سهرة 21 ........ قهوةو تاي

رد: سهرة 21 ........ قهوةو تاي

السلام عليكم غاليتي ليليا
اولا يعطيك الصحة على السهرة لخفيفة ظريفة وعلى الاستضافة يشرفني نكون ضيفة معاكم
بووووووووووووووه نندب تعرضيني ومعلابالكش انا منين يرحم لي رباوك قوليلي من جبتي كلمة سطيف باه تقوليلي انا من سطيف العالية
راني زعفت منك كامل
يعطيك الصحة حبيبتي على الترحيب الراقي لي قمتي بيه عجبني بزاااف
والان نروحوا لبقية الفقرات
وتعيشوا سامحوني لا طولت عليكم والله لاكونيكسيون راهي رهج خلاه مانجي نتحرك بعشرين كشفة

واش قلتلك ختي مجاجو تستعرفي بيا ولا لا هههه
ياو راهي تخلط برك ختي ليليا قالك ختي مريم دارت الكوراج ههههه
سطيف بعدا ختي مجاجو هذي الناس بكري يدابزو عليها بالخوودميشا هههه
انا مانسامحش لازم تعويض ستنيت بوووزاف باش التحقتي بالمنصة ههه
ديجا نروح نرقد طولت بزاف خخخخ
سلام
 
رد: سهرة 21 ........ قهوةو تاي

do.php



عرّفنا بنفسك

ajn98366.gif



ضيفتي اللي نعرفوها عليك وردة حمرا واقيل زهرة مازال ما راكيش وردة
واللي نعرفو عليك ايييه ام لسان طويل اكثر مني
ويا ويلو اللي طاح فيدك جزائرية فخامة الاسم تكفي
فالفقرة هذي يا ضيفتي انا نحب نعرف عليك كل شي لعل ولعسى كاش ما ندوك عروسة
لازم ما تكذبيش علينا ونعرفو عليك كل شي والاكيد اذا انت سمحتينا ندخلو لحياتك

ضيفتي الفقرة قدامك تفضلي




زهرة ولا وردة مايهمش المهم لي يشوفهم في زوج يعشق فيهم نيهاهاهاهها
يااختي علاه عليك ديريلي فالتيكيات قالها ام لسان طويل علاه هكا ههههه والو انا عاقلة خاطيني المشاكل
مممممممم اوكي الزهرة الحمراء فتاة هههه زعما كنتو حاسبيني ذكر ههههه
المهم فتاة في بداية العشرينيات ....كتومة بزاااف ونخبي في قلبي تقدر تكون حاجة قايستني مبصح نضحك ومامبينش كامل ......مزاجية لدرجة ماتصوريهاش نقدر نكون نحكي معاك ونقصر ضربة وحدة ندور عليك مبصح هاذي نديرها بزاف مع دارنا ......قصايرية نحب الضحك والقصرة والزهو والانسان لي مافيهش هاذ الصفات يعيني من نخاعي الشوشاقي -_-
عندي مشكلة ولي هي لساني تقريبا نص مشاكلي بسببو مانسكتش وكي نشوف حاجة عوجة وماتعجبنيش لازم نهدر حتى ونعرف انو يصرالي مشكل ....طموحة بزااف
ايا بزاااف واش هذا
هذا واش جاني الكلمة لي كانت تجيني في بالي نحكيها ههههه
 
رد: سهرة 21 ........ قهوةو تاي

do.php



يومياتك

x0t98366.gif


ضيفتي اللي كلنا نعرفوها انو عندنا نظام فرمضان
واش هو نظامك انت من وقت تنوضي لوقت تتسحري او العكس
الكوزينة والطياب وشغل الدار والمنتدى الاكيد انو كلها مشاغل
المرا عندها وقت كبير يشغلها عكس الرجل راقدة وتمونجي
خبرينا انت واش ديري فرمضان واذا عندك نصيب فالكوزينة او تتفرجي برك وما تلعبيهاش علينا قافزة قولينا الصح
واش تعرفي وواش ما تعرفيش
الفقرة ليك وانا نروح نوجد الفقرة الجاية



