فكرة او مشروع

[Tama Aliche]

السلام عليكم ..

بما انني بنت اكيد ما عنديش رااس مال كبير يساعدني نبدا فمشروع مليح مي نقدر نبدا بالدرجة حتى نوصل باذن الله
على هذي اللي يقدر يفيدني بمشروع بسيط لا يبخل علي من فضلكم
واعطوني نصائح كيفاه نبدى مشروع ونطور فيه خاصة لاننا فجيجل الحالة متمشيش مليح (حابسة)
متقترحوليش مشاريع كبيرة منقدرلهاش هههه
شكرا لكم مقدما

 

[GI Joe]

wech 3andek diplole wala form1tion?? 31ndek local wala tekri ?? l budjet a peu pres??

 

[Tama Aliche]

wech 3andek diplole wala form1tion?? 31ndek local wala tekri ?? l budjet a peu pres??

راني نعاود فالباك معنديش دبلوم .. نحاول نلقى
مشروع يساعدني حاليا ماذا قد تقترح

 

[GI Joe]

koun djit fi plasstek nakhdem les gateaux l ness, doka wellaw yechro kolech mm la tsselki rassek chakhchokha w rechtaa w had swaleh

 

[Tama Aliche]

koun djit fi plasstek nakhdem les gateaux l ness, doka wellaw yechro kolech mm la tsselki
rassek chakhchokha w rechtaa w had swaleh

فالشخشوخة والرشتة وي نقدرلهم مي كيفاه نبدا
فيهم ، نعرف نخدم البساطات تان مشكل الفكرة كيف ابدا وكيفاه يعرفوني ناس باش نولي نخدم ومعروفة فاهني ممكن افادة من فضلك نصايح من خبراتك

 

[GI Joe]

l bssatat a mon avis risqué, ghir la konti ta3erfi 3rayess twedjdilhom des models djdod bach tet3arfi( choufi fi pinterest groupe fcb special model..)
mais chakchokha wa ma chabah sahla, akhedmi w khaliha f dar yek matefzedch ebd1y proposi l khalatek w 3mamatek yzidou ydiroulek la pub
+
rani nchouf f la mode ta3 les boites thani hadouk en carton w mghalfin b 9atifa graave sahlin khdemt wahda st9ametli 50elf w houma ybi3ouha 250 !! la djayba rohek fel achghal l yadawya c interessant thani

 

[Tama Aliche]

l bssatat a mon avis risqué, ghir la konti ta3erfi 3rayess twedjdilhom des models djdod bach tet3arfi( choufi fi pinterest groupe fcb special model..)
mais chakchokha wa ma chabah sahla, akhedmi w khaliha f dar yek matefzedch ebd1y proposi l khalatek w 3mamatek yzidou ydiroulek la pub
+
rani nchouf f la mode ta3 les boites thani hadouk en carton w mghalfin b 9atifa graave sahlin khdemt wahda st9ametli
50elf w houma ybi3ouha 250 !! la djayba rohek fel achghal l yadawya c interessant thani

اه نخمم مليح ونشوف وانا نعرف نذير الكروشيه برك فالاشغال اليدوية خلاف لا معنديش عليها حتى نظرة ونشوف مع الكروشي والبساطات والشخشوخ وربي يسهل ، بويسك لازمي نبدا بلعقل باش نجمع مال مليح باذن الله وننطلق فمشروع احسن لازمو دراهم مرسي على المرور ربي يهنيك

 

[السلطانة]

لي عندها حرفة في وقتنا هذا تقدر تستثمر فيها
الكروشي مادام تعرفيلو اخدمي سبيبطات وشالات جربي وريهم لبنات تعرفيهم وسورتو للنسا لي عندهم بنات صغار يحبو يخدمو هاذ الصوالح شوفي حق الصوف شحال
وزيديلها حق يديك
لازم تبداي بالشوي اخدمي ووري ولا كاشما عندك خواتاتك يورو لصحاباتهم
اضربي في اليوتيوب تلقاي لي مودال يساعدوك بزاف
ركزي على البنات الصغار وبنات السيام يحبو القفازات تاع لامود

تعرفي للخياطة ؟
شفت فكرة عجبتني بزاف وحدة نعرفها تخدم لي كوسان وتكتب فيهم الاسماء ومشاتلها الخدمة ماشاءالله
تخدم للنسا اسم لمرا واسم راجلها وللدراري الصغار المهم فكرة اتيرات النسا والبنات

ربي يوفقك ا ن شاءلله

 

[Tama Aliche]

لي عندها حرفة في وقتنا هذا تقدر تستثمر فيها
الكروشي مادام تعرفيلو اخدمي سبيبطات وشالات جربي وريهم لبنات تعرفيهم وسورتو للنسا لي عندهم بنات صغار يحبو يخدمو هاذ الصوالح شوفي حق الصوف شحال
وزيديلها حق يديك
لازم تبداي بالشوي اخدمي ووري ولا كاشما عندك خواتاتك يورو لصحاباتهم
اضربي في اليوتيوب تلقاي لي مودال يساعدوك بزاف
ركزي على البنات الصغار وبنات السيام يحبو القفازات تاع لامود

