قلة الحياء معيار التطور عند شي ناس

[آمِيْرَتُه]

السلام عليكم ورحمة الله تعالى و بركاته

مرحبا بيكم
مدة مخربشت مكتبت راني نفضت الرتيلة على الستيلو
نقولكم غرت أنا تاني شفتهم دايرين الشعار في مواضيعهم قلت أنا تاني ياك يقولك عاند و لا تحسد
المهم ندخلو للموضوع من الباب الكبير الواسع
كنت في قروب نتاع بنات
وحدة الشيرة حاطة فوطو ليلة عرسها وتقولهم دعولي
لابسة لاغوب بلونش وتستنى فالمكتوب :$ لا حياء لا والو :-o
المهم داو الفوطو وبدات ناس تتداول فيها فالصفحات لي يسب لي يعاير لي يضحك
تجي وحدة من ناس نتاع التطور قالت الناس تطورت ونتوما قعدو تعسو
حياتها الشخصية وهي حرة ، ناس خرجت بالبيجاما :s هذو ناس تقصد دوك المغنيات الأجنبيات لي كل يوم في كشفة جديدة سيرتو ديك غاغا نظن كتبت الاسم نيشان :bravo01:
مالا التطور عند شي ناس رجع تعري روحك وتكشف عمرك و تتخلا على الحياء ؟
قعدت غير نقرا في ردودها ونعاود قلت بلاك مريضة و لا مختلة و لا من كوكب آخر
مكذبش لي قال أن هذا الزمان زمن قلة الحياء
رجعت الناس تنشر حياتها كيما تغسل المراة القش و تنشره ولي يطلع راسه فالسطح يشوف
الوقت صعبوه علينا و كرهونا في زمان
ولينا نتمنو كون مجيناش منهم و لا ننتمو للمجتمع نتاعهم
تقاسم الفرحة مع غيرك بصح متفضحش روحك

سلام :regards01:






​

​

 

[لؤلؤة قسنطينة]

رد: قلة الحياء معيار التطور عند شي ناس

السلام عليكم
مرحبا بيك حبيبتي عندنا الدار دارك ورانا كامل كيف كيف الرتيلة سكنت وتزوجت ورايحة تزوج ولادها ههههه
ان شاء الله نوليو لكتابة المواضيع ان شاء الله
نوليو للموضوع
والله يا أختي الوقت لي رانا فيه ولا كلشي نورمال وكلشي مفضوح ماش غير العروسة ولكن رايحة نتكلم على العروسة بالذات لأنو تكلمتي عليها على وجه الخصوص، شوفي نتكلملك بكل صراحة ويبقى مجرد رأي برك يعني كل وحدة حرة في نفسها
درك الموضوع هادا ولي هو صورة العروس ما يقتصرش على الفايس بوك وعلى مواقع التواصل الاجتماعي برك
صح الفايس بوك والانستغرام هي وسائل تنقل الصور بسرعة من يد ليد بكل سهولة وبساطة ولكن العروس اليوم راهي تفضح
روحها بكل الطرق وبدون الحاجة حتى لمواقع التواصل الاجتماعي
اول طريقة :تحل تيليفونها تلقاها مدايرة صورة واجهة التيليفون صورتها وهي عروسة ولا وهي متصدرة ولا هي بالبيجاما ومانكملش لأنو ما خفي أعظم
ويشوفها زميلها في الدراسة وزميلها في العمل وولد الجيران ولي يركب معاها الباص وولد بنت عمة خالتها من خلال صورة على الهاتف
ثاني طريقة: العروسة نهار عرسها تتصدر في لاصال عريانة حاشاكم بشعرها على برا ويجي المصور يصورها، اولا اذا جا المصور راجل
راهو كشفها وحتى ولو المصورة مرأة كي تجي تخرج الصور إما يشوفهم خوها وإما تروح لمركز تصوير يخرجلها الصور خاطر
ماش كامل المصورات عندهم الامكانيات اللازمة، يسمى هنا بعد راهي تفضحت وشبعو فيها تفراج ويقدرو يلعبو بيها كيما
يحبو، وحتى ولو ماجابتش مصور الحضور كامل بالتيليفونات آخرهم تجي وحدة مراهقة تصورها وتنعتها للشعب كامل من بعد
يسمى قبل ما تفضح روحها هي في الفايس بوك راهي تفضحت ديجا حبت ولا كرهت هههه، بلا اذا كان العرس مختلط رجال ونساء تما اي راجل يتفرج فيها، يسمى على اساس كلمة التطور ولاو النساء لي عمرهم 50 و60 سنة تصور روحها في البحر
وتنشر صورها على الفايس بوك فمابالك بعروسة
ربي يهدينا برك وربي يستر علينا وربي يحفظك ويستر كل بناتنا ان شاء الله
شكرا حبيبتي على الموضوع ربي يهنيك
تحياتي
​