واش بيك ليليا طايحة خشينة عليا بلعقل برك ههههه
لالا مانلعبهاش قافزة انا صح قافزة احم
لالا صح بصفتي انا الطفلة لكبيرة الدار هاكي تعرفي حالة الطفلة لكبيرة
المهم نبدا ملي نوض صباح وهاذي ماعنديش وقت معين يعني على حساب السهرة تع البارح وعلى شحال رقدت
نوض اذا كاش ماعندي حاجة تع طياب كبيرة نروح نبدا فيها
منا لهذاك الوقت يكون ل حق وقت الظهر نصلي ونقعد نقرا شوية قرآن
ندخل للمة ندور فيها حتى رحليا يحفاااو ههههه
يلحق العصر نروح نصليه نكمل شوية قرآن مبعدة نروح لكوزينتي ندير لحوايج لخفاف لي يبقاولي كيما مثلا المطلوع وهاذوك لعفايس
نكمل نوجد الطابلة يأذن نفطرو نكمل نوض لماعن تع الهم ونخليلهم هوما التسياق
نكمل صلاة العشاء شوية قرآن نجيكم لهنا
نسهر معاكم يلحق وقت الصحور نطلق راسي كاش مانوجدلهم
كي نكمل نقعد نسنا الفجر نصلي شوية قرآن وشوية دعاء لحياتي البائسة ههههههههه ثم الى النوم وكل يوم نفس الريتم
هاني حكيتلك كل شيء
 
~أمِيرَة الخَجل~، تم حظره "حظر دائم". السبب: مخالفة القوانين
رد: سهرة 21 ........ قهوةو تاي

سآآلي زهورة هآني جيت نحكمك
أولآ واش رآكي ؟؟؟
* وين تسكني ؟
* مآجدة كيفآش مع عشية العيد -__-؟؟
* شريتي قش العيد و لالا ؟
* مزوجة و لا لا ؟؟و اذا لا ربي يجيب المكتوب *_*
* شحآآل في عمرك ؟؟
* خدمتك ولا قرايتك و لا اي شي اديريه في حيأتك ؟؟
* القسم الي تعشقي فيه *_*¿
* مآجدة وآعرة ولآ عآقلة ^_^
* مآجدة فوضوية ولآ منظمة °_°
* كيفآش تعرفي على اللمة ؟؟
*مآجدة قلبها ابيض ولا وش لونو ؟؟*_*
* مآجدة علاش مسمية روحهآ الزهرة الحمرآء (اللي يسمع يقول صح هآذي زهرة *__*)
* رآهو عآجبك اسمك مآجدة و لآ متحملآتو بذراع -____-؟
عضو قريب بزآف على قلبك ؟ #_#
* عندك كونط في الفيس و لآ خآطيك !؟-__-
* حلمك او يور دريم او تون غآv وآش هو ؟؟ (خخخه‍ فهمتي وولآلآآآ ؟؟)

الله غآلب تحمّليني رآهو حآكمني الهبآل خخخخخخخخ *____* •_• ×_×
 
رد: سهرة 21 ........ قهوةو تاي

سلام عليكم
شكون راهي هيا غاليتي ماجدة واااااااااااااااااااو مي دوماج جيت متؤخرة بزاااااف مي نقولك اهلا و سهلا و يا 100000000 مرحبا بيك ههههههه
ان شاء الله قضيتي اوقات ممتعة و طيبة في السهرة
بالتوفيق لك و ربي ينجحك في الباك يا رب
 
رد: سهرة 21 ........ قهوةو تاي

السلام عليكم احبتي
اولا اختي ليليا اسمحيلي بزاااف بزاااااااف على هاذ السهرة لي تشبهلي والله ماشي في يدي من البارح ولاكونيكسيون مقطوعة بسبب سوء الاحوال الجوية وهذا وين جات رايحا نحاول نجاوب على بقية الاسئلة
 
