كيف أتعامل مع ابنتي ساعدوووني

دمعة اشتياق

:: عضو بارز ::
أحباب اللمة
إنضم
19 ماي 2011
المشاركات
1,721
نقاط التفاعل
545
النقاط
51
السلام عليكم و رحمة الله و بركاته

ندخل في الموضوع مباشرة عندي بنت عندها سنتين و نصف وهي بنتي الوحيدة
ياناس مني عارفة كيفاش نتعامل معها تبكي بزاف
نهار كومبلي وهي تبكي و خصوصا وقت العصر
يقولولي الناس دللتيها و مرات نفقد اعصابي و نصرخ
في وجهها و مرات نضربها صراحة
ومين نخرجو لببرا تفرج فيا الناس بالبكاء وتقولي
ارفديني
والله تعبت من تربيتها عنيدة جدا جدا و ماتساعفش ابدا
مرات نحب نسمعها رقية شرعية ماتحبش تسمع قرآن


أنصحوني هل اتجاهل بكاءها هل نأخذها عند طبيب نفساني
هل ابتعد عن ضربها نصحوني قبل لا نروح للسبيطار الأمراض العقلية
راني هبلت والله
 
رد: كيف أتعامل مع ابنتي ساعدوووني

السلام عليكي
ربي يحفظهالك
والله يا اختي هي تحب تجذب الانتباه برك
انت كي هي تبكي ولا ماتروحيش ليها
خليها وحدها تبكي وتسكت
هكدا نديرو لبنت اختي
انت لوكان ترجعي ليها هي تبقى ديما تعاوده هذ الجاست
مام بنت اختي وحيدة ماش شرط من الدلال
هوما برك يحبو ديما تبقاي لاهية بيها
انت سيي برك هي كي تبكي ماتحاوليهاش وماتهدريش معاها
روحي اخرجي وخليها
برك مع الوقت تولي عادي
ربي يكون في العون
وبلعقل برك اختي
 
رد: كيف أتعامل مع ابنتي ساعدوووني

وعليكم السلام اهلا وسهلا بيك اختي والله توحشناك من زمان ماشفناك واليوم كي شفتك فرحت ^^
متقلقيش روحك
ربما بنتك عصبية
البكاء هذا من وقتاه بداها هل منلي كانت رضيعة ولاغير مؤخرا ؟
الافضل تديها لطبيب اطفال هو يشوفها ويقدر يوجهك
اذا كانت حالتها تستدعي فقط طريقة معينة في المعاملة راح يمدلك واش تعمليلها
واذا كانت تستدعي طبيب نفساني راح يوجهك
متقلقيش روحك
وطمنينا عليها
 
رد: كيف أتعامل مع ابنتي ساعدوووني

السلام عليكم اهلا بك اختي
هادي كيما بنت خالتي طول الوقت تبكي وتقول ارفدوني وهاك وهاك
المهم انتيا كي تولي تبكي ماديريش عليها ماتقوليلهاش نديرلك هادي نديرلك هادي راهي تدلل برك
الضرب ماهوش مليح خاصة بالنسبة لعمرها الصغير .اصرخي عليها شوية تولي تخاف شوية منك
كما قلتي راهي وحيدة اكيد تكون حاسة بالوحدة كيخرج باباها وتقعدي انتي لاتي بغضيان الدار تقعد غير وحدها على هذا السبب تحاول
تلفت انتباهك ليها
ربي يجيب لي فيها الخير وربي يكون في عونك وبالنسبة لمستشفى الامراض العقلية بعيد الشر ماتهبلي ماوالو هههههههههه
عادي اصبري كي يولو عندك 4/6 ههههههه
 
رد: كيف أتعامل مع ابنتي ساعدوووني

نشكركم أحبائي على الردود
بالنسبة لام ياسمين وسؤالها بنتي ملي كانت في كرسي قبيحة هههه ولي ولدتها راني نسوفري معاها والله العظيم
تنميتها تخرج عاقلة و راني حابة نبيها تربية صالحة و تحفظ القرآن الكريم
ها ساعة راهي غالبتني و خرجت بانضية ههههه
بما اني قليلة الخبرة فلتربية راكي عارفة عمري 20 وتاني اول ولادة
مانيشعارفة اسكو نربيها بحنانة تخرج مقلشة
ولا نعطيها طرايح تخرج معقدة
صحيت ربي يجازيكم جمة الفردوس لي نصحتوني
ونتمنى لي عندها أولاد تعلمني
باش نربيها احسن تربية
الله يحفظكم
 
رد: كيف أتعامل مع ابنتي ساعدوووني

ربي يحفظهالك ويطول في عمرها وتكون من اصلح النساء ان شاء الله
هههه انا والله الزواج وامنيش متزوجة عمري 18 ههه بصح نتمنى من الاخوات يعاونك وخاصة
الاخت ام ياسمين عندها خبيرة كبيرة نظن في تربية الاطفال وربي يعاونك
 
