مرتك و الحجاب

[musta2007]

السلام حبيت اليوم نهدرو على الحجاب
أغلبية الرجال يحبو نساهم يديرو حجاب و كاين نسا ما يحبوش يديروه
مالا إذا بطل الراجل على خطيبتو غير على جال الحجاب عندو الحق ولا لالا ؟؟؟؟؟
أنا نقول لالا إلا كان يحبها يهددها بالسلم و يقنعها ما يخليهاش ويلا كانت تحبو راهي رايحة تخاف يخليها و نتوما واش تقولو ؟؟​

 

[نور الانوار]

رد: مرتك و الحجاب

ما عندوش الحق يفرض عليها حاجه مشها حابتها

هادي حاجه تخصها حتى لو كان جا راجلهااا

 

[musta2007]

رد: مرتك و الحجاب

عندك الحق نور الأنوار بصح ديري في بالك بلي هاذي لي راهي رافضاتو راهي رايحا تديرو بلا مزيتها كي يكفنوها ...​

أليس هذا هو الحق المر ....​

 

[fidou]

رد: مرتك و الحجاب

شوف انا نعرف رجال كي زوجو طلبو من النسا تاوعهم ينحيو الحجاب .... واش رايك فيها هادي؟؟؟

 

[الأميرة فلة]

رد: مرتك و الحجاب

السلام عليكم
قال رسول الله عليه أفضل الصلاة و السلام :
( لو كان السجود لغير الله لأمرت الزوجة ان تسجد لزوجها )
من حديت النبي عليه الصلاة أنه من واجب المرأة ان تطيع زوجها
و لا ضرر في الحجاب لأنه سترة
اذا طلب منها الحجاب فهذا دليل على محبته لها و غيرته عليها
و لي ينحي لزوجته الحجاب ماشي....... ( لاداعي أن أكمل ) واذا هي نحاتو ألور هي كثر منه ​

 

[Mr.Tahar]

رد: مرتك و الحجاب

ماعندوش الحق ايبطل ... الافيه سبب مقنع يقنعهالازم على المراة تحترم راي الرجل وأكيد هو ماراهش يضرها بحاجة كيما هذه والا هي ما حبتش هي حرة دارت ولا مادرتش ... انقول ربي يهديها وخلاص​

 

[RaNiA]

رد: مرتك و الحجاب

انا في رايي هذا الراجل ما عندوش االحق
و يحب يفرض رايو على الناس بالقوة
و انا كون جيت في بلاصت هذي المراة هو يبدا يدبر عليا بعد
نقنعو برايي و كون ما يتفهمش
انا بعد ما نقبلش بيه حتى كون نكون نموت عليه ههه
خاطراكش في هذي المواضيع لازم تفكر بعقلك ماشي بقلبك

 

[harodi]

رد: مرتك و الحجاب

السلام عليكم

يقول تعالى
. وقل للمومنات يغضضن من أبصارهن ويحفظن فروجهن، ولا يبدين زينتهن إلا ما ظهر منها، وليضربن بخمرهن على جيوبهن، ولا يبدين زينتهن إلا لبعولتهن أو آبائهن أو آباء بعولتهن أو أبنائهن أو أبناء بعولتهن، أو إخوانهن أو بني إخوانهن أو بني أخواتهن، أو نسائهن أو ما ملكت أيمانهن، أو التابعين غير أولي الإربة من الرجال، أو الطفل الذين لم يظهروا على عورات النساء، ولا يضربن بأرجلهن ليُعلم ما يخفين من زينتهن، وتوبوا إلى الله جميعا أيها المؤمنون لعلكم تفلحون).

انا نشوف بلي المراة الي مفيهاش خير في دينها و في طاعة ربها سبحانه وتعالي مفيهاش خير في راجلها و عندو الحق يروح ويخليها اذا حاول يقنعها و هي مصرة على رايها كيفاه تصر على راي ربي سبحانو امرها باش تتبعو و تقول هاذي حريتي ومعندوش الحق يفرض رايو عليا و الله تفكير يحير بداو يبغوا يمشو فالزنقة و هوما كامل مفضوحات و يقولو حرية و حقي
الله يهدينا ويهديهم اصلا المراة المحجبة هي تمنح لنفسها منظر الهيبة و الوقار و الاحترام من طرف الجميع و زيد تكسب في نفسها الحياء الذي هو شعبة من شعب الايمان و لي نلقاوه بزاف انعدم عند فتيات وقتنا الراهن خصوصا الغير محجبات تلقاهم فالتصرفات و الكلام تشبه الولد 100/100 و كي تستغرب منها ومن كلامها تجيبلك ليسة طويلة من الكلام الغير مفهوم تقلك حرية و حق الدفاع عن نفسي من وقتاه بدات المراة المسلمة تتقابح بالتصرفات و الكلام الغير لائق على اساس واهن

المهم الحجاب زينة المراة المسلمة و لي مش متحجة هي امراة ............

تشاو

 

[نسمة البحر]

رد: مرتك و الحجاب

كل شئ يجي في الوقت إدا حب ديرلها الحجاب يفهما وهي لازم تحترم رأي خطبيها او زوجها مستقبلي هو طلب منها دير الحجاب على خاطش غير عليها ما يحبش يشوفوها الناس بلا حجاب في طريق وهو يحب سترة
إذا رفضت يروح معاها درجة درجة أول شيئ و أخرها الحجاب مفروض على مرأة.

 

[مسيلية]

رد: مرتك و الحجاب

انا راني معاك كيما قلت

 

[مرقازة]

رد: مرتك و الحجاب

مشكور على الموضوع اخي
الحجاب فرض من الله سبحانه وتعالى
وليس بيد الزوج فعلى المراة وحدها ان تلبسو
يعني بفهوم اخر
ان المرأة تستحي وتلبس الحجاب لانه فرض عليها
ولا دخل لزوج تماما

 

[musta2007]

رد: مرتك و الحجاب

الزوجة المثالية هي الزوجة المستورة و الي عقلها كبير و تحوس تستر بناتها و دارها ... ​