قالك راني مزوج مراة فحلة

[ليليا مرام]

رد: قالك راني مزوج مراة فحلة

السلام عليكم خويا
هي عيب وعار الصح انو على الاقل لو عازبة نقولو مفشة ودللة وما تعلمتش اما تجي تتزوج الامور هذي ضرورية لازم تتعلمها لانو ولو ما تعجنش ديكما كاين اوقات ما نلقاوش الخبز والله عندي من رمضان وانا نعجن من قبل ما كنتش الا مرات نادرة لما ما يكونش الخبز مي والفناه فرمضان وحاليا راني نصوم راني مع العجين وصح فالعيد انا ثاني شفت جيراننا ما لقاوش بعثو عندنا يحوسو على الخبز
انا مرة كنت فزيارة لولايتكم الجلفة فالعيد وماكانش محلات كلها مقفولة لما حوسنا على المطلوع نشلاو قالنا صاحب محل ما تلقاوش الخبز اول شي الصباح الكل يعجن هنا ونديرو الطعام وراح جابنا من دارو ربي يجازيه اهل الكرم وزيد دعنا لدارو ربي يفضلو
يعني كاين مناطق محال تتخلى على المطلوع وكاين مناطق خلاص والفنا الخبز الجاهز
شكرا على المقادير عندي مقادير اخرى سهلة للي ما يحبوش يعجنو بزاف ههه
شكرا

 

[ضيوف وسـنغادر]

رد: قالك راني مزوج مراة فحلة

السلام عليكم
ايه يا اخي والله ربي يكون في عون الازواج
بما انك ماكدتش الخبر كاينت احتمالين
-الراجل هدا يشري خبز ومايشريش شكارة سميد ماقادرش كل واحد وظروفو ولا هي عندها بزااف دراري ماقدتش باش تطيب
-لا علينا ادا كانت صح هي ماتطيبش كسرة نافحتلها ولا ماتعرفش
يا اختي اوموا اتقي مولاك وراكي مسؤوولة عن عيالك..
راه كاين في عائلتي هكا ناس وعارفة ميزيرية ازواجهم مساكن رجعو عود مايشبعوش كروشهم وماهنيينش والحمد لله خدامين..
المهم ربي يهدي الزوجآت لان الززوواج راهو مسؤوليـــــة كبيرة وتتحاسب على التقصير الا ادا كانت ماقادراش ربي معاها
والزوج كدلك لازم يتعاون معاها ماتنساوناش احنا تاني في كوزينة رمضان ست سوايع وهي في قريب ما يسمى جحيم الدنيا
المهم ربي يقدر كل واحد على خدمتو ويكملها على اكمل وجه^^​

 

[همس الوُرود]

رد: قالك راني مزوج مراة فحلة

السلآم عليكم

أنآ صرآحة تبآنلي أمر عآدي جدآ

اليوم حآفل بالأعمآل

من كيمآ تنوض وهي تخدم فالدآر و تدير الغدآ ربمآ ميكفيهآش الحآل بش تخبز كسرة

الكسرة مش كل يوم لآزم المرآ تخبزهآ ~ صآر هي نورمآل كيمآ تبقى مع النيرآن هآديك فالسخآنة هآديك تتشوط

وهو كيمآ يخرج يشريلهآ الخبز مسكين؟؟

أنآ تبآنلي أمر عآدي جدآ جدآ النآس كآمل رآهي تشري فالخبز

والكسرة مش مآتديرهآش المرأة لآلآ بصح تآني مش كل يوم لآزم هي تديرهآ

و تآني ويلآ شآفت الخبز مكآنش برآ تدير حآجة متتطلبش الخبز

مثلآ شخشوخة ولآ تليتلي و لآ كش حآجة وتفك رآسهآ ~ نورمآل

وكل إنسآن وظروفوا ويلآ قدرت المرآ تدير الكسرة كل يوم هنيئآ لهآ

وبآرك الله فيك أخي

في رعآية الله​

 

[فيتامين سي]

رد: قالك راني مزوج مراة فحلة

بصراحة مهما كبرنا لكن مزلنا صغار نتعلمو منها يا خيتووو

ناقشك في موضوع درتي موضوعي تخمام عجيب ههههه ضحكتيني
شحال تقعدي طلع خبزات لا ولادها نتحداك لا تقعد نص ساعة فيهم
انا قلنا تريح راجلها من تعب نهار عيييد وزيد اولاد هادو قادر راجلها يساعدهم فيهم حتان تكمل طليع تاع خبز عادي
اما تخمام طفولي كما قلت منقول والو روحي ان ت جربي واشري خبز نهار عييد ورديلي بالخبر من بعد شوفي لاتخمام طفولي ولالا

