السهرة 24 ....... قهوة وتاي

لؤلؤة قسنطينة

:: عضو بارز ::
أحباب اللمة
إنضم
13 أفريل 2013
المشاركات
14,618
نقاط التفاعل
54,535
النقاط
1,756
العمر
31
محل الإقامة
قسنطينة
الجنس
أنثى
dln98366.gif


أهلا ومرحبا بكامل ناس اللمة وخاصة برواد قسم السهرات
صح رمضانكم وربي يرجعو علينا بالصحة والهنا
الليلة موعدنا ككل الليالي في سهرة من سهرات رمضان مع موضوع

jmx98366.gif


علابالي راكم مستغربين انو انا نقدم هاد الموضوع ولكن تبعو برك اليوم فيها مفاجآت عديدة
وفيها سهرة ممتعة ان شاء الله (مالا ماتراطيوش :thumb_up02:)
أول شي نذكرو {الضيف الكريم} بمراحل السهرة

do.php


الفقرة الأولى
{عرف بنفسك}

/ضيفنا الكريم بعض الكلمات من عندك تقدر توصفلنا بيها شخصيتك/

ajn98366.gif


الفقرة الثانية
{يومياتك}
/رمضان وسهراتو وصيامو وعبادتو ..كيفاش يفوتها الضيف ؟/

x0t98366.gif


الفقرة الثالثة
{خمسة بخمسة}
/خمسة اسئلة علينا وخمس اجوبة عليك/
/بصح رد بالك فيها اسئلة محرجة/


do.php


الفقرة الرابعة
{شكون تختار}
/هو تحدي خفيف بينك وبين شخص خلاف/
/اختار بعقلك ضيفنا وحنا رانا نستناو/


do.php


الفقرة الخامسة
{من واحد لعشرة}
/رقم من عندك وبوقالة من عندنا ...ويا درا زهرك واش مخبيلك؟/

do.php


الفقرة السادسة
{نتا وزهرك}
/عس روحك ضيفنا .. هي رسالة خفيفة وظريفة بصح من وراها مقلب وكاميرا كاشي/

do.php


الفقرة السابعة
{هدية الضيف}
/ضيفنا هادي هدية خفيفة ليك وان شاء الله ترضيك/

do.php


الفقرة الثامنة

{الكلمة الختامية}
/وفاتت السهرة الخفيفة نختموها بكلمة من عندك ظريفة /

0xu98366.png


يا درا شكون رايح يكون ضيفنا ولا ضيفتنا لنهار اليوم؟؟
/من يكون؟/


%D8%B9%D9%84%D8%A7%D9%85%D8%A9-%D8%A7%D8%B3%D8%AA%D9%81%D9%87%D8%A7%D9%85.jpg


مرحبا بيكم في اول فقرة نقولكم ضيفي شكون :)


9u698366.gif

 
آخر تعديل بواسطة المشرف:
رد: السهرة 24 والأخيرة ....... قهوة وتاي

do.php



مرحبا بيكم ناس اللمة وصح فطوركم وسحوركم
ومن هاد اللحظة بدات سهرتنا الممتعة
وكي العادة تلاقينا في موعد جديد وفي سهرة جديدة من موضوعنا
{قهوة وتاي}
do.php


وكيما كل ليلة عندنا ضيف او ضيفة نعرضوه لسهرتنا ويشرفنا بحضورو المميز
يعدي على مراحل الموضوع كي العادة و يجاوب على اسئلتنا واسئلتكم الممتعة
مالا شكون ضيفنا اليوم يا درا؟؟

