يجيحوا فالنسا -_-

["viola"]

السلاام عليكم و رحمة الله

وشراكم خاوتي الأفارقة صافا ؟؟

توحشتكم خخخ نخرط برك اصلا وين رحت حتى نتوحشكم ياك راني كل يوم هنا -_-

نسيت علاه جيت :-o ...

ايه صاي اني تفكرت :p:p

الموهييييييم قبيلا كنت مريحة مع ماما كانت تتفرج فالنهار و لا الشروق و الله معلابالي كنت مبرونشيا مع الفيس ندير فالجماجيم على توفيق مخلوفي خخخ

الموهيييم انا قاعدة في رحمة ربي حتى قاتلي ماما هاو البيبليسيتي لي قتلك عليه ..

انا مع رفعت عينيا ..مصرالي والو متخافوش خخخ مخي تفعص برك -_-

نلقاهم حاطين قهوة حليب في كرطونة :-o ياو قالك سخن و اشرب :-o:-o

يا للهول :s قهوة ثان بطلتو طيبوا ؟؟؟

يعني مش تبهديلة المرا جايينها ضياف.. pراس يا عجبة ما اطلعهاش :s قهوة حليب يشروها مالسوق ؟؟ ها شوية

قالك بلاط سخن و كول مع الأطباق الجاهزة فيها الشطيطحة و اللوبيا في باطة قلنا معليش ؟

الفنيانة تروح تشري زوج باطات و تسخنهم و ترهجهم ..بصح متقدرش تنوض دير قهوة ؟؟

هنا افتحولي الباب خلوني نخرج نحسب النجوم -_-

يجيحو فالنسا عيني عينك طول :down::down:

ولا وش قال الخاوة ؟؟؟؟

إليكم الخط

​

 

[Skor m@k]

رد: يجيحوا فالنسا -_-

السلام عليكم
ختي فيوليتا نهار نكون مليح نردلك رد مليح
اسمحيلي ضرك مقدرتش كامل نكتب
اتهلاي​

 

["viola"]

رد: يجيحوا فالنسا -_-

السلام عليكم
ختي فيوليتا نهار نكون مليح نردلك رد مليح
اسمحيلي ضرك مقدرتش كامل نكتب
اتهلاي​

اوك ..شكرا للاعتماد ​

 

[Malika Tlm]

رد: يجيحوا فالنسا -_-

مساء الفل
ياختي والله راكي تخمي معايا
انا تاني شفتها البارح وقلت ايه هدا تبهديل هدا
الجياحة كامل هكدا
والله تامني انا المنتوجات هدي كامل مندورش بيها
ايا خطيونا بركاونا من الجياحة
ربي يخليك
موضوع هايل​

 

[لؤلؤة قسنطينة]

رد: يجيحوا فالنسا -_-

السلام فيوليتا
مرحبا بيك زارتنا البركة
وانا نقول علاه الدنيا منورة اليوم هههه
المهم ندخل في الموضوع
والله تأمني بربي ماعندهاش بزاف قبيل برك قبل صلاة العشاء كنت نشوف في الاشهار هادا شبعت ضحك
وقلت في نفسي ماكانش قد لي يطيب القهوة ويشربها مع الحليب مع اني نشرب الحليب بيض كيما راه
بصح غير تشم ريحة القهوة وحدها وريحة الحليب وحدها تحلالك وتحس بطعم لفطور، بصح درك يفهموني
زعما يجيوك ضياف تحطيلهم تارموس تاع القهوة فيه الحليب والقهوة ولا البريق تاع الحليب تحط فيه الحليب والقهوة
واشوا التمسخير هادا قريب القاطو تاني تجيبلهم كتاب سميرة وتقولهم كولو من الورق
وكيما قلتي تاع بلاط ماكلة طايبة محفوظة لمدة طويلة نجيبها انا ونسخنها -_- بالاك الجاج لي فيها مسكين من الاستعمار
وهو محبوس تما هههه
والله شوفي مليح التطور ومليح الامكانيات لي تساعد المرأة في اعمالها المنزلية ولا في الطبخ بصح ماش لهاد الدرجة بعد
ماش غير يجيحو في النساء والله
وبلا مانهدر على اشهاراتنا لي هي بعد جياحة ويختل العبد في مخو كي يشوفهم تقول عذاب السجن هههه
شكرا امونتي على الموضوع الشباب
ربي يحفظك الزينة
​

 

[{مُدَلَّلَتُهُ}]

رد: يجيحوا فالنسا -_-

السلام عليكم و رحمة الله وبركاته

فيوليتا شعرت بالسعادة كي قريت توحشتكم خخخخ مبعد ثم ثم ردختيني على لرض كي قلتي راني نكذب علاه بعض الكذب لذيذ أحيانا :p

