على المباشر...

[لاريمان]

السلام عليكم ورحمة الله وبركاته
حبيت نهدر على موضوع راكم شايفينو خاصة مرتادو المواقع الاجتماعية
هي مقاطع الفيديو على المباشر
يعني البداية من السلفي
يصور روحو واقف وقاعد وراقد مع سيارتو
مع كبشو مع الشجر والثلج
الى المباشر انا مانيش حكم على الناس ربي يسهل
وانما مؤخرا انا زعم دخلت مجموعة نسائية تاع طبيخ
ممممم يعني كاش مانتعلمو نلقى عضوة زعم ملثمة يعني غير فومها مايبانش
مي كامل وجها يبان وتقرا في الردود
وترد عليهم خاصة الي معجبهمش الحال من ظهور اجزاء واضحة من وجهها
بين ناصح لها وبين مؤيد وبين غاضب
هي زادت سكارة فيهم دارتلهم اغنية شرقية
انا هنا بقيت نقرأ في الردود
*الي لفت انتباهي اننا معدناش اسلوب نقاش؟
*ندخل مباشرة لتطياح الهدرة والسب والشتم؟
*الدين نصيحة اين نحن من هذا؟
*هل لانو الناصح فاقد للحجة هدا الي يخليه يهاجم المنصوح حتى بالسب
والامثلة كثيرة وراكم عايشينها
بانتظار مروركم تحية

​

 

[sanaya]

أختي
إن كانت الأخت منقبة فذلك خيارها
و أما الذين يسبون فكما قلت ليست لديهم حجة ودليل واضح
السبان أصبح عادي
والشي اللي يغيضني كولات لبنات تاني يسبو واش بقا
حنا معندناش نقاش هادئ
عندنا نبهدلو قدام الغاشي ولا نسبو
علاه
انعدام الأخلاق والثقافة
وعدم تعلم آداب وطرق الحوار في المحيط العائلي
فلو كان الاحترام يسود البيت لتعلموا احترام غيرهم
سلاااام

 

[الامين محمد]

و الله أختي لاريمان عنك ألف حق
نحن نصايحنا في الغالب حالتين سب و شتم او صراخ
نحكيلك حاجة
واحد صاحبي راح يسال امام على امر
لما وصل ليه طرح عليه السؤال
الكارثة الامام صرخ في وجهه و بدا يزقي عليه
رد صاحبي عليه قاله سمحلي انا قالولي انت امام لكن
اكتشفت انك سجان

للاسف كلامك صح مائة بالمائة
تحياااتي اختي الزعااافة
انت اختي بالسيف علي و بسيف عليك هههههههه

 

[لؤلؤة قسنطينة]

السلاااام عليكم
مساء الانوار
ان شاء الله الغالية ناريمان بخير؟؟
بارك الله فيك عزيزتي على الموضوع عندي شحال ماجاوبتش على مواضيعك حتى توحشتهم هههه
المهم ندخلو للب الموضوع وباه نبدا من أول سؤال وهو ماعندناش اسلوب نقاشي
وبالفعل الشعب الجزائري شعب مبعثر ولا بعبارة اوضح ماش منظم ماعندوش ثقافة الحوار وماعندوش ثقافة نسألك وتجاوب ولا تسألني ونجاوبك
وتسمعليو نسمعلك نحكيو في نفس الدقيقة ونعيطو في نفس الدقيقة مانفهموش حتى بعضانا نغليو برك ومانعطيوش الحق مامبا لبعضانا في الكلام
واذا تكلمنا نبداو طول بالسب والشتم وماعندهاش بزاف وضعت موضوع في هاد القسم على قسنطينية تكلمت على شروط تعجيزية في الزواج
شفت الفيديو تاعها على الانترنت حتى نلقى التعليقات الناس تسب في قسنطينة كاملة وهادا خطأ المهم باه مانخرجوش من الموضوع
حنا شعب مايعرفش يوصل فكرتو بأدب ولا بذكاء على الاقل نقنعو بعضانا حنا يا ترضى بالشي لي نقولو يا نسبك ماكانش ثقافة الحوار نهائيا
اما فيما يخص امر النصيحة في مجال الدين تكون بالتي هي احسن، لما تحب تجبد انسان ليك وتنصحو تتكلم معاه بأدب وتركز على ايجابيات
النصيحة لي رايح تقدمها ولا الفكرة لي رايح تقدمها باه تقنع الطرف الاخر وهادا يجي بأدب وبعقلانية وبطريقة منهجية ماش بالعياط والسبان
والفايس بوك راهو المسلم يردو كافر، صورة ماتديرش عليها جام يقولك الله يعميك ويقولك راك كافر والشيطان منعك ايا روح تلعب بعيد
يعني الشعب عنيد ويحب يعاند وفي النهاية يخسر الحوار ويخسر الناس
نتمنى تكون اجابتي مناسبة، شكرا حبيبتي على الموضوع ربي يهنيك
تحياتي​

 

[لاريمان]

أختي
إن كانت الأخت منقبة فذلك خيارها
و أما الذين يسبون فكما قلت ليست لديهم حجة ودليل واضح
السبان أصبح عادي
والشي اللي يغيضني كولات لبنات تاني يسبو واش بقا
حنا معندناش نقاش هادئ
عندنا نبهدلو قدام الغاشي ولا نسبو
علاه
انعدام الأخلاق والثقافة
وعدم تعلم آداب وطرق الحوار في المحيط العائلي
فلو كان الاحترام يسود البيت لتعلموا احترام غيرهم
سلاااام

اختي انا محور موضوعي لم يكن الفتاة
بل ردات الفعل
صحيح احنا نفتقرو للنقاش الهاديء واغلب النقاش تكون بالصراخن ين
والسب والشتم والمشكلة ان النقاش ينتهي
وتبقى الاسباب متعددة
صحيت اختي على الرد

 

[لاريمان]

و الله أختي لاريمان عنك ألف حق
نحن نصايحنا في الغالب حالتين سب و شتم او صراخ
نحكيلك حاجة
واحد صاحبي راح يسال امام على امر
لما وصل ليه طرح عليه السؤال
الكارثة الامام صرخ في وجهه و بدا يزقي عليه
رد صاحبي عليه قاله سمحلي انا قالولي انت امام لكن
اكتشفت انك سجان

للاسف كلامك صح مائة بالمائة
تحياااتي اختي الزعااافة
انت اختي بالسيف علي و بسيف عليك هههههههه

اهلا اخي الطيب
هادي صح نظن داخلة التركيبة الجزايرية
قاري ولا ميش قاري كيفكبف وقت الحوارات تضرب كل القيم عرض الحائط
واغلب النقاشات تكون عقيمة وتخرج عن الموضوع الى الشخص
ومثالك اخي خير دليل ربما لضعف الحجة يقلبها عياط
انت اخي ويشرفني ذلك كما اعتذر عما بدر مني
ربي يهنيك اخي

 

[لاريمان]

