سهرة 20 ..........قهوة وتاي

[~أمِيرَة الخَجل~]

رد: سهرة 20 ..........قهوة وتاي

يآ حليلك يآ جليل كآين غير البنآت هنآ هخخخ

 

[الحلم الوردي]

رد: سهرة 20 ..........قهوة وتاي

السلام عليك
ضيف مميز الاخ جليلوس
نتمنالك سهرة ممتعة
دوماج لحقت روطار
الاعضاء راهم متهلين فيك
دورك نقلب لي باج
ومن بعد نولي بالاسئلة
​

 

[tistissa dj-tissou]

رد: سهرة 20 ..........قهوة وتاي

السلام عليكم ورحمة الله تعالى وبركاته
اخي اهلا وسهلا بك
اكيد رح تكون سهرة ممتعة
اسئلتي :
ولايتك ؟
لونك المفضل ؟
الحيوان المفضل؟
مخطاطاتك المستقبلية؟
اغرب موقف؟
أكره انسان؟
ولايتك؟
حومتك؟
هههههههههه نسقسيو على البسباس شكون غرسوا ههههه قريب نصدموا للدار
اههه ايا آخر سؤال:
تخاف من الجن ولا لا
ههههه نوعت شوي الاسئلة لتفادي التكرار
سلامي
ربي يرفد عليك ​

 

[جليلوس]

رد: سهرة 20 ..........قهوة وتاي

السلام عليكم جميعا صحا فطوركم
موعدنا الليلة مع سهرة من سهرات

مرحبا بالجميع عندي ومرحبا بي عندكم ومرحبا بيكم عندي
جماعة الخير الليلة عندي ضيف مميز وتوقعت انكم تخمنو ولكن السهرة 19 داتلكم عقلكم
نرجعو لسهرة الليلة ولضيفنا
شكون ما يعرفوش وشكون ما يعرفش نبل أخلاقو
وانا هذا الانسان راه خويا الحقيقي واعز
رحبو معايا ونرحب معاكم بالضيف


جليلوس
:: مشرف ::
مجتمع اللمة العاممنتدى اللغات الأجنبية
:: مسؤول :: مسابقة رمضان اليومية

اهلا وسهلا بيك خويا جليل

نروحو لأول فقرة






















​

اهلاااا خياتي راكم غي لبنااات هنااا دوروو مرحبااااا بيكم

ياهلاااااا بسوووڨ النسااااا

ياليليااااا سمحيلي رديت لباااارح وطااار معا لكونيكسيون تااااع زازاير راسك ينوض فييه لبلوط

اممممم راكي مقلشتني يعطيييك الصحة واش من ما كلة واش من حطة الله يفرش جنانو عليكم

حشمتيني ماصبت مانقووولك خيتي احممممم خليني نڨعد فالطابي لتحت راني مول الدااار ههههههه

شكراااا ليك ومرحباااا بالجميييع ارواحوو راكم في داركم بلا عرضة عليكم

وصحاااا سحوركم .... الله يقويني على الاجابة خخخخ جبل راهو يسنى فياااااا​

 

[جليلوس]

رد: سهرة 20 ..........قهوة وتاي

عرّف بنفسك

ضيفي اللي نعرفوه عليك راه واضح انا ونعرفك ونعرف كل شي
مي كاين ناس مايعرفوش جليلوس خارج المنتدى
جليلوس داخل المنتدى وجليلو خارجو انا نعرفو هو نفسو مهبول هنا وبرا
سريه الغضب ويخلفها ثمثم
ليسونس واللي يقولو كلمة يشعل ولازم يعرف البيضة شكون جابها والجاجة منين جات
نخليكم تتعرفو على جليل يا اللي ما تعرفوهش ونروح للفقرة الثانية

​

احمممم نبدااااو على بركة الله

جليلوس انسان طيب كيما تعرفوووه كامل هنا فلمة ولا براااا.