احم المهم نرجعو لحليب بالقهوة واجد

أنا أول مرة شفت الإشهار عندها يومين كنت عند جدتي بايتة قاتلي شوفي هااذي تنفعني بصح لوكان جيت نشرب الحليب .. مبعد قاتلي لا بصح تنفعني كي يجو الضياف :p قتلها بركاي ما تشرّي عليا أنا الصباح نوض نطيبلك قهوتك و حليبي :d

يعني قمة الجياحة و الله سيرتو كي تختمها هاديك لصحبتها "شفتي و تقدرو ندوها معانا للخدمة " يا عمري يدو معاهم للخدمة قهوة حليب باردة سااردة بركاو ما تخرطو علينا -_-

بالاك هاذي تنفع راجل عايش وحده خاطيه الطيااب يعجز باه يطيب الصباح . . على الأقل خير من القهوة برا لي ما نعرف كي يخدموها . . بصح يجو لمراة طول و عرض ضياف تروح تحميلهم هاذي القهوة الواجدة خطأ واضح سيدي الحكم !

ترقبيها من للدخول تع العام الجاي لاتشيتشي تع papa & maman جايبينها في الصاك مع لي gـوبلي و يشربو في لونفي خخخخخخ

و يقولك علاه العنوسة في الجزائر في ازدياد ها الراجل صاب كل شي واجد برا يحمي و ياكل علاه يبلي روحه بمصاريف مرأة ما تعرف دير والو ما غير التنـgـريش -_-
​

 

[شاعرة الأمل]

رد: يجيحوا فالنسا -_-

اهلا اهلا بالغالية واش راكي حبيبة ان شاء الله بخير
ايه ختي شفتي العجب والتبهديل
ومنبعد يقولك كترت العنوسة ايه سينورمال تكثر
وعلاه يتزوج عاد كلش متوفر حتى القهوة خلطوها مع الحليب وراهم يبيعو فيها
ايه يلا هكا يشري ويسخن برك وعلاش يتزوج ويجيب وحدة تزيد عليه المصاريف
والله انا راني باقية حايرة الله يجيب الخير وخلاص
موضوعك توب حبيبتي مشكورة
سلام​

 

[AmiR@RoRo]

رد: يجيحوا فالنسا -_-

السلام عليكم
اهلا ايمان ،، كي شفت توحشتكم عرفتها بلي ماشي تع بصح خاطر ماشي نتي لي تقوليها هههه
والله نفس الملاحظة ختي ايمان غير لبارح شفتها
كل مرة يطلعو بفكرة على طبع وكل وحدة تحير كتر من ختها
كلشي سهلوه هي ممكن تنفع الراجل مليحه مي المرا -_- قمة الجياحه
ديجا وكان ما لكدوب مام حطت منها جايينها ضياف تحطلهم الكرطونات فالطابلة زعما -_-
حتى فاشهار وميعرفوش يخرطو
شكرا ليك

 

["viola"]

رد: يجيحوا فالنسا -_-

مساء الفل

اهلا خيتو

ياختي والله راكي تخمي معايا

كيما يقولك القاوري great minds think alike‏ :d

انا تاني شفتها البارح وقلت ايه هدا تبهديل هدا
الجياحة كامل هكدا

والله تجي تفهم تحير

والله تامني انا المنتوجات هدي كامل مندورش بيها

عندك الحق منعرف قاع وش فيها

ايا خطيونا بركاونا من الجياحة
ربي يخليك
موضوع هايل​

صحيتي ختي نورتي

سلامي ​

 

["viola"]

رد: يجيحوا فالنسا -_-

السلام فيوليتا

سلملم مريهام :d

مرحبا بيك زارتنا البركة
وانا نقول علاه الدنيا منورة اليوم هههه

هههه يعيشك ربي يحفضك

المهم ندخل في الموضوع
والله تأمني بربي ماعندهاش بزاف قبيل برك قبل صلاة العشاء كنت نشوف في الاشهار هادا شبعت ضحك
وقلت في نفسي ماكانش قد لي يطيب القهوة ويشربها مع الحليب مع اني نشرب الحليب بيض كيما راه
بصح غير تشم ريحة القهوة وحدها وريحة الحليب وحدها تحلالك وتحس بطعم لفطور،

و الله العظيم ريحة القهوة تضربلك فالراس الله الله تترشق خخخ

بصح درك يفهموني
زعما يجيوك ضياف تحطيلهم تارموس تاع القهوة فيه الحليب والقهوة ولا البريق تاع الحليب تحط فيه الحليب والقهوة

