واش راك تهدر يا جزايري

[لاريمان]

السلام عليكم ورحمة الله وبركاته
عيدكم مبارك وربي يتقبل منا ومنكم صالح الاعمال
موضوعي بلا حساسية وزعاف اوكي
الجزايري واللغة الفصحى خطان متوازيان بلاكم رانا في مجتمع واحد
في رمضان وانا نتفرج في قناة تهبط بزاف للشارع وتعمل استجواب
ياويلي القليل القليل الي تلقاه متمكن من الفصحى
وتلقاه الجملة مخلطة من فصحى ودارجة وفرنسية
يعني ميش برك المواطن البسيط حتى الطبقة المثقفة
تلقاه يتعافر باه يوصل واش حاب يهدر
والدليل ياجماعة هنا في المنتدى
الجميع متمركز في قسم واش راك تهدر والنشاط
الله يبارك هنا لو تروح للاقسام الاخرى وين لازم تهدر وتكتب
بالفصحى مهجورة تماما
سؤالي ليكم انتوما علاه تحبو قسم يستعمل الدارجة
وتهربوا من الاقسام الي فيها النقاش والفصحى
الجزايري هل القاعدة اللغوية تاعو ناقصة ولا واش تفسيركم
انتظر تدخلاتكم
واحلى سلام​

 

[لؤلؤة قسنطينة]

رد: واش راك تهدر يا جزايري

السلام عليكم
شكرا حبيبتي لاريمان على الموضوع المميز
فعلا واش قلتي كامل صح شعبنا ناقص بزاف في الفصحى
لو تروحي للدول العربية الاخرى كيما مصر والاردن وغيرها من الدول تلقاي الفصحى تاعهم
خير على تاعنا ومثقفين خير علينا، حنا اكبر الوزراء في بلادنا مايعرفش يكون جملة قدقد
تقول عليه تلميذ تاع ابتدائي يهجي في الحروف
اما فيما يخص اقسام المنتدى فلازم يكون موجود مثل هاد القسم لي هو قسم واش راك تهدر
كاين ناس معانا في المنتدى مثلا عندهم افكار مميزة بصح ماش متمكنين من الفصحى لاسباب
ولا لظروف مثلا يسمى يلقاو غير قسم واش راك تهدر يتبنى افكارهم ويساعدهم على التميز
وكاين لي متمكن من الفصحى وكلشي وهكاك يجي لقسم واش راك تهدر خاطر يلقى فيه راحتو
ماكانش فيه قيود كبيرة على هادي، لأنو كاين بزاف اقسام في المنتدى لي يتكلمو بالعامية ماش
غير واش راك تهدر، يعني كل شخص وكيفاه
واكيد لازمنا نحسنو من لغتنا الفصحى خاطر راهي لغة القرآن قبل كل شيء بصح معظمنا
يحوس يتعلم اللغات الاجنبية ومخلي اللغة الام تاعو
ربي يزيدنا علم ان شاء الله
شكرا مجددا على الموضوع
​

 

[wissam 47]

رد: واش راك تهدر يا جزايري

صح كاين يا اختي لعندو صعوبة في نطق النطق الصحيح بصح الله غالب والله في بلدنا غير قليل وين تلقاي شخص يهدرلك بالعربية الفصحى البعض يهدرلك دارجة فري والبعض يديرلك كوكتال يعطيه الصحة ههه وماننساوش بلي اللغة العربية هي لغة القران الكريم الى جانب انها لغتنا الام

موضوع حساس وفي مكانو

شكرا لكي على طرحه

تقبلي مروري

 

[نِدَاءً خَفِيًّا]

