هل هي الجزائر أم أوروبا !

[السلطانة]

السلام عليكم ورحمة الله وبركاته
واش راكم ياناس اللمة
اولا قبل كل شي نقول الحمد لله على نعمة الثلوج

لي انعم علينا بيها ربي سبحانو

تقريبا الشرق كامل راه جامد
سورتو قسنطينة اه على قسنطينة كيفاه ولات

وسوقهراس كيما موالفة وكثر تسكرت طريقها
مام عنابة جبل سرايدي وبعض المناطق
قالمة تاني جبالها وبعض البلديات
سكيكدة لي فيها البحر وصب في بعض المناطق
ميلة تغطات وتبسة lol
ام البواقي روووعة وباتنة 44444444
الور جيجل لي موالف ميحكمش فيها مليح راهي تغطات ياجماعة الخير
سطيف العالي من بكري وزادت تعبات
الوسط ولمدية منحكيوش عليها بجاية وقالك العاصمة وضواحيها اليوم
لمسيلة معرف واش حوال خونا مالك
وصلتنا صورة حصرية ليه
سالفي والثلج خلفي

لعقوبة لخاوتنا في الغرب
راهم قالو التيار لاحق ليكم

قالك تيار جانا من الهيه
تضالو تندبو على اوروبا ايها الشعب الجزايري
هاهي اوروبا جاتكم
وزادو قالو التيار تاع اليوم جانا من تركيا
تضالو تندبو على البقلاوة يالبنات هاهي جاتكم تركيا اون بيغسووووون

عواصف ثلجية ربي يجيب الستر ويحفظ ناس القرى والمداشر لي تعزلو وتقطعت عليهم الطرق
كاينة ناس البرد هلكها الغاز والماكلة
بلاما ننساو خاوتنا تاع الاقامات الجامعية لي تعزلو بالثلج
خويا واحد منهم حصل في سوقهراس كاين لي فاتوهم لي كونطرول
وتغلقت عليهم الطرق

ربي يسترهم ويحفظهم
توحشتو الشتاء اه اه
تشفاو منين كان الصيف

وفي رواية اخرى
اليوم الجزائر تتحول الى اوروبا
كان تجمد البحر فلنتزحلق جميعنا والى هناك

اختنا لؤلؤة قسنطينة ان شاءلله تكوني بالف خير
صورة من المدينة الجديدة قسنطينة

البسو مليح وتغطاو مليح
وربي يرحم جميع من ليس لديه مأوى في هذا البرد

تحياتي












​

 

[Abd Ellatif erti]

الخيييييييييييييير

 

[فيتامين سي]

وهران داخلة مع الغرب ياي الثلج قادم
حنا البرد كاين و المطر درك عاد وصلنا شويا ..الحمد لله
اللهم اجعله غيثا نافعا
ربي يكون في عون كل المحتاجين لي معندهمش دار تدفيهم في هذا البرد ..

 

[الصحافية الساخرة]

واااو توحشت كل شي فالشتاء المطرروالثلج والرعد وانا تحت الغطا نعيط مع دارنا ونتلموا عايلة وي وي توحشت هذو ليااام وقبيل والثلج يهبط هنا فجيجل ووانا فالتاقة نطل وفراسي تبحرت لعاالم اخر ربي يكون مع خاوتنا اللي كانت هذي ليام صعيبة عليهم خاصة لي يقراو ولا يسوقوا فالطريق ولي ماهمش لابسين مليح ولي فالخلا والبرد ياااا رب

 

[آمِيْرَتُه]

السلام عليك
جبتيها نيشان هههه
الحمد لله على كل حال ربي يكون مع الناس لي عايشة في القرى و المداشر و ربي يحفظ بلادنا وتحية لخوتنا فالجيش و الدرك و الحماية المدنية
و بصحتكم الثلج عقبال لناس الغرب لي راهم مساكن قاتلهم البرد خخخ

 

[(منير)]

وعليكم السلام ورحمة الله وبركاته
رحبا بالشتاء تتنزل فيه البركة
ويطول فيه الليل للقيام
ويقصر فيه النهار للصيام
رغم هدوء ليالي الشتاء
وتساقط الثلوج بارض المليون ونصف المليون من الشهداء
الا انى افتقد اعضاء فى اللمة
مما دعوتم لهم بالحفظ امثال لؤلؤة اللمة.
وكذالك مرام ليليا
اظن انهما فى فرحة وبهجة
مع هذه الامطار الغزيرة
والثلوج الكثيفة
بعدما كانت العباد قانطة
فادام الله علينا نعمه الظاهرة والباطن
وعلى وجه الخصوص نعمة المطر الذى يعقبه الثلوج.
فسبحان الذى قال فى محكم تنزيله.
في سورةالشورى الايات 28
( وهو الذى ينزل الغيث من بعد ماقنطوا وينشر رحمته وهو الوالى الحميد )
مشكورين وماجورين على هذا الطرح