كاين شئ ناس بلاك ميعرفوووش يطلعو مطلوع ويوديرو في اسباب كماانت سلام خيتووو
​

كما قلتلك مزالك صغير تكبر و تفهم ..تاع الصح تخمام اناني عندك انه راجل حرام يدير لاشان و مراة ادا متقدرش نونونو تقعد في دار باباها من انتم
ههههههههههههه ضحكتني الحمد لله رمضان كومبلي مشريناش خبزة ربي يخليلي يديا منتكل على حتى واحد في نفس الوقت منخممش كيفك لانه انا معنديش مسؤولية كبيرة نعجن عادي اما لي تتوحم ولي ترضع و لي مريضة و لي و لي و لي لي نلقاو ليستا طويلة هدوك تاني بشر لكل شخص ضروفه انت تشوف من جيهتك لكن لو كنت متزوج مرتك تقول أي تبدا عيات و مسكينة و ووووووو هدا هو مجتمعنا يشوف عند نيفه برك كون يطلع راسه شويا يدوخ
عيد كما هدا أصلا الراجل معندهش هداك الامر العظيم لي يقوم بيه سيرتو ادا كان يوم العيد عطلة..منحكوش عليهم كامل كما قلتلك جامي تعمم و جامي تشوف الدنيا على حسابك برك ...يعني لو مثلا مقدرش يديرو خبز انه يشري عادي و ادا مشراوش تاني عادي منموتوش بالجوع متخممش

 

[فيتامين سي]

رد: قالك راني مزوج مراة فحلة

تفكرت حاجة باش نديرلك . ومنزيدش نشرحلك اكثر شخص نعرفه مرته حامل و عنها الله يبارك أطفال صغر وحدة 7 سنوات و 5 سنوات و 4 سنوات و 3 سنوات توام يعني هدي بلا والو متعجنش غير في الاحلام زيد حامل تشوفك تهدر تكمل معاك ديراكت هنا راجلها يشري ولا هنا نخمو انه عيب و متتزوجش ولا كفاش و رمضان كومبلي كان يطيبلهم هو ولا عيب يا اخي و حرام و حشومة ...سلااااااااااااااااااااااااااااااااااااااااااام

 

[miss victoria]

رد: قالك راني مزوج مراة فحلة

hhhhhhhhhhhhhhhh

 

[ساسيوي]

رد: قالك راني مزوج مراة فحلة

ان كان موفر لها كل شئ في البيت ولم تقوم بتحضير الخبز
انا في راي كان يسخرها هي لي تمشي تحوص على الخبز

 

[فارس الروح]

رد: قالك راني مزوج مراة فحلة

كما قلتلك مزالك صغير تكبر و تفهم ..تاع الصح تخمام اناني عندك انه راجل حرام يدير لاشان و مراة ادا متقدرش نونونو تقعد في دار باباها من انتم
ههههههههههههه ضحكتني الحمد لله رمضان كومبلي مشريناش خبزة ربي يخليلي يديا منتكل على حتى واحد في نفس الوقت منخممش كيفك لانه انا معنديش مسؤولية كبيرة نعجن عادي اما لي تتوحم ولي ترضع و لي مريضة و لي و لي و لي لي نلقاو ليستا طويلة هدوك تاني بشر لكل شخص ضروفه انت تشوف من جيهتك لكن لو كنت متزوج مرتك تقول أي تبدا عيات و مسكينة و ووووووو هدا هو مجتمعنا يشوف عند نيفه برك كون يطلع راسه شويا يدوخ
عيد كما هدا أصلا الراجل معندهش هداك الامر العظيم لي يقوم بيه سيرتو ادا كان يوم العيد عطلة..منحكوش عليهم كامل كما قلتلك جامي تعمم و جامي تشوف الدنيا على حسابك برك ...يعني لو مثلا مقدرش يديرو خبز انه يشري عادي و ادا مشراوش تاني عادي منموتوش بالجوع متخممش

مدام مزالني صغير وكي نكبر نفهم انت ثاني مكان لا تعلقي على منشوراتي شوفي واحد كبيير وردي عليه
سلام
​

 

[hadil2044]

رد: قالك راني مزوج مراة فحلة

ههههههههه ضحكتني
ديما كي يقولو ازمة الخبز تفكر المرا الفحلة مش غير في العيد
كون هكاكا ما تتسماش ازمة احنا نديرو فيها بايدينا

شكرا على الموضوع فارس واقيل اولاد حومتك حفاو وهوما يفتشو على الخبز
​

 

["viola"]

رد: قالك راني مزوج مراة فحلة

السلااام علييكم

ههههههههههه فكرتني في وحدين كانو دايرين لاشان عند المخبزة جا واحد حارق قالوا وحد السيد اي نتا مكش تشوف فالرجااال قدامك ؟؟ قالوا لاخر الرجاال راهم ياكلوا فالكسرة من عند نسااهم ههههه قصف عشوائي راك فاهم خخخخ

منعرف اخويا يساعفوا و خلاااص ..