رد: كيف أتعامل مع ابنتي ساعدوووني

السلام عليكم
ربي يخليلك بنيتك ان شاء الله ويحفظهالك يارب
شوفي ختي لعزيزة بصراحة كلام الاخوات كافي ووافي ماشاء الله يعني نزيد اضافات برك
ولي هي:
مثلا لما تكلمتي على بنتك وقلتي حابة نربيها على طاعة الله وكلشي تقدري توصلي لهاد النقطة خاطر بنتك مازالت صغيرة
يعني مازالت تحتاج تربية عامين ونصف مازالت كي العجينة تقدري تشكليها كيما تحبي نتي واشوا اخطيك من الضرب
الضرب يكون الا في الضرورة فقط مثلا لحقت وين تقرب من النار ولا من حاجة خطيرة لازم تضربيها باه تبينيلها
بلي الشي هادا ممنوع وفيه ضرر ليها اما كي تبكي ماتضربيهاش هادا هو وقتها تاع البكاء وتاع الشغب وتاع كلشي
انا نعرف ولاد دخلو يقراو وعمرهم 8 و 9 سنين ومازالو يبكيو وكلشي ومشاغبين وراسهم خشين يعني شي عادي
ماتتقلقيش خلاص وهادا هو دور الام لازم تصبر على صغيرها وتحاول تربيه على الشي الصحيح يعني اصبري معاها
وفيما يخص الرقية الشرعية ماش شرط تسمعيها القرآن ليها وحدها ولا تبينيلها بلي القرآن هادا ليها برك حتى تقلق وتعند
حاولي توليفيها انو القرآن حاجة اساسية في الدار وحطيه في بيتك ولا في دارك (اذا كنتي ساكنة وحدك) حتى لما تكون
تلعب بألعابها ولاتية بيهم القرآن او يمشي وحدو على التلفاز ورايحة توالف بيه تلقائيا، ايضا اتعاملي معاها بطريقة المكافأة
مثلا كي قلتي تبكيلك في الطريق نبهيها قبل ماتخرجي قوليلها البنات الفحلات لي مايبكيوش يشريولهم الشوكولا والحلوى
وكافئيها كي تخرج معاك بلا مادير حاجة غالطة، مثلا حفظيها السور الصغيرة تاع القرآن وكافئيها كل ما تحفظ بحلوى
ولا بهدية تحبها خاطر كل طفل وكيفاه كاين لي يمشي بالترهيب وكاين لي راسو خشين يمشي بالمكافأة
وكيما قالولك الاخوات اديها لطبيب اطفال اذا حبيتي باه يطمنك اما الباقي اتعاملي معاها بغريزة الامومة ولي مايقدر
عليها اي شخص غيرك ونقصي الضرب خاطر راهو يرجعها عنيدة وتمكر كتر حاولي تمشي معاها بليونة باه تستجيب
وربي يحفظهالك ان شاء الله ويجعلها ذرية صالحة
بالتوفيق :)
 
رد: كيف أتعامل مع ابنتي ساعدوووني

يااختي نعطيك نصيحة مليحة كي تكوني انت والزوج نتاعك قاعدين روحي شديها وقوليلها انت وهو
اذا تزيدي تبكي رانا نجيبو بيبي جديد ونشرولو الحلوة ونخلوك خخخ علابالي ما تزيديش تسمعي صوتها ههه
ربي يخليهالك
 
رد: كيف أتعامل مع ابنتي ساعدوووني

نشكركم أحبائي على الردود
بالنسبة لام ياسمين وسؤالها بنتي ملي كانت في كرسي قبيحة هههه ولي ولدتها راني نسوفري معاها والله العظيم
تنميتها تخرج عاقلة و راني حابة نبيها تربية صالحة و تحفظ القرآن الكريم
ها ساعة راهي غالبتني و خرجت بانضية ههههه
بما اني قليلة الخبرة فلتربية راكي عارفة عمري 20 وتاني اول ولادة
مانيشعارفة اسكو نربيها بحنانة تخرج مقلشة
ولا نعطيها طرايح تخرج معقدة
صحيت ربي يجازيكم جمة الفردوس لي نصحتوني
ونتمنى لي عندها أولاد تعلمني
باش نربيها احسن تربية
الله يحفظكم

والله يااختي انا تاني معنديش خبرة مع الدراري بنتي في عمرها 6 شهور
الافضل تديها لطبيب تاع اطفال هو يعطيك طريقة صحيحة
ومتقلقيش روحك هاذو هوم لولاد
:love01:
ربي يحفظهالك
 
رد: كيف أتعامل مع ابنتي ساعدوووني

ربي يحفظهالك ويطول في عمرها وتكون من اصلح النساء ان شاء الله
هههه انا والله الزواج وامنيش متزوجة عمري 18 ههه بصح نتمنى من الاخوات يعاونك وخاصة
الاخت ام ياسمين عندها خبيرة كبيرة نظن في تربية الاطفال وربي يعاونك


اه ياكاري ههههه
واش من خبرة عندي
:tongue02:
راني للسع مع بنتي 6شهور
بصح راني نتعلم برك من خبرات الناس لي قدامي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top