الهدايا الي تمدهم{الي تعرف تفيدني}

الحلم الوردي

:: عضو بارز ::
أحباب اللمة
إنضم
21 مارس 2010
المشاركات
44,625
نقاط التفاعل
68,161
النقاط
696
محل الإقامة
عالم النسيان
الجنس
أنثى


واش راكم ان شاء الله راكم مــلاح
بون حابتكم تفيدوني
في الهدايا الي تمدها
اختي لاهل الزوج نتاعها

مع العلم عندها عجوزتها و2 سلافاتها وحدة مزوجة
والاخرى صغيرة
وعندها سلفها
وتانيك اهل الزوج العم والعمات
والخال والخالات
الي تعرف تفيدني
راني في الانتظار


 
رد: الهدايا الي تمدهم{الي تعرف تفيدني}

السلام عليكم حبيبتي ملاك
بصراحة ماعنديش خبرة كبيرة بصح نفيدك بواش نعرف
هي شوفي كيما عجوزتها من الافضل تقدملها كوفري ريحة ولا قندورة تكون باهية سواءا
مشرية ولا مخدومة + بشماقها اكيد نظن هادي اهم الهدايا لي تتمد للعجوزة
بالنسبة للسلافات تقدر تشريلهم قندورة قدورة وإلا قماشات ولا خمارات + ريحة ولا صابون
والرجال تقدر ديرلهم مناشف ولا ريحة ولا محارم هادو كامل يصلحو وهي ميزانيتها
اما باقي العائلة كيما العمات تقدر تمد قماشات ولا خيمارات، اصلا القماشات تحتاجهم
هوما لي يتمدو كتر كادوات
هادا واش نعرف ودرك يجيو المتزوجات يفيدوك اكتر
وربي يهنيها ان شاء الله

 
رد: الهدايا الي تمدهم{الي تعرف تفيدني}

في رأيي اجمل هدية تمدهالهم ابتسامة صادقة و احترام دائم مع هاذو الحوايج:
للحماة خمار و قندورة مليحة مع صابو من النوع الغالي دليل تقديرها لها
للسلفات قطعة من القماش لكل وحدة منهم و يكون من النوع المليح و الغالي
للسلف شيئ جميل انها تقدملو مصحف و سجادة لانه بمثابة اخ لها
بالنسبة للعمة خيمار يليق مع اشياء بسيطة
بالنسبة للعم قندورة مروكية خاصة بالرجال
و الخال و الخالة نفس الهدايا نتاع العم و العمة
و ربي يصلحلها
 
رد: الهدايا الي تمدهم{الي تعرف تفيدني}

السلام عليكم ورحمة الله تعالى وبركاته
ان شاء الله ربي يهنيكم ويفرحكم
مام انا اختي يجيبولها العيد هاد المرة ان شاء الله ولازم تهديللهم نعطيك افكار على واش مالفا تشريلهم
مثلا شيخها تهديلو سجادى للصلاة ومصحف وسبحة ولا قميص
عجوزتها تهديلها قندورة قماش مليح هي تخيطو وحدها على ذوقها ومقاسها معاه كوفري تاع ريحة وصابو مليح
سلفتها المتزوجة تقدرتشري لولدها الصغير ولا بنتها اذا عندها وهي تهديلها ريحة وصابونة وقندورة
سلفتها الصغيرة اذا متحجبة تشريلها خيمار ولا بيجاما ولا موتيف فضة ولا مناقش اوسي فضة البنات يحبو هاد لعفايس
وسلفها تشريلو كوفري تاع ريحة
ربي يهنيها ان شاء الله
 
فدودة، تم حظره "حظر دائم". السبب: مخالفة القوانين
رد: الهدايا الي تمدهم{الي تعرف تفيدني}

قاطو ودي طقم ملابس فيه ريحة وصابون ..الخ للذكور
وبيجامات للبنت
 
رد: الهدايا الي تمدهم{الي تعرف تفيدني}

العجوزة
جبة وخماار وصابو
عماتو وخالاتو جبب نتاع سهرات
لوساتها {خواتاتو} بنات بيجاامات وقرعة ريحة
خوه طقم رائحة وتريكو تبو
 
رد: الهدايا الي تمدهم{الي تعرف تفيدني}

سلام ختيتو ،بالنسبة لهدية عجوزها تعطيلها روبة بلا خياطة بمعنى كتان مليح، سلفتها المتزوجة جبة ولا قرعا ريحة بارفا ، سلفتها الصغيرة اذا كانت متحجبة تعطيلها خيمار وإذاماكانتش قرعة ديودورو ،سلفها سجادة وفوطة،العم والعمات والخال والخالات بالنسبة للرجال سجادة و بالنسبة للنساء روبة بلا خياطة ......... انشاء الله نكون ساعدتك......... في امان الله
 
رد: الهدايا الي تمدهم{الي تعرف تفيدني}

السلام عليك ربي يهنيها
كيما عجوزتها تمدلها قطعة قماش حق قندورة و بليغة و خمار و ريحة
سلفتها المتزوجة تقدر تمدلها كاش قندورة و ريحة و صابونة
السلفة الصغيرة ريحة صابونة بيجاما تكون مليحة
سلفها تمدله صلاية سبحة
العمات تنوع ريحة صابونة مشوارة خمار و تاني الخالات
الاساس راه لموالين الدار
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top