do.php


ضيفتنا لنهار اليوم غنية عن التعريف .. ظهورها او رجوعها للمنتدى كان من فترة قصيرة
بصح قدرت تستعمر القلوب بخفة دمها .. بنشاطها .. بروحها المرحة
تميزت بمواضيعها القيمة في اقسام مختلفة
واش راك تهدر / قسم الحوار والنقاش / قسم الحياة الزوجية
والعديد من الاقسام الاخرى بالإضافة لردودها القيمة لي ماكانش فينا لي ماضحكتوش
هاد الضيفة تموت على مرت الدايم هههه دايما مشبهتنا ليها والمشكل حتى هي تضحك بزاف هههه
قلبها كبير وبالرغم من مرضها وتعبها وانشغالاتها راهي كل يوم تزهينا وتفرحنا وتنشطلنا هاد السهرات الرمضانية
نظن عرفتوها .. ومن غيرها؟
رحبو معايا بصاحبة الموضوع {زهرة الزنبق} ختنا الكريمة ليليا


زهرة الزنبق
:: مرشحة للإشراف ::
منتدى الحياة الزوجية



مرحبا بيك معانا حبيبتي ليليا والدار دارك والسهرة سهرتك ويشرفنا انو دعوتنا اليوم تكون لصاحبة الموضوع
ولصاحبة الفكرة المميزة {قهوة وتاي}
نتمنى تعجبك القعدة معانا كيما عجبتنا القعدة معاك وكيما مالفة تفرحي بينا حتى حنا نفرحو بيك
تفضلي معانا للصالون

do.php


وهادا باش تحلي قعدتك :love01:

do.php


do.php


do.php


do.php


نتمنى ضيافتنا تكون عجبتك ضيفتي العزيزة
وننتاقلو لأول فقرة في سهرتنا
تبعووووني :yahoo01:

 
آخر تعديل:
رد: السهرة 24 والأخيرة ....... قهوة وتاي

do.php


{فقرة عرف بنفسك}

ajn98366.gif


ضيفتنا الكريمة حنا نعرفو شخصيتك في اللمة .. وبعض طبايعك
لكن مازال مانعرفوش ليليا في الواقع .. ليليا في حياتها .. مع عايلتها
امورها الشخصية .. واش تحب واش تكره؟
وهادي فرصة باه نتعرفو على اختنا عن قرب وبفقرة بسيطة منك ضيفتي العزيزة
قوليلنا شكون هي ليليا؟
بالاكي تنساي كاش حاجة حتى ذكريات طفولتك يدخلو هنا ههه :p

هيا نروحو للفقرة لي من وراها
تبعوووني :yahoo01:


 
آخر تعديل:
رد: السهرة 24 والأخيرة ....... قهوة وتاي

do.php




يومياتك

x0t98366.gif


مرحبا بيك معانا ليليا في فقرة {يومياتك}
اليوم حابين نعرفو ليليا في رمضان واش دير وكيفاه تفوت نهارها
من لي تحل عينيها الصباح حتى ترقد
وعلاقة ليليا بالكوزينة وواش تطيب وكاش شغل ولا غير اللمة هههه
هيا قوليلنا ليليا وعلاقة برمضان
ونروحو للفقرة الموالية
تبعووووني :yahoo01:

 
آخر تعديل:
رد: السهرة 24 والأخيرة ....... قهوة وتاي

do.php




خمسة بخمسة

do.php



اه مرحبا بيك معانا ختي ليليا في اكثر الفقرات احراجا (تشفاي واش كنتي مدايرة فينا؟ هاهو جا دورك:p)
غير نضحك وكيما تعرفي شروط هاد الفقرة انا عليا 5 اسئلة ونتي عليك 5 اجوبة
واسئلتي كالآتي