خخخخ يجيبولهم الكرطونة بأمانتها ههه

واشوا التمسخير هادا قريب القاطو تاني تجيبلهم كتاب سميرة وتقولهم كولو من الورق

هههههه و الله العظيم

وكيما قلتي تاع بلاط ماكلة طايبة محفوظة لمدة طويلة نجيبها انا ونسخنها -_- بالاك الجاج لي فيها مسكين من الاستعمار
وهو محبوس تما هههه

هذا لا عاد دجاج مش حاجة اخرى خخخخ عععع

والله شوفي مليح التطور ومليح الامكانيات لي تساعد المرأة في اعمالها المنزلية ولا في الطبخ بصح ماش لهاد الدرجة بعد
ماش غير يجيحو في النساء والله

يا ودي وشمن تطور الناس تطور فالماشينات يطلعو للمريخ قريب يخلونا لرض بمواليها و حنا يهدروا على كروشهم برك :down:

وبلا مانهدر على اشهاراتنا لي هي بعد جياحة ويختل العبد في مخو كي يشوفهم تقول عذاب السجن هههه

نتفرج اكشن يا دوري و منشوفش بيليسيتي دزيري خخخ أبار تاع سيفيطال تاع صح كاينة كاينة هههه نموت عليه :p

شكرا امونتي على الموضوع الشباب
ربي يحفظك الزينة
​

العفو حنونة ..نورتيني ختيتي

ربي يخليك

مرسيااات ​

 

["viola"]

رد: يجيحوا فالنسا -_-

السلام عليكم و رحمة الله وبركاته

و عليكم السلاام اهلين

فيوليتا شعرت بالسعادة كي قريت توحشتكم خخخخ مبعد ثم ثم ردختيني على لرض كي قلتي راني نكذب علاه بعض الكذب لذيذ أحيانا :p

ههههه لالا هذيك للفال برك باه كشما وين نروح نحوس و نتوحشكم صح صح خخخخ :p:p

احم المهم نرجعو لحليب بالقهوة واجد

أنا أول مرة شفت الإشهار عندها يومين كنت عند جدتي بايتة قاتلي شوفي هااذي تنفعني بصح لوكان جيت نشرب الحليب .. مبعد قاتلي لا بصح تنفعني كي يجو الضياف :p قتلها بركاي ما تشرّي عليا أنا الصباح نوض نطيبلك قهوتك و حليبي :d

هههههه تعرفلها جداتك تجيك غي بلعقل :d ربي يحفضهالك

يعني قمة الجياحة و الله سيرتو كي تختمها هاديك لصحبتها "شفتي و تقدرو ندوها معانا للخدمة " يا عمري يدو معاهم للخدمة قهوة حليب باردة سااردة بركاو ما تخرطو علينا -_-

هههههههههههههههه ايه و الله ..نورمال مالتفنيين تشربها باردة عادي هههه

بالاك هاذي تنفع راجل عايش وحده خاطيه الطيااب يعجز باه يطيب الصباح . . على الأقل خير من القهوة برا لي ما نعرف كي يخدموها . . بصح يجو لمراة طول و عرض ضياف تروح تحميلهم هاذي القهوة الواجدة خطأ واضح سيدي الحكم !

يا ودي الراجل و ما يشربهاش باينة خفيفة ماء :down: ..و هذيك بعد *كيما تقول مريم :d* لي طيرتلي البراغي تاع مخي خخخ

ترقبيها من للدخول تع العام الجاي لاتشيتشي تع papa & maman جايبينها في الصاك مع لي gـوبلي و يشربو في لونفي خخخخخخ

هههههههههه نفرغهالها فوق راسها و ميسمونيش فيولا :p:p

و يقولك علاه العنوسة في الجزائر في ازدياد ها الراجل صاب كل شي واجد برا يحمي و ياكل علاه يبلي روحه بمصاريف مرأة ما تعرف دير والو ما غير التنـgـريش -_-
​

هههههه ايوا اكزاكطومو هههه ...بصح هاك و نتحداك راجل يشرب هاذيك القهوة ..