رد: واش راك تهدر يا جزايري

عندك الحق كاين صورة في الفيسبوك دور بزاف
فيها الجزائري وصورة تخيلية ..تخيل لو ننزع للجزائري دارجته ونحولها له عربي فصحة، ويتضارب مع واحد وكن يسبو وش يقولوا : هيا دعني وشأني :d
يقدر الجزائري يقولها ؟ صعيبة :smile02: هذي إذا ما قالوش زوج كلمات زينين قد راسو:p وبعدها يتعفرو ويكملو وملخر يقول ربي يهديك ..هذا وين تفكرو ربي :bravo01:
فتخيلي لو نذهب الى المدن التّي من واجبها تكون متحضرة للفصحي
هل يستطيع الجزائري قول الى اين تذهب، دعها وشأنها ، تعال نذهب مع بعضنا البعض الى المسجد
اصلاً ماتدخلش في راسو :sport01: وهذه المشكلة أختي الفاضلة ليست في الجزائر فقط حتّي المغاربة عندهم هذه الظاهرة
وصدقيني لهجتنا افضل حتّي من المصرية
فيه مصطلحات عندنا عربية الفصحة القح هل هناك عربي يعرف معني الزربية :up: وهذه مكتوبة في القرآن زرابي مفروشة
خليج ما يعرفوهاش :sport01: وصح مشكلة اللى قلتيها هيا تاع الفرنسية والله مسخرة :tongue02:
وصحيتِ على الموضوع ، بوركتِ على طرحك

​

 

[الحلم الوردي]

رد: واش راك تهدر يا جزايري

وعليكي السلام والرحمة
على بالك اختي حنا صح نخلطو بين الدارجة والفصحة
مي في وقت اللازم اي واحد يقدر يهدر بالفصحى
على حساب البيئة الي يعيش فيها الواحد
صراحة نهدر على روحي تعجبني اللهدرة نتاعنا
الله يبارك راهي كاينة 48 ولاية
ايه هي برك في تخلاط بين الكلمات
مي تبقى الهدرة نتاعنا هي هي
مي حنا نقدر نبدلو فيها على حسابي الشخصي
كاين مواقف وين تحتم عليك تهدر الفصحى تهدرها
وعادي خلاص
يعطيك الصحة على الموضوع
​

 

[~أمِيرَة الخَجل~]

رد: واش راك تهدر يا جزايري

السلام عليكم
والله كيمة قلتي يا العزيزة الجزايرين كامل ما يحبوش الفصحى
حتى يسمعو واحد يتكلم بالفصحى يقولو عليه متعقد و عندو مرض
غير القليل برك يتكلمو بيها و دايرينلهآ قيمة و راهو مش غير العامية راهم دايرين ميلونج
عامية + فرنسية + انجليزية = الهدرة المثالية .. والله هاذي هي الحقيقة تاع
الشعب الجزائري لغتهم جامي يفتخرو بيها ... اما انا بالنسبة ليا نفضل الحديث بالفصحى
اكثر من الحديث بالعامية و منتدى واش راك تهدر يتكلم عن الأشياء الي تحدث معنا وفي مجتمعنا
و ساعات نقعد نخمم و نقول اسكو الاجانب يعرفو اللغة العربية و يهدرو بيها و مبعد نقول
لالالالا هوما مايعرفوش حتى بلي كاين لغة تسمى اللغة العربية و حنا لاصقين في لهجتهم كي الشوينقومة
مي تبقى لغتنا الاساسية هي العربية هي الام ديآلنا لأنو اول ما يبدا يحكي الطفل ينطق عربي
و ما ننساوش بلي راهي لغة القران الكريم لازمنا نتمسكو بيها و نتحرموها و ما نطيحوش بيها جامي
و تآني مآ ننسآوش بلي العآمية هي اللهجة الي تعاملو بيها مع بعضنا كجزآئريين
و تآني الفرنسية لازمنا نستغلوها في العلم مثلا في دراسة طب و لا فارماسي ماش في التبآهي و التفآخر ..
الله غالب .. معظم الناس ما يحسنوش التعامل مع اللغات و اللهجآت
مغسي على الموضوع الرائع و تحياتي غاليتي​

 

[لاريمان]

رد: واش راك تهدر يا جزايري

بارك الله فيكم سرني تجاوبكم مع الموصوع
اسمحولي راني بالهاتف لدا تعدر عليا الرد
باذن الله سارد على كل تدخلاتكم غدا ان شاء الله
اسمى التحايا

