه ضيفة موش ضيف علاش تأمني ليليا انتي
و بيك يعيشك حنونتي
راني في الانتظآر غاليتي
راني كملت ارواحي
 
رد: سهرة 15 ......... قهوة وتاي

اهلاا اسوووم

نورتي القعدة :)

معنديش اسئلة نورمالمون ..:d

سهرة ممتعة الزينة ..صحا صحوركم

و خلو شوي ماء للأجيال القادمة :p
اهلين ايمانو صافا ؟؟

النور بوجودك حبيبتي

كي يكون عندك اسئلة ارجعي

الله يحفظك غاليتي و انتي زادا
 
رد: سهرة 15 ......... قهوة وتاي

السلام عليككم
عسلامة سيدة عاشقة ، ان شاء الله راكي بخير ؟ و مع الرمضان الحالة كيفاش ؟ غالب ولا مغلوب ؟ هممم
احكيلنا على عمرك ؟
، مستواك الدراسي ؟
هواياتك ؟
قصة من ايام الدراسة تتفكريها يجيك الضحك ؟

و قوليلي انا كي نبانلك دايرة ؟ يعني رايك فيا ؟



صحا سحورككم ~
 
رد: سهرة 15 ......... قهوة وتاي

السلام عليككم
عسلامة سيدة عاشقة ، ان شاء الله راكي بخير ؟ و مع الرمضان الحالة كيفاش ؟ غالب ولا مغلوب ؟ هممم
و عليكم السلام حبيبة
الله يسلمك اختي
و الله غير نحمدوا ربي و نشكروه لباس و انتي ؟؟
و مع رمضآن رانا الحمد لله في نعمة
و بإذن الله غالباتووو هههه

احكيلنا على عمرك ؟
عمري 18 سنة :love01:
، مستواك الدراسي ؟
طالبة بكالوريا
هواياتك ؟
هواياتي اول هواية هي كرة القدم اعشقها ختى النخاع و الطبخ و صنع الحلويات
قصة من ايام الدراسة تتفكريها يجيك الضحك ؟
مرة كنت نقرا في الابتدائي و كي خرجنا راحة رحت لعند صديقتي و نسينا الوقت حتى فقنا و كانت الشتاء و احنا وين نصيبو ڨلتة تاع الماء ندخلو فيها ولينا مدودين و كي دخلنا للقسم صبناهم قريب يخرجو الشيخ طلعنا غي المسطبة و عطانا طريحات عالمؤخرة عههههه ذكريات لا تنسى
و قوليلي انا كي نبانلك دايرة ؟ يعني رايك فيا ؟

رغم قلة معرفتي بيك لكني نرتاحلك بزاف و نحسك عضوة خفيفة و مرحة و نقولك حاجة برك انو اسمك غريب لكن صح انتي شيء مهم في اللمة فقط كثفي مشاركاتك باش تولي مشهورة هههه ربي يحفظك

صحا سحورككم ~

الله يسلمك حنونتي و انتي بخير
 
رد: سهرة 15 ......... قهوة وتاي

تحية لليليا وللضيفة الكريمة حبيت برك نظرب طلة
صح صحوركم.
 
رد: سهرة 15 ......... قهوة وتاي

تحية لليليا وللضيفة الكريمة حبيت برك نظرب طلة
صح صحوركم.
الله يحفظك غاليتي
نورتي
و انتي زادا حبيبتي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top