لولاد مساكن ...........

[لاريمان]

اهلا بيكم ياجماعة الخير ان شاء الله راكم بخير
حبيت نطرق لوحد الموضوع الصراحة حيرني
لولاد في لاكراش تعرفو درك عاد الي يحب يدير مشروع
يعمل روضة في منطقتي مثلا عشرات الروضات بين روضة وروضة بيناتهم شارع ولا شارعين
والصراحة راهم يعملوا والاقبال كبيروكيما نعرفو بالدراهم تقدر يعود عندك ديبلوم
مسير روضة ولا حتى مربية ومربي روضة هل تكونوا ولا شراوالشهادة تبقى علامة استفهام؟
نقطة اخرى وهو اني عايشت وحد الموقف مع الروضة
قريبة لي فتحت روضة وحابة تخدم ربي يعاونها
احتاجت لي وطلبت مني بما اني راحة يوم الثلاثاء
قالت لي هاوليك التوزيع واحكميهم ريثما اعود
الصراحة كانت تجربة ومسؤولية وامانة
المهم قبلت نجرب ونشوف عالم البراءة كيف يكون
حبيت نقرعج سقسيتها على وظائف الاولياء
نتفاجأ انو الامهات اغغلبيتهم ماكثات في البيت
الكل يعلق ان المرأة الماكثة ترمي ولادها وتحطهم في الروضة
حرمانهم من انهم يعيشو طفولتهم من لعب ووو
لقيت الماكثة بالبيت راهي تاني تحط ولدها في لاكراش
المصيبة وين انا قاعدة زعم نعلمهم نلقى صراخ وبكاء
نروح نشوف نلقى طفل مسكين طايح في الارض ويبكي
جابوه بالسيف يقرا غاضني والطفل الاخر يكركر فيه ويحوس يدخلو
يا الله كأنو رايح يقتلوه حكمت هاوشت الطفل الاخر
وقلتو رجعو عند يماه خليه على راحتو
والله ياجماعة لولاد حابين يلعبو يعيشو طفولتهم ويشبع من ماماه
خليوهم حتى يكون وقت قراية ودخلوهم تحضيري
يكون واجد ومستوعب واش يتعلم
سؤالي
واش رايكم في وضع لولاد في سن مبكر في الروضة
اليس هذا انتهاك لحق الطفل في انو يعيش طفولتو
اتوقف ونخليكم تعلقو
وشكرا

​

 

[السلطانة]

رد: لولاد مساكن ...........

وعليكم السلام ورحمة الله وبركاته
المرأة لي تخدم معذورة كي تحط ابنها في لاكراش
لكن الماكثة في البيت كي تحطو واش تبقى تدير مثلا !
نعرف وحدة ماكثة بالبيت وحاطة بنتها في لاكراش
قاتلي بنتي واعرة وعنيفة حطيتها كاشما تتأقلم مع الدراري وتتربى شوي
على كل حال كل وحدة من مباعد تجني واش زرعت
يعطيك الصحة اختي بارك الله فيك

​

 

[Malika Tlm]

رد: لولاد مساكن ...........

السلام عليكم
واش حوالك حبيبتي
ايه لاكريش ولا ت موضة دروك
المرأة العاملة ايه يحسن عونها معندهاش وين تخلي ولادها
ولكن الماكثة في البيت وعلاه واش دايها تحط ولا دها فلاكريش
الهبال والله ياختي ر ان ا نشوفوا بزاف نساء تقولك لا لا ندي ولدي لاكريش خير
ايه باش يخليها تتفرج المسلسلات فخاطرها تخرج وين تحب ووووو
انا نقول لاكريش عندها ماليها
تحياتي حبيبتي
الله يهدينا

 

[zohor kfz]

رد: لولاد مساكن ...........

الله يهدينا و يهديهم
ايا و من بعد يقلك جيل فاسد و ما يحترمش الوالدين تاعو ... كلمة زوج يقللها وليدها كي يكبر ايا ادا تعبتي عليا و ربيتيني اجي حاسبيني
الله يلطف بينا

 

[ليليا مرام]

رد: لولاد مساكن ...........

السلام عليكم اختي لارمان اهلا وسهلا ان شاء الله تكوني بخير
والله يا اختي هذا موضوع نورماملو مميز لانو فعلا موضوع مهم
اولا الغلطة من الوالدين ومن رجال ثاني انت راجل الدار كيفاه تقبل وليدك عندو عام او عامين مازال ما شبع حنان امو او طفولتو وبرائتو يترمى فلاكريش المهم تتهناو منهم هي تخدم وانت ثاني وتتلاقاو العشية وتتفاهمو شكون يجيبو يولي يقول للحاضنة ماما وانت يولي برود ببينك وبين وليدك ويتقلق الطفل عقلو مودر بين الوالدين وتربية الحاضنة والاولاد اللي معاه هذا من جهة جهة اخرى السن المبكر كيما قلت لازم الطفل يدي وقتو الكامل فاللعب ويعيش عمرو ويدخل مباشرة ليكول بكري ماكانتش هذي لاكريش وهذي لانوريس واللي هي اصلا مش مؤهلة تكون حاضنة الطفل يحتاج امو ورجعنا للامهات قاعدين فالدار يجيبو ولادهم ما بقاتش وهي واش تقعد دير سبحان الله
اللي مش قادر على الاولاد ماكان لاه يجيبهم كونو اهل قد المسؤولية
شكرا لك