طلب استشارة

عنواني اسلامي

:: عضو منتسِب ::
إنضم
2 نوفمبر 2016
المشاركات
2
نقاط التفاعل
5
النقاط
3
هل من ناصح ساعدوووووني

بسم الله الرحمن الرحيم
اصدقائى الاعضاء احييكم بتحية الاسلام السلام عليكم ورحمة الله وبركاته اناعضوة جديدة في المنتدى دخلت الى المنتدى لاني لم اجد احدايسدي لي النصح والمشورة في امر هو بالنسبة لي مصيري جدا نا قصتي بدات كي ديت الباك بمعدل 14شعبة علوم الطبيعة والحياة كان عمري وقتها 17 عام ونص قريت واجتهدت بزاف وكنت ذكية في المواد العلمية خاصة الفيزياء وكنت حابة ندير طب في ذاك الوقت كانو يمدوه ب13 الوالد رفض الدراسة في ولاية بعيدة فقررت ندير جذع مشنرك تكنولوجيا هنا كثرو ا عليا الرايات بلي هذا التخصص مشي مليح وناس قالولي حنا درسناه وما درنا بيه والو وانا لصغر سني وقلة خبرتي امنتهم وقالولي بلي تخصص علوم التسيير مليح واحسن منو وهوما كانو يخدعو فيا مع انهم اقرب الناس ليا درت عليهم وقريت علوم التسيير في العام الثاني كرهت الدراسة فيهذا التخصص ودخلت في حالة اكتئاب وما خبرت حتى واحد بالسبب ماقديتش نقرا هذوك المواد محاسبة اقتصاد قانون .... حسيت روحي مخنوقةوقاعدة نضيع في الوقت باسكو انا نحب لفيزيك ولمات وشيمي ولكني اكملت والله ماعلبالي كيفاش كنت نبلع العام معاناة حقيقية المهم بعد التخرج ماصبتش خدمة وحتى التعليم في ذاك الوقت ماكانوش يطلبو تسيير تخصص ادارة اعمال فقدت الامل في الخدما وقعدت نبكي وحدي بعدها الحمد للله تزوجت وانجبت اربع اطفال وتلهيت في التربية وصعوباتها بصح حب الدراسة في التخصص العلمي مازال يراودني مرت 14 سنة قالي زوجي سجلي ماستر احسن وانا قتلو نعاود نقرا بالباك نتاعي تخصص علوم تكنولوجية دفعت في الماستر وثاني دفعت طلب للدراسة مجددا المشكلة في زوج قبلولي الطلب نتاعي دروكراني خايفة نختار احد الامرين ونندم مرة اخرى سمحولي خاوتي على الاطالة مدولي رايكم ربي يرزقكم بلي تتمناو.
 
آخر تعديل:
(منير)، تم حظره "حظر دائم". السبب: مخالفة القوانين / إستخدام ألفاظ نابيه وخادشة للحياء.
رد: طلب استشارة

بسم الله الرحمن الرحيم
وعليكم السلام ورحمة الله وبركاته
استخرى لربك.مادام زوجك قد حفزك على إتمام دراستك..
موفقة ياسيدتى والله في عونك
 
رد: طلب استشارة

السلام عليكم
اولا اشكري ربي لي سخرلك زوج حب يحققلك الامنية تاعك وخلاك تكملي تقراي
ثانيا نظن انو انت ماحبيتيش التخصص هذاك لي قريتي فيه سابقا ومع انو ضرك تقدري تلقاي بيه خدمة خاصة النساء يخدموهم بزاف فالادارات
مي ماتلقايهاش عقود يخدموك تشغيل الشباب ممبعد تبقاي تستناي فيهم يرسموك
ثالثا انت حبيتي المواد العلمية وحبيتي تعاودي الباك وعلى حساب واش فهمت قريتي بلاك سيستام قديم الباك تاعك ماشي ال ام دي
الى قريتي قديم يجيك صعيب شويا باش تعاوديلوو خاصة علمية
انا في رايي انت سجلت فيهم بين زوج اتكلي على ربي واقرايهم
انت الباك تقراي غير فالدار والماستار معلباليش كيفاه يقراوه
الى كنت شاطرا شويا تقدري توفي فيهم بين زوج وفي اخر العام لي صلحت هذيك هي كمليها
خاطرش تخافي تغامري فالباك وماجيبيهش تندمي وتهبطلك المعنويات

المهم. وحاجة اخرى ماتنسايش تتهلاي في راجلك وولاد هههه تعودي تنسايهم كي تكوني مع الدراسة هخههه
ربي يوفقك ختي
 
رد: طلب استشارة

نشكر الاخوة لي ردوا عليا ونقول للاخ سكر انا ماحاباش نعاود الباك غدي نقرا بالباك لقديم كاين قانون يسمح بالدراسة بباك جاز عليه خمس سنين
 
رد: طلب استشارة

ديري الحاجة اللي تميلي ليها و تحبيها اكثر اختي و ان شاء الله راح يكون خير
 
رد: هل من ناصح ساعدوووووني

بسم الله الرحمن الرحيم
اصدقائى الاعضاء احييكم بتحية الاسلام السلام عليكم ورحمة الله وبركاته اناعضوة جديدة في المنتدى دخلت الى المنتدى لاني لم اجد احدايسدي لي النصح والمشورة في امر هو بالنسبة لي مصيري جدا نا قصتي بدات كي ديت الباك بمعدل 14شعبة علوم الطبيعة والحياة كان عمري وقتها 17 عام ونص قريت واجتهدت بزاف وكنت ذكية في المواد العلمية خاصة الفيزياء وكنت حابة ندير طب في ذاك الوقت كانو يمدوه ب13 الوالد رفض الدراسة في ولاية بعيدة فقررت ندير جذع مشنرك تكنولوجيا هنا كثرو ا عليا الرايات بلي هذا التخصص مشي مليح وناس قالولي حنا درسناه وما درنا بيه والو وانا لصغر سني وقلة خبرتي امنتهم وقالولي بلي تخصص علوم التسيير مليح واحسن منو وهوما كانو يخدعو فيا مع انهم اقرب الناس ليا درت عليهم وقريت علوم التسيير في العام الثاني كرهت الدراسة فيهذا التخصص ودخلت في حالة اكتئاب وما خبرت حتى واحد بالسبب ماقديتش نقرا هذوك المواد محاسبة اقتصاد قانون .... حسيت روحي مخنوقةوقاعدة نضيع في الوقت باسكو انا نحب لفيزيك ولمات وشيمي ولكني اكملت والله ماعلبالي كيفاش كنت نبلع العام معاناة حقيقية المهم بعد التخرج ماصبتش خدمة وحتى التعليم في ذاك الوقت ماكانوش يطلبو تسيير تخصص ادارة اعمال فقدت الامل في الخدما وقعدت نبكي وحدي بعدها الحمد للله تزوجت وانجبت اربع اطفال وتلهيت في التربية وصعوباتها بصح حب الدراسة في التخصص العلمي مازال يراودني مرت 14 سنة قالي زوجي سجلي ماستر احسن وانا قتلو نعاود نقرا بالباك نتاعي تخصص علوم تكنولوجية دفعت في الماستر وثاني دفعت طلب للدراسة مجددا المشكلة في زوج قبلولي الطلب نتاعي دروكراني خايفة نختار احد الامرين ونندم مرة اخرى سمحولي خاوتي على الاطالة مدولي رايكم ربي يرزقكم بلي تتمناو.
إذا أتيحت لك الفرصة أن تدرسي التخصص الذي تريدينه لا تضيعي الفرصة إبحثي عن الطريق الأقصل لتصبحي أستاذة لا يوجد شيء إسمه مستحيل حتى و إن كان عمرك 60 سنة و هدفك أن تصبحي أستاذة فلا مشكل المهم أن تستمري توكلي على الله
 
رد: طلب استشارة

السلام عليكم ورحمة الله وبركاته
اولا نحيي فيك حبيبتي حب الدراسة والتعلم
وبخصوص الامرين صراحة لا علم لي بالضبط حول طبيعة الدراسة في تخصص العلوم والتكنولوجيا
لكن الامر تغير نوعا ما مقرانة بما درسته طبعا
ولكن ليس بالمستحيل
بالتوفيق ان شاء الله حبيبتي
 
استخيري و شوفي واش تقري من و من سيرتو كلش تبدل و شوفي وين تنجمي تحكمي روحك ربي يوفقك
 
وعليكم السلام ...
والله ماني شايف عندك مشكله لكن عملتي من الحبه قبه بلا مبرر
انتِ متزوجه ومتهنيه مع زوجك ولديك 4 صغار .. الله يخليهم ليك ويهنيك بيهم
يعني وين المشكله وزوجك رجل محترم متفهم وضعك ويقول كملي تعليمك ايضا وين المشكله ..
نصيحتي قولي الحمد لله رب العالمين على ما انا فيه من نعيم وبارك لي ربي بذريتي واكتبني من الصالحين وبس ..!
 
رد: طلب استشارة

نشكر الاخوة لي ردوا عليا ونقول للاخ سكر انا ماحاباش نعاود الباك غدي نقرا بالباك لقديم كاين قانون يسمح بالدراسة بباك جاز عليه خمس سنين
استخيري و ان شاء الله خير ...انا ليا نكمل ماستر و دكتورا هكذا تتختصري الطريق للعمل ..
حبيت نسقسيك تقدري تسجلي بالباك جاز عليه خمس سنين و الا ملي انهيت الدراسة الجامعية خمس سنين ؟؟ خاطر انا تستنا في الخمس سنين بعد انهاءي للدراسة باش نقدر نسجل ...مزالي عام ان شاء الله
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top