انقذنوني يا اخوتي الكرام ارجووووكم

[احلام فائقة]

انا طفلة في عمري 19 سنة جوزت العام ليفات الباك وماجبتوش وراني نعاود فيه هذا العام بصح راهي جاتني وحد الحاجة ماخلاتنيش نقرا

عندي في كرشي في المعدة الخلعة تخبط بزاف بزاف كي تقولي زعما الاستاذة اقراي من الكتاب مانقدرش يبدا قلبي وكرشي يخبطو مايحبسوش كامل ولا كي طلعني للصبورة نولي نترعد

راني خلاص كرهت حياتي

ودرت االحجامة 04 مررات تففيد فيا 1 ولا 2يومين وخلاص وتولي ليا كي العادة

قولولي كاش وصفة ولا كاش حاجة باش تروحلي نهائيا بللليز انقذوني
انا في انتظار رردودكم

 

[احلام فائقة]

رد: انقذنوني يا اخوتي الكرام ارجووووكم

الخلعة انتاعي متمركزة في المعدة

 

[احلام فائقة]

رد: انقذنوني يا اخوتي الكرام ارجووووكم

انقذذووووووووني ولا قولولي كاش وصصفة نبرا بيها بليييييز
عاونونني يا خاوتي

 

[حيلتي في حسن نيتي]

رد: انقذنوني يا اخوتي الكرام ارجووووكم

الله يشافيك اختي الوصفة الاكثر شيوعا هي الحلبة تشمخي حفنة في قرعة ماء كبيرة وتولي تشربي منها الماء كلما تعطشي تشربي من الماء وتعاودي تجدي الماء و الحلبة كل خطرة و هاذ الوصفة تسمن ثاني بصح تنحيلك الخلعة
و انا ثاني كنت كيفك ما نقدرش نقرا من الكتاب ولا في السبورة هاذي ماهيش من الخلعة هذا خوف لازم تقلعيه و نطلب من ربي يشافيك ان شاء الله بالتوفيق

 

[احلام فائقة]

رد: انقذنوني يا اخوتي الكرام ارجووووكم

انشاء الله بصح الحلبة انا مانحبهاش باسك فيها الريحة

 

[احلام فائقة]

رد: انقذنوني يا اخوتي الكرام ارجووووكم

كاش وصفة ولا دواء يقيني من هذا المرض والله ماني نرقد في الليل كامل وراني عيانة وتعبانة الله غالب واش ندير

 

[لؤلؤة قسنطينة]

رد: انقذنوني يا اخوتي الكرام ارجووووكم

السلام عليكم ختي ربي يوفقك وينجحك ان شاء الله
صدقيني مشكلتك نفس مشكلة اختي عندها الخلعة وماتحطش ثقة في نفسها علابالك قبل الباك وقفت معاها لحظة بلحظة
اول شي ختي حطي الثقة في ربي سبحانو وبلي قادر يوقف معاك في اللحظة هاديك ويعاونك
وجامي تربطي رسوبك في الباكالوريا بهاد العام خاطر سبب الرسوب تاع العام لي فات لحكمة من ربي سبحانو وهاد
العام وحدو ماتربطيهش بيه وتقولي درك ماننجحش و تجيني صعيبة ولا بالعكس افرضي شخصيتك ضد الشيطان
لي راهو يوسوسلك ويديرلك الخلعة وباه تقضي عليه اقراي القرآن بزاااف والاذكار ماتراطيهمش اقرايهم تاع الصباح
والمساء وتاني الاستغفار كل ما تكوني قاعدة استغفري على الاقل 1000 مرة في اليوم صدقيني رايحة نفسيتك ترتاح
واما بالنسبة للباكالوريا انا كنت ندير خطة مع اختي ونجحت والحمد لله يوم كانت رايحة تجوز امتحان الرياضيات في
الباكالوريا قاتلي راني خايفة والخلعة والخبطة كيما تقولي نتي بعد قلتلها تأمني بربي؟؟ قاتلي هيه وقلتلها عندك ثقة بلي
الامتحان رايح يفوت كيما تحبي ومايصرالك والو؟ بقات ساكتة قلتلها مادام ماعندكش ثقة في ربي تامة ومتأكدة
من القدرة تاعو بلي يساعدك كيفاه تحبي يفرج عليك؟؟ قلتلها لازم ثقة كلية فيه ورايحة تشوفي النعم تاعو عليك قلتلها
ونتحداك اذا تحطي الفكرة هادي في راسك ومايكرمكش ربي وصدقيني تحديتها ومشات بكلامي ونهار روحت مع شافتني
ضحكت قاتلي كلشي جاني ساهل وراحتلي الخلعة كليا كي شفت الموضوع وتاني قلتلها اي حاجة تجي من عند ربي مرحبا
اذا لقيتي موضوع صعب ولا ماقدرتيش تحليه بدلا من انك تبداي تبكي ولا تقولي علاه ياربي ولا تخلعي روحك قلتلها
بالعكس اقراي الموضوع مليييح وحاولي تربحي النقاط قد ماتقدري خاطر 5 و 0 ماش كيف كيف و 8 و 0 ماش كيف كيف
قلتلها الفشل الاكبر لما تستسلمي وتبقاي تشوفي مع الورقة وصدقيني تبعت النصيحة هادي ويوم المحاسبة جاها الموضوع
صعب بصح مافشلتش وصدقيني لحقت روحها للمعدل مالا ختي لعزيزة حطي بلي الخلعة والخبطة هادي راهي من الشيطان
ونتي راكي اقوى من الشيطان بكلمة بسم الله تحرقيه وبقراءة المعوذتين تمحيه راكي تحاربي فيه بكلامي ربي وهو القادر على
كل شي، حطي ثقتك التامة فيه وقولي في نفسك رايحة نكون قوية وماش رايحة نفشل وماش رايحة ديرلي الخبطة ورايح
ربي يعيني وينجحني حطي ثقة تااامة في ربي وصدقيني رايح يعاونك وتلحقي لواش حابة + اكيد الدراسة والمراجعة
عندها دور كبير وبالتوفيق حبيبتي شوي كوراج برك وتنجحي ونفرحو بيك