1/ ليليا قوليلنا كاش نهار تشاجرتي مع وحدة وجبدتيها من الشعر حتى فرطستي المخلوقة هههه؟ اذا نعم علاه درتيلها هكا ههه
واذا لا .. احكيلنا على موقف خلاف ضربتي فيه كاش عبد :sport01:
2/ ليليا كاش نهار حرقتي ماكلة وواش كانت هاد الماكلة ؟ وعلاه حرقتيها. باينة كنتي تتفرجي في مسلسل تركي :p
ههههه غير نضحك
3/ نوليو شوي للحياة الشخصية .. كيما شنشفتي لي قبل مساكن اعطينا اول حرف من اسم شخص معجبة بيه ليليا:$
4/ واش هي مواصفات الزوج المثالي بالنسلة لليليا .. وافرضي تزوجتي ومالقيتي حتى صفة في الشخص هادا هههه كيفاه ديري؟
(يعني زعما كدب عليك :p)
5/ ليليا لو تكوني بين 3 اختيارات ترمي روحك من جسر عالي ولا من قمة جبل ولا من فوق طائرة ؟ ههههه هنا الجواب اجباري ههه
وبعيد الشر عليك راهي مجرد اسئلة فقط
نتمنى ماتكونش تقيلة عليك
وننتقل للفقرة الموالية
تبعوووني :yahoo01:
 
آخر تعديل:
رد: السهرة 24 والأخيرة ....... قهوة وتاي

do.php





شكون تختار؟

do.php



اه يا ختي ليليا تشفاي في الفقرة هادي شحال من واحد قطع شعر خوه ههههه
وشحال من واحد زرق عينين خوه هههه
مالا راكي فيها ووجدي روحك لأكبر تحدي :sport01:

لازم عليك تختاري عضو ولا عضوة تتنافسي معاه في تحدي معين
وبالشروط لي تناسبكم وحنا رانا نسيبورطيو لي يطيح مسكين نجريو بيه للسبيطار ههههه
بالاكم برك على شعر بعضاكم :p
المهم الاختيار ليك ختي ليليا

ودرك حتى نزيد نقولكم؟ هيا معايا للفقرة الموالية :yahoo01:

 
آخر تعديل:
رد: السهرة 24 والأخيرة ....... قهوة وتاي

do.php



من 1 لل 10

do.php


مرحبا بيك معانا ختي ليليا في فقرة من واحد لعشرة
وكيما تعرفي شروطها
في يدك 10 ارقام وماعليك غير تخيري رقم وعلينا الباقي
انا نجيبلك زهرك يجري على رجليه ههههه نجيبهولك من الماريكان وحتى من الهند
جانيتو نجيبو يجري هههه
هيا هاتي تشوفي رقمك ولا زعما راكي حافظة كامل الارقام :s
ماتخميش
معايا انا نجيبلك رقم من تحت البحر :up:

نستنى الرقم تاعك ونتوما بقية الاعضاء كي العادة
تبعووووني :yahoo01:

 
آخر تعديل:
رد: السهرة 24 والأخيرة ....... قهوة وتاي

do.php


انت وزهرك والكاميرا كاشي تحكمك :p
do.php


مرحبا بيكم في فقرة الكاميرا كاشي
ختنا ليليا رمضان هادا دارت رايها في الناس بالكاميرا الكاشي
هيا حبينا حتى هنا نديرولها كاميرا كاشي واتفقت انا وفريق العمل
على راسهم المخرج مالك وشارك في السيناريو لؤلؤة قسنطينة وأميرة رورو
ونشكرو اختنا
hadil2044 واختنا ام ياسمين كان ليهم الفضل
خاطر هوما عاونونا باه حكمنا هاد المشاغبة ليليا وزعفناها منا شوي ههههه
تبعو معايا

اول شي بداتها ختنا هديل حبت تنارفي ختنا ليليا وتقولها بلي السهرات راهو بالمعريفة


هديل
سلام عليكم وصح فطورك
واش راكي اختي ليليا
وش هدا يا ختي هه البيسطو داير حالة عندك
السهرة راكي دايرتها غير لحبابك وماليك
كل مرة نضرب طلة بلاك تفهمي روحك ووالو
راهي ليكم السهرة تاعكم دي
سلام

ليليا
سلام غير الخير ان شاء الله
واش من راهي لينا وراني علينا ونفهم روحي والله مليحة ذي
ما عجباتك السهرة ما تدخليش ليها
اييه ونظيره بالفيديو شكون يسالني