 

[Hakan]

رد: واش راك تهدر يا جزايري

المجتمع الجزائري هو المجتمع الوحيد الذي لا يجيد اللغة الفصحى
لكنه المجتمع الوحيد في العالم العربي الذي ينطق اللغات الاجنبية بكل طلاقة واحسن
من المجتمعات العربية
مشكلة اللغة العربية تندرج تحت العقلية التعليمية في الابتدائي لانو لم يتعلم الجزائري الخروج للواجهة
نحكيلك حكاية في رمضان حضرت لامسيات شعرية نضموها في المدينة نتاعنا
ماشاء الله دموعي حبسو لانو الله يبارك اللغة العربية تنطق عندهم نطقا كانو نتفرج في
قبيلة قرشية و كذالك في الشعر العامي مبدعون
تبقى انو كاين حاجة ومشكلة اخلاقية ترجع لقلة تربية فئة كثيرة من مجتمعنا للاسف وهي تعيير
الشخص الذي يتكلم بالعربية الفصحة من ناحيتي الحمد لله لاتوجد ابدا اي مشكلة ولسبب وحيد راجع انو
لما اجلس مع الوالدة الكريمة او مع الوالد نتناقش بكلام غالبيته استخدام للغة العربية
وكذالك في المجالس التي تطرح فيها مواضيع متنوعة
وفي الاخير كيف تتوقعين من مجتمع يهجر القرآن الكريم حفظا وتلاوة ويهجر قراءة الكتب العربية ان
يفعل ..شكرا للموضوع الجميل ​

 

[السلطانة]

رد: واش راك تهدر يا جزايري

مجتمعنا معقد من الفصحى تبانلو يهدر بيها راهم يضحكو عليه ويعقدوه

ومن ناحية الدارجة اسهل من الفصحى بما انو شعبنا بعد في الابتدائي يزيد ميقراهاش مليح ويكبر هاكاك

وكيما قال خونا حكيم شعب ميقراش القرآن وميحفظش ومايطالعش منين تجيه تاع يتقن العربية

ايا خلينا هههه نعرفو بعضانا مليح

ونفس الحاجة تنطبق على منتدى واش راك تهدر لو نقارنوه مع منتدى النقاش لي يتطلب الفصحى نلقاو العضو يلقى راحتو هنا اكثر .

ويعطيك الصحة

 

[لاريمان]

رد: واش راك تهدر يا جزايري

السلام عليكم
شكرا حبيبتي لاريمان على الموضوع المميز
فعلا واش قلتي كامل صح شعبنا ناقص بزاف في الفصحى
لو تروحي للدول العربية الاخرى كيما مصر والاردن وغيرها من الدول تلقاي الفصحى تاعهم
خير على تاعنا ومثقفين خير علينا، حنا اكبر الوزراء في بلادنا مايعرفش يكون جملة قدقد
تقول عليه تلميذ تاع ابتدائي يهجي في الحروف
اما فيما يخص اقسام المنتدى فلازم يكون موجود مثل هاد القسم لي هو قسم واش راك تهدر
كاين ناس معانا في المنتدى مثلا عندهم افكار مميزة بصح ماش متمكنين من الفصحى لاسباب
ولا لظروف مثلا يسمى يلقاو غير قسم واش راك تهدر يتبنى افكارهم ويساعدهم على التميز
وكاين لي متمكن من الفصحى وكلشي وهكاك يجي لقسم واش راك تهدر خاطر يلقى فيه راحتو
ماكانش فيه قيود كبيرة على هادي، لأنو كاين بزاف اقسام في المنتدى لي يتكلمو بالعامية ماش
غير واش راك تهدر، يعني كل شخص وكيفاه
واكيد لازمنا نحسنو من لغتنا الفصحى خاطر راهي لغة القرآن قبل كل شيء بصح معظمنا
يحوس يتعلم اللغات الاجنبية ومخلي اللغة الام تاعو
ربي يزيدنا علم ان شاء الله
شكرا مجددا على الموضوع
​

