صوت مغشوش ل:فاطمة الزهراء بطوش

[الحرف الجميل]

بصوت حنين رزين وزاد حنو شوية​

قالي:ألو..؟​

دق قلبي لصوتو..حننت صوتي بزيادة​

وقتلو:واشكون؟​

قالي:أنا يلي يبات يفكر فيك..أنا لراجل الحساس..​

لعبتها قافزة قتلو:اختصر..من كلامو غلبني النعاس​

قالي:اسمعيني..لا تخليني وحداني​

يا قمرة ضواية على كف يدي نعيشك​

في رموش عينيا نخبيك وعلى ليل شعرك نسهر ونسكر​

الليل طويل وأنا كيما انتي محتاجين لونيس..​

كلمة منا وكليمات ملهيه وطيرنا جد جد النعاس..​

يا ويل ويلنا بعد ما فطنا الوسواس..​

واش يفوت ليل يبات فيه ابليس عساس..​

قالي وقتلو..حتى الكلام منا ما خلاص..​

وغير شوي قلبناها كذب ونفاق وغراميات..​

قالي:أنا نويتك..بصح بعد مانلم شوية دريهمات..​

اداني بموجة صوتو الرنان للهيييه –للفوق-​

ورجع جابني وحطني الهيه -تحت-​

وصلت بيه يطلب يتلاقاني فبلاصة من البلاصات..​

جاوبتو قتلو وداخلي قلبي يترعد:​

اهه..​

حاجة بيانة..يشري الحوت فالبحر؟​

ايه لازم نكون من المثقفات المتحررات​

بصح أنا ماشي حوتة ملحوتات.​

قالي: خيري كل الحاجات..إلاّ البلاصة خليها ليا أنا..​

أنا وانت برك يازينة الزينات..​

استر ربي وغاب ابليس فذيك اللحظات​

بالاك راح لعند وحدة من لمتحررات​

حوتة من الحوتات..​

اسكت يسنى مني جواب:​

أمرك حضرات.​

وشي داخلي ما حب يسكت:​

هزتني :واش يكون عند رب النازعات؟​

هداتني:ثمة مغفرة وجنات..​

لامتني:ما كاين جنة بلا حسنات..​

ما كاين مغفرة بلا استغفارات​

زلقت من رموشي دمعة..​

جرات وراها دمعات​

محال تضيع مني لمثاليات..​

محال نعصي ربي فجال كليمات​

جاوبتو..قتلو..تحديتو:​

قلبي مازال ما مات..​

عرضي.اسمي.ديني.حجابي.قلبي.​

روحي.جسمي.حبي لربي وحتى صوتي ​

ماشي من المبيعات​

بصوت خشين مهزوز ولى رعدات​

قالي:​

ماقال شي ​

المكالمة من عندي اتكوبات ​

وعرفت أنو صوتو..مغشوش​

26-04-2009​

​