رد: سهرة 21 ........ قهوةو تاي

اهلا من جديد
وش الزهر لي عندك حبيبتي ميجو ما تسعايش والو ههه
كيجيتي النت راحتلك وتقالت معليش حبة حبة وسلكيها

بشحال حابة تجيبي الباك تاعك ولا تجيبيه برك ؟هه
ميجو مع رمضان كفاش ؟
تتشهي بزاف ولي غير لي جات ؟
تحبي الروايات ؟ادا ايه ما هما لي عجبوك كامل ؟ "وكما قلت من قبل ماكالاه تقوليلي في قلبي اثنى عبرية ولا اححبتك اكثر مما ينبغي ولا فلتغفري ولا انت لي ههه يعني هاتي غيرهم هادو شبعناهم "
كاش ما تتفرجي في رمضان ولا والو ؟
شفت مجموعة الموت لي طاحت فيها دزاير !! اعطينا رايك فيها :d
ايه وزدت شفتي المدرب لي جا !! اعطينا رايك فيه تاني :d
وين موصلة الختمة ؟
التخصص لي حاباتو ؟
المهنة لي حلمتي بيها بزاف ؟
كي تكرهي وتديقوتاي وكل حاجة تخص هاد الشي وش ديري ؟
شحال كان فعمرك كي صمتي نهار كامل ؟ "ماتقوليش نسيتي نتي تاني -_- ههه "

ايا بزاف راني تهليت فيك ليوم
باش تتهلاي فيا من بعد كي نجي اكي تعرفي خخخخ
موفقة حبيبتي
 
رد: سهرة 21 ........ قهوةو تاي

do.php



خمسة بخمسة

do.php



ضيفتي هنا تحمليني الله غالب
معليش حبيبتي راني ديما متحملاتك خخخخ
1- ضيفتي لو قتلها الزواج واش يعنيلها وهل هو الشغل شاغل ليها كيما كل البنات ؟
طبعا الزواج كيما كامل نعرفوا هو نصف الدين وسترة سواء للرجل ولا المرأة
وطبعا ماهوش هو الشغل الشاغل في حياتي لاني عندي في حياتي طموحات حابة نوصل ليها وكيما كامل نعرفوا انو المرأة المزوجة والعازبة ماشي كيف كيف المرأة المزوجة تكون عندها مسؤولية اكثر في حياتها
بالمختصر يعني كي يلحق وقتو ساهل

2- هل خطبوك من قبل ووعلاه رفضت او رفضو اهلك ؟
انعم اختي مرة ماقبلتش لا انا ولا ماما بسبب انو الشخص هذاك جاي من النوع لي بدراهمي نجيب واش نحب وانا هذاك النوع يعيني -_-
ومرة اخرى شخص خلاف قبلت وكامل ولكن ماكانش كاين مكتوب

3- اقرب انسان ليك فالدار شكون وهنا فالمنتدى ما تقوليليش كامل اختاري اسم
فالدار اختي
وفاللمة مريومة لؤلؤة

4- وينتا تبكي ضيفتي بالخف اما الضحك تبارك الله مرت الدايم
حتى فضحكة حسدتونا هههههههه
بالنسبة للبكا والله على حساب القوسطو مرات نكون في مورال عالي خخخخ حاجة ماتبكيني ومرات لوكان تعيطي عليا برك نبكي
مبصح انا من النوع لي دمعتو على طرف عينو

5- هل ضيفتي عرفت الحب يوما ما او لالا وهل تؤمن بالحب عبر النت ؟
علاه عليك تسقسينا هكا ههههه
نكذب عليكم ماعرفتوش ههههه
علاه نكذب ونافقكم ياخي راني هنا باه نصراحكم ولا ندير كيما شيء ناس نبين روحي ملاك نازل من السماء
ايه عرفت الحب ومبعدة
بالنسبة للشق الثاني من السؤال والله يا اختي ليليا على حسب لانو هاذ العلاقات قليل وين تنجح في مجتمعنا لي نجحوا يتعدوا على الاصابع
يابنتي تلقايه قدامك وكل يوم تحت عينك ويخرجلك بخرجة واعرة فمابالك واحد وراء الشاشة هههه