وجه الخرووووف معروف ههههههه ..... حنين لو حد الدرجة ماتتصوروش

وعصبي لدرجة حتى ماتامنووووش بلي انااا هو ... الله غالب انااا داير كيمااااا هاااااك

يااااخي يجرب واحد يتوشيني في العزيز عندي ايااااكاااان ههههههه يااا ويلوووو وسواااد لي لو و

نحب نعرف كلش الظاهر والباطن هيه تخبي علياااا تبانلك هههههههه

ايوااا هادااا جليل يبغي يعاون الناااس يوقف معاااهم في الغبينة وفي المليحة

الحمد لله راكم كاااامل تعرفوني ولي فوجهي فكفايااااا ولي فقلبي على لسااااني

زيدي كاااش مانشييييت فكريني ليليااااا هههههههه يا الله نروحووو للفقرة الموالية

ديزولي طوللت شوياااا التيليفوووون هبلني​

 

[قرصان الساحل]

رد: سهرة 20 ..........قهوة وتاي

جليلوس انطونيو لاروخا اخخخ جات عليك صديقي صحا سحورك
يمالا حكماتك الفخة في هاد السهرية عندك الزهر خويا رقم 20 هذا يدعو للتفاؤل ها وليت نضرب الكارطة انا تاني
بوه نطل عليك خويا بشوية اسئلة راك تقول حنين خويا استنى نسييو نتوشيوك هه نقسر برك
ايا ديما نسقسي هنا وش هي الحكمة اللي تامن بيها في هاد الحياة ؟
واش هي البلاد لي تحب تزورها ؟
يديروك رئيس للبلاد لمدة يوم واحد اول حاجة تديرها ؟
نكبرو شوية يديروك رايس للعالم بما فيه بنغلاديش وسويسرا وويلز وجنوب ادرار وش اول حاجة تديرها ؟

ايا نتمنى كانو خفاف كيما يقولو الجماعة هنا وصح سحورك خويا وبون سهرة

​

 

[جليلوس]

رد: سهرة 20 ..........قهوة وتاي

خمسة بخمسة

ضيفي الكريم اييه راك خويا مي اليوم راني درت عليك يمى طلقت باباك ماراناش خاوة راهي دارتلو الخلع

هههههه خلعاتووو مسكين بويااا روحي ماعليش :d:d
صحااا يا لالة خرجتيلي كونطر اليوووم ها صحااا مخلوفالك خخخخ

1- جليل لو قتلو واش عنالك الفوز بمسابقة التوظيف؟

اكيييد هادا حلمي خيتي لحمد لله تحقق نصف ما تمنيته
وان شاء الله الفرحة الكبيرة كي نربح في لورااال
ادعولي برك

2- تكوين عائلة حلم كل شاب هل جليل يفكر فالامر هذا وعن قريب ؟


اكيييد ان شاء الله علاش لالا ادا ربي كتبهااا
نخدمو ونديرو دااار ونجيبو المصيبة :-r هههههههههه

3- هل تؤمن بعلاقات النت وخبرنا كان عندك قصة مع فتاة او لالا ؟

ههههههههه كاينة خيتي كاينة علاقات النت بصح قليل لي تنجح فيهم
اما عن نفسي احم احم هاااا با تفضحيني خخخخخ
كاينة ايستوااار بداااية لا نهاية لهااا يلا حكيت اليوووم مانكملش
ادعولي برك بالتسهيل والله يسخر للجميع
:d

4- حدث اثر عليك فحياتك بزاف واش هو مدلي واحد سلبي ولاخر اجابي

حاجة اثرت علياااا سلبااا والله نكدب عليييك راها باحرااا :d
امااا ايجابااا راكي عارفة فرحتي بالكونكووور لا تعوض وربي يتممها على خييير

5- كلمة عمري ولا نسامحك لمن تقولها ؟

لكل من ظلمني الله واخطأ في حقي الله لا يسامحوو
ولا لي يدير بيني وبين واحد نحبوو

نخليك ونروح لفقرة اخرى



​

يا الله نروحو للفقرة الموالية
عجبتني هادي من دار لدااار خخخخخ :d:d
​

 

[جليلوس]

رد: سهرة 20 ..........قهوة وتاي

يومياتك

خونا جليل الاكيد انو عندك بروغرام فرمضان وراني شاهدة راه قاتلك ما خلى فيك والو ماكان لاه تلعبها نورمال
اسمحلي يا خويا راني ختك ولام نقول الحق
خونا جليل فرمضان واش يدير
هو ذاك الراجل النقراش يدخل روحو فالدار او لالا مطيع يخرج يقضي او لالا
يعلق على الماكلة او لالا
مدنا جليل فرمضان واش يدير من نوض حتى يتسحر ويرقد