هديل
قلت غير الحق
ولضيوف ماعندهم ما دلهم نورمال ندخل ونهدر معاهم

لالا اختي لمن يسالك اما كي ديري حاجة ديرها بالحق مش بالبسطون الدزاير الكل ماشية هكا
وحتى في منتدى يا لطيف :s

ليليا
اييه صح نتوما دايما على حق راكي قلتيها انا ندير بالفيديو ودولي رشوة هذا الموجود افتحي انت موضوع ودير سهرات وما ديريش كيما انا بالبيسطون سلام

ختنا ليليا زعفت ههههه زعفتها هديل كي قاتلها تتعاملي بالمعريفة :p
من بعد تدخلت انا بكل براءة هههه وقلت نشعل شوي النار هههههه
هيا بديتها بليليا واش راكي وواش اخبارك باه ماتفيقليش وبديت نسقسيها بكل براءة
تبعو


لؤلؤة
ليلوشة حبيت نسقسيك كاشما عندك مشكل مع عضو؟
راني قريت في موضوع السهرة بلي قلقوك

ليليا
ايه ان شاء الله يا ربي لا والله كل السهرات روعة ربي يخليكم
وي اليوم راسلتني وحدة والله فالاول ظنيتها كاميرا كاشي وختنا كانت من نيتها قاتلي استنيتك تفهمي روحك وانت كل يوم تجيبي غير فاحبابك
قتلها مالا واش نروح لاجونس نعر ض الكحالش او واش (عجبتني تاع الكحالش هههه)
راني مرة عضو جديد ومرة قديم ولو خليتيها فالنية بلاك راكي ضيفتي سبحان الله ديري موضوع واعرضي انت قتلها انا ندي بالبيسطو وشديت الرشوة يا خاوتي نحب جهنم غاضتني كامل راحين للجنة وعلاه نخليها فارغة (هههههه مهبولة)
ناس مرضى وزادت ردت عليا
قاتلي راكي كل مرة تجيبي غير اللي تعرفيهم
قتلها ياو شوفي يا مخلوقة نجيب معارفي روحي افتحي موضوع واعرضي انت انا هاكا نتاع بيسطو

لؤلؤة
مممم هي شوفي ماش حابة نفسد بين الاعضاء ولا نفسد العلاقات لي بيناتهم
بصراحة ماعلاباليش اذا نفس الشخص ولالا
بصح كاين عضو ولا عضوة مانقولكش الاسم باه مانفتنش بيناتكم
بعتولي ميساج قبيلات برك قالولي بلي طلبنا من ليليا تعرضنا وماحبتش
ولا حاولناها وماحبتش حاجة كيما هكا على هادي حبيت نتاكد برك
وماش معناها نفس الشخص لا نعود نظلم الطفلة تاني وهي خاطيها

ليليا
شوفي هي هديل انا لما راسلتني اميرة الخجل وقاتلي اعرضيني عادي عرضتها وقلت انا اللي دعوتها حفاظا على كرامتها مي راسلتني بأسلوب مهذب أما هذي عايرتني ديركت وما تحشميش على روحك وما نعرف واش هذي لالا انا تشكي على روحها الموضوع نتاعي ونعرض شكون نحب
ما حاولاني ما والو كلامها مش مليح رديت عليها باسلوبها وماكان اللي قالي أعرضيني
خليها الله يهديها


المهم ختمنا السهرة بفرحة وضحكة ويدهرلي ختي ليليا تكالمات شوي ونسات الغضب تاعها
زعما نحبسولها هنا ؟ واش رايكم ;)
بصح لالا مازالت الفقرة الأخيرة لي نختمو بيها وهنا تدخلت ختي ام ياسمين وهنا زعفت ختي ليليا صح ههه
ختي ام ياسمين خبرتها بلي راهي دير مشاكل مع الاعضاء وشوفو واش صرا