اهلا بالغالية لؤلؤة
الصراحة مشكلة اللغة مشكلة عامة ربما راهو راجع الى طبيعة
التدريس تاعنا
استعمال الدارجة ممكن اثر على كسب رصيد وطلاقة في اللغة الام
يامشرفة القسم ياغالية :regards01:كلامي هنا عن قسمكم ربطته لاستفز الاعضاء
كاش مايضربو طلة على الاقسام الاخرى وينشطو الحالة شوية راهو تكتيك فاشل:down:
اما مقارنتنا بدول المشرق الفرق واضح
ربي يعيشك حنونة على التحليل دمت مميزة
نورت
​

 

[لاريمان]

رد: واش راك تهدر يا جزايري

صح كاين يا اختي لعندو صعوبة في نطق النطق الصحيح بصح الله غالب والله في بلدنا غير قليل وين تلقاي شخص يهدرلك بالعربية الفصحى البعض يهدرلك دارجة فري والبعض يديرلك كوكتال يعطيه الصحة ههه وماننساوش بلي اللغة العربية هي لغة القران الكريم الى جانب انها لغتنا الام

موضوع حساس وفي مكانو

شكرا لكي على طرحه

تقبلي مروري

صح اختي مشكلة الدارجة ربما هي صعبت من تحكمنا في اللغة
وزيد التعليم راهو كوكتال بين الدارجة وكلمات فصحى
ربما تتحسن مستقبلا
تعيشي اختي على هذا الرد​

 

[لاريمان]

رد: واش راك تهدر يا جزايري

عندك الحق كاين صورة في الفيسبوك دور بزاف
فيها الجزائري وصورة تخيلية ..تخيل لو ننزع للجزائري دارجته ونحولها له عربي فصحة، ويتضارب مع واحد وكن يسبو وش يقولوا : هيا دعني وشأني :d
يقدر الجزائري يقولها ؟ صعيبة :smile02: هذي إذا ما قالوش زوج كلمات زينين قد راسو:p وبعدها يتعفرو ويكملو وملخر يقول ربي يهديك ..هذا وين تفكرو ربي :bravo01:
فتخيلي لو نذهب الى المدن التّي من واجبها تكون متحضرة للفصحي
هل يستطيع الجزائري قول الى اين تذهب، دعها وشأنها ، تعال نذهب مع بعضنا البعض الى المسجد
اصلاً ماتدخلش في راسو :sport01: وهذه المشكلة أختي الفاضلة ليست في الجزائر فقط حتّي المغاربة عندهم هذه الظاهرة
وصدقيني لهجتنا افضل حتّي من المصرية
فيه مصطلحات عندنا عربية الفصحة القح هل هناك عربي يعرف معني الزربية :up: وهذه مكتوبة في القرآن زرابي مفروشة
خليج ما يعرفوهاش :sport01: وصح مشكلة اللى قلتيها هيا تاع الفرنسية والله مسخرة :tongue02:
وصحيتِ على الموضوع ، بوركتِ على طرحك

​

يعطيك الصحة اخي نداءا خفايا اختيار جميل للاسم بين قوسين
والله غي ضحكتني بتحليلك للموضوع
شوف المشكلة لو توضع في موقف لازم تتكلم فصحى كفاه تعمل وماشاء الله علينا
متمكنين من اللغة ستجد نفسك تترجم وتبحث عن الكلمات
شوف جازت وحد الحصة طرح عل واحد مار بالشارع سؤال بالفصحى
بقى مسكين يحوس هدر فصحى وكملها بالدارجة
انا راني نشوف فينا لاعلاقة باللغة خلي نسلكوها بالدارجة
انت راك تقول بلي لهجتنا مليحة بصح كاين الي ماهيش عاجبتو:down:
ربي يعيشك خويا على هذا التفاعل
كمت مميز

 

[لاريمان]

