اليوم هو يحلل غدوة انت تحلل

،كارينا،

:: عضو فعّال ::
إنضم
20 جويلية 2016
المشاركات
2,451
النقاط
191
العمر
23
محل الإقامة
دارنا
الجنس
أنثى
بون وي بونسواغ يبنجركم بالخير ...
شا راكم غاية كيما بختة ولهواري هههههه كاش جديد ..كاش عفسات ..على كاش مراكم معولين ..والو والو قاع قاع ماكان والو ...ايا معناتو اقعدوا ترهجوا شوية من تخلاطي لخاطر راهو تبلوكلي سلك الافكار في راسي هاد الايامات ههههههه
انا جيت نسلف دراهم شكون يسلفني ..والو ولا واحدo_O عندكم حق اكيد هدا درس تعلمتوه ولا مزال منعرف انا صحيح تعلمتو ههه مزال ماعلبالكمش على واش راني نهدر o_O اصبروا واش بيكم نخلط شوية قبل هههه.....ضرك تفهموا ..جيت نهدر عالتسلاف تعرفوه بينسور تعرفوه العالم كامل يعرفو خاصة لزالجيريان يا محاينك ماشيلهم في الدم تحسو هو السيروم تاعهم ...تلقى واحد يتكيف يقولو سلفني جبدة.. تجبد البورطابل سلفني اينيتي ..دير نواظر سلفني عندي عرس ..كيتمان سلفني ..سلفني ..ديما سلفني الصغيرة والكبيرة وكيما معروف لزالجيريان عندهم طرق خبيثة يا بابا يجيك ويبدا هداك التزيات والتملاس والا مانفعش يقلبهالك مسكين تجي تