كرشهم تخلي عرش

الصحافية الساخرة

:: عضو بارز ::
أحباب اللمة
إنضم
5 جانفي 2017
المشاركات
3,482
نقاط التفاعل
8,102
النقاط
946
العمر
28
محل الإقامة
Jijel
الجنس
أنثى
مساء البونصوار ;) كي راكم ؟ ان شاء الله تكونوا لباس (y)

بالمناسبة بالاسود نكتب : (عظم الله اجركم على خسارة محاربي الفوز :cry: ربي يعوض مشجعيهم اللي راحوا وراهم وخسروا دراهم :(


وربي يهنيهم هذوك اللي طار عليهم النعاس وهوما يخمموا ويدعيوا :sick:)
نسيتوني واش رايحة نرحي قصدي نحكي :cautious:

اسمعوا الحكومة تاعنا ظالمة وحقارة وسلال باندي يعمر شكاير وطماع ميشبعش والسي شكاكيب سراااق والدولة هذي تاكل حق الشعب

والزوالي مسكين لا علينا ما اختلفنا يا شعب الجزائر نحبكم ومنحبش تتظلموا ميييييييييييييييييييييييييييييييييي :mad: متظلمش ومتكونش وسخ اكثر

وخاصة مع اهلك ومع لي من دمك ولحمك , ياااو تلقى واحد يهدر على الحكومة ويطيح فالمسؤولين وكلاو حق الشعب وهو يااااا نااااااس

خلي نعيط بالصوت بلاك تسمعوا داااير كتر (قولوا هيه :p )

نذكر منهم هذوك الخاوة اللي يخليلهم والديهم دراهم وديار بعد موتهم ايييه الاخ يحب يحرم خياتوا البنات من الورث ويجري باش يزور

بلاك يقدر يدي غير هو وخوه وحدهم :devilish: وكي تخرج فيهم اختهم يطيحولها الهدرة هوما عندهم المتزوجة متديش حقها وولادها

مايحقلهمش يطالبوا خاطر ماشي تاع باباهم o_O (هذي لا فالشرع ولا فالقانون كاينة)

يحبوا كلشي ليهم والطفلة ماتسالش ولوكان تروح للعدالة وتطلب حقها من الدار اييه خلاص يقطعوها ليوم الدين وزيد يسبوها

ويسمعوا بيها الناس وتعجبك كي يقولولوا :"راجلها هو اللي عمرلها راسها طامع فدراهم بابانا.."

يااااا انت تطيح فالدولة انت عديت فيها باغي تاكل حق اختك , الدولة على الاقل تجيبلنا حقنا باش انت متكلناش :p

نحير فعباد هكذا ادي حصتك وخلي تاع الغير متطيحش على اللي خطيك بكرشك وتحقر الناس

اهدر في سلال والحكومة وانت لوكان تحكم بلاصة معاهم تاكلنا راسنا حتى الورث اللي خاطيك وتكتب ليك منو حصة :ROFLMAO:

اجماعة لي يذخل هنا الاول نعطيلوا حصة من ورث تاع جدي ربي يرحموا خلا يا محاينك فيلا ودراهم وترابات :D

اجروووا من هو او هي صاحب(ة) الحظ ;)


 
طيري لواش راك تهدر واش راكي تديري هنا :p

يا أختي الأنثى مهما وصلت ومهما دات حقوق ومهما ومهما تبقى محقورة من شي ناس وكيما قلتي الطفلة المفروض ما تطالبش بحقها من إرث باباها وحجة الإخوة أنها خلاص تزوجت. تلقى خوتها يسبو الدولة لي كلات حقهم ونساو أنهم ياكلو في حق أختهم. كل واحد عايش في دولة وحدو مش شايف عيوبها.

المهم ينقل الموضوع لواش راك تهدر ;)
 
طيري لواش راك تهدر واش راكي تديري هنا :p

يا أختي الأنثى مهما وصلت ومهما دات حقوق ومهما ومهما تبقى محقورة من شي ناس وكيما قلتي الطفلة المفروض ما تطالبش بحقها من إرث باباها وحجة الإخوة أنها خلاص تزوجت. تلقى خوتها يسبو الدولة لي كلات حقهم ونساو أنهم ياكلو في حق أختهم. كل واحد عايش في دولة وحدو مش شايف عيوبها.