رد: واش راك تهدر يا جزايري

وعليكي السلام والرحمة
على بالك اختي حنا صح نخلطو بين الدارجة والفصحة
مي في وقت اللازم اي واحد يقدر يهدر بالفصحى
على حساب البيئة الي يعيش فيها الواحد
صراحة نهدر على روحي تعجبني اللهدرة نتاعنا
الله يبارك راهي كاينة 48 ولاية
ايه هي برك في تخلاط بين الكلمات
مي تبقى الهدرة نتاعنا هي هي
مي حنا نقدر نبدلو فيها على حسابي الشخصي
كاين مواقف وين تحتم عليك تهدر الفصحى تهدرها
وعادي خلاص
يعطيك الصحة على الموضوع
​

اهلا بيك اختي
المشكلة ليست مشكلة اذا تحبي تهدري بيها ولالا او على حسب البيئة
المشكلة هل نجيد التعبير فعلا باللغة الفصحى هنا بيت القصيد
انا تطرقت لموضوعي لاني لاحظت اننا ناقصين بزاف ونخلط الفصحى والدارجة
وعلى بيها طرحت الموضوع
تعيشي اختي على تاعلك ورد

 

[لاريمان]

رد: واش راك تهدر يا جزايري

السلام عليكم
والله كيمة قلتي يا العزيزة الجزايرين كامل ما يحبوش الفصحى
حتى يسمعو واحد يتكلم بالفصحى يقولو عليه متعقد و عندو مرض
غير القليل برك يتكلمو بيها و دايرينلهآ قيمة و راهو مش غير العامية راهم دايرين ميلونج
عامية + فرنسية + انجليزية = الهدرة المثالية .. والله هاذي هي الحقيقة تاع
الشعب الجزائري لغتهم جامي يفتخرو بيها ... اما انا بالنسبة ليا نفضل الحديث بالفصحى
اكثر من الحديث بالعامية و منتدى واش راك تهدر يتكلم عن الأشياء الي تحدث معنا وفي مجتمعنا
و ساعات نقعد نخمم و نقول اسكو الاجانب يعرفو اللغة العربية و يهدرو بيها و مبعد نقول
لالالالا هوما مايعرفوش حتى بلي كاين لغة تسمى اللغة العربية و حنا لاصقين في لهجتهم كي الشوينقومة
مي تبقى لغتنا الاساسية هي العربية هي الام ديآلنا لأنو اول ما يبدا يحكي الطفل ينطق عربي
و ما ننساوش بلي راهي لغة القران الكريم لازمنا نتمسكو بيها و نتحرموها و ما نطيحوش بيها جامي
و تآني مآ ننسآوش بلي العآمية هي اللهجة الي تعاملو بيها مع بعضنا كجزآئريين
و تآني الفرنسية لازمنا نستغلوها في العلم مثلا في دراسة طب و لا فارماسي ماش في التبآهي و التفآخر ..
الله غالب .. معظم الناس ما يحسنوش التعامل مع اللغات و اللهجآت
مغسي على الموضوع الرائع و تحياتي غاليتي​

وعليكم السلام
اهلا بالاميرة
كلامك صحيح علينا التمسك بمقومات الهوية الوطنيةواكيد الدارجة لاتمنعنا من اجادة التعبير
في مواقف وحالات تستدعي التعبير بها
وهذا ماقصدته
يعطيك الصحة على التفاعل اختي

 

[لاريمان]

رد: واش راك تهدر يا جزايري

المجتمع الجزائري هو المجتمع الوحيد الذي لا يجيد اللغة الفصحى
لكنه المجتمع الوحيد في العالم العربي الذي ينطق اللغات الاجنبية بكل طلاقة واحسن
من المجتمعات العربية
مشكلة اللغة العربية تندرج تحت العقلية التعليمية في الابتدائي لانو لم يتعلم الجزائري الخروج للواجهة
نحكيلك حكاية في رمضان حضرت لامسيات شعرية نضموها في المدينة نتاعنا
ماشاء الله دموعي حبسو لانو الله يبارك اللغة العربية تنطق عندهم نطقا كانو نتفرج في
قبيلة قرشية و كذالك في الشعر العامي مبدعون
تبقى انو كاين حاجة ومشكلة اخلاقية ترجع لقلة تربية فئة كثيرة من مجتمعنا للاسف وهي تعيير
الشخص الذي يتكلم بالعربية الفصحة من ناحيتي الحمد لله لاتوجد ابدا اي مشكلة ولسبب وحيد راجع انو
لما اجلس مع الوالدة الكريمة او مع الوالد نتناقش بكلام غالبيته استخدام للغة العربية
وكذالك في المجالس التي تطرح فيها مواضيع متنوعة
وفي الاخير كيف تتوقعين من مجتمع يهجر القرآن الكريم حفظا وتلاوة ويهجر قراءة الكتب العربية ان
يفعل ..شكرا للموضوع الجميل ​

