عيد ميلاد سعيد خويا مالك

[لؤلؤة قسنطينة]

السلااام عليكم أهل لمتي الكرام
مساؤكم سعيد ولذيذ وأتمنى لكم من كل قلبي أن تكون نهاية هذه السنة هي بداية جديدة من النجاحات والتوفيق ان شاء الله
بدون اطالة حبيت اليوم نتفكرو واحد المشاغب من مشاغبين اللمة ولدرجة مشاغب زاد في آخر يوم من السنة
هو أخ خفيف ظريف ماكانش موضوع من مواضيعو تدخلو إلا تضحك بسبب روحو المرحة
من أهم الاعضاء في لمتنا وهو روح اللمة ومن غيرو خونا مالك
@Skor m@k
في هذه المناسبة نقولو عيد ميلاد سعيد وعمر مديد ربي يطول في عمرك وربي يوفقك لكل خير ان شاء الله
ان شاء الله كل عام ونتا من الله سبحانه وتعالى اقرب
ربي يحفظلك ميمتك وكل عايلتك ويوفقك في حياتك ويخليك شمعة مضيئة من شموع لمتنا الغالية
بالتوفيق خويا
دركا دوركم يا ناس اللمة قولو عيد ميلاد سعيد لخونا مالك وهنيوه بهاد المناسبة السعيدة
وربي يوفق الجميع للخير ان شاء الله
اتهلاو في رواحكم وسنة سعيدة ان شاء الله
سلااام
​

 

[aljentel]

فيكِ الخير والله ...
كل عام وانت بخير وصحه وسلام اخونا مالك
وعقبال 100 سنه تقضيها بالطاعه والصلاح

 

["viola"]

السلاام عليكم و رحمة الله
ههه ي محاينك كي شغل راموس درتها بيهم فالدقيقة التالية خخخ
يوم ميلاد سعيد خويا مليكو ^^ و عمر مديد في طاعة الرحمان ..
كل عام و انت بخير
ربي يوفقك في حياتك و تفرح ميمتك ان شاء الله
صحيتي مريم ...
سلامي ​

 

[ليليا مرام]

السلام عليكم
اااه عيد ميلاد الغيور السكر المحروق كل عام وانت بالف خير كبرت يا محاينك قولنا شعال فعمرك يا الخارف الباير
كل عام وانت بخير يا رب العمر كلو في طاعة ربي ورضاية الوالدين الله يخليك لأهلك ويخليك ليهم ويشوفو اولادك ان شاء الله
وان شاء الله كل شي متمنيه توصلو بربي ان شاء الله
مريومة ربي يخليك انت ثاني

 

[لؤلؤة قسنطينة]

شكرا للمرور العطر خاوتي ربي يحفظكم
مازال خونا مالك مول العرس مابانش هههه
ربي يوفقكم للخير جميعا نورتوني بتواجدكم ​

 

[Oussama.GF]

عيد ميلاد سعيد خي مالك
لعقوبة 100 سنة
ربي يطول في عمرك

 

[باتنية و نص]

العضو الوحيد اللي ما زلت نغلط فاسمو
عيد ميلاد سعيد..علبالي او هابطلك المورال
خاطر لي فات قاس ٢٠ يبدا يحس بسن اليأس..تجيك فالصبر لول
ما شاء الله عليك اختي لؤلؤة ديما قايمة بالواجب
ان شاء الله تتفكريني انا ثاني ..كومام راني وليت وحدة منكم
والا نشكي بيك للادارة نتي ثاني ههه..راني جايبتها عقاب المشرفين
قريني. ونا سيدك هه
يعطيك الصحة

 

[Malika Tlm]

السلام عليكم
سنة حلوة يا جميل
كل عام وانت بالف خير
ربي يبارك في عمرك والمزيد من النجاحات يارب
ايا كبر الطرطة رانا زادمين عليك كامل هههه
تحياتي

 

[لؤلؤة قسنطينة]

@باتنية و نص
ههههههه يخي مهبولة
قوليلي وكتاه عيد ميلادك ونتفكرك ان شاء الله
نحطو في كناش عندي
ربي يحفظك ان شاء الله وراكي من بكري وحدة منا 2013 تشهد ​

 

[Hakan]

وهذي اللمة وقيلا مسكونة ومروحنة شحال فيها روح منين نشوف موضوع نتاع عيد ميلاد يقولون هو روح اللمة
اضن اللمة مسكونة بالاشبا ح خخخ
اخي وحبيبي مالك صديق طفولتي المفقود منذ كان عمري شهرا خخخ
راك كبرت ها الشيخ راك رحت فيها نتاجك تزوجو احم احم وانت مازالك باير هاا قتلك نعطيلك اختي وما حبيتش اشفا برك
ان شااء الله العمر الطويل ان شااء الله تكون شيخ وكبير القرية ويجيو الولاد الصغار
يقولولك عمي ولا الحاج خير شكرا صاحبة الموضوع ها درتي موضوع زيدي شوفيلو مع الزواج ​

 

[نبض الحياة]

السلام عليكم ورحمة الله وبركاته
عيد ميلاد سعيد للاخ مالك وكل عام وهو بالف خير
عقبال ل 100 سنة يا رب
دوام الصحة والعافية
شكرا ليك مريومة​

 

[ريحـان]

كل عام واخونا مالك بالف خير
عقبال لـ 100 سنة
دوام الصحة وربي يبارك في عمرك
ويحفظك لاهلك

 

[Skor m@k]

السلام عليكم
اووووووووووووو تفكروني هههههههه انا نسيت روحي ههههه
يعطيك الصحة ختي مريم ربي يبارك فيك وفي والديط
ونشكر كل الاخوة لي جاو وفرحوني شويا هههه شويا برك خاطرش فكرتوني بلي زدت عام ههههههه
شفتي ختي فيولا راموس كيفاه دارها بيهم هههه
ان شاء الله تكونو ملاح تولموند هههه
ربي يحفظكم كامل ​

 

[*amani*]

السلام عليكم
عيد ميلاد سعيد وعمر مديد للاخ
كل عام وانت بالف خير وكل عام وانت الى الله اقرب
العاقبة ل1000 سنة ان شاء الله وربي يخليك لأحبابك

 

[karimasgr]

كل عام وانت بالففففففف خير ربي يدوم الصحة والهنا

 

[الحلم الوردي]

السلام عليكم ورحمة الله وبركاته
عيد ميلاد سعيد للاخ مالك وكل عام وانت بالف خير
عقبال ل 100 سنة يا رب
ان شاء الله يتحققو جميع امانيك
شكرا ليك مريومة​

 

[أم منيــــــر]

عيد ميلاد سعيد مالك
كل عام و انت بالف خير
من قلبي نتمنى لك كل خير وربي يطول عمرك في طاعتو ومرضاتو و يحفظك من كل شر
يسمى ينحسب لك عام باطل على نهار :p

​

 

[Skor m@k]

شكرا لكم ربي يحفضكم
شفتي ياميمتي في اللحضات الأخيرة خرجت هههههههه
وزيد على لحداش تاع الليل هههههههههههه
قالتلي يما انت لي مقلق لو صبرت تزيد فعام جديد
انا عمبالي نطيح في كندا عليها تقلقت ههههههه لقيت روحي فالدزاير هههههههه​

 

[أم منيــــــر]

ههههههههه ضحكتني يعطيك الخير
على 11 نتع الليل بابابابا صعيبة هادي
لوكان صبرت غي ساعة لوكان ربحت عام
ايه هادا حال الجزائريين دايمن مقلقين ​

 

[أم منيــــــر]

نسيت حاجة مهمة
سمحيلي بنتي مريم
ربي يفرحك دايمن في الوقت ما تنساي حتى واحد​