ام ياسمين
السلام عليكم ورحمة الله وبركاته
ان شاءالله احوالك بخير الاخت ليليا
بلغنا من بعض الأعضاء أنكِ تثيرين بعض المشاكل في المنتدى
وأن طريقة كلامكِ معهم جدّ مستفزة :s
هذا ماجعلنا نستنتج أنكِ تستغلين منصب الاشراف لمحاربة الأعضاء وايذائهم
وأنتِ الآن في مرحلة الاشراف وهذا ينقلب ضدّك لا إلى صالحِكِ
المشرف يجب أن يكون قدوة لغيره وأن يسيطر على أعصابه مهما حدث بينه وبين الأعضاء
هل من تبرير ؟

ليليا
السلام عليكم
اختي إذا على الإشراف نحو المسؤولية انا ما نحتاجهاش
ثاني شي هذي ماكانش منها تراسلني عضوة وتجبرني نعرضها بالسيف ويا ريت بأسلوب مهذب نتعامل معاها بطريقتها وواش من منصب نستغل فيه نحوه اما اللي تتهجم عليا نتهجم عليها مليحة هذي يسبوني ويزيدو يشكو
مع كل احترامي ليك مي يقسو قبل كان صح او لالا تتعدى عليا بالكلام نرد عليها بعيدة على الإشراف ونحوه المنصب هاكا نرد بلا استغلال للمنصب

ام ياسمين
ممم لكن حنا لازم نكونو في نظر العضو عادلين
ايمالا نعطوك حظر 3 ايام باه الاعضاء يرضاو علينا

الحالة ماتعجبش ختي ام ياسمين دورتها للحضر :d

ليليا
ديري حظر أبدي سلام عليكم

هنا ختنا ليليا زعفت وراحت طلبت الاستقالة من الاشراف من الادارة ههههه
ولحسن الحظ لحقناها وقلنالها كاميرا كاشي
نقولك ختي ليليا اسمحيلنا بزااااااف لو ماجينا نحبوك ونعزوك مانديرولك كاميرا كشي
ربي يحفظك ختي

ونتوما تبعوووني للفقرة الموالية :yahoo01:

 
آخر تعديل:
رد: السهرة 24 والأخيرة ....... قهوة وتاي

do.php


ختي ليليا كل هدية تعتبر قليلة في حقك
رحت لسوق عمي قوقل وخيرتلك بعض الهدايا نتمنى يعجبوك

اول شي نهديلك الورد الاحمر:$

do.php


do.php


ثاني شي أهم واجمل هدية ولي تحفظك من كل سوء
{القرآن الكريم}

do.php


do.php


وبما أنك إمرأة نختمهالك بمجوهرات خفاف من ذوقي
ان شاء الله يعجبوك :$

do.php


do.php


do.php




do.php



do.php


do.php


do.php


ان شاء الله يعجبوك هاد الهدايا
ونروحو للفقرة الموالية
تبعووووني :yahoo01:

 
آخر تعديل:
رد: السهرة 24 والأخيرة ....... قهوة وتاي

do.php



كلمة ختامية


0xu98366.png



واخيرا وصلنا للكلمة الختامية
ختي ليليا شكرا اولا على سهراتك الممتعة والظريفة ولي زهاتنا في هاد الشهر الفضيل
وثانيا شكرا لقبولك الدعوة
هنا رايحة تكون فرصة باه توضعي كلمة ختامية للموضوع مع انو تواجدك يفرحنا
ونتشرفو بقعداتنا معاك ربي يهنيك اختي
والكلمة ليك درك
وهيا يا اعضاء اللمة شنشفوها بالاسئلة هههه
وصح فطوركم / سحوركم
 
آخر تعديل:
رد: السهرة 24 والأخيرة ....... قهوة وتاي

السلام عليكم اختي مريم
حلقة اليوم علبالي بلي حلقة مثيرة و شيقة هههه
ربي يكون في العون للضيف مراحش يسلك اكيد هههه