رانا نستناو تفضل
​

شووووف نحكيلك بالتفصيل الممل ههههههه
ان شاء الله ماتكرهووش برك :d:d
راكي تعرفي حياتنااا كامل طالعين هابطين خخخخ كيما قالها عمك النّوي ههههه
ارواحي تشوفي نحكيلكم .... نبداااو من صباااح لليل ... اناااا اممم نحمد ربي نضت حي وفتحت عينيااا ...
نوض كالم ماخصني والو ومراااات عياان من عندهم اوبسيون :d
وكيما تعرفي خيك جليل في رمضااان هو والنوم عدوااان ... يعني مانرقدش بزاااف
نحير فيهم لي يرقدو من صباح حتى للمغرب :s:s مخك يحبس والله
عندي نرقد مور التراويح ديك ساعتين ولا ونوض للسحووور .. نصلي الفجر ..
نرجع للنوم نجيبها حتى 9 وهكذا ودواليك يعني نوم قليل عندي وزيد القيلولة مكااش في قاموسي :d
لا محل لي من الإعراااب في رمضااان ههههه
انا والعمل في رمضاااان خطأ خطأ سيدي الحكم نشكي بيهم في المحكمة الدولية :d
راكي تعرف حالة الطلبة الجامعيين ... يجي غير رمضااان لي نريحو فيه ومن بعد نتوكلو على ربي
ياخي شانحكيلك .... خخخخخ قصتي مع رمضااان تحشم ... مانبوجيش بزاااف
نقضي حوايج للدار نجيبلهم واش يحتاجوو منا منا وراكي تعرف السخااانة لازم تقعد في الدار :p
القرآن والعبااادة والنت واللمة كي العااادة
لالا خاطيني التنقريش بصح نعلق على الماكلة ... نقضي وانا نضحك نورمال والدنيا هانية :yahoo01:
هادي هيااا حياتي كااامل في رمضاااان اما في الأيام الأخرى الروتين يتبدل هههههههه

يا الله نروحو لاباااج سويفونت :sport02:
​

 

[جليلوس]

رد: سهرة 20 ..........قهوة وتاي

شكون تختار ؟

جليلو خويا انت مش محتاج تعرف انو اختك ليليا نيتها طيبة وناس ملاح وتحب تلاقي الناس فالخير
وعليها راني راحا نشعلها بينك وبين اي عضو
انت اختار تحدي ولازم تختار الفقرة هذي الخاوة الكل هانوها ما فهمتش علاه
ضيفي العزيز لازم تختار وانا اللي عليا انو نشعلها وحتى انو طفينا تلفون ماكانش اللي يعيط للحماية
هايا خويا جليل اختار مع شكون تدابز
كثرنا الكوتبيي


​

رااااح تشعلي الحرب بيناتنااا ويااا ليلياااا

اطالب بالفيطو لصالحي اونكا نخسر في التحدي :d:d

المهم اختااار الاخت مريم " لؤلؤة قسنطينة " ارواحي هناا نحتاااجك

روحي اضربي دورة من آلجي لأدرار على وضعية البطة في ظرف يومين خخخخخ نضحك برك

المهم ياخي سمعت عندهااا خبرة في مجال التصميم خليني نشوف حاجة على ذوقك بإسمي يااا مريم

ماشي شرط واش تكون المهم سوفونير نخبيها عندي :d:d
​

 

[جليلوس]

رد: سهرة 20 ..........قهوة وتاي

من 1 لل 10

جليلو خويا اختك ليليا راه ولات مشهورة فالكارطة
وانت مش محتاج رونديفو البارح كانت عندي جلسة ختك مريم مسكونة ماجينا نفوتو الفال نتاعها حتى حللنا كل الجنون ويا ربي
خويا جليل زهرك جا يسلك زهري انتحرو للزوج لقاه يحرق فروحو نحرق معاه

هايا ختار رقم وخليني نشوف زهرك واش يقول


​

هههههه ياخاااه gزانتي gاااع هنااا وانا نحوس على الزهر

شوفي خبريني يلا نربح ولا لالا في لوغال خخخخخخ هههههههههههههههههههه

ههههههههههههه يا حفييييظ جنون ليزاندالوووز عيطي لتااااع سالفادووور يعاونوووك

نختااار رقم 10 ايااا ماتخلعينيش حمبوووك خخخخخ
​

 

[جليلوس]

رد: سهرة 20 ..........قهوة وتاي

انت وزهرك

جليلو خويا درتلو كاميرا كاشي ونجحت والسي خونا فالك فقتلك
شوفولي يا جماعة كان صح فاقلي او لالا