 

[أم أمينة09]

رد: قلة الحياء معيار التطور عند شي ناس

اهلين وسهيلن بيك حنونة منيني
الله غلب حنونة والله انا وشفتها؟؟ شعب لا علاقة بالرقي
شعب متخلف الناس تتطوروحنا انهودو
من بعد نوليلك حنونة
​

 

[أم أُنٌَيسة]

رد: قلة الحياء معيار التطور عند شي ناس

السلام عليكم و رحمة الله و بركاته
اهلا وسهلا فيكي
موضوع مميز ماشاء الله اختي الكريمة
دمتي و دام تميزكي اختي الغالية
اما فيما يخص موضوعكي :
السؤال:

ما حكم وضع الفتاة لصورتها على صفحة الفيس بوك ، خصوصا وأن بعض الأخوات المحجبات تعتقد أن وضع صور لهن بالحجاب مسألة غير ممنوعة شرعا ، فهل من توضيح حتى أستطيع نصحهن ؟ و شكرا

تم النشر بتاريخ: 2011-04-01
الجواب:
الحمد لله:
وضع الفتاة لصورتها على صفحات الفيس بوك أو المنتديات والمواقع الإلكترونية محرم ، وذلك لأمور عدة :
أولا : أن ذلك مناف للستر الذي أمرت به المرأة في الكتاب والسنة ، فإذا كان الله عز وجل قال في حق أشرف النساء وأبعدهن عن الريبة وهن نساؤه صلى الله عليه وسلم : (وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِنْ وَرَاءِ حِجَابٍ ذَلِكُمْ أَطْهَرُ لِقُلُوبِكُمْ وَقُلُوبِهِنَّ) ، وقال سبحانه : (يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَحِيمًا) الأحزاب/59 ، ونهى عز وجل المرأة أن تخضع في القول ، فقال تعالى : (يَا نِسَاءَ النَّبِيِّ لَسْتُنَّ كَأَحَدٍ مِنَ النِّسَاءِ إِنِ اتَّقّيْتُنَّ فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَعْرُوفًا) الأحزاب/32 .
فشرع سبحانه وتعالى على نسائه صلى الله عليه وسلم وعلى نساء المؤمنين عامة الحجاب تطهيرا لقلوب المؤمنات ورفعة لهن عن مواطن الفتنة والتهمة ، وتحصينا لفروجهن وفروج عباده المؤمنين ، فإذا عُلم ذلك اتضح أن وضع المرأة صورتها يراها البر والفاجر في مثل هذه المواقع مما ينافي ويعارض شرعه سبحانه وتعالى .
ثانيا : أن ذلك باب فتنة وشر للمرأة ولمن يشاهدها ، فكم سمعنا وقرأنا عن قصص مؤلمة بسبب ذلك ، فكم من طاهرة عفيفة وقعت في حبائل من لا يخافون الله من الفجرة الذين يغرونها بلفظ منمق وكلام معسول ووعود تطول ، حتى إذا قضوا منها حاجتهم قلبوا لها ظهر المجن ، فلم يبق لها من ذلك إلا الخيبة والحسرة والخسران ، وربما فضيحة الدارين ، والعياذ بالله .
وكم من فاجر تلاعب بتلك الصور ودبلجها بوسائل حديثة ، فإذا وجه الشريفة يوضع على جسد فاجرة وبائعة هوى رخيصة ، فحينئذ تعض أصابع الندم بما جنت على نفسها وأهلها ، ولات ساعة مندم .
ثالثا : ما ذكرت من أن بعض الأخوات المحجباب تعتقد أن وضع صور لهن بالحجاب غير ممنوع شرعا ، إن كان مرادك بالحجاب الحجاب الشرعي الساتر للوجه الذي لا يبدو معه وجه المرأة ، فمثل هذا غير ممنوع شرعا ، خاصة عند الحاجة إليه ؛ لكن هذا – قطعا - غير مراد ، لأنه غير نافع لصاحبه ، فما قيمة وضع صورة لسواد لا يبدو منه شيء ؟!
وأما إن كان المراد بذلك وضع صورة المرأة وقد كشفت وجهها ، ولو سترت بدنها كله ؛ فقد بينا لك ما فيه من المفاسد التي تكفي للمنع منه ، حتى ولو لم نقل بوجوب ستر المرأة لوجهها ؛ فكيف إذا كان ذلك واجبا ؟! إن الإثم هنا يكون مضاعفا ، والخطر أشد ؛ وهي بهذا تخرق ما اعتاده نساء المؤمنات في عصورهن .
قال الغزالي رحمه الله في "إحياء علوم الدين" ( 2/53 ) : " لم يزل الرجال على ممر الأزمان مكشوفي الوجوه ، والنساء يخرجن متنقبات .. " انتهى . ونحوه في "فتح الباري" ( 9/337) .
وقال الحافظ ابن حجر رحمه الله في "فتح الباري" ( 9/ 424): " ولم تزل عادة النساء قديما وحديثا يسترن وجوههن عن الأجانب " انتهى .
ثم إن كل ذي لب يعلم أن مجمع الحسن والفتنة في المرأة هو وجهها ، وهو الذي يستشرف الرجال لمعرفته ، وبه يقاس جمال المرأة من عدمه ، فنشر الصورة على الوجه المذكور فتح لباب فتنتها والفتنة بها ، وابتذالها وابتذال صورتها ، حين تكون مباحة لكل طالب وراغب .

والله أعلم
المصدر : الاسلام سؤال و جواب

اما فييما يخص كلام الناس فلا يحق لاحد ان يحاسب احدا غير الله عز وجل و لا يجوز لاحد ان يقوم بتجريح احد
حتى ولو كانت اموت لا يرضاها عاقل لكن نسال الله الهداية لنا و لهم
تحياتي احترامي و تقديري لشخصكم الكريم
في امان الله و حفظه
​

 

[نبض الحياة]

رد: قلة الحياء معيار التطور عند شي ناس

السلام عليكم ورحمة الله وبركاته
اهلا منمن
والله موضوعك فكرني بحالتي رجعوني متخلفة لاني البنت الوحيدة اللي تلبس الحجاب في الاعراس حتى فاعراس الاقارب!!
المهم ما تستغربيش غاليتي مجتمعنا راه في تدهور
رجع التطور في اللبسة والماكياج وامتلاك الاجهزة الراقية وتقليد الفنانين
الله يهدي الجميع ويهدينا يا رب
مرسي حبووبة على الموضوع

 

[السلطانة]

رد: قلة الحياء معيار التطور عند شي ناس

​

وعليكم السلام
اهلين وسهلين :love01:
كي قريت موضوعك جات في بالي حكاية بنت الماشطة العنابية
لي محبتش تفض ههههههههههه
وغزات تصاورها الفايس بووك
مخي حبس انا حياة الناس رجعت اون لاين
درك تزوجت ولبست ودارت وعملت وحنا واش راحلنا فيها
علاه تنشر في تصاوير بنتها ماش عارفين لي هاذي كامل تسمى خصوصيات
من غير جمع الذنوب ماعندهم ماربحو
التعري ومشتقاتو ولات معيار تطور عند بعض الناس
ربي يهديهم برك
هيا تقبلي مروري
:tongue02:
​

 

[الورد الأحمر]

رد: قلة الحياء معيار التطور عند شي ناس

أهلا الله يقتل الرتايل لي على الستيلوات تاعنا وتاعك :p
اممم نوغمالمون عرفت عليمن تحكي خخخخ راهي في انتشار واسع تقول هي برك تزوجت ربي يهديها بيها بامها خماج فرونسا خخخ ... وكيما قلتي وقت تشوفي لعوج وتقولي رايك وتحاولي تعدلي ولو بكلمة تجيك وحدة من حيث لا تحتسب تقولك يخي متخلفة !! ما شفيتش بلي قريت في المصحف بلي كل واحد حر في حياتو الشخصية ويدير واش يحب مام معاصي وتعري ! ولا في السنة سمعنا بحديث هك !! أونفان مانيش نفتي بصح يعني الحلال بين والحرام بين والإنسان كي يقول حاجة لوجه الله يحصل ... مع الأسف بزاف ولاو يفهمو التقدم والخضارة بطريقة تخلع وفي بالهم التكشف والتعري والانحلال هو لي يبرهن للناس بلي راهم متحضرين ! يخي تلقايهم أصلا يقولو على رواحهم عندنا عقلية تاع لهيه خخخخ معرف نهار يوصلو للهيه لي من تحت التراب آسكو تخرج عليهم عقلية تاع لهيه لي ورا لبحر ولا !! ربي يهديهم يهدينا اللهم آمين .

