صح فطوركم لحباب جيتكم ليوم بوصفة ساااهلة وبنينة قاطو ساك كيما نقولو سلاك الحاصلين هههه
شفتو فوحد الموقع عجبني طبقتو ومافيهش خدمة أي وحدة تقدر ديرو
المكونات
2 بيضات
100غ فلان اي ذوق أنا درت الفراولة
كاس شاي زيت
نصف باكي خميرة الحلويات
لافاني
فرينة حسب الحاجة
أنا استعملت كمية قليلة جاوني 09 حبات قسمت المكونات على زوج
***********************************************
اتضربي البيض مع الفلان واجبدي روحك شوي
ماتخافيش مش قنبلة مع الصيام تخافي غبرة الفلان تدخلك فالحلق
امبعد تزيدي لافاني الزيت الخميرة وتخلطي حتى توليلك كي عجينة الصابلي
ترمديه فالسكر غلاسي
وتحطيه في صينية مغلفة بورق الطبخ
وتدخليها للفور مسخن من قبل
كي تتشقق وتشوفيها يبست شوي معنتها طابت عينك ميزانك
يقعد تقريبا 15 د يبرد وقدميه واذا شفتيه ناقص سكر هزي صفاية وذرذري فوقو
وشهية طيبة^^
بصحتكم