 

[الامين محمد]

هاذ العام ما نخافش من البرد راني شريت
مدفأة اوكازيون بلصح مليحة ههههههههههه
حاب يزيد يبرد الحال باش نجربها هههههههه

ان شاء الله عام خير على كل البلاد

 

[Oktavio_hinda]

السلام عليكم ورحمة الله وبركاته
واش راكم ياناس اللمة
اولا قبل كل شي نقول الحمد لله على نعمة الثلوج

لي انعم علينا بيها ربي سبحانو

تقريبا الشرق كامل راه جامد
سورتو قسنطينة اه على قسنطينة كيفاه ولات

وسوقهراس كيما موالفة وكثر تسكرت طريقها
مام عنابة جبل سرايدي وبعض المناطق
قالمة تاني جبالها وبعض البلديات
سكيكدة لي فيها البحر وصب في بعض المناطق
ميلة تغطات وتبسة lol
ام البواقي روووعة وباتنة 44444444
الور جيجل لي موالف ميحكمش فيها مليح راهي تغطات ياجماعة الخير
سطيف العالي من بكري وزادت تعبات
الوسط ولمدية منحكيوش عليها بجاية وقالك العاصمة وضواحيها اليوم
لمسيلة معرف واش حوال خونا مالك
وصلتنا صورة حصرية ليه
سالفي والثلج خلفي

لعقوبة لخاوتنا في الغرب
راهم قالو التيار لاحق ليكم

قالك تيار جانا من الهيه
تضالو تندبو على اوروبا ايها الشعب الجزايري
هاهي اوروبا جاتكم
وزادو قالو التيار تاع اليوم جانا من تركيا
تضالو تندبو على البقلاوة يالبنات هاهي جاتكم تركيا اون بيغسووووون

عواصف ثلجية ربي يجيب الستر ويحفظ ناس القرى والمداشر لي تعزلو وتقطعت عليهم الطرق
كاينة ناس البرد هلكها الغاز والماكلة
بلاما ننساو خاوتنا تاع الاقامات الجامعية لي تعزلو بالثلج
خويا واحد منهم حصل في سوقهراس كاين لي فاتوهم لي كونطرول
وتغلقت عليهم الطرق

ربي يسترهم ويحفظهم
توحشتو الشتاء اه اه
تشفاو منين كان الصيف

وفي رواية اخرى
اليوم الجزائر تتحول الى اوروبا
كان تجمد البحر فلنتزحلق جميعنا والى هناك

اختنا لؤلؤة قسنطينة ان شاءلله تكوني بالف خير
صورة من المدينة الجديدة قسنطينة

البسو مليح وتغطاو مليح
وربي يرحم جميع من ليس لديه مأوى في هذا البرد

تحياتي












​

​

ابعتولنا شوية ثلج

احنا في العاصمة قتلنا البرد نتوما طاح الثلج واحنا كلينا البرد

ان شاء الله عام الخيرات

شكرا على النشرة الجوية

تقديري
​

 

[حكاية قمر]

السلام عليكم
راه لحق عنا ثلج ديجا ضروك راه يطيح علامة غدوا مانقراوش ^^
بصح كما قلتي ربي يعين ناس القرى والمداشر والناس لي بيوتهم قصديرية
شكرا ع الموضع المتثلج حبيبتي
وان شاء الله يكون فيه لخير

 

[لؤلؤة قسنطينة]

السلااااام عليكم
مساؤكم ثلج ابيض ناصع ويومكم ثلج ابيض ناصع
يعني ماشاء الله في قسنطينة من يوم الأحد والثلج يصب حتى لدرك ومازال يطيح خفيف اسبوع الثلج الله يبارك
يعني نعمة من عند ربي سبحانو ماشاء الله، انا لي عجبني انو الامتحانات كانو حاشرينا في اسبوع واحد وحنا عندنا الوقت
ساع كي ريكلامينا على الاقل يبدلولنا امتحان واحد للاسبوع القادم ماحبوش ساع طاح الثلج وماجوزناش زوج امتحانات كاملين مكرا فيهم
الطرق تقفلو والدنيا كاملة بيضا خاصة المدينة الجديدة تما الجامع ةلي نقرا فيها هاديك مقفولة خلاص يعني ماشاء الله
واشوا دايما كي نشوف الجو هكا يغيضوني كيما قلتي لي ماش ساكنين مليح
ولي برا ولي ظروفهم ماش ملاح يعني ربي يكون معاهم ان شاء الله قلبي يوجعني كي نتفكرهم
شكرا اختي ام ياسمين على الموضوع راهي الجزائر ولات اوروبا صح
ومبروك علينا الثلوج هههه
​

 

[ضآحكة مستبشرة]