مرحبا بيك خيا حكيم
الصراحة ارى ان لبنان اكثر المجتمعات العربية تحكما في اللغات
كما اشاطرك الراي ان مشكلة الفصحى اصبحت اكبر همنا
تشوف واحد لايعرف تكوين جملة مفيدة ولا راهو ضايع انو يعبر بالفصحى
لانو جاه سؤال والله حشومة
الحمد لله اخي انو كاين ناس راهم مازالو حاكمين مشعل اللغة
والسبب كما ذكرت يرجع للسياسة المتبعةفي التدريس ولي اصبحت تخرج تلاميذ ضعفي المستوى
واحسنت القول" كيف لمجتمع يهجر القرآن ان يتحكم في اللغة اتي انزل بيها
تحليل وتفاعل يعطيك الصحة عليه

 

[لاريمان]

رد: واش راك تهدر يا جزايري

مجتمعنا معقد من الفصحى تبانلو يهدر بيها راهم يضحكو عليه ويعقدوه

ومن ناحية الدارجة اسهل من الفصحى بما انو شعبنا بعد في الابتدائي يزيد ميقراهاش مليح ويكبر هاكاك

وكيما قال خونا حكيم شعب ميقراش القرآن وميحفظش ومايطالعش منين تجيه تاع يتقن العربية

ايا خلينا هههه نعرفو بعضانا مليح

ونفس الحاجة تنطبق على منتدى واش راك تهدر لو نقارنوه مع منتدى النقاش لي يتطلب الفصحى نلقاو العضو يلقى راحتو هنا اكثر .

ويعطيك الصحة

اهلا بك اختي
ممكن اختي بلاك هذا مع طبيع التدريس الي لانا نبعد عن تحكمنا ي اللغة
اما الدارجة لها مكانتها طبعا ولغة تخاطب مفهومة لدى الجميع
اما منتدى واش راك تهدر كيما قلت لاختي لؤلؤة هو كلام استفزازي للاعضاء كاش ماينشطو الاقسام الاخرى
سرني مرورك اختي
يعطيك الصحة

 

[قرصان الساحل]

رد: واش راك تهدر يا جزايري

والله اول حاجة نشكرك اختي لاريما على موضوع الحساس وفقتي في اختيارو
بارجوع للموضوع انا شخصيا نتكلم الفصحى بطلاقة ما عنديش اشكال فيها لكن نلقى راحتي لما نتكلم الدارجة ونخلط الفرونسي بالعربي .. وكيما قريت رد لؤلؤة ان مثلا دول المشرق تتقن اللغة العربية الفصحى صح معاها حق لان هاد الدول لم تتعرض للاستعمار بالاضافة الى ان اصلهم عربي لكن ما لازمش نغفلو المراحل لي مرت عليها بلادنا من قبل الرومانيين والدولة النوميدية والدولة العثمانية وحتى ان اصلنا لسنا عرب فنحن في الاصل بربر وامازغيين عربنا الاسلام .. وبعدو نتكلم على الاستعمار الفرنسي اللي جا بسياسة القضاء على الهوية الاسلامية العربية وقام بكل شي اول شي قام بيه ان قام بوضع الصليب مكان الهلال .. وفتح مدارس للفرنسية واشياء شنيعة وكثيرة لولا محافظة جمعية العلماء المسلمين بالحفاظ على هويتنا وبعد الاستقلال جاونا اساتذة من مصر والعراق وسوريا حتى تعلمنا عربيتنا.
يعني مجتمعنا لاصولو وما مر بيه من حروب واستعمار على مر التاريخ هو اللي خلانا هكذا وكيما قلت انا بخصوصي نلقى راحتي بالدارجة نحسها معبرة اكثر بيناتنا حنا الجزايريين لو نتكلم بالفصحى ما نوصلش فكرتي كيما توصل بالدارجة.
تحياتي
​

