جاوبي بصراحة؟!!!

[Lila 22]

السلام عليكم
شخصيا وليت نكره هاذ المواقع خاصة الفيس بوك الحمد لله سيبريميتو تهنيت
بخصوص الزوج نقبل يكون عنده فيس بوك واصدقاء رجال فقط
لانو لا حاجة له في النساء ما عنده ما يدير بيهم
والاغلب يكون بيني وبينه ثقة تامة
وثاني مالازمش حاجة كما هاذي تسبب مشاكل
كل التوفيق لك في حياتك اختي

أنا ثاني يا ختي راجلي عندو أصدقاء غير رجال ،بصح وحد النهار كان حاط تيليفونه الله يغفرلنا وحكمته وبلوكيت قاع النساء تاع أصدقائه الرجال ومازال نزيد نبلوكيهم هههههه كي نلقى الفرصة، وهو بلا ماعلاباله، وهكذا باش مايكون حتى إتصال مع النساء هههههههه

 

[محمد التبسي]

الفايس مملوء بالسخافات أشعرانه لا يليق بالكبار وخاصة المتزوجين
لأن عباره عن سوق او شارع لا تدري كيف حتى تجد كلام بذيء او رد غير متوقع او صورة فاضحة
لذلك الأفضل ايجاد بديل عنه وملء الفراغ بأشياء مفيدة لأن اعمارنا نسأل عنها ولا ينبغي تضييعها مع صغار العقول

 

[❤️كلي أمل❤️]

السلام عليكم
اختي أنا عادي اذا كان زوجي او خطيبي عندو
فيسبوك المهم تكون بينا الثقة و الصراحة
كاين رجال يقولك ماعنديش فيسبوك وهو عندو
عشرة ماشي واحد برك ههههههه

 

[تاج النور]

ما نحبش يكون عندو فيس و هاذا رايي
كاين فهاذ الدنيا امور اهم من الفيسبوك
راني نشوف بلي الناس حسبوه حضاره و الا ثقافه و الي عندو الفيسبوك راهو عندو حاجه كبيره راهو غالط
كل واحد و قناعاتو انا ما قنعنيش و ما نديروش و ما نحبش زوجي يستعملو
ارتقيو يا ناس الفيس مليان جياحه و ضياع

 

[sanaya]

إلا أنا مرا وعندي فايسبوك و نعرف كفاه نستعملو
و بعيد كل البعد عن المعاصي والعلاقات المشبوهة وأنا متواجدة في المنتدى أيضا
وأعرف أن هذه المواقع للتواصل ليست سيئة
وإنما أنا أوجهها وأستعملها إما للسيء والحسن
فليس كل من له صفحة في الفايس هو عاصي أو خائن
يعني عادي يكون زوجي من الدرجة الأولى يستعمل هاذ المواقع
فلو كان لا يستعملها كيف سيسمح لي باستعمالها
المسألة ليست قضية فايسبوك أو سكايب
لاااااااا
هذا خطا
القضية هي في الفكر
فالشخص الذي يهوى الحرام سيقع فيه حتى لو لم يكن يكسب هاتفا حتى
والشخص الذي يخاف الله لا يعصي الله ولو كان بين الإغراءات
وأود تقديم ملاحظة وأتمنى أن تتقبليها أختي بصدر رحب :
من خلال مطالعاتي الكثيرة جدا في علم النفس
مثل هذه المواضيع توجه فكر الإنسان و سلوكاته لا إراديا نحو الشك والخيانة
والبديل هو أن تطرحي مواضيع تدفع بالزوجة لتكون زوجة مثالية وتكسب قلب زوجها و كيف تجعله لايلتفت للموجودات في الواقع أو في مواقع النت
يعني لازم نقدم للمتزوجات البديل عوض نبقاو نسألوا هل الزوج يستعمل الفايس هل يفعل كذا كذا ؟
نقدم لهن البديل والشيء الذي يدفعهن للمضي بعلاقاتهن الزوجية نحو الحب والاستقرار
نتمنى تكوني فهمتيني
سلام ختي

 

[sanaya]

أنا يا ختي مانرد على حتى راجل ولا حتى ندير إعجاب للرجال في هدا المنتدى
قالك من خاف سلم
ونزيد نقولك حاجة بلي الراجل يغتر أكثر من المرأة
شكرا

أختي الكريمة
هنالك مايسمى بالأخوة
وليست كل العلاقات مبنية على مانسميه بالحب
وثانيا لما تحطي إعجاب راكي حطيتي إعجاب للفكرة وليس لصاحبها
ولما تردي على موضوع لرجل أنت رددت على فكرة الموضوع
وليس عل ذلك الرجل
هذا رأيي وأحترم رأيك أيضا
سلام

 

[محمد إبن الصحراء]

بقاو تتقلشو حتى تلحقو الربعين سنة ونتوما بايرين
ختارو صاحب الأخلاق والدين وتوكلو على الله

 

[دعاء الجنات]

انا (اعوذ بالله من كلمة انا ) عندي ثقة في خطيبي لي راح يكون بعد اشهر زوجي ثقة اكبر من اقول انها عمياء ، ولو جاء العالم بأسره وأخبروني أنه خانني وكانو شهود لما صدقت أحدا فيهم لست لأنني غبية بل لأن علاقتنا نحن نعلم مذا تساوي بالضبط ولو سألته هو عني سيقول لك نفس الكلام. دون نحتاج ان يعرف بها احد غير الله ولدينا فايسبوك او ليس لدينا ليس له اي علاقة ، فالخائن الحقيقي يعتبر الفايس بوك مجرد قهوة صباح فكوارثه أعمق من هذا اما الرجل الصالح والمخلص فكل هذه الأمور هي لا شيئ. ومادام عندك الثقة في زوجك لاتدعي الوساوس تتغلب عليك. كما ان خطيبي اعلمته بأني مشاركة في المنتدى وانا هنا لأفيد واستفيد لا لشيئ آخر فالأعمال يا حبيبتي بالنيات وإن لكل امرئ مانوى

 

[Hakan]

كي نتزوج ندير سيلفي مع الفايسبوك ونحطو هو وصورة الزواج نتاعي
في الحيط ونخليه مجرد ذكرى برك
ونستمتع انا والزوجة بالحياة الواقعية بيسك الفايسبوك رجع حاجة مملة وتضر اكثر ما تنفع
انا ما نقبل يكون عند الزوجة فايسبوك وهي كذالك
لذا اقول لزوجتي المستقبلية غير هني روحك كي نتلاقاو نحذف الفايسبوك قداامك ونتهناو منو كيف كيف ​

 

[صانعة الإبتسامة]

كيفاش أنا مسجلة في المنتدى وهو منخليهش يدير فيسبوك وعلاش dejaهو حر حاب يدير مكانش مشكل وثاني الغاشي كامل داير فيسبوك صغار وكبار انا شخصيا معنديش مشكل