نروحو للفقرة الجاية



خلينا نروحوا للفقرة لي وراها حبيبتي
 
رد: سهرة 21 ........ قهوةو تاي

do.php



شكون تختار ؟
do.php


ضيفتي ختك ليليا مسالمة وتحب الخير وراكي عارفة
وابدا ما تحبش الشر وتحب تلاقي بين الخاوة وعلى هذي اختي خيري مع شكون تدابزي انت ما ديري والو مديلي اسمها وخاطيك
نروح ليها نوسوسلها شوي راكي عارفة رمضان والشيطان غايب راني فبلاصتو ههه
اختي خيري عضوة او عضو للتحدي وانا نروح ليها بكل نية طيبة

يا ناس ما تسلكوش نتوما تتفرجو برك
هايا خيرينا مع شكون تدابزي وركزونا على الشعر


ممممممممم نخير وحدة هاذ اليامات راهي مهبلتني شوية ورايحا تنوضلي الشيب في راسي ههههه
اميرة رورو ارواحي لهنا
 
رد: سهرة 21 ........ قهوةو تاي

do.php




من 1 لل 10

do.php


اييه يا لالة واش نقولك الخاوة واحد راه يرفد الصاك وختك مريومة كملت الستوك نتاع ليموشوار حتى حضر فيها عماد حمدي
انت قولينا زعمى زعمى زهرك كيفاه داير
منتحر ارمل او مطلق او هذا وين زاد
خيرينا رقم واحنا ندبرو راسنا
هايا حتى تنضمي لقائمة المغبونات



[CETER]هههههه شوفي انا زهري مانديرش فيه لامان ططول طول
على هذا مانقدرش نقولك كيفاه داير مبصح اليوم يبان من عندك
نخير الرقم 4 نموت على الارقام الزوجية خخخخخ
يادرا واش يحمل الرقم ربعة
[/CENTER]
 
رد: سهرة 21 ........ قهوةو تاي

do.php



انت وزهرك

do.php


ضيفتي راني راسلتها ونحاول نيرفيها ولو انو ناقصتني الخبرة مي معليش عمش خير من عمى
وشوفو واش قاتلي

رد: سلام عليكم إقتباس: المشاركة الأصلية أضيفت بواسطة: زهرة الزنبق
إقتباس: المشاركة الأصلية أضيفت بواسطة: الزهرة الحمراء
إقتباس: المشاركة الأصلية أضيفت بواسطة: زهرة الزنبق
إقتباس: المشاركة الأصلية أضيفت بواسطة: الزهرة الحمراء
إقتباس: المشاركة الأصلية أضيفت بواسطة: زهرة الزنبق
إقتباس: المشاركة الأصلية أضيفت بواسطة: الزهرة الحمراء
إقتباس: المشاركة الأصلية أضيفت بواسطة: زهرة الزنبق
إقتباس: المشاركة الأصلية أضيفت بواسطة: الزهرة الحمراء
إقتباس: المشاركة الأصلية أضيفت بواسطة: زهرة الزنبق
السلام عليكم
اهلا وسهلا اختي صحا فطورك
واشبيك متكبرة علينا عندي شهر نحوس عليك وعلاه راكي مشنفة عليا وقلت مواضيعها ما يعجبونيش وعلاه لو ما عجباتكش حاجة كنت تقوليلي فوجهي وانا نحترم رايك وعلاه حتى تروحو للناس تقولوهم


