احنا واش خصنا ....

[لاريمان]

مرحبا بيكم خاوتي نتمنى تكونو بخير
حبيت نهدر على موضوع مهم وخلاني نطرح بزاف تساؤلات
احناواش خصنا وبلادنا تاني واش خصها؟
بون نبدا اليوم كنت عند الطبيب بسبب الزكام لقيت لاشان بزاف
لاعلينا وبدات الاحاديث على تونس وحدة تقول انا رحت لتونس سياحة بلاد شابة
وحدة انا رحت داويت في تونس في لكلنيك لفلانية قمة في التعامل
ولخرى ادا ديما نطلع لتونس ونعرفهم مليح الرجل فحل وتاني نساهم فحلات وخدامات
حتى لعجايز خدامات وبداو شكير وبدات المقارنات والحوايج الي ميش ملاح كامل في بلادنا
وراهم يجو يسلعو من عندنا ويرحو يبيعوها في بلادهم
واكيد سياح الجزائريين يشريو نفس السلعة على اساس جابها من تونس
*******
وانا نتفرج في قناة جزايرية نلقاها تعمل اشهار للسياحة عند جيرانا
والخبر انو طوابير من الجزايرين داخلين لتونس للاحتفال براس السنة
الصراحة حبست تم ....
يعني ياجماعة بلادنا بلاد الخير علاه مابنش علينا
اعرف رايحين تقولو المسؤولين بصح الا ترون اننا احنا تاني كشعب مقصرين
وزاد كمل علينا التقشف وجماعتو
واش رايكم؟؟؟؟؟















​

 

[ضآحكة مستبشرة]

السلام عليكم اختي

اولا شكرا على الموضوع
يا ختي الدزيريين من بكري ميحبوش بلادهم و لي ليهم يحبو برا و البراني
حاجة باينة باش اذا لقاو راحتهم في بلاد اخرى رح يروحو في بالك يقعدو هنا
الجزائر بلاد الخير لا مسؤولين لا رئيس و زاد كمل عليها الشعب
الجزائر فيها كل خير ناقصة من الامكانيات و التدعيم
بصح منلوموش الشعب
خاطرش الشعب بلا تدعيم من الحكومة معندو ميدير
شفنا بزاف شباب دارو مشاريع و الدولة همشتهم و مقيمتهمش دارتهم في خبر كان
في هاذي الحالة يروح وين يلقى التقدير و الاهتمام باش يطور مشروعو
لازم الدولة هي لي توقف مع الشعب و الشعبي مهما حاول ميقدر يدير والو وحدو
و بلادنا بلاد سياحة تونس فاش خير منا
احنا لبحر الغابات السدود الصحراء الواحات ثقافة فن تاريخ اسلام عراقة حضارة
بصح الله غالب مكاش اهتمام كافي باش نكونو خير منهم
بلادنا كالوها المسؤولين دوماج
شكرا ع الموضوع

 

[فيتامين سي]

بلادنا يخصها ميزاجور في العقل تاع العيباد

 

[فيتامين سي]

تلقيه يرمي الوسخ و يسب في الدولة يخسر و يسب في دولة يروح لحديقة يرمي الوسخ من بعد يقولك مكانش بلاصة تاع سياحة ياك نتا خليت كاش بلاصة نقية...يحكيلك على مظام و هو طبيب يروح و يدي بلاصة وحداهر يخصنا اخلاق و تربية لكل واحد
تامني يخصنا الحافلات واه واه
درك رجعو الحافلات يتاجرو بالعيباد ...بصح علاش علاش باينة الاخلاق ====00000 ...

 

[Salah eddin]

السلام عليكم
يا عجابة ...يا عجابة ...و يا سبحان الله
...
اصلا الاحتفال براس السنة الميلادية موش من عاداتنا ولا من عرفنا
لا حول ولا قوة الا بالله
كاين ناس عشاها ماهندهاش و هذون يفسدوا الدراهم في احتفالات راس السنة
راني عارف بلي راني خرجت على الموضوع
و لكن يجب التنبيه لهذا الامر
شكرا​

 

[aljentel]

لامشكله فيمن يسافر لتونس او لغيرها فاللناس اهواء ..
اعرف كثيرون يسافروا للجزائر لانها بلد جميل وفيها من المعالم السياحيه الشيء الكثير
فلا ضرر ولا ضرار ...

