الغيرة ومادرت في داري ""الحل""

الحالة
مغلق ولا يسمح بالمزيد من الردود.
أ

أم أمينة09

:: زائر/ ينتظر التفعيل ::
كلـنا إخوة
السلام عليكم جميعا امهات,عزبات ,متزوجات,زوار
اليوم نحكيلكم قصتي مع الغيرة وحلها
بعد ماسهلي ربي وولدت :$وجبت لينوشة الصغيورة :)
نسييييت بلي زدت جبت امينة 2 :scared01::cray01:
نقصد بنيتي امينة الكبيرة رجعت صغيرة
:-o:-o ياويلي وليت كل مانوض على 07 باه نوضها ماتنوضش حتى يجي باباها ينوضها هو
وماتكلش حتى يجي باباها ,غير باباهاا الي دير كلش معاه :mad:
حكيت معاها قلتلها واش بيك يابنيتي علاش اكي ديري هكا :s:s
قاتلي متهدريش معايا بسكو نتي تحبي لينة ومتحبينيش :-o
اااااااااااااااااااااااااااااااااااااااااي توغت وقتها او اامينة تغير مالا :s
قلتها والله نحبكم لزوج ,قاتلي لالا توكليها وتشريلها حوايج وتحبيها وكل مايجي بابا تعيطيلو يلعب معاها
انخلعت والله وتشكويت :-o:s هادي امونتي ..؟ ولا اني نحلم
سقسيت يما على كيفاه نخليها متشكش :pقاتلي دبري راسك هي تانيك ؟ :mad::down:
درت نهار جات امينة لداار بستها :love01: وعنقتها ودرتلها القهيوة بالقاطو ,ااممممممم :p:p
وخليت لينة راقدة ومدرتلها والو باه متغيرش الثانية امينة وهدرنامعاها انا وباباها وعلمناها تخدر مع ختها الصغيورة وتلعب معاها
هدي نصيحة سكون الفجر لله بحفظها والحلم الوردي ونجمة:$
ومن ذاك نهار كل مايدخل بابااها تلعب معاه او مع اختها ومتفارقهاش وتصلاحنا انا وياها :p:p:p
وحلت المشكلة .
شكرا لكن على الاستماع :regards01:

 
رد: الغيرة ومادرت في داري ""الحل""

هذي بين الطفلة والطفلة فما بالك بين الطفلة والطفل ههه انفجار حرب باردة راني نقلك
الحمد لله يعني صراحة مشاكل الاطفال يعني تختزل في الصغر لكن عندها درجة من النمو الشخصي لدى الطفل
لكن نضن انو ممكن راكي حليتي المشكلة لكنو حل جزئي وفقط لانو يعني مع الوقت تبدا لينا الصغيرة تزيد تشكي
وهكذا مارايحاش تفرى طول امالا حاولي تنقلي الابنة الكبرى من مرحلة الطفولة الى مرحلة المسؤولية
اللي ربي سبحانو يعطيها للابن الكبير وما يعطيهاش لغيرو يعني حسيها انو هي الفاهمة وهي الكبيرة وهي الرزينة نتاعك
وقوليلها انو ختها الصغيرة تحت الرعاية نتاعها وبالتوفيق ختي ..
 
رد: الغيرة ومادرت في داري ""الحل""

سلام عليكم
نتي على الاقل بنتك تهدر وتقدر تتواصلي معاها
انا عندي اختي جابت توم..طفلة وطفل مفاتش عام زادتلهم اخت..اضطرينا باش نحكمو الكبيرة خاطر متقدرلهمش في 3
وكل متجي اختي عندنا زيارة يجنو جنونها تجيب نهار كامل تبكي
واليوم واحد من هاذو الايام ...وزادت شافت لاسوسات تعها عندها كملت
جربت معاها كامل الطرق عطيتها تلفوني خبطاتو فلحيط ليكرون تعو تقول ضربتها زنزلة
طلقت شعري كي ماما الغولة نتفاتو مخلات فيه والو عطاتني بدماغ لفمي قريب ريبتلي سنيا ..عضتني من ثم ونا حاكمتني الفشلة وقلبي يسطر عليها..شكيت كي زادت ضربولها برا فيها كش مادة سامة هه
على الرغم من انها مسالمة فالصح
يعني لولاد صح صح عالم..اللي ميعرفش يتعامل معاهم رح يتعب
ربي يحفظلك بناتك...ويجعلهم من الذرية الصالحة
تحياتي
 
رد: الغيرة ومادرت في داري ""الحل""

السلام عليكي
ايه صح الغيرة مشكل بين الاخوة
مي الحمد لله كي فهمت امينة وربي يحفظلك بناتك
كل الشكر على الموضوع
جزاكي كل خير
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top