الله يهدي خويا , تاع تحرق ماشي عفسة مليحة خلاص , ولكن مثلا واحد يروح يقرى ولا يخدم بالكواغط ويهبط لبلادو كل شهر مافيهاش هدرة عادي ملقاش خدمة هنا فبلادوا تساعدوا جرا ولقاها فبلاد اخرى وهذا مكتوب مي انوا تروح للغربة وتقعد تما حياتك طول وتبدى تشرك فمك وتقول بلاد الناس خير من بلادك وتتزوج بقاورية وتقارنها ببنت بلادك ووو غير احبس هنا نغلطوك , وانا باش منكترش هدرة ونندب هههه اصلا الاغلبية لي يروح للخارج يكوون خارج مجال الفايدة للبلاد لي راحلها علاه بويسك متلقاهمش عندهم شهادات ولا حرفة تساعدهم تما واالوا بهدلوا باسمهم وبينا ,كيفاه تروح تخدم زبال (حاشاكم) ولا تبيع لي جورنوا ولا تنقل الوجباات للناس وتبانلك نورمال تما خدمة شريفة وهنا تبانلك تبهديلة خدة الشيوخ ااه وماتقوولوليش تماك يخلصوا مليح خير على هنا بويسك كيف كيف تما تان تخلص مليح تلقى الكرا واللبسة تكويك دراهمك يروحو فالكرا خويا فباري وكاري دار كتر على 6 ملاين واللبسة تكوي , وواش االفايدة نصهم ولاو حرايميين تبعوا سرقة ليبار والبنات والسهرات والشراب ايييه وزيد هنا فبلادك تاكل تشرب والى متزوجتش تقدر تصوم ياك ربي هك قال ماقالكش اهجر ففلوكة ولا خلي بلادك للابد اه واش قدمتوا لبلادكم باش تعطيكم اه وسختوها كسرتوها حفرتوها بهدلتوا بيها حكمتوا لحيوط قلدتوا برك وهي تعطيكم بالظهر سينورمال, ايا خليك افطر بالخبز اليابس فدار بوك خير ما تروح للخارج وتاكل فبيت الرحمة يصدقوا عليك وتولي كي تجوع تروح تحوس على الصدقات متحشمش اووو خرجت من بلادك وتروح للخارج يوكلوك بشفقتهم عليك مسكين تما يعتبروك جامي يعاملوك منهم ديرها فبالك \ شكرا لطرحك هدذا الموضوع عجبني رايك خويا بارك الله فيك
العفو.. اكيد تحيا بلادنا عليها ما نتخلى.. فيها القعدة زينة مع اللمة تاع الاحباب كل هموم الدنيا تنسى