وعليكم السلام اختي
هذا وين بعثتلك رسالة كي شفت الرد تاعك في موضوع المباركة للاخ جليل قلتيلي نحتاجك بعثتلك رسالة حتى لقيتك بعثتيلي الساعة
لالا يا اختي مانيش متكبرة عليكم حاشا تواضعوا لله يرفعكم علاه نتكبر بالعكس هام يعرفوني كامل وعلابالهم بيا خاطيني التكبر كاين حتى جماعة مانعرفهمش كامل وجامي حكيت معاهم ونعطيهم من وقتي
وزيد ماشي تكبر راني ماندخلش على خاطر كيما تعرفي كان عندي باك وسمانة الباك كامل ماكملتش وورا الباك سمانة تاني كاملة كان عندي دخول متذبذب بسبب التعب وكامل هاكي تعرفي
ومانيش مشنفة عليك علاه كاش ماصرا بيناتنا
واصلا ماقلتش هاذيك الهدرة كامل ولوكان جاو صح مايعجبونيش مانشاركش فيهم كامل مبصح انا كي نشوف مواضيعك نشارك بدليل روحي شوفي المواضيع لي تحطها

اهلا يا حنونة
اييييييييييييه عطشت واقيل اشربي كاس قازور
اسمعي ما نطولو فيها ما والو انا استنيتك تكملي ونعرضك وشفتك طولت غدوة راكي ضيفتي تجي برجليك او نجو نسرقوك
ما قالي حتى واحد راني درت معاك بروفا نتاع كاميرا كاشي راني نتعلم
غدوة وجدي روحك تكوني ضيفتي

ههههههههههه لالا عيني زهرة الزئبق ولا الزنبق ماكيش رايحا تعقالي انا قلت خلاص موضوع السهرة هذا كي شفت هذاك العام التصويت الساعة مازالو قايم
يووووو صار انا غدوا الضيفة تاعك
قوليلي كاين الغاشي ولا ماكانش خلي باه نبدا من درك نخير واش نلبس غدوا خلي نبان زينة خخخخخ
لالا نجي برجليا ماتخطفيني ماوالو لا نجيبلك داعش يوريولك لخطيف زيماه داير
ياخي مهبولة

اييه لا لالة مازال الموضوع وراكي ضيفتي والبسي مليح لالة
كاين الغاشي واستنى يعرفو انت غدوة عندي ما ندير القاطو راح يكون غاشي كبير
واش من داعش واش فطرت اللبن اللي مع التمر راه فاسد غدوة ما تشريش من نفس الحانوت
امالا العاقلة غدوة بربي راكي ضيفتي
تصبحي بخير وصحا سحورك

خلاص نلبس صواري ههههه
اوكي حبوبتي رايحا نكون فالوقت ان شاء الله
ربي يحفظك
صحا صحورك
تحياتي
ربي يهنيك




الليلة ضيفتي قاتلكم نجيكم بالصواري مي انا وصيتها ياحي قتلها الخاوة راهم معانا
وزيد ماكان لاه تحاول تتسللي رانا اوناتوند قاتلك لالا راح الحال ونتاع 97 و 95 كامل راهم طارو وتزوجو
اييه يا حسرة نتاع 80 راهم جدات:mad::mad:

شكرا ضيفتي وربي يخليك


هههههههههههههه قتلتيني يا مصيبة ضحك الله يعطيك الربح
والله دخلت لقيتك قايلتلي نسحق بعثتلك رسالة حتى طرتي فيا
قلت هاذي واش بيها لوكان جينا فالصباح نقول غلبها رمضان مبصح رانا فالليل
يا مصيبة فضحتينا خخخخ
ياخي بدلت قلت القفطان ماشي الصواري
 
رد: سهرة 21 ........ قهوةو تاي

do.php



هدية الضيف

ضيفتي خممت واش نمدلك كادو ولقيت هذا وان شاء الله يعجبك

967856_1569839329916800_1830727853_n.jpg





images



13461985406.png



نتمنى يعجبوك









يوووووووووووووووو اختي ليليا يهبل يعطيك الصحة علابالي عندك ذوق شباب وسيرتو اللون تاعو عجبني بزاااف
اصبريلي امالا نروح نحي الصواري هاذي ونرجعلك لابساتو وقوليلي زيماه جاني ههههه
 
رد: سهرة 21 ........ قهوةو تاي

ممممممممم نخير وحدة هاذ اليامات راهي مهبلتني شوية ورايحا تنوضلي الشيب في راسي ههههه
اميرة رورو ارواحي لهنا

ههههه يا حبيبي هدا لي كان ناقص
فوق العطش والجوع والتعب نزيد تحدي ههه
وعلاش نهبلك ! بسلامتي عاقلة ماعندي فواش نهبلك :-r
ايه برك فالحاجة هاديك كي تكمل قدقد تهنيني ونهنيك ;)خخخخ :p
هاتي وش عندك :sport01:
 
رد: سهرة 21 ........ قهوةو تاي

السلام عليك
واش راكي ان شاء الله راكي مليحة

بون اسئلة خفاف برك
_انت انسانة عقلانية ولا عاطفية؟
_كي تكوني منارفية واش ديري؟
_واش تعلمتي من هد الدنيا؟
_مواقف صراولك ومازالكي متفكرهم لدوركايا؟
_تحب المغامرات ؟
_احكيلي شوية على ماجدة واش تحب وتكره؟
_واش طيبتي ليوم؟
الى كاش ماتفكرت راني نولي
هكدا حنونة

 
رد: سهرة 21 ........ قهوةو تاي

اظنها صديقة ام راس يابس
اممممم :up:
:smile02:
غالط عندك ناقص 2 فالاختبار
وتزيد تريكلامي نقصلك 4 هههه
زهرة ! ومن الشرق !
باينة حبيبتي ميجو مافيهاش شك :d

غالطة عندك ناقص 10 هههههه
ايه جبتيها مبعدة نجيبولك كادو شباب
كاش لبسة تع العيد ولا حاجة خلاف

حبيبتي ليليا الكلمة الختامية نخليها فالاخير احسن
 
رد: سهرة 21 ........ قهوةو تاي

آهلآ بالآخت مآجدة
وبيك يعيشك حبيبتي
كي رآكي حنونة ؟؟
غاية حبيبتي ربي يخليك ربي يخليك هههه هاذي تع الشاب خالد

نخلّيك تجآوبي على فقرآت
ليليآ و نضرب دورة و نرجعلك
سهرة ممتعة ان شآء الله
نتمنى مآنكونش تقيلة عليك
صح فطورك و سلآآم

ايا راني نسنا فيك اسناي نهبط لتحت ونلقاك مارجعتيش نجي نجيبك من شعرك خخخخخخ
الله يسلمك وانت زادة
تحياتي
 
رد: سهرة 21 ........ قهوةو تاي


راني وليت
:)

1/اسوء طبع فيك ؟

2/لِمـَن تعطي هذه الآلقـــــاب ؟؟


العضو المميز ..

العضو الغامض ..

العضو المشاكس ..

عضو طيب ..

عضو دمه خفيف ..

عضو ذوق ..

عضو تحب ردوده ..

3/متى تبكي بحرقه؟
4/متى تجلسي لوحدكي؟

5/مديلي نصيحة؟


الى كاش متفكرت نولي:sport02:
هكدا حنونة ربي يكون في العون
:up:
 
رد: سهرة 21 ........ قهوةو تاي

السلام عليكم و رحمة الله تعالى و بركاته
الله يبارك شكون راهي ضيفة اليوم
وعليكم السلام ورحمة الله
يبارك فيك علاه تحشمي فيا

مرحبآ مرحبآ بيك يا لالة المشكردة هههه
ههههه اني ماوليتش مكشردة شريت مشطة جديدة وعدت نمشط شعري هههههه
صح فطورك و شراكي لباس ؟؟
الله يسلمك الحمد لله في نعمة وانت

بسم الله نبدا بالاسئلة ههه:
بسم الله
- شحال في عمرك هههه ؟
اقل من جداتي بعامين هههههه
عندي 20 سنة شحال حابة يكون عمري ةهههه