السلاااام عليكم
مساء الانوار
ان شاء الله الغالية ناريمان بخير؟؟
بارك الله فيك عزيزتي على الموضوع عندي شحال ماجاوبتش على مواضيعك حتى توحشتهم هههه
المهم ندخلو للب الموضوع وباه نبدا من أول سؤال وهو ماعندناش اسلوب نقاشي
وبالفعل الشعب الجزائري شعب مبعثر ولا بعبارة اوضح ماش منظم ماعندوش ثقافة الحوار وماعندوش ثقافة نسألك وتجاوب ولا تسألني ونجاوبك
وتسمعليو نسمعلك نحكيو في نفس الدقيقة ونعيطو في نفس الدقيقة مانفهموش حتى بعضانا نغليو برك ومانعطيوش الحق مامبا لبعضانا في الكلام
واذا تكلمنا نبداو طول بالسب والشتم وماعندهاش بزاف وضعت موضوع في هاد القسم على قسنطينية تكلمت على شروط تعجيزية في الزواج
شفت الفيديو تاعها على الانترنت حتى نلقى التعليقات الناس تسب في قسنطينة كاملة وهادا خطأ المهم باه مانخرجوش من الموضوع
حنا شعب مايعرفش يوصل فكرتو بأدب ولا بذكاء على الاقل نقنعو بعضانا حنا يا ترضى بالشي لي نقولو يا نسبك ماكانش ثقافة الحوار نهائيا
اما فيما يخص امر النصيحة في مجال الدين تكون بالتي هي احسن، لما تحب تجبد انسان ليك وتنصحو تتكلم معاه بأدب وتركز على ايجابيات
النصيحة لي رايح تقدمها ولا الفكرة لي رايح تقدمها باه تقنع الطرف الاخر وهادا يجي بأدب وبعقلانية وبطريقة منهجية ماش بالعياط والسبان
والفايس بوك راهو المسلم يردو كافر، صورة ماتديرش عليها جام يقولك الله يعميك ويقولك راك كافر والشيطان منعك ايا روح تلعب بعيد
يعني الشعب عنيد ويحب يعاند وفي النهاية يخسر الحوار ويخسر الناس
نتمنى تكون اجابتي مناسبة، شكرا حبيبتي على الموضوع ربي يهنيك
تحياتي​

وعليكم السلام
اهلا باغالية مريم احمد لله اتمنى تكوني بالف خير
كما تعجبيني بتدخلاتك ماشاء الله تلمي بجوانب الموضوع وتضفي عليه
معلومات
ياحنونة الصراحة اجاباتك كانت كافية ووافية
والخلاصة فليها ليست لدينا ثقافة التقاش الجاد
واش يعجبني يخليو الموضوع ويروحو يخرجو العيوب السبعة في الشخص
من سب وشتم
هنا فقط اشير انه ليس الكل بل هنا ماشاء الله
من يناقشك بمنتهى الاحترام وباساليب توحي من المامه بالموضوع
نشكرك اختي بزاف على هذا الرد الجميل
لاعدمنا من تواجدك
ربي يهنيك اختي

 

[Tama Aliche]

وعليكم السلام ورحمة الله...

موضوع جميل اختي بارك الله فيك ..

بداية ليس السبب في غياب الحجة فأولا ننظر إلى التربية , فاذا تربى طفل في اسرة لا يتعاملون في ما بينهم باسلوب نقاشي فكيف سيكبر اكيد سيتعامل مع الناس بطريقة هماجية
لكن الانسان بعقل ومن الحياة يتعلم ما يستطيع تعلمه وللاسف لا وجود للثقافة في مجتماعتنا ولا وجود للاسلوب النقاشي المحترم وهنا ياتي الجدال ويصل الامر للسب والصراخ لعدم وجود الحجج
وبغياب الاحترام والحجة والطريقة العذبة لن تصل الفكرة ولن تقنع الاخرين , هذا رايي اتمنى ان تتقبلي مروري ..

 

[aljentel]

(انما الامم الاخلاق ما بقيت فإن هم ذهبت اخلاقهم ذهبوا )
طباع الناس تغيرت وصارت العصبيه سمة ظاهره بلا سبب ..
نسأل الله السلامه ...

 

[السلطانة]

وعليكم السلام ورحمة الله وبركاته راهي رجعت لامود تاع الlive اختي
كون وحدة مثلا تديرو مع صحاباتها مقبولة مي في القروب لاياحليش
كنت نشوف في وحدة درك برك دايرة live نصحتها لوجه الله قتلها يااختي القروب هذا مسمي تاع نسا لكنو معمر رجال فاحترسي لانك مبينة وجهك
قاتلي عادي تاع كاين لي تحوس عليها بعد وتصايد مالا ربي يسهل
ربي يهدي من خلق