شوية من عند لالة مولاتي دير لي عليها متبهدلش راجلها براا و شوي عليه ثاان مايحرثش عليها فالسخانة كيما هاذي انا وحدة من الناس نمووووت و نتشوط كي نكون نطيب فيها و لا على ماما المخلوقة نعودو نطيبوا خبزة بخبزة ههههه

بلعقل برك مش على المطلوع تخلى البيوت هههه

صحيت اخي تحياتي ​

 

[omar inc]

رد: قالك راني مزوج مراة فحلة

التقشف حتى في الطبخ

 

[yorame]

رد: قالك راني مزوج مراة فحلة

السلام عليكم و رحمة الله تعالى و بركاته
بوركت على الطرح اخي... والله جاء في محله
هذا الامر من واجبات المراة ولا يمكن لاحد انكاره خاصة في المناسبات
رب يهدينا.... الله غالب اصبح واقعا معاشا.... مما يؤدي في كثير من الاحيان الى المشاكل الزوجية التي قد تنتهي بالطلاق
رب يجيب الخير
دمتم سالمين.....

 

[بنفسج]

رد: قالك راني مزوج مراة فحلة

اعتذر ليس من عادتي التدخل لكن جملتك هته استفزتني
قد يحدث يا اختي ان لايروقك اسلوب شخص ما او تفكيره لكن ليس من حقك ابدا ان تنعتيه بالحيوان
كان بامكانك ابداء رايك بعيدا عن التجريح والتقليل من شان العضو

لا داعي للاهانة وفي النهاية نحن بشر قد نختلف وقد لا يروقك طرحه او افكاره ومنظوره للاشياء
وجب عليك النقد ولك الحرية لكن باحترام

تحياتي
:regards01:

 

[لؤلؤة قسنطينة]

رد: قالك راني مزوج مراة فحلة

كيما قالت كارلا
مالازمش تجريح ولا نعت الآخرين بكلمة حيوان
حتى ولو منتافقوش في نفس الرأي لازم نحتارمو بعضانا
​

 

[فارس الروح]

رد: قالك راني مزوج مراة فحلة

كيما قالت كارلا
مالازمش تجريح ولا نعت الآخرين بكلمة حيوان
حتى ولو منتافقوش في نفس الرأي لازم نحتارمو بعضانا
​

اين الادارة منك دلك اختي عليها ان تتخد فيها ااجراء
​

 

[hadda0425]

رد: قالك راني مزوج مراة فحلة

حنا في الشرق دايرين حسابنا بلي نهار العيد كل شي مغلوق
حتى لحوانت تع المواد الغذائية نصهم يتغلق
نشرو كل شي ليلة العيد
نهار العيد نديرو شخاشخ وبرابش ولي مايحبش هادو نخبزولو قرصة كسرة
مفيها حتى تعب جامي درنا لاشان علخبز لا في الايام العادية ولا في ايام العيد
انا عن نفسي مانحبش الخبز نحب الكسرة نوض نخبز نحطها لهيه ونخليها
مام زوجي يقولي ماتخبزيش سخانة بصح انا نخبز مافيها حتى تعب
دك كاين العجانة تعجنلك وهي غير تقرصها وطيبها
كاين حتى طواجن ترسيتي لا سخانة لا والو
نسا تفنينو ههههههه
اذا جايين عليا لبنات ارواح دافع عليا يا فارس الروح

 

[لآ شَيْـئَ مُهـمْ]

رد: قالك راني مزوج مراة فحلة

هذا وين راني نسمع في موضوعك بلي صرات ازمة خبز
حنا عندنا في العيد يولي يطايش تالمو ماكاش اللي يشري خويا فارس

 

[BLEU PEARL]

رد: قالك راني مزوج مراة فحلة

السلام عليكم
كل عام يتكرر نفس سيناريو لخبز
والله لعجب،،،
خبزة ولا زوج مادات ماجابت أنا والله نفضل نعجن على خبز برا
وفي ولايتي غالبا نلقاو لخبز
زيد ناس قبل لعيد راهي تكونجلي ههههه
والله نعرف عايلات يكونجليو الخبز
المهم نورمالمو لواحد يدير حسابو وخلاص
ساعات نساعفو المرأة الي رمضان كامل وهي تجبد طيب وتغسل وخاصة الي ماعندهاش البنات
وزوج يترممد من حانوت لحانوت ثان ماجاياش
الواحد يدير حسابو وخلاص
بارك الله فيك اخي
والله يهدي
تقبل مروري​

 

[فارس الروح]

رد: قالك راني مزوج مراة فحلة

اسعدني مروركم

 

[Soumia hadj mohammed]

رد: قالك راني مزوج مراة فحلة

السلام عليكم
وي صح كاينة هاذ الظاهرة دوكا راهم النسا يديرو لاشان على الخبز والمحاجب للأسف


قادر تكون مرتو تعمل اشهى مطلوع ولربما كانت مريضة أو يدها فيها كسر لا قدر الله المهم بلاك هذاك هو راجلها لي كان يحوس على الخبزة من زنقة لزنقة

شكرا على الموضوع