عااااااااجل دبرو عليا ربي يخليكم

[حياتي ابنتي]

السلام عليكم.خوتاتي بغيتكم تعاونوني و تعطوني افكار عندي عرضة نهار السبت انشاء الله لدارنا (امي العزيزة.اختي و زوجها.اخي و زوجته.2خوتي)و عزوجتي و شيخي و ام شيخي الله يخليكم عطوني كاش وصفات و افكار و طريقة تقديم مشرفة واللي عندها كاش عرضة مصورتها تفيدني بيها و جازاكم الله كل خير

 

[،كارينا،]

رد: عااااااااجل دبرو عليا ربي يخليكم

نصائح من وحدة صغيرة يمكن ماتعجبيكش ...ما تتوتريش هاهي باينة عليك ...عدم الضغط الزائد على نفسك ديري برك لتقدري عليها ... وان شاء الله ربي يجيب لي فيها الخير وجمعة طيبة ان شاء الله باخبار سارة

 

[عطر ياسمين]

رد: عااااااااجل دبرو عليا ربي يخليكم

اختي العزيزة مرحباً وكيف الحال
ارجوكي فهمينا علواش نعونوك
مثلاً وصفات للأكل او حلويات اوديكور
فهمينا واش المقصود

 

[GI Joe]

رد: عااااااااجل دبرو عليا ربي يخليكم

maaalich b chwia; m2elou 2 jours, mais fi plactek ydji stresse sah rahom 10 3bed allah ybarek
choufi lekbar wech yaklou la kanou mradh madirich hadja malha wala hadouk lehwayesj ghir li yeteklou b la fourchette
matlou3 laazem, salade varié, dessert flan caramel puisque ness kamel thebou + fruits
w les plats nti w ma9dourek
طريقة التقديم mathemech rahom la famille w almohim ykounou a l aise, hoti service simple bark
:regards01:
​

 

[خديجة 24]

رد: عااااااااجل دبرو عليا ربي يخليكم

ديري شربة ولا حريرة و حاجة صالي معاها بوراك ولا سوفلي ولا خبيزات محشيين و ديري الطبق الثاني على حساب واش يحبو الكبار يعني الشيخ و لعجوزة و بماة للشيخ و يماك و باباك و سلاطة منوعة و ادا قدرتي ديري نوعين من سلاطة مثلا سلاطة روز و سلاطة خضرة و فاكهة ولا سلطة فواكه و كاش فلان ديسير
وهادي فكرة سامبل و أنا و مقدورك
الفكرة مديتها على حسابي أنا

 

[حياتي ابنتي]

رد: عااااااااجل دبرو عليا ربي يخليكم

نصائح من وحدة صغيرة يمكن ماتعجبيكش ...ما تتوتريش هاهي باينة عليك ...عدم الضغط الزائد على نفسك ديري برك لتقدري عليها ... وان شاء الله ربي يجيب لي فيها الخير وجمعة طيبة ان شاء الله باخبار سارة

شكرا اختي والله ماراني مظغوطة مي بغيت ندير حاجة شابة خصوصا لاخي اللي لولاول مرة يجي اعتني و عزيز.عليا بزااف

 

[حياتي ابنتي]

رد: عااااااااجل دبرو عليا ربي يخليكم

اختي العزيزة مرحباً وكيف الحال
ارجوكي فهمينا علواش نعونوك
مثلاً وصفات للأكل او حلويات اوديكور
فهمينا واش المقصود

كاش اطباق شابة و تاني ديكور اختي شكرا

 

[حياتي ابنتي]

رد: عااااااااجل دبرو عليا ربي يخليكم

maaalich b chwia; m2elou 2 jours, mais fi plactek ydji stresse sah rahom 10 3bed allah ybarek
choufi lekbar wech yaklou la kanou mradh madirich hadja malha wala hadouk lehwayesj ghir li yeteklou b la fourchette
matlou3 laazem, salade varié, dessert flan caramel puisque ness kamel thebou + fruits
w les plats nti w ma9dourek
طريقة التقديم mathemech rahom la famille w almohim ykounou a l aise, hoti service simple bark
:regards01:
​

شكرا افكار شابة صحيتي على اللي خممتي عليا اختي

 

[حياتي ابنتي]

رد: عااااااااجل دبرو عليا ربي يخليكم

ديري شربة ولا حريرة و حاجة صالي معاها بوراك ولا سوفلي ولا خبيزات محشيين و ديري الطبق الثاني على حساب واش يحبو الكبار يعني الشيخ و لعجوزة و بماة للشيخ و يماك و باباك و سلاطة منوعة و ادا قدرتي ديري نوعين من سلاطة مثلا سلاطة روز و سلاطة خضرة و فاكهة ولا سلطة فواكه و كاش فلان ديسير
وهادي فكرة سامبل و أنا و مقدورك
الفكرة مديتها على حسابي أنا

انا تاني خممت.هاكا مي غادي نقوللك على اقتراحي و قوليلي يلا نديره:حريرة+بوراك+طاجين زيتون مع دجاج محمر+طاجين حلو+فلفلة+سلاطة روز+سلاطة خضرا و بما انو موسم الدلاع اكيد و فلان و فواكه. كي بانتلك اختي

 

[حياتي ابنتي]

رد: عااااااااجل دبرو عليا ربي يخليكم

maaalich b chwia; m2elou 2 jours, mais fi plactek ydji stresse sah rahom 10 3bed allah ybarek
choufi lekbar wech yaklou la kanou mradh madirich hadja malha wala hadouk lehwayesj ghir li yeteklou b la fourchette
matlou3 laazem, salade varié, dessert flan caramel puisque ness kamel thebou + fruits
w les plats nti w ma9dourek
طريقة التقديم mathemech rahom la famille w almohim ykounou a l aise, hoti service simple bark
:regards01:
​

شكرا اختي عندك الصح راهم غي عائيلتي بصح راك عارفة حنايا النساء نبغو نبينو رواحنا هههههههههههههههههههه

 

[samah06]

رد: عااااااااجل دبرو عليا ربي يخليكم

من الشرق للغرب اكيد تفرق
ديري ميني بيتزا او سوفلي او بوراك تركي اي شيء كمقبلات
وديري اوردافر وجاري فريك او حريرة تاعكم هي من الاحسن
ديري حاجة جديدة ماكلاوهاش قبل
مع رولي بالسكالوب والفيونداشي والفرماج
ومن بعد كاش معجناة تشتهرو بيهامثلا رشتة مع سلطة خضرة بالطماطم والزيتون
وديسار ديري بقدرك فاكهة وحدة او تقدري تنوعي
ومن بعد طيبي شاي مع مكسرات وايضا
قهوة مع قاطو معسل وعصير وفلان حطيهم مع بعض في صينية واحدة وكل واحد واش يحب يشرب
وهذه عزومة سامبل انا درتها شحال من مرة
ان شاء الله نكون افدتك وخاصة كيما قلتلك من الشرق للغرب تفرق بزااااف

 

[شمس الاصيل2]

رد: عااااااااجل دبرو عليا ربي يخليكم

ماديريش حاجة ماتعرفيهاش وخاصة الكبار مايحبوش الجديد انت لي تعرفي واش يحبو ربي يعينك سهلي على روحك