 

[الامين محمد]

رد: قلة الحياء معيار التطور عند شي ناس

موضوع نتاع تمنشير نتاع الصح
الناس راه عندها فراغ رهيب
ياك راهم ياخذو سيلفي مع الكباش و القطوط و الحوت

و اخرين دايرين سيلفي مع الصدقة
و اخرين سيلفي مع الفقراء و الايتام
و آخرين سيلفي مع المعوّزين

الناس مع عندها لا صنعة و لا عملة
سينورمال تعمل صوّر بالبيجامات هههههههههه
و الله عجب بلا ما ننسى تقليد الغرب ما كل السلبيات
حتى لوكان يدخلوا جحر ضب رايح يعاندوهم


ــــــــــــــــــــــــــــــــ
أختي لاحظي العاقلات راهم يقباحوا هاذو ليامات
أختي الصغيرة لؤلؤة
و أختي أم ياسمين
و أختي صاحبة القبعة الحمراء

ثـــــــــــــلاثي أصبح يقباح هههههههههههه

​

 

[الورد الأحمر]

رد: قلة الحياء معيار التطور عند شي ناس

موضوع نتاع تمنشير نتاع الصح
الناس راه عندها فراغ رهيب
ياك راهم ياخذو سيلفي مع الكباش و القطوط و الحوت

و اخرين دايرين سيلفي مع الصدقة
و اخرين سيلفي مع الفقراء و الايتام
و آخرين سيلفي مع المعوّزين

الناس مع عندها لا صنعة و لا عملة
سينورمال تعمل صوّر بالبيجامات هههههههههه
و الله عجب بلا ما ننسى تقليد الغرب ما كل السلبيات
حتى لوكان يدخلوا جحر ضب رايح يعاندوهم


ــــــــــــــــــــــــــــــــ
أختي لاحظي العاقلات راهم يقباحوا هاذو ليامات
أختي الصغيرة لؤلؤة
و أختي أم ياسمين
و أختي صاحبة القبعة الحمراء

ثـــــــــــــلاثي أصبح يقباح هههههههههههه

​

شميت ريحة النجارة خارجة من هنا قلت نطل لقيت اسمي مكتوب ... طيّب :tongue02:
أواه ما قباحناش رانا نسمطو برك باه السامط يغلب لقبيح :p:p

 

[الامين محمد]

رد: قلة الحياء معيار التطور عند شي ناس

شميت ريحة النجارة خارجة من هنا قلت نطل لقيت اسمي مكتوب ... طيّب :tongue02:
أواه ما قباحناش رانا نسمطو برك باه السامط يغلب لقبيح :p:p

انا خاطيني الكحلوشة ليليا هي
اللي تمنشر ههههههههههه

 

[آمِيْرَتُه]

رد: قلة الحياء معيار التطور عند شي ناس

السلام عليكم
شكرا على الرد
عجزت نقتبس ههه رتيلة لدرك مامتتش راهي حية ترزق خخخخ
ربي يهدي برك
تقول غير هما لي تزوجو مخلاو حتى موقع محطوش فيهم تصاور
الخصوصية رجعت تبهديلة
كشفونا حتى رجعو التصاور يتبادلو فيهم جيران ويضحكو ههههه
الله يهدينا

 

[Hakan]

رد: قلة الحياء معيار التطور عند شي ناس

اليوم رسميا تأكدت بلي الفايسبوك نتاعي تحذف نهائيا اني نبكي خخخ
الصراحة من بين الاشياء اللي نعتز بيها انو الحمد لله الواحد ماراحش مع خرطي الفايسبوك
وامورو الاخرى وكيما ذكرتي الاشياء الشخصية والحياة الشخصية نتاع الناس ولات هي والاشهارات كيف كيف
مي ربي اذا عبدو ماحبش الستر مايفضحوش هو وانما يخليه هو وحدو يفضح روحو
ربي يبعد علينا هذا الفسق والحيوانية اللي راهي في الفايسبوك والمواقع لخرى شكرا
​

 

[حكاية قمر]

رد: قلة الحياء معيار التطور عند شي ناس

أهلين أمورة
ان شاء الله راكي غايا ^^
آكي جبتيها في العمق وفي الصميم
ناس خلاص ما ولاتش تحشم ولي تقتل راه قدوتهم مغنيين وأجانب بلاك الدين وما عندهمش
الله يعافينا من هاد العباد
نورمال بوجه الصحيح يهدر ويديفوندي
راهم نساو بلي الحياء من شعب الايمان
وخلق نبيل الله يكرمنا به ويزين وجوهنا به
الله يهدينا أختي
​