رد: سلام عليكم إقتباس: المشاركة الأصلية أضيفت بواسطة: زهرة الزنبق
إقتباس: المشاركة الأصلية أضيفت بواسطة: جليلوس
إقتباس: المشاركة الأصلية أضيفت بواسطة: زهرة الزنبق
إقتباس: المشاركة الأصلية أضيفت بواسطة: جليلوس
إقتباس: المشاركة الأصلية أضيفت بواسطة: زهرة الزنبق
إقتباس: المشاركة الأصلية أضيفت بواسطة: جليلوس
إقتباس: المشاركة الأصلية أضيفت بواسطة: زهرة الزنبق
السلام عليكم جليل واش راك
جليل ياخي انا عندي مدة من خليت موضوعك نتاع المسابقة والحكاية هذيك خلاصت ذاك النهار
كيفاه انت تعاود تراسل المشرف وتقولو راك مازلت تشكك فيا واشبيك جليل هبلت راك تعاود فنفس الغلطة


اهلا ليليا واش راكي ان شاء الله بخير
يا حوجي كيفاه هادي علابالك دوختيني ؟؟ وينتا بعتلو
ياخي داك النهار حكينا وغلقنا على هاد الموضوع .. قوليلي شكون راسلك ؟؟

كيفاش نشكك فيك ليليا انتي ختي والله ماصرااات خسارة عليييك
آآآو

مانيش عارفة وصلتني اليوم رسالة تحذير قال انو راني ندير مشكل بين المشرف وعضو جليل فموضوع المسابقة وانك انت قدمت شكوى وياخي كاين تلفون وكاين فايس كنت تجي تقولي والله راسي دار هذا يخرج منك يا جليل وانت خويا والله خسارة عليك

آآآ بويا خيي شاهادا حمبوووووك ..... ليلياااا انعلي بليس شاهادااا
تحذير وقاااع مانيش مأمن علاش يكبرو في الحكاية فهمتهم بلي كنا نضحكو هادا مكاااان

انااا شكيييت ... لالا قتلهم الاخت ليليا كانت تضحك برك علاش تاخدو الامر على محمل الجد قاله تسريباااات ههه
راهم سربولي مخي .... ياخي ليليااا تعرفيني غاايااا هايواااا كيفاااه تقولي هاد الشي كامل منك

الحكاية فاتت عليها قريب 15 يووووم اوااااه ماشي نورمال نونونونونونونو
الشوووك ناضلي في راسي .....

يا المهبول ماكان والو لا شوك ولا حرايق الليلة راك ضيفي

ياخي مهبول وتجي بالذراع عليك راك عارفني نجي لفرندة نجيبك

هههههههههههههههههه وياااا الكاميرا حكمتني

هههههههه عرفتهااا والله ياخي مصيبة خلعتيني ... ياااو فقتلك :p

وانا مازال ماكملتش فرحتي هععععععععع .... ان شاء الله يشرفني نكون ضيفك

يعطيييك الصحة ليلياااااااا

فاقو ما فقت ما والو ما حبيتش نفسدلك فرحتك وخفت تراسل المشرف هههههههههههه
ايا نتلاقو ورا الفطور المهبول

ههههههههههههههههه مهبولة خخخخخ

ان شاء الله خيتي ربي يحفظك



زعمى جليل فاقلي او لالا ه
بصحتك خويا جليل كليتها






​

بصحتك دورتيني دورتيني وفقتلك هيهيهيهيهيهييهي :d
هههههه يعطيك النو خخخخخ تعرفيني مهبول كووون ماقلتيش كاميرا كاشي
كون راسلتو وولينا في حل واربط
الله يعطيييك الخير خيتي بارك الله فيك شكرا لإستضافتك المميزة

الله يهنييييك
​

 

[جليلوس]

رد: سهرة 20 ..........قهوة وتاي

هدية الضيف

الهدية الاولى وحدة ليك ووحدة ليا تحب تجيني ضيف او نجي عندك
هههه ان شاء الله يعجبوك



​

امممم تعرفيني نعشق السكوتااار يا مالا الزرقا ليااا والجون ليييك ليليااا
نضربو دورة للبحر ونولوو ياااك رانا تشوطنااا من السخااانة يا محاينك :d:d