​

 

[حيلتي في حسن نيتي]

رد: انقذنوني يا اخوتي الكرام ارجووووكم

كاش وصفة ولا دواء يقيني من هذا المرض والله ماني نرقد في الليل كامل وراني عيانة وتعبانة الله غالب واش ندير

الحلبة ريحتها ماهيش مليحة بصح لازم داوي بيها على خاطر ماكانش دوا للخلعة كيما الحلبة
انا كنت من الابتدائي كيفك و كل خطرة نخاف نروح للمدرسة باش ماتقوليش المعلمة قراي في الكتاب و بالرغم من اني متفوقة في كامل المستويات و فصيحة في الحديث الا انه الخوف ما خلاني ندير والو بصح حاولت نغير في نفسي و في افكاري بلي هاذا الخوف ما يساعدنيش ابدا و قالولي الاساتذة بلي عندي قدرات هائلة لكن الخوف هو اللي مخليها ما تبانش
المهم انا تغلبت على هذاك الخوف و الحمد لله حتى لي كملت بشهادة ماستر و لقيت هذا المشكل في حفل التخرج و ما كنتش مامنة بلي تفوت رائعة بدون خوف و تحصلت على اعلى نقطة و الحمد لله
هذا الخوف لازم انت تقلعيه و تتغلبي عليه هذا خوف نفسي دواه علاج نفسي جربي واش قلتلك و راح تشوفي بلي كنت داسة قدرات هائلة و الله يوفقك

 

[احلام فائقة]

رد: انقذنوني يا اخوتي الكرام ارجووووكم

المشكل هذي الخلعة راها تقولي ماتروحيش تقراي باسك في الكلاسة ينوضونا بالسيف للصبورة ونقراو من الكتاب بالسيف علا هاذيك مانيش قادرة والله قسما بالله غير يوميا الاذكار والصلاة وقت مايفوتني والفجر ماننساهش مع العلم اني نقرا في الجامع ونحفظ القران ودايرة ثقتي بالله بصح



كرهت واش ندير ونحب نقرا ونحب نجود في القسم بصح الخلعة تخبط فيا بزاف ماخلاتني ندير والو والله والو




كرهت حياتي يارب ياكريم ياسميع الدعاء انشاء الله نموت ومانقعدش حية خلاص كرهت حياتي والله

 

[الامين محمد]

رد: انقذنوني يا اخوتي الكرام ارجووووكم

الله يشافيك اختي الوصفة الاكثر شيوعا هي الحلبة تشمخي حفنة في قرعة ماء كبيرة وتولي تشربي منها الماء كلما تعطشي تشربي من الماء وتعاودي تجدي الماء و الحلبة كل خطرة و هاذ الوصفة تسمن ثاني بصح تنحيلك الخلعة
و انا ثاني كنت كيفك ما نقدرش نقرا من الكتاب ولا في السبورة هاذي ماهيش من الخلعة هذا خوف لازم تقلعيه و نطلب من ربي يشافيك ان شاء الله بالتوفيق