المهم ينقل الموضوع لواش راك تهدر ;)

ههههههههههههه غلطت ديما تتخلطلي نجي ننشر حاجة فبلاصةة ننشرومش فمكانو اعذروني
 
يا أختي الأنثى مهما وصلت ومهما دات حقوق ومهما ومهما تبقى محقورة من شي ناس وكيما قلتي الطفلة المفروض ما تطالبش بحقها من إرث باباها وحجة الإخوة أنها خلاص تزوجت. تلقى خوتها يسبو الدولة لي كلات حقهم ونساو أنهم ياكلو في حق أختهم. كل واحد عايش في دولة وحدو مش شايف عيوبها.

اييه صح تبقى محقورة
شكراا لمرورك اختي
 
حقيقة أختي فكرتيني بكلام رائع قاله أحد الفقهاء :
لو أردتم أن يرفع عنكم الظلم فلا تدعوه بينكم
الأخ الذي يشكي الحكومة
وأختو حارمها من الإرث
ممكن تلك الحكومة الظالمة التي سلطها الله هي دعوات من أناس مظلومين
لذلك لازم قبل كلشي و قبل مانهدروا على الحكومة خصوصا الرجال نسقسو رواحنا
هل رانا نعطي لكل حق حقه أم لا ؟
سلام
 
حقيقة أختي فكرتيني بكلام رائع قاله أحد الفقهاء :
لو أردتم أن يرفع عنكم الظلم فلا تدعوه بينكم
الأخ الذي يشكي الحكومة
وأختو حارمها من الإرث
ممكن تلك الحكومة الظالمة التي سلطها الله هي دعوات من أناس مظلومين
لذلك لازم قبل كلشي و قبل مانهدروا على الحكومة خصوصا الرجال نسقسو رواحنا
هل رانا نعطي لكل حق حقه أم لا ؟
سلام

بارك الله فيك
شكرا لمرورك اختي االغالية
 
السلام عليكم
واش يا ختي مزالك تزيدي تفكري فينا بالماتش خخخخخ
علبالك باش نفهم موضوعك لازم نقراه زوج مرات هههه
صح كاين بزاف مناطق عندنا هنا فالجزائر مايمدوش الورث للمرأة
عندهم عادات تاعهم هكذا مي العادات هذو راهي مخالفة للدين
خاطرش كل واحد عندو الحق في الورث بنسب متفاوتة على حساب الشرع
بالصح المهم عندها حقها المرأة مزوجة ولا لا كيف كيف
بصح النساء تاع ضرك ولاو يدافعو على حقهم ماتمدلهاش الورث تجبدك للمحكمة
غير بلاك هذوك لي مضلومين ولا تاع الأرياف يحشمو باش تدي خوها للمحكمة
تخاف يقتلوها لو تروح تشكي ... ولو شكات الدولة راح تمدلها حقها
باين بلي انا لي ربحت الورث معاك هههه المهم مديلي لادريسة برك انا نجي لعندك ههه
يعطيك الصحة ختي راضو
 
السلام عليكم
واش يا ختي مزالك تزيدي تفكري فينا بالماتش خخخخخ
علبالك باش نفهم موضوعك لازم نقراه زوج مرات هههه
صح كاين بزاف مناطق عندنا هنا فالجزائر مايمدوش الورث للمرأة
عندهم عادات تاعهم هكذا مي العادات هذو راهي مخالفة للدين
خاطرش كل واحد عندو الحق في الورث بنسب متفاوتة على حساب الشرع
بالصح المهم عندها حقها المرأة مزوجة ولا لا كيف كيف
بصح النساء تاع ضرك ولاو يدافعو على حقهم ماتمدلهاش الورث تجبدك للمحكمة
غير بلاك هذوك لي مضلومين ولا تاع الأرياف يحشمو باش تدي خوها للمحكمة
تخاف يقتلوها لو تروح تشكي ... ولو شكات الدولة راح تمدلها حقها
باين بلي انا لي ربحت الورث معاك هههه المهم مديلي لادريسة برك انا نجي لعندك ههه
يعطيك الصحة ختي راضو

وعليكم السلام
ههههههههههه انت باين فيك متفهمش الرياضيات عليها تقرى الموضوع زوج مراات هههه
ياخويا رايح تطلعلي الملح براضوا وناضو :unsure: واحد يقولي خويا وانت تقولي راضو فهموني دوك وانا شكون ؟ يااااوانا اسمي فاطمة من جيجل فالكارني وفالدار \ وفالمنتدى اسمي الصحافية الساخرة(نحلم)
مشكور خويا السكر على المرور الجميل فالاول وفسد براضو ههههه
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top