 

[لاريمان]

رد: واش راك تهدر يا جزايري

والله اول حاجة نشكرك اختي لاريما على موضوع الحساس وفقتي في اختيارو
بارجوع للموضوع انا شخصيا نتكلم الفصحى بطلاقة ما عنديش اشكال فيها لكن نلقى راحتي لما نتكلم الدارجة ونخلط الفرونسي بالعربي .. وكيما قريت رد لؤلؤة ان مثلا دول المشرق تتقن اللغة العربية الفصحى صح معاها حق لان هاد الدول لم تتعرض للاستعمار بالاضافة الى ان اصلهم عربي لكن ما لازمش نغفلو المراحل لي مرت عليها بلادنا من قبل الرومانيين والدولة النوميدية والدولة العثمانية وحتى ان اصلنا لسنا عرب فنحن في الاصل بربر وامازغيين عربنا الاسلام .. وبعدو نتكلم على الاستعمار الفرنسي اللي جا بسياسة القضاء على الهوية الاسلامية العربية وقام بكل شي اول شي قام بيه ان قام بوضع الصليب مكان الهلال .. وفتح مدارس للفرنسية واشياء شنيعة وكثيرة لولا محافظة جمعية العلماء المسلمين بالحفاظ على هويتنا وبعد الاستقلال جاونا اساتذة من مصر والعراق وسوريا حتى تعلمنا عربيتنا.
يعني مجتمعنا لاصولو وما مر بيه من حروب واستعمار على مر التاريخ هو اللي خلانا هكذا وكيما قلت انا بخصوصي نلقى راحتي بالدارجة نحسها معبرة اكثر بيناتنا حنا الجزايريين لو نتكلم بالفصحى ما نوصلش فكرتي كيما توصل بالدارجة.
تحياتي
​

اهلا بيك خويا القرصان
جميل ان يكون لواحد منا التحكم في اللغة الصراحة قرات لك موضوع بالفصحى جميل جدا ادركت حينها انك ماشاء الله اننا لانستطيع ان مجاريك لا في كتابة المواضيع لا بالفصحى ولا بالدارجة ....
بالنسبة للاسباب التي دكرتها هل يعقل اننا لم نتحكم في اللغة ااسباب التريخية التي ذكرتها واثارها لاتزال سارية المفعول والتأثير احد الان ربما..... لكن من جهة رربما سياسة التعليم مازادت الطين بلة
ومع كل هدا ارى التحكم في اللغة الاهم
يعطيك الصحة اخي على هدا الرد
شكرا

 

[قرصان الساحل]

رد: واش راك تهدر يا جزايري

اهلا بيك خويا القرصان
جميل ان يكون لواحد منا التحكم في اللغة الصراحة قرات لك موضوع بالفصحى جميل جدا ادركت حينها انك ماشاء الله اننا لانستطيع ان مجاريك لا في كتابة المواضيع لا بالفصحى ولا بالدارجة ....
بالنسبة للاسباب التي دكرتها هل يعقل اننا لم نتحكم في اللغة ااسباب التريخية التي ذكرتها واثارها لاتزال سارية المفعول والتأثير احد الان ربما..... لكن من جهة رربما سياسة التعليم مازادت الطين بلة
ومع كل هدا ارى التحكم في اللغة الاهم
يعطيك الصحة اخي على هدا الرد
شكرا