صحيتي هدى خيتي نورتي

نسخللك قهوة؟:d:p:p​

 

["viola"]

رد: يجيحوا فالنسا -_-

اهلا اهلا بالغالية واش راكي حبيبة ان شاء الله بخير

اهلا بيك حبيبة ..ربي يغليك و يعليك خيتو

ايه ختي شفتي العجب والتبهديل

و الله مخك يحبس

ومنبعد يقولك كترت العنوسة ايه سينورمال تكثر
وعلاه يتزوج عاد كلش متوفر حتى القهوة خلطوها مع الحليب وراهم يبيعو فيها
ايه يلا هكا يشري ويسخن برك وعلاش يتزوج ويجيب وحدة تزيد عليه المصاريف

و الله ..مخطط صهيوني واقيل و حنا ماناش فايقين هههه

والله انا راني باقية حايرة الله يجيب الخير وخلاص
موضوعك توب حبيبتي مشكورة
سلام​

اللهم آمييين ...شكرا لييك حنونة نورتيني

ربي يخليك
​

 

[ضيوف وسـنغادر]

رد: يجيحوا فالنسا -_-

السلام اختي فيولا
موضوع محتاج بزااف تبزنيس وخدمة خخخ
اصبريني غدوا او كي نكون مليحة وندخل
تصبحوا بخير^^​

 

["viola"]

رد: يجيحوا فالنسا -_-

السلام عليكم

و عليكم السلاام اهلا اميرة

اهلا ايمان ،، كي شفت توحشتكم عرفتها بلي ماشي تع بصح خاطر ماشي نتي لي تقوليها هههه

ههههه و الله والو ديجا نتيا بالذات ليك وحشة ختي ..ماكيش تباني بزااف ان شاء الله راكي مليحة

والله نفس الملاحظة ختي ايمان غير لبارح شفتها
كل مرة يطلعو بفكرة على طبع وكل وحدة تحير كتر من ختها

هلو افريكا هههه وش تحبي

كلشي سهلوه هي ممكن تنفع الراجل مليحه مي المرا -_- قمة الجياحه
ديجا وكان ما لكدوب مام حطت منها جايينها ضياف تحطلهم الكرطونات فالطابلة زعما -_-

هذيك لي قاتلهم ارقدو و انا نغطيكم ههههه برافو الجياحة راهي في أعلى مستوياتها .
المصدر : يوسف زروطة من كتاب الاشهارات في الجزائر الجزء الثاني خخخخ

حتى فاشهار وميعرفوش يخرطو
شكرا ليك

شكرا ختيتي نورتينا

سلامي ​

 

["viola"]

رد: يجيحوا فالنسا -_-

السلام اختي فيولا

و عليكم السلاام

موضوع محتاج بزااف تبزنيس وخدمة خخخ

هههه ي حفيظ هاذو قااع خخخ

اصبريني غدوا او كي نكون مليحة وندخل

خذلك سنيكرز :p ..ان شاء الله

تصبحوا بخير^^​

في امان الله اختي

شكرا
​

 

[يونس قاسم]

رد: يجيحوا فالنسا -_-

كلمة واحدة
يجيحو فالنسا عيني عينك طول

 

[عاشقة الإحسان]

رد: يجيحوا فالنسا -_-

شكرا لكي حبيبتي فيولا على هذا الموضوع ،رغم أني لم أشاهد هذا الإشهار الذي تكلمت عنه لأني لا أشاهد التلفاز الا نادرا، نرفزني و أحزنني لما آلت اليه بعض العينات ، رأيي بكل بساطة أن من صنع هذا المنتوج جااااايح و اللي باعو جاااااايح و المرأة اللي تروح تشريه أجيح منهم في زوج .
تقبلي مروري تحياتي لكي حبيبتي .​

 

[باتنية و نص]

رد: يجيحوا فالنسا -_-

صباح الخير
كي صبحتي
نبان منيش عايشة معاكم تالمو جامي تفرجت فهذو الشروق والنهار .واصلا نحيتهم من التيلي ^^
اكي قلتيها يجيحوا فالنسا مباعد كي يجيو يخطبوا يحوسو على وحدة كل صبع بصنعة
مي تبغي الصح مليحة هاذ العفسة للعباد اللي الضياف ميحبسوش عندهم (كيما حالتي -_- )
تحياتي

 

[لآ شَيْـئَ مُهـمْ]

رد: يجيحوا فالنسا -_-

السلام عليككم
ههههه دوختيني ، و زعما صح دارو بيبليسيتي كيما هذي
انا و الله ما شفتها و ماظنيتش نشوفها
بصح زعما تجيني نورمال ، مش باه تشري لا باه تبيعي
ايوا الي يصنعها تجيه نورمال ضوك عارف النسا كيما قلتي جياحو و تقولك جيت مالخدمة راني فابل
ابا هو يروح يصنعلها هذي و يسترزق على روحو

 

[miss victoria]

رد: يجيحوا فالنسا -_-

ouii hhhhhh sah cheftouu

kima 9al lmtal

mn 9bil sidi mliih w zadou lhwa w rih hhhhhh