يعطيك الصحة ساعة تهبل راها في قلبي نشريهااا
هيه كون جبتيهملي صح ماتخلينيش قلبي يضرني نشوف غير تصاور
يااا نندب على زهري المكرفس :d:d

شابين بزاااف والله يخلف على عمي قوقل خخخخ
الله يحفظك خيتي :love01::love01:
​

 

[جليلوس]

رد: سهرة 20 ..........قهوة وتاي

كلمة ختامية

خويا جليل نشكرك بزاف على قبول الدعوة وعلى وقتك
ونقولك الف الف مبروك على المسابقة والله فرحتلك فرحة كبيرة وانت عارف راك وليد الدار وانت خويا وانت عارف
نشكرك كل الاعضاء وكل رواد السهرة
ونتوما نقولكم نتلاقو غدوة فسهرة اخرى ومع ضيف آخر
نقولكم نخليكم فرعاية الله وحفظه
شكرا وتصبحو بخير وصحا سحوركم


​

العفو ليليا ولو هادا واجبي كيفاااش قاااع نتي ومانقبلش دعوتك
يااحوجي هادي قاااع ماتقوليهااااش ... آمين يااارب الله يحفظك

ادعيلي ننجح في دوزيااام تاااع لوغاال :regards02:
ايااا ونديرو الحلفة هناااا خخخخخ

يا ليليا روحي راها قدامك خضرا ومورااك خضرااا راها زاهيتلك دنيا وآخرة
لي في لرض يطلعلك ولي فسما يهبطلك روحي راكي رابحة الله يرضى عليك الوالدة ان شاء الله

كما يسعدني ان اشكر جميع الأعضااااء طاقما اداريا كان ام عضوا كاااامل
لي خلاوني نحس بلي صح هوما خاوتي وبلي هاد العالم افتراضي نسخة من الواقع
تولمووووووند sans exeption ههههههه
ربي يحفظكم ويهنيكم صحيتو صحيتو على كل شيئ بارك الله فيكم جميعا
​

 

[جليلوس]

رد: سهرة 20 ..........قهوة وتاي

السلام عليكم و رحمة الله تعالى و بركاته
يعطيك الصحة حنونتي ليليا


اهلا وسهلا بيک جليلو نورت السهرة
مرحبآ بيك خويا
مبرووووووك عليك النجاح الكتابي لعقوبة للشفوي !!

اهلا بيييك اختي اسماااء نورتي
اتفضلي اتفضلي الصالون راه كبير
كولي كاش حاجة الدار داركم ماتحشميش ههههه
الله يبارك فيييك شكراااا ... آمين ياااااارب

نبدا بالاسئلة خويا :

يا الله بسم الله نبداااو
الله يصبرني خخخخخ

- الاسم الحقيقي ؟
عبد الجليل

-العمر ؟

24 سنة

- المستوى الدراسي ؟ التخصص ؟

كملت سنة اولى ماستر وراني في الثانية ان شاء الله العام الجاي نتخرج
:love01::love01:لاسوتنونس:love01::love01:
تخصص تعليمية التعليم :up: لغة فرنسية

( مي شغل معلباليش هههه خلي الاعضاء الجدد يعرفوا )

هههههههههههه تقرعيجة خفيفة هادي

- امنيتك واش هي ؟

ربي يكملي واش متمنى خليها في الغيب خيير

- لو حياتك قصة واش تخيرلها عنوان ؟

وتمضي الأياااام

- جليلو و رمضان ؟

صافااا لحمد لله رانا غايااا ماخصناا والووو
متفاهمييين ماغلبني ما والو بصح مرااات العطش الله غالب سخااانة
الله يقدرنا على باقي الأياااام وربي يبلغنااا ليلة القدر ياااارب

- شحال جبت الباك ؟

12.97

- كيفاش تلقيت خبر نجاحك البارح في مسابقة الاساتذة ؟

اودي وحد الفرحة الزفرة حكمتني منهااا
بصح نصهااا برك مازال ماكملتش نهار الاورااال تبااان ان شاء الله

- شكون اقرب عضو ليک في المنتدى ؟

راها ليلياا اقرب شخص لياااا
راها اختي امام ربي
والاخ اسماعيل 22 ربي يخليه ويحفظووو

- واش تعنيلك اللمة ؟

دارنا الزاااوجة فيها لحباااب وناس الزينين
نقسرو نضحكو نتناقشو نستفادووو ونمدو لي قدرنا عليهاا
ربي يخليكم لينااا ان شاء الله

- جليلو زعايقي و لا سيريو ؟

لزوووج هههههه زعايقي حتى ماتامنيش
ووقت السيريوو سيريووو مكاااش اللعب :-h

- سؤالي المشهور و الكلاسيكي هههه رأيك في عاشقة الجنة ؟ هههه

هههههههه
الله يبارك عليييك .. تربية وخلق :regards01:رافعا قبعتي
وهذا يكفيك فخراا انك عاشقة للجنة
كي نكمل معاكم نقولكم واش رايكم فيااا هاكا نردهااا لروحي :yahoo01:

اسمحلي طولت بزاف هههه
صح فطورك خويا
و مرحبا بيك
و سهرة ممتعة ان شاء الله​

ههههههه طولتي يااو درتي جورنااااال :d
بالعكس فرحني ردك يعطيك الصحة هاكاا تتعرفو عليااا كتر وكتر
مرحبا بيييك مرة اخرى والله يسلمك ونقولكم صحا سحوركم
انا السهرة تاعي تبدااا من الصباااح :sport02:
​

 

[جليلوس]

رد: سهرة 20 ..........قهوة وتاي

سلام عليكم
صحا فطوركم
اهلا و سهلا و مرحبا بالاخ جليلو او الاستاذ معليش نفولولك ههههه
ان شاء الله تقضي اوقات ممتعة و طيبة في السهرة
بالتوفيق لك و لي عودة ان شاء الله ^^​

السلام عليكم ورحمة الله
الله يسلمك اختي سوسو بيبيشاااا
اهلا بييييك نورتي هههه ان شاء الله كي اليوم ادعولنااا
ان شاء الله ياااارب .... مرحبا بيييك شرفتينااا
بإنتظار اسئلتك
​

 

[جليلوس]

رد: سهرة 20 ..........قهوة وتاي

السلام عليكم
وصح فطوركم
ايييه شكون راهو معانا اليوم
خونا جليل الله يبارك
تأمني ختي ليليا كنت متاكدة تقدري تقولي 100 بالمئة بلي
خويا جليل رايح يكون ضيف ورا سهرتي خاطر كل سهرة
إلا ويذكرو اسمو بين التخمينات راهو مشهور الله يبارك ههههه
على كل حال مرحبا بيك خويا جليل في السهرة معانا ان شاء الله تكون سهرة ممتعة
ونكونو خفاف عليك باسئلتنا المزعجة هههه
كي العادة نخليك تجاوب على فقرات ليليا ونرجعلك لا كتب ربي
بالتوفيق خويا

​

وعليكم السلام ورحمة الله
اهلا بيك اختي مريم نورتي يعطيك الصحيتووو
هيه انا راني هنااا بشحمي ولحمي خخخخخ :d en cher et en os :yahoo01:
هاهاهاهاها نتي تاني راكي تضربي الكارطة ولا راكي مسكووونة حوجي مالكم قاع المريومات هبلو واقيل :p
هيه كنت الضيف الغامض هههههههههههه ربي يخليييك ... يبارك فيييك
عندي شهرة كتر من عمكم اوبامااا :-h:-h هععععععع
ان شاء الله مرحبااا بيييك راني كملت معاهم ارواحي مرحبااا :regards02:

اللهم آمين يااارب الله يهنييييك :d

ردي بالك ترفضي التحدي ههههههع نجي لقسنطينة على جالك :sport02:
​

 

[جليلوس]

رد: سهرة 20 ..........قهوة وتاي

السلام عليكم
صح فطوركم
الله يدوم قعدتك ختيتي ليليا
والله ياصالون الأزرق قتلني روووعة
راكي متهليه الله الله عليك
مرحبا بيك خويا جليل
صح رمضانك وصح فطورك
نقولك

وعليكم السلام ورحمة الله
نورتوني ... الله يسلمك اختي مرحباااا بيييك
اممممم في ميزك قااع خوها جليل وماتتهلاش
آآآه لغياارة مابغيتيش هههههه
نضحك برك :d:p
الله يسلمك انتوما تاااني ربي يحفظك

وش راك!

بخير لحمد لله انتيييك وبشبش :yahoo01:

كيفاه مع رمضان!

صافااا لحمد لله مابقااش قد لي راااح
هيه بصح صحتي طاااحت خخخخخ قريب مانوليش نبااان هههههه

نزيد نقولك بالباراكة عليك وعقبال تمم فرحتك بالامتحان شفهي!
نبداو

الله يبارك فييييك خيتي :love01::love01:
ان شاء الله كترولي الدعوااات خاصة هاته الأياام الأخيرة من رمضااان
ربي يحفظك

كيفاه أجواء رمضان في تيارت،،!

لحمد لله ماشية امورنااا
نسالووو عليكم بالخير

باه معروفة ولايتكم

الرستمية .... ولايتي معروفة بالخيل والفروسية ...
ومدينتي مدينة ابن خلدون اين كتب المقدمة
هادااا واش نقدر نوصفهااالك

جليلو وش يحب يلقى فالفطور!

مانتشرطش بزاااف
المهم بوراكتي لازم تكووون فوق الطابلة
ههههههههههههه

رايك فالسبنيما والمسلسلات الرمصانية الحالية!

مابقااات سينمااا بهدلو رواحهم
ياحي على المسلسلااات غير كوّر واعطي للأعور خخخخخخ
ياحسراااه كي كانوو بكري وين يبانو تاع دروك

أيا قولي وشمن ولايات زرتهم وعجبوك

سطيف شابة المسيلة ومستغانم ووهرااان

والي مازال تتمنى تزورهم

راني ناوي نروح لسكيكدة هاد الصيفة ها على ربي ان شاء الله

وش رايك فالبليدة وناسها ^^

مدينة الورود ... اكيييد ناس الكرم والعزة والشااان
ربي يحفظهم والف تحية لكل ناااس البليدة

جليلو محبوب ومعروف فاللمة
أعضاء تعجبك عقليتهم وأقلامهم
أعضاء تعجبك رزانتهم وثقالتهم
أعضاء يعجبك تمهبيلهم وحسهم الفكاهي
أعضاء تحسهم شيوخ اللمة يعني مش العمر في الحكمة

ايوااا كامل هادووو ينطبقووو على كااامل لي عرفتهم ماشاااء الله
بدووون استثناااء وذكر الاسماااء هاكا مايزعفوووش واحد مايتنوى مني
كامل ماشاء الله وربي يبارك عقلية وزرانة وتربية واخلاق ودييين
نتمنى ربي يحفظهم ويكمللهم واااش يتمناااو

أستاذنا وش رايك في مهنة التعليم!

انبل واصعب واشرف مهنة ...
الله يقدرنا عليهاا وان شاء الله نكونوا على قد المسؤولية
وامام ربي مانظلموا حتى واااحد ولي عندنا نمدوووه لوليدات الناااس

اللغة الفرنسية تحبها ولا عادي كاين لغة تفضلها عليها

الفرنسية اعشقها واحب الإسبانية كذلك زيدي الإنجليزية
عندك تضربيني بعين نجيبلك شوافتي ليليااا ديرلك كادنة
:d:d
هاااا بالااااك هههههههههههههه
نضحك برك

هات حكمة بالفرونسي
بلا ماطل على كاش كتاب ولا تسقسي عمك غوغل
ونحب حكمتك المفضلة
ههههه
ترجمها اعجنها المهم بالفرونسي ههه

امممممم هااا لي عندي نقولهاالك دروك
مانيش قاااد نعصر مخي مازلنااا في اول النهاااار :d

اسمعي هادي ... قالك الرومي هههههه

rira bien qui rira le dernier
الوووغ هادي تقول بلي دوووك نشوفوا شكون يضحك فالتالي ههههههه

نصيحة ليا

اتهلاي في الوالدين الموت بلا رونديفو

رايك فيا!

واش نشكر ولا نمنشر ولا كيفاااه :d:d
هههههههههههههههه ما شاء الله ماشفت منك غير كل خير
الله يحفظك ويخليك لاحبابك واهلك

وماننساش الباروك نأكد عليه هههه
المهم صح صحوركم وربي يتقبل منكم
وسهرة ممتعة​

هيه الباروك نتومااا جيبوهلي
والزردة عليااا يااك هاكا متفاهمييين صحااا
الله يحفظك وشكرا على اسئلتك دوختيني ههههههه
ربي يهنييييك
​

 

[جليلوس]

رد: سهرة 20 ..........قهوة وتاي

السلآم عليكم ليليآ
آهلآ بالآخ جليلو
عرضوك اليوم هههه سهرة ممتعة ان شآء الله
ندير دورة و نرجع نقرعج معآك ..
ان شآء الله ما نكونوش ثقآل عليك
صح فطورك . سلآم
ربي يوفقك
​

اهلا بيييك اختي اميرة الخجل
نورتي ههههه واه راني اليوم ضيف في دارنااا اكيد خخخخخ
ايه مرحبا بيييك في اي وقت اختي نورتي
لالا بالعكس كيفاش هادي ثقال لا لا خسارة عليييك
راكم على العين والراااس :regards01:

الله يهنييييك
​

 

[جليلوس]

رد: سهرة 20 ..........قهوة وتاي

السلام عليكم
اهلا وسهلا بضيفنا الكريم
اهلا بالاستاذ جليلو :d

اهلاااا بيييك اميرة نورتي
ياااا الله يسلمك :d تلميذتي القرعاجة :p
يااو كيراكي شاف من عاشك :yahoo01:
​

بشحال جبتي الباك تاعك؟

وي جبتو داك الوقت ههههه 12.97
​

الحالة المدنية ؟

عازب مسكين انا عايش وحداني غريب
​

خطبت وماقبلولكش ولا جامي ؟ :d

نو مازااال ماقدمت ما خطبت بصح ناوي ان شاء الله على ربي
غير يعطوهالي برك
​

جليلو مع رمضان كفاش ؟

هيه صافا كل مرة وكيفاااه برك العطش
آآآه بصح راني نورمااال ليامات لخرين
لحمد لله .... القوة والطاقة من عند ربي سبحانووو
​

تتشهى بزاف ولي غير لي جات ؟

مرااات تبانلي على حاجة حلوة ... قاطو ديجا راهم بداو فيه هههه
هيه وزيييد كاش pبلا في الكوشة ولا
مي ماشي ديمااا منين داااك راكي عارفة
​

تحب الروايات ؟ادا ايه ما هما لي عجبوك كامل ؟

الروايات بالعربية كاينة وحدة كنت نقراها نسيت اسمهااا شابة بزاااف
على الاب دوووك نحوس عليها ونبعتهالك ... اما بالفرنسية منهم وعليهم ههههههه
سيرتو ليكرونيك les chroniques
​

كاش ما تتفرجي في رمضان ولا والو ؟

ههههه نكدب عليك نقولك مانتفرجش
لالا برك كي يقرب الفطور كاينة حصة على واش قالو ناس زمااان
وباب الحاارة راهم جابولنا لامودا جديدة فيه هههههههه رانا نضحكو عليهم برك :yahoo01:
هاداا واش نشوووف في داااك التيلي مسكين راه يشف
​

شفت مجموعة الموت لي طاحت فيها دزاير !! اعطينا رايك فيها :d

هيهيهيهيهيهي مجموعة الجهنمية شاا نقولك يلا فتنا للدور الثاني رانا ملاح
ياااا حسرااااه باتت فينااا
​

ايه وزدت شفتي المدرب لي جا !! اعطينا رايك فيه تاني :d

واااه ناس ملاح المخلووق جا في وقتووو
ان شاء الله حنة يديه تبااان على ارض الميدااان
تماااااك نعرفو صح ادا آرقااز ولا جا يدي دراهم برك
​

وين موصل الختمة ؟

راني في سورة النمل الختمة الثالثة
​

تقرا فتيارت ولا خارجها ؟

اكيييد في تيارت وين بانهرب هههههههه
غير هنااا في دواري :yahoo01:
​

اعلى معدل جبته فالجامعة ؟

جبت 12.96 هاداا هووو
راكي عارفة الجامعة والحمد لله جامي دخلت راطراباااج
​

بالتوفيق ^^

الله يحفظك خيتي اميرة
شكرا لمرورك ولأسئلتك كانو خفاف ظراف خخخخ
الله يهنيييييك
يعطيييك الصحيتوووو
​

 

[جليلوس]

رد: سهرة 20 ..........قهوة وتاي

هههههه جليلو واش راه يستنى فيك ربي معاك هههه
و باين مريم و ايمان و اميرة رح يهبلوك هههه

ههههههه شفتي راني نتعذب :$:$
ويا مااا رقبتي عواجت ههههههههههههههههههه
مهابل والله :d:d
ماعليش عندنا غير هاد القعدة الزينة لي نتلايمو فيهااا
يخلف على ليليااا ربي يحفظها ويخليها ليناا ان شاء الله ^^

​