ليش؟؟؟

[saleh saad]

كنت في الشهور الماضيه تعرفت على بنت . اخلاقها حلوة و انا في عزمت انا هالبنت انشاء الله تكون زوجتي فطورت العلاقة بينا بين ضحيت في حياتي و قتي عشان اسعدها و اي شئ تريدة اعطيها ولا اقول لا حتي لو ماعندي شئ اسويلها بس يوم امس اكتشف انها تحب واحد من وراي , ولما سئلتها قالت هذه الحياة . طيب ليش مخبرني من قبل لأن انا في حاله صعبه حاليا 7 شهور وانا اعرف هذه البنت .......... خبروني شو اسوي يا اصدقائي

 

[somi]

رد: ليش؟؟؟

الله يعينك أخي الكريم كان لازم أعليك تسأل أعليها من الأول
وهي أصلا ما تستاهلش باه تخمم فيها
إنسا خير

 

[fidou]

رد: ليش؟؟؟

واش لازم دير ؟؟؟؟؟؟؟؟؟؟؟؟؟؟
ياو نقولك اللي باعك بالفول بيعو بقشورو هاذي وحدة متستهلش تكتب عليها ماشي تخمم فيها ...

 

[adelskikda]

رد: ليش؟؟؟

اصبر يا اخي البنات كثيرات

 

[السعادة]

رد: ليش؟؟؟

هدا قلب كيما يقولو مي بصح لازم تنساها كي انت تعرف ب لي ما كان حتى فائدة علاش راك تخمم فيها انساها خير

 

[ahras algerie]

رد: ليش؟؟؟

لازم تبلطها هكذا تبرد قلبك وتنساها

 

[grand coeur]

رد: ليش؟؟؟

لا شيء اخي انسها فقط فالقلوب ليست ملكا لاحد وقلبها مع اخر ربما تحبك اخري اصبر اخي

 

[نجم البحر]

رد: ليش؟؟؟

نقولك حاجة يا خويا المرا الجايا كي تعرف وحدا لازم تسقسيها ويلا تحب واحد اخر
و ديجا البنات راهم يتباعو في السوق قادر تلقى وحدا تستاهلك
خير من لولى بالدوبل

 

[سوسو العاصمية]

رد: ليش؟؟؟

نقولك حاجة يا خويا المرا الجايا كي تعرف وحدا لازم تسقسيها ويلا تحب واحد اخر
و ديجا البنات راهم يتباعو في السوق قادر تلقى وحدا تستاهلك
خير من لولى بالدوبل

ربي يهديك يا خويا لعزيز نجم البحر

هدا كلام تقولو:wondering:



اما اخي صالح



فعزيزي اقرا القراان و صلي صلاة استخارة ادعي فيها

ربي ينورلك طريقك

دمت بود:heart:

 

[زهرة الأقحوان]

رد: ليش؟؟؟

خويا وحدك اللي تعرف واش لازم تدير
كون جيت مكانك مانفوتهاش بساهل
نرد بطريقتي ومن بعد ننساها

 

[RaNiA]

رد: ليش؟؟؟

لازم تهدر معاها وتشوفها لاكان حابا تزوج بيك ولا لا وبالاك هداك كانت تشتيه في الماضي ودرك لا

مالا لازم تشوفها تحبك ولا لا والا بعد عليها خير

 

[ِchdz]

رد: ليش؟؟؟

لازم تهدر معاها وتشوفها لاكان حابا تزوج بيك ولا لا وبالاك هداك كانت تشتيه في الماضي ودرك لا

مالا لازم تشوفها تحبك ولا لا والا بعد عليها خير

آه يا رانيا الله يهديك الطفلة قالتلو هذه الدنيا و انتي تقوليلو بلاك .... راهي باينا كي الشمس واش من بلاك فيها ...
شوف خويا ما تشوفها ما والو:
كل واحد عقلو في راسو يعرف خلاصو ....... عندها الحق الي قالتلك بيعها بقشور الفول .... وهني راسك.

 

[سلسبيل ايمان]

رد: ليش؟؟؟

خويا الولاد الي يحبوا كيفك قلال . ما عليش مع الوقت تنسى بصح ما تنساش خلاص. مناه الحب ينقص فالقلب بصح مايخلصش. ربي يكون معاك .وادعينا باش ننساو شوية حنا تاني.

 

[الامل]

رد: ليش؟؟؟

نقولك حاجة يا خويا المرا الجايا كي تعرف وحدا لازم تسقسيها ويلا تحب واحد اخر
و ديجا البنات راهم يتباعو في السوق قادر تلقى وحدا تستاهلك
خير من لولى بالدوبل

ماشي حرام عليك تقول كيما هاك والله لو كان جيت بلاصتك نحشم

واما انت اخي صالح فاصبر فما لك والله الا الله والصبر وان شاء الله راح يعوضك ربي بواحدة تكون خير من هذيك الف الف مرة
وربي يوفقك ان شاء الله

 

[wacim28]

رد: ليش؟؟؟

راك أخطأت فالإختيار والبنت اللي تخرج معاك بلا علم أهلها اللي رباوها ووكلوها وقراوها ما فيهاش الثقة وكيما خرجت معاك تخرج معا غيرك
وراه ربي يبغيك كي كشفتها قبل ما يطيح الفاس فالراس
شوف لك وحدة بنت فامليا وروخ خطبها والى بغيت تخرج معاها اعقد عليها باش ربي يبارك لك

 

[ahras algerie]

رد: ليش؟؟؟

أسبـــــــوع كامل وما درت فيها والو ياخي قتلك بلطها ولا اخطب اختها في بلاصتها :party:

 

[hard_way1990]

رد: ليش؟؟؟

أسبـــــــوع كامل وما درت فيها والو ياخي قتلك بلطها ولا اخطب اختها في بلاصتها :party:

ههههههه عندك الحق أخطب أختها مكرة فيها ههههههههه باش تروح حياتك زهدة وعياط ياو قالك ألي باعك ببطلة بيعو بقشورها والفاهم يفهم ......

 

[يسرى 2008]

رد: ليش؟؟؟

الله يعينك اخي الكريم
لاكن يجب ان تتكلم مع هده البنت وجه لوجه وتلومها على ماعملته
فريق الضياء ​