شكرا مريم على التقديم
نتهناو شوية من اسئلة ليليا الصعبة هههه
نورتي حنونتي
 
رد: السهرة 24 والأخيرة ....... قهوة وتاي

اهلا وسهلا ب ليليا ليوم يديرو فيك حالة
 
رد: السهرة 24 والأخيرة ....... قهوة وتاي

سلام عليكم
شحال عندي و انا ننتاظر باش تجي السهرة نتاع ليليا هههههه :p
اهلا و سهلا و مرحبا بيك غاليتي
ان شاء الله تقضي اوقات ممتعة و طيبة
بالتوفيق لك
شكرا لؤلؤة قسنطينة
 
رد: السهرة 24 والأخيرة ....... قهوة وتاي

ياااااااااااااااي

السهرة تااع اليوم راااح تكون حاجة 444444444444444

مرحباا بيك
 
رد: السهرة 24 والأخيرة ....... قهوة وتاي

ليوم السهرة
مليحة بابزاااف خاصة الضيفة الاخت ليليا
بالتوفيق
وكل الشكر لكي مريومة
 
رد: السهرة 24 والأخيرة ....... قهوة وتاي

هيا دركا نخليكم مع الضيفة ونروح الكوزينة تنادي ههههه
فليل نرجع ان شاء الله نكملو سهرتنا
صح فطوركم جميعاااا

 
رد: السهرة 24 والأخيرة ....... قهوة وتاي

السلام عليكم جميعا
اختي مريم اولا نشكرك بزاف بزاف على الدعوة ونشكر افراد العصابة على راسهم الستوت نتاع سكر افندي وهديل درتوها بيا
وثانيا نقولك والله الموضوع رتبتيه احسن مني اييه مريومة قالك علمانهم الصلاة سبقونا للزربية خرج خير من مواضيعي
نشكر كل من يمر من الموضوع وانا راح نرد عليكم ورا الفطور هاكا نكون آليز
لي عودة وصحا فطوركم
وشكرا كلكم وصحا فطوركم
 
آخر تعديل:
رد: السهرة 24 والأخيرة ....... قهوة وتاي

السلام عليكم
أهليييييييييين بالحلوة الجميلة ليليا سهرة ممتعة زنبقتنا الجميلة
مشكورة حبيبتي مريم انتي و العصابة كيما قالت ليليا هههههه
ان شاء الله لي عودة بعد الفطور
 
رد: السهرة 24 والأخيرة ....... قهوة وتاي

السلام عليكم جميعا
اختي مريم اولا نشكرك بزاف بزاف على الدعوة ونشكر افراد العصابة على راسهم الستوت نتاع سكر افندي وهديل درتوها بيا
وثانيا نقولك والله الموضوع رتبتيه احسن مني اييه مريومة قالك علمانهم الصلاة سبقونا للزربية خرج خير من مواضيعي
نشكر كل من يمر من الموضوع وانا راح نرد عليكم ورا الفطور هاكا نكون آليز
لي عودة وصحا فطوركم
وشكرا كلكم وصحا فطوركم

اهلا بيك اختي ليليا
اسمحيلي الى زعفتي مني

بصح نلقى الجماعة مستحقة مساعدة
مالا ربي يقدرني على فعل الخير :d

احنا مابيناتنا غير الخير وان شاء الله ديما نبقاو وكل الاعضاء هكا :-r
 
رد: السهرة 24 ....... قهوة وتاي

السلام عليكم
شفتي ياختي الدنيا واعرا كي دور هههه
قد ما تقولي انت شاطراا يجي لي شاطر عليك
عندك الزهر ختي مريم غضتيها ههههه انا حبيت كثرمن هكذا ههههه
السكر لي عندي كامل تديهولي انت ههههه
ان شاء الله فالسهرة رنا نوليو وبعض الاسئلة المهسترة نيهاهاهاهوهوهوهي هي هي ( ضحكة شريرة هههه )
ومتزعفيش علينا اخ اخ اخ
سلام
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top