هاذ الوصفة ممتازة
و زيدي معاها بسم الله الذي لا يضر مع اسمه شيء في الارض
و لا في السماء و هو السميع العليم
قرايها على المزيج سبع مرات

 

[البحر الهادي]

رد: انقذنوني يا اخوتي الكرام ارجووووكم

رغم أن الألم يقتلني إلا أني أساعد غيري
عليك بكثرة الذكر والدعاء في ثلث الليل الأخير
هل بإمكانك إستعمال السناء المكي:إذا كان نعم إسألي من يعرف طريقة استعماله لكن حاولي أن ترقي فيه واشربيه لكن عليك بمن له خبرة
وهناك كذلك القسط البحري هو مفيد جدا
لكن اسألي أهل الخبرة به
ورب يفرج علي وعليك ويشفيك ويعافيك ويبلغك مرادك في رضاه وينجحك

 

[Malika Tlm]

رد: انقذنوني يا اخوتي الكرام ارجووووكم

السلام عليكم
اختي اولا ربي يشفيك
صدقيني نفس مشكلتك كانت عندي انا شخصيا

والحمد لله كنت ندير الحلبة في الماء تبيتيها والصباح علي الريق

خدي حبات الحلبة اي مقدار ملعقة صغيرة وشربيها بالماء نتاعها

والله طريقة ناجحة بزاف

ربي يشفيك اختي

 

[احلام فائقة]

رد: انقذنوني يا اخوتي الكرام ارجووووكم

انشاء اللله يارب العالمين
ادعولي

 

[احلام فائقة]

رد: انقذنوني يا اخوتي الكرام ارجووووكم

اشكركم على المرور.........

 

[حيلتي في حسن نيتي]

رد: انقذنوني يا اخوتي الكرام ارجووووكم

صدقيني اختي انا كان كي يعيط الاستاذ باسمي في القائمة حتى تقوله صحبتي حاضرة في بلاصتي من كثرة الخوف و كي ينوضوني للسبورة ما نقدرش ننطق حتى نكتب في الورقة كانو يحسبوني التلاميذ عندي مشكل في النطق و على العكس ما كانش افصح مني في القسم انا ما كنتش فاهمة واش عندي بصح اللي خبرتهم قالولي هذا خوف تخلصت عليه وحدي و انا ثاني كنت كيما انت مؤمنة بالله و نحفظ القران و الاذكار كل ما نجي خارجة من الدار واحد النهار جبدتني واحد المعلمة حفظها الله قالت لي نحفظك دعاء قوليه دايما كنت في الابتدائية و حفظته بلا ما نفهم معناه و الله صدقيني اختي لحد الان دايما نقوله و كي كبرت فهمت معناه و الحمد لله و الدعاء هو اللهم اشرح لي صدري و يسر لي امري واحلل عقدة من لساني يفقهوا قولي
هذا الدعاء كان يقوله سيدنا موسى عليه السلام كي كان لسانه ثقيل و ان شاء الله اللي عارف القصة بالتفصيل يحكيهالك
المهم الحل راه بين يديك انت اللي تبني نفسك و انت اللي دمريها اختاري
كوني قوية و ثقي في نفسك

 

[احلام فائقة]

رد: انقذنوني يا اخوتي الكرام ارجووووكم

ايه علابالي بصح رغم هذا كله قتلك الخلعة انتاعي متمركزة في المعدة تخبط بزاف وهاذي الخلعة جاتني غير السنا برك العام ليفات كنت نطلع للصبورة نورمال ونقرا نورمال

 

[حيلتي في حسن نيتي]

رد: انقذنوني يا اخوتي الكرام ارجووووكم

ايه علابالي بصح رغم هذا كله قتلك الخلعة انتاعي متمركزة في المعدة تخبط بزاف وهاذي الخلعة جاتني غير السنا برك العام ليفات كنت نطلع للصبورة نورمال ونقرا نورمال

ايه جربي الوصفة ومعاها الرقية و ان شاء الله يتحسن حالك و ما تربطيش هاذا المشكل بالباك و الله يوفقك

 

[احلام فائقة]

رد: انقذنوني يا اخوتي الكرام ارجووووكم

انشااااء الله يارب ادعولي برك

 

[احلام فائقة]

رد: انقذنوني يا اخوتي الكرام ارجووووكم

اشكركم على مروركم

 

[Soumia hadj mohammed]

رد: انقذنوني يا اخوتي الكرام ارجووووكم

السلام عليك ختيتو الصغرى
اول مرة نسمع بمثل هاته المشكلة الصحية
اسال الله لك الشفاء منها
بالتوفيق ان شاء الله