الحمد لله هاذي نعمة من عند ربي
انا كنت نقرا سمعت بالثلج سمحت في كلشي و رحت نجري للمدية
اجواااء رائعة لووووول
ربي يباركلنآ في هذا الثلج و نسأل الله أن يطهر قلوبنا من الخطايا و يجعلها نقية بيضاء كالثلوج
مشكووووورة ساندي

 

[لاريمان]

الحمد لله البرد قارص والحلة بيضاء
ربي يدومها يارب

 

[طموحة]

السلام عليكم
غيرتوني بمناظر الثلوج
حنا في العاصمة لا ثلج
غير الشتا راهي دايرة حالة هي والبرد اللهم صيبا نافعا يارب
و ربي يعين الناس التي تعاني في مثل هاته الظروف ان شاء الله ربي يخفف عليهم

 

[فيتامين سي]

تم التجمد بنجاح تام

 

[فتاة حساسة]

السلام عليكم شوشو كي راكي
انش اء الله تكوني بخير
اييييييه خلي برك اكديلي على ناش الاقامة انا سترني ربي ماطلعتش بالحد والله شاف ليا ربي حتى من انا نسكن في المدينة ااجديدة قسنطينة .صحاباتي تغلقت عليهم ااطريق مساكن قتلهم البرد والجوع ووزيد الفوايي مغلوق ..
الحمد الله على نعمة الثلج حبوبة ❄❄ وربي يدومها نعمة

 

[Hakan]

تبا غي باتنة برك طاح شوي الثلج وذاب من بعدها
مانيش حاب نقرى اها اها اها تبا تبا تبا اروبا دهماتهم كامل غير باتنة
يطيح غي في الجبال وقيلا نطلع للجبل نيهاهاهاهااا
على العموم بصحتهم اللي ما قراوش هههه ها ماراني نخمم
وبصحت كامل الناس اللي قدرو يخدمو رجل ثلج
اللي هو حلمي وحياتي خخخ
وبصحت كامل الناس اللي كيفي يوصلهم غير البرد نتاع الناس الاخرى
وبصحتك خويا مالك ههه يشبهلي هذا الرجل .​

 

[أم منيــــــر]

السلام عليكم
اولا لله الحمد و الشكر على ما انعم علينا من خير
الله يبارك و اللهم اجعله غيثا طيبا و صيبا نافعا
ثانيا يعطيك الصحة ضربتي بينا دورة لكامل الشرق الجزائري
احنا اليوم عندنا برد و امطار خير ربي و بعض الزخات من الثلوج انا نسكن في منطقة منخفضة
راهم يقولو بلي رايح يطيح الثلج على المرتفعات ان شاء الله
و نقولو الله يكون في عون الناس لي راها مغبونة و محتاجة و بردانة و الله يفرج عليهم
مناظر شابه بزاف و انت تشوفي اللون الابيض في كل بلاصة ما شاء الله
فعلا اجواء اوروبا لحقت عندنا و البرد بزااااف الحمد لله شوفاج داير فينا خير كبير
نقولو الله يدوم علينا النعم و يحفظها من الزوال
شكرا لك ام ياسمين ​

 

[zohor kfz]

بصحاتكم و العقبة لينا ان شاء الله ...
من البارح و الشتيوة تصب ... في الليل كانت كيما تاع الهنودا لي تشوفوها فالافلام تاعهم ... لي تصب تحساب بالبيدون ههههه
بصح دوكا راها هديك الرقييييييقة لي تتغلغل في الثياب حتى توصل للقلب هههه
و ان شاء الله تلج راه في الطريق و ندير سيلفي خير من تاع مالك هههههه

 

[FATIMA 19]

السلامــــــ عليكم
ان شاء الله تكوني لباس
و بصحتنا حنا نآســـ الشرق مع نعمة الثلوج
سيرتو حنا في سطيف كلمة ثلج تعني مكانش ليكونطرول هههههه فرحة ماحلاها فرحة
و هاذي ليكم صورة

​

 

[الورد الأحمر]

السلام عليكم

يا حسراااه ع الثلج نموووت عليه مي حكني ربي في ولاية فيها لبحر أو ليكم لبحر يا ناس قسنطينة لي غزيتونا في الصيف ادوه وهاتولنا الثلج خوتكم في سكيكدة مشتاقينو :p.

والله مع البرد هذا وكي تعصف الريح ويهبط هذيك النو تقول يكبو بالبيدون نتفكر الناس لي برا متشردة ونحمد ربي وندعيلهم وتفكرت ناس مالي لي في الطرق عندهم بلاصة قريبة من السطاد يرقدو فيها .. باردة روعة في الصيف مي جامدة في الشتاء ربي يكون معاهم.

الحمد لله على نعمة الثلج والأمطار ان شاء الله تبقى نعمة وما تتقلبش لنعمة والحمد لله لي عندنا وين نعطو راسنا في هذا البرد وربي يكون في عون البقية.

مشكورة ع الموضوع :kiss:.