 

[حكاية قمر]

كشعب ماخصنا والوا وبلادنا شابة الله يبارك مي المشكل في المسيريين والمسؤولين
ماكاش ثقافة ترويج لسياحة في دزاير
اما الطب يا اختي جدي قالولو في دزاير دير عملية ع عينك وهو مرض سكري ولاتونسيو خاف ع عينه وصحته
كسقسا قالولو روح لتونس فيها طب غايا والحمد لله كراح لقا رد ايجابي منهم ومام قالولو ماتحتاجش عملية وكان تأثير مليح بزاف
ع حسب ما قال هو وغيرو بلي وااه هوما فور علينا في الطب اما السياحة تبقا قضية ترويج وثاني حب لاكتشاف ​

 

[فيتامين سي]

السلام عليكم
يا عجابة ...يا عجابة ...و يا سبحان الله
...
اصلا الاحتفال براس السنة الميلادية موش من عاداتنا ولا من عرفنا
لا حول ولا قوة الا بالله
كاين ناس عشاها ماهندهاش و هذون يفسدوا الدراهم في احتفالات راس السنة
راني عارف بلي راني خرجت على الموضوع
و لكن يجب التنبيه لهذا الامر
شكرا​

راك غالط اخي
يعني حسب كلامك مين درك هدو يحتفلو غدوا احفادهم ترجعلهم عادات
العادات حاجة تافهة ماشي مشكلة عادات او اعراف
هذي حرااااااااام مشكلة دين
اما ادا عادات يعني متضرش كي تحتفل بيها
كما المولد النبوي يقولو هذي عاداتنا و هي بدعة بدعة

 

[لاريمان]

السلام عليكم اختي

اولا شكرا على الموضوع
يا ختي الدزيريين من بكري ميحبوش بلادهم و لي ليهم يحبو برا و البراني
حاجة باينة باش اذا لقاو راحتهم في بلاد اخرى رح يروحو في بالك يقعدو هنا
الجزائر بلاد الخير لا مسؤولين لا رئيس و زاد كمل عليها الشعب
الجزائر فيها كل خير ناقصة من الامكانيات و التدعيم
بصح منلوموش الشعب
خاطرش الشعب بلا تدعيم من الحكومة معندو ميدير
شفنا بزاف شباب دارو مشاريع و الدولة همشتهم و مقيمتهمش دارتهم في خبر كان
في هاذي الحالة يروح وين يلقى التقدير و الاهتمام باش يطور مشروعو
لازم الدولة هي لي توقف مع الشعب و الشعبي مهما حاول ميقدر يدير والو وحدو
و بلادنا بلاد سياحة تونس فاش خير منا
احنا لبحر الغابات السدود الصحراء الواحات ثقافة فن تاريخ اسلام عراقة حضارة
بصح الله غالب مكاش اهتمام كافي باش نكونو خير منهم
بلادنا كالوها المسؤولين دوماج
شكرا ع الموضوع

وانا اشكرك على الرد القيم
صح ختي بلاد دعم الدولة ماتقدري تتقدمي ولاخطوة
وهذا الي عايشونومن هروب اصحاب الاموال من الاستثمار داخل لبلاد
نشكرك اختي على الرد القيم
تعيشي​

 

[لاريمان]

بلادنا يخصها ميزاجور في العقل تاع العيباد

وخصنا حب لبلاد
تعيش ختي فيتامينc​

 

[لاريمان]

بلادنا يخصها ميزاجور في العقل تاع العيباد

اختي فيتامين للاسف ماعندناش ثقافة نظافة احيائنا ولا شوارعنا لجات طيش
الله غالب بلاك مستقبلا نتنظمو اكثر
شكرا جزيلا لك​

 

[لاريمان]

السلام عليكم
يا عجابة ...يا عجابة ...و يا سبحان الله
...
اصلا الاحتفال براس السنة الميلادية موش من عاداتنا ولا من عرفنا
لا حول ولا قوة الا بالله
كاين ناس عشاها ماهندهاش و هذون يفسدوا الدراهم في احتفالات راس السنة
راني عارف بلي راني خرجت على الموضوع
و لكن يجب التنبيه لهذا الامر
شكرا​

وعليكم السلام
الحلال بين والحرام بين
للاسف اخي هناك من يحتفل
شكرا لك​

 

[لاريمان]

لامشكله فيمن يسافر لتونس او لغيرها فاللناس اهواء ..
اعرف كثيرون يسافروا للجزائر لانها بلد جميل وفيها من المعالم السياحيه الشيء الكثير
فلا ضرر ولا ضرار ...

اكيد اخي لا ضرر ولا ضرار
وانما حبيت اننا ننشط السياحة شوية في بلادنا
شكرا اخي الجنتل على كرم المرور بالموضوع​

 

[لاريمان]

كشعب ماخصنا والوا وبلادنا شابة الله يبارك مي المشكل في المسيريين والمسؤولين
ماكاش ثقافة ترويج لسياحة في دزاير
اما الطب يا اختي جدي قالولو في دزاير دير عملية ع عينك وهو مرض سكري ولاتونسيو خاف ع عينه وصحته
كسقسا قالولو روح لتونس فيها طب غايا والحمد لله كراح لقا رد ايجابي منهم ومام قالولو ماتحتاجش عملية وكان تأثير مليح بزاف
ع حسب ما قال هو وغيرو بلي وااه هوما فور علينا في الطب اما السياحة تبقا قضية ترويج وثاني حب لاكتشاف ​

كلامك جميل
اختي هروب المستثمرين بسبب بعض المسؤولين
بصح حبيت اننا نكونو الافضل مادام عندنا الامكانيات
للاسف الاخطاء الطبية خلات الجميع تغير الوجهة
نتمناو الخير والتغيير ان شاء الله
نشكرك بزاف على الرد القيم ختي​

 

[ليليا مرام]

السلام عليكم اختي ان شاء الله تكوني مليحة
نقولك واش خصنا احنا خصنا العقل خاطر ديما نطيحو ببلادنا الصراحة تدخلي للفايس تلقاي مناشر فالبلاد وفبناتها البلدان لخرين يقراو لما يعايرونا يغيضنا الحال انا ما يغيضنيش الحال الرئيس نتاعنا اول ما مرض شكون بدا وعايرو ولادو فالفايس واحد يقول راه كالبوبية ولاخر خصو ليكوش ولاخر ما خثناش معوق يحكمنا ناس تافهين يهدرو على انسان مريض
نرجعو للسياحة شوفي انا تونس هذي نقولك الصح ويسمحولي خاوتنا التوانسة بلادي خير منها انا نروح وندير لاشان فالحدود ونتمرمد باه نروح ناكل الهريسة الحارة او ندور فالقبب الزروقا واشبيها الصحرا ووهرن وتلمسان وقسنطينة وتيبازة وعنابة هايلين روعة روعة تشوفي مناظر تقولي راكي فالخارج من روعتها شلالات شفتهم هنا والله ما تامني انو عندنا منهم
نزيدك حاجة الغلاء الفاحش هنا فالفنادق او الاماكن السياحية لدرجة ما تتصورش يعني كنت انا واختي راحين لجليل الصيف الي فات تخيلي لما اتصلنا قالنا شقة من زوج غرف 800 الف لليلة يعني تخيلي تقعدي سمانة بشعال رحت للترك الفندق ب 600 الف لليلة 4 نجوم من اروع الفنادق وهنا لليلة 800 الف تمخسير بزاف غالي وزيد الاشهار ليها ماكانش لو ينقصو شوي ويديرو برامج سياحية واشهارات الناس كامل تروح
راني شفت مؤخرا الوادي والغزالة الذهبية روعة روعة هذاك مكان هايل للسياحة
خصنا نقيمو بلادنا باه يقيمونا الناس تونس راحو طلعولها الشان وراهم يديرو عليها لاشان وريفيو من الفوق عليها قعدنا الاخرين فالعالم
شكرا

 

[بقايا إنسان]

مرحبا بيكم خاوتي نتمنى تكونو بخير
حبيت نهدر على موضوع مهم وخلاني نطرح بزاف تساؤلات
احناواش خصنا وبلادنا تاني واش خصها؟
بون نبدا اليوم كنت عند الطبيب بسبب الزكام لقيت لاشان بزاف
لاعلينا وبدات الاحاديث على تونس وحدة تقول انا رحت لتونس سياحة بلاد شابة
وحدة انا رحت داويت في تونس في لكلنيك لفلانية قمة في التعامل
ولخرى ادا ديما نطلع لتونس ونعرفهم مليح الرجل فحل وتاني نساهم فحلات وخدامات
حتى لعجايز خدامات وبداو شكير وبدات المقارنات والحوايج الي ميش ملاح كامل في بلادنا
وراهم يجو يسلعو من عندنا ويرحو يبيعوها في بلادهم
واكيد سياح الجزائريين يشريو نفس السلعة على اساس جابها من تونس
*******
وانا نتفرج في قناة جزايرية نلقاها تعمل اشهار للسياحة عند جيرانا
والخبر انو طوابير من الجزايرين داخلين لتونس للاحتفال براس السنة
الصراحة حبست تم ....
يعني ياجماعة بلادنا بلاد الخير علاه مابنش علينا
اعرف رايحين تقولو المسؤولين بصح الا ترون اننا احنا تاني كشعب مقصرين
وزاد كمل علينا التقشف وجماعتو
واش رايكم؟؟؟؟؟

سلام الله على اختنا الكريمة وبعد:كل لي قلتيه موجود وبلادنا بيدينا تمحاة من الوجود وكأنو تونس او غيرها هي بالنسبة لينا الفردوس المفقود ياحصرة بلادنا صبحت فندق نباتو فيه وفي الغد نسافروا
تقبلي مروي المتواضع تحياتي واحترماتي













​

 

[الورد الأحمر]

السلام عليكم ورحمة الله وبركاته

أولا بالشفاء ليك أختي قتلتنا لاقريب ولونجين ما حبت لا تخطينا لي حكمت فيه تلصق فيه كي الباتكس نص الشعب أو بيها.

نرجعو للموضوع امممم يعني الصراحة كي يقولو راحو لتونس يداويو ما تحيرليش يا اختي الله غالب الطبيب تاع بلادنا كي نستثنيو جماعة الا من رحم ربي يطلع ذبّاح وسبيطار مذبحة ولي يدخل ليه لاباس على رجليه يخرج في النعش وهذا لي صرا لجدة ربي يرحمها توفات قبل شهر وديناها على رجليها تمشي رجعناها في لومبيلونس في نعش مكفنة . نقولو العمر انتهى بصح على يدين ناس ما فهمت ضميرها مات ما فهمت لا علاقة بالطب وغلطو في الطريق برك !.

نروحو لمجال السياحة قوليلو بلادنا واش موجدة للسياحة ؟ وشعبنا آسكو عندو ثقافة سياحية ؟ لا مع الأسف! بلادنا إذا فيها بلاصة يحبوها السياح أي لا لشيء إلا لأنو لبلاصة هذيك عذراء ما مسوهاش اليدين وخلقها ربي باهية هذا ماكان... أما تاع نلقاو منتجعات وووو للسياحة ماكانش إذا لينا احنا المواطنين ماكانش مرافق ومنتجعات مالا السائح علاه يشقى ! وواش يدير ببلاصة سوفاج باهية ومبعد ما يلقاش وين يبات وتتحتم عليه يزيد يمشي شحال من كيلو باه يلقى اوتال !

الله غالب هذا واقع ولازم نتقبلوه: الطب في بلادنا خلاها علينا خلانا نهربو برا ولا لوكان الريس تاعك ما يخرجش يداوي برا راه عارف لبلاد واش خرجت من أطباء وعارف الامكانيات لي كاينة علابيها خايف على روحو. والسياحة ما وفرت جو سياحي لمواطنيها ما يبقاو فيها ما يجو ليها السياح بهذيك الكثرة. والشي لي كمل على هذو الكل الشعب الراشي الهمجي لي تخمامو بروفيثاج. ياك انتي مواطنة ومرات تروحي لبلاصة ما تعرفيهاش يكلحوك بضربة ورا لوذن تحطي دم فاضك وتجي تسقسي تلقى بلي كلحوك برك .

تعددت الأسباب والنتيجة وحدة ماش بلاد مع أنها بلاد لامتنا .

 

[محمد عبد الجليل]

شكر على الموضوع

 

[نعمات]

السلام
صرحة أنا نزعف ونتقلق كي نسمع ناس يشكرو بلد أخرى ويقولو الجزائر ما شي مليحى بلدى بلد الخير والهنى بلد الرجال لرفع الراية ومشوا وكامل طريقهم حتى لخرى
بلد الأمان هي بلدى ونحبها ونموت عليها بصح لينكر أصلوا ماشي حق عليها الدزاير صح راهى في أزمة بصح حنا ما لزمش نحبط المعنويات تعنا أنا نحب كامل البلدنا بصح بلدى وبلد أجدادى هي الأولى والله يهدى من خلف

 

[abdoudraw12]

سلام عليكم
موضوع مميز وطرح يستحق الوقوف عنده
لكل رايه ووجهة نظر
انا اقول ان الفائدة ليست في حب بلد وتفضيله على الاخر
لانو هدف الغرب تقسيم الامة الاسلامية باي طريقة
ونجحت البروتوكولات الاسرائيلية في ادخال مفهوم الوطنية وتشبيعها في عقول الناس حتى اصبحوا كالاعداء فيما بينهم .. هدا يقول وطني افضل ولاخر يرد عليه
اهكذا اوصى النبي ان تكون الاخوة ؟
لا الجزائر ولا تونس ولا اي دولة ستكون افضل من غيرها
من جهة لانه لابد من توحد القوب والغاء هدي الحدودو السياسية لتعود الدولة الاسلامية كما كانت ويمحى الذل والهوان عنها
ومن جهة لانو لا خير في كل هدي البلدان ..كلها سواء
لا المسؤولين ولا الحكام ولا نحن الشعب نملك مايفلنا
الافضل ان يتوسع فكرنا اكثر من نتمسك بمفهوم الوطنية الذي لا خير فيه
ان ارى هكذا ولكل وجهة نظر​