والله ختي لاريمان كلامك شهادة نعتز بيها ولو اني بعيد انا تانيك وكثير من الاعضاء معجب بيهم ويكتبو احسن مني والواحد كيما قلتي لازم يطور من نفسو خاصة وان لغتنا العربية لغة القرآن وهي بحر واسع لدرجة أن كلمة واحدة راح تعني أكثر من معنى لمجرد تغيير موضعها في الجملة حتى سبويه واضع علم النحو على فراش الموت ويقول ان راح يدخل قبرو وما زال ما كملش قضية كلمة حتى
بالرجوع للأسباب التاريخية أختي هي اسباب كاينة نقلك علاه لان قديما قريش كانو لما يزيد عندهم طفل صغير يرسلوه للبداية حتى يتعلم فصاحة اللسان ولهذا قديما مكانوش اصلا يحتاجو لعلم النحو باه يعرف الكلمة منصوبة ولا مجرورة .. وحنا نظرا لأصولنا على فطرتنا راح نلقاو رواحنا نميلو بالدارجة والدليل مثلا اخوتنا بمنطقة القبائل يوجدو صعوبة مقارنة بالمناطق الاخرى كونهم يتكلمو لهجتهم الامازيغية وانا كذلك نلقى راحتي في اللهجة لي تربيت عليها .. ونفس الشي يجاوب على سؤالك الاول بخصوص منتدى وش راك تهدر كامل ناس تلقى روحها هنا بلا ما تحس لأن هنا يحسو انفسهم على طبيعتهم المتأصلة فيهم.
ههه عارف كثرت شوية الهدرة مع الموضوع هذا كيما قتلك في لول في الصميم بارك الله فيك
​

 

[لاريمان]

رد: واش راك تهدر يا جزايري

والله ختي لاريمان كلامك شهادة نعتز بيها ولو اني بعيد انا تانيك وكثير من الاعضاء معجب بيهم ويكتبو احسن مني والواحد كيما قلتي لازم يطور من نفسو خاصة وان لغتنا العربية لغة القرآن وهي بحر واسع لدرجة أن كلمة واحدة راح تعني أكثر من معنى لمجرد تغيير موضعها في الجملة حتى سبويه واضع علم النحو على فراش الموت ويقول ان راح يدخل قبرو وما زال ما كملش قضية كلمة حتى
بالرجوع للأسباب التاريخية أختي هي اسباب كاينة نقلك علاه لان قديما قريش كانو لما يزيد عندهم طفل صغير يرسلوه للبداية حتى يتعلم فصاحة اللسان ولهذا قديما مكانوش اصلا يحتاجو لعلم النحو باه يعرف الكلمة منصوبة ولا مجرورة .. وحنا نظرا لأصولنا على فطرتنا راح نلقاو رواحنا نميلو بالدارجة والدليل مثلا اخوتنا بمنطقة القبائل يوجدو صعوبة مقارنة بالمناطق الاخرى كونهم يتكلمو لهجتهم الامازيغية وانا كذلك نلقى راحتي في اللهجة لي تربيت عليها .. ونفس الشي يجاوب على سؤالك الاول بخصوص منتدى وش راك تهدر كامل ناس تلقى روحها هنا بلا ما تحس لأن هنا يحسو انفسهم على طبيعتهم المتأصلة فيهم.
ههه عارف كثرت شوية الهدرة مع الموضوع هذا كيما قتلك في لول في الصميم بارك الله فيك
​

مرحبا بيك اخي القرصان
هي حقيقة اخي انا لا اجامل انك من بين الاقلام المميزة ربي يدوم تميزك
صح اللغة العربية بحر كبير...... انا لا انكر دور العوامل التاريخية بل استغربت كيف كل هاته الفترة
لم نستطع اجتياز تاثيرها السلبي وكل ماقلته صحيح واوافقك الراي فيه
اما بالنسبة هنا في المنتدى حبيت تكون للاعضاء مشاركات في الاقسام الاخرى وانا مثلكم ندور ندور ونرجع لهدا القسم
مع اني انا عكسك احب الكتابة بالفصحى
صدقني اجد صعوبة في كتابة وترتيب افكاري بالدارجة
لالا اخي راك في الصميم سرني تحاوري معك
يعطيك الصحة