تعرفي للخياطة ؟
شفت فكرة عجبتني بزاف وحدة نعرفها تخدم لي كوسان وتكتب فيهم الاسماء ومشاتلها الخدمة ماشاءالله
تخدم للنسا اسم لمرا واسم راجلها وللدراري الصغار المهم فكرة اتيرات النسا والبنات

ربي يوفقك ا ن شاءلله

الله يجازيك كل خير نظن فكرتك تان مليحة
مشكورة يا غالية

 

[زاد الرحيل]

انا نقترح عليك الخياطة اذا كنت في المدينة تكون بالجملة مع المحلات ، الثمن اقل لكن الفائدة اكبر و متجددة طوال السنة . كل فصل بمتطلباته . راح تخدمي ماشاء الله بشرط تلمي عدد كبير من زبائن المحلات ، و بالتأكيد راح تجيبي بنات يساعدوك .
جربي و ردي لي بالخبر ، و دايما تذكري انو الارادة و الصبر و طول البال مع جهد اكبر يعني مشروع كبير ماشي صغير و كي تنجحي اختي الغالية تذكريني و اكتبي في متجرك "محلات ميلينا للخياطة "
بالتوفيق و كان الله في عونك

 

[Tama Aliche]

انا نقترح عليك الخياطة اذا كنت في المدينة تكون بالجملة مع المحلات ، الثمن اقل لكن الفائدة اكبر و متجددة طوال السنة . كل فصل بمتطلباته . راح تخدمي ماشاء الله بشرط تلمي عدد كبير من زبائن المحلات ، و بالتأكيد راح تجيبي بنات يساعدوك .
جربي و ردي لي بالخبر ، و دايما تذكري انو الارادة و الصبر و طول البال مع جهد اكبر يعني مشروع كبير ماشي صغير و كي تنجحي اختي الغالية تذكريني و اكتبي في متجرك "محلات ميلينا للخياطة "
بالتوفيق و كان الله في عونك

مشكورة ختي وربي يجازيك كل خير ..

ان شاء الله يا اختي ساتذكر اذا نجحت ..

 

[Abd Ellatif erti]

طهي المحاجب وبيعهم الاقرب محل في الحي

 

[Tama Aliche]

طهي المحاجب وبيعهم الاقرب محل في الحي

لا هذي متتمشاش فالحي تاعنا (تتمشى فالدار ياكلوهم ههههه)
عموما مشكور لمرورك

 

[السلطانة]

فيما يخص الخياطة انا نشوف المشروع هذا لازمو صبر شويا
مع اللول لازم الوحدة تتعلم مليح بعد ماتقرى وتجيب الديبلوم تاع الخياطة
وتبدى في الدار تدير اسم وسمعة مليحة ويعودو يعرفوها النسا مليح
ومباعد كي تدير شوي الفون تقدر تكري محل وتفتح اتوليي
الخياطة لازمتها الاتقان والصبر
المهم ربي يوفقك ان شاءالله اختي استخيري قبل ماتبداي في اي مشروع

 

[Tama Aliche]

فيما يخص الخياطة انا نشوف المشروع هذا لازمو صبر شويا
مع اللول لازم الوحدة تتعلم مليح بعد ماتقرى وتجيب الديبلوم تاع الخياطة
وتبدى في الدار تدير اسم وسمعة مليحة ويعودو يعرفوها النسا مليح
ومباعد كي تدير شوي الفون تقدر تكري محل وتفتح اتوليي
الخياطة لازمتها الاتقان والصبر
المهم ربي يوفقك ان شاءالله اختي استخيري قبل ماتبداي في اي مشروع

امين
مشكورة اختي على النصيحة والتوجيه
ربي يهنيك

 

[sanaya]

سمحيلي حتى دوك شفت موضوعك وحبيتو
مي حبيت نسقسيك حبيت مشروع لكسب المال مي معندكش راس مال كبير ؟

 

[sanaya]

المهم نعطيك فكرة كما نتاع وحدة شاركت في مسابقة دعوة للكتابة
بدات تخيط بساطات دراري وتغلف وتعرضهم على لحوانت بسومة مليحة

 

[sanaya]

تعرفي تخيطي شويا؟

 

[لاريمان]

اهلا بالصحافية تاعنا
نصيحتي كيما قالت الاخت جيو قرافي هكا نحب نسميها كل ما نقرا اسمها تحية ليها بالمناسبة
عودة ليك دركا كاينة لخياطة ولا صناعة الحلويات راهي مربحة وسهلة ابداي بالقاطو ساك كروكي وادا تعرفي ننوعي واخدمي للاعراس للمناسبات ابداي بمعارفك والعايلة بشوي يعودو يجيوك ليكموند وبالربح عليك