- شحال ترتيبك غي العائلة ؟
يجي طفل كبير مبعدة انا
- ماجدة شابة و لا مزعوقة ؟
تهبل وتدي لعقل هههههه
والله حبوبة مانقدرش نحكم على روحي ونقولك شابة وزينة لانو الزين عند يختلف تقدري تشوفيني تقولي شابة ماشاء الله
وتقدر وحدة خلاف تشوفني تقولك ماعجبتنيش نخلي الناس هي لي تقول عليا

- طويلة و لا قصيرة ؟
اذا كاين كلمة تحت قصيرة هاذيك هي 1.52سم
- واش راكي مع رمضآن ؟
الحمد لله مابقالوش ويخلاص ويخليلنا لفراغ رايحا نبكي عليه مسكين
- واش هو طموحك غير البكالوريا ؟
شوفي مانكذبش عليك ختيتو انا كل مرة طموحاتي تتبدل وبدليل روحي شوفي السهرات تع العام لي فات كل عام تتبدل النظرة تاعي
وبدليل الباك تاعي الاول كنت حابة نتجه لميدان مختص بالعلوم وكامل فالجامعة وماما قاتلي ديري استاذة تع انجليزية انا قتلها اعععع غير استاذة مانديرهاش ماكنتش قادرة نتخيل روحي استاذة
والعام هذا راني ميتة وندير استاة سواء تع ادب او انجليزية

- بلاد تحبي نزوريها ؟
تركيا
- واش تسيبورتي البارصا و لا الريال ؟
شوفي انا لا علاقة بالسبور ولكن في هادو زوج نحب الريال
- واش حابة تديري تخصص كي تجيبي لباك ؟
راهي باينتلي على استاذة ومانعرف بالاك منا للنتائج تتبدل النظرة تاعي ههههه
- خبطوك و لا لالا هههه قصدي خطبوك ؟
هههههه ايه خبطوني اه قصدي خطبوني
- واش تحبي تسمي اولادك مستقبلا ؟
هادو تاني كل فترة وفترة نبدلهم خخخخ
الفترة هاذي باينتلي على اسم بتول للطفلة
والطفل سامي

- انتي مهبولة و لا صحيحة هههه ؟
جامي عرفت واحد في حياتي وقالي انت صحيحة ديما يقولولي مهبولة ههههه
- شكون اقرب عضو ليک في المنتدى ؟
كاين بزاااف شفتي لبنات المهبولات تع المنتدى كامل قراب ليا ومن بينهم انت نحب المهبولات والكشرودات لي كيفي ههههه
- اكثر قسم تحبيه ؟
ممممم قسم التقرعيج واش راك تهدر
وقسم البوح هذاك كي ندخلو نحس روحي دخلت لبلاصة هادئة وفيها موسيقى كلاسيكية راقية خخخخخ

- ههههه سؤالي المشهور و الكلاسيكي هههه واش رايك في عاشقة الجنة ؟؟

مانعرفهاش -_-
اه تفكرتها خلاص مايش واحد الكشرودة هكا
اول حاجة نقولها عليها هي مهبولة صح صح
تحب دير الخير قلبها حنين
جامي شفيت على واحد فاللمة جاه واحد وقالو واش رايك فيا وقالو انت ماكش مليح وفيك وفيك خخخخخخ
ربي يحفظك حبيبتي ويعطيك واش متمنية كامل



بون وي و سهرة سعيدة و مكشردة ههههه​
هههههههه بون وي ليا وليك
روحي طيبي فطورك ايا طيري
تحياتي
 
رد: سهرة 21 ........ قهوةو تاي

سلام عليكم
حالياً الأعضاء النشيطين الذين يشاهدون هذا الموضوع: 8 (7 عضو و 1 ضيف)
‏sosobibicha, ‏AmiR@RoRo+, ‏Bouchra22, ‏الحلم الوردي, ‏الزهرة الحمراء+, ‏Skor m@k, ‏عاشقة الجنّة
الله يبارك الاخت ماجدة عند ك جماهير ههههههه
تشريح موفق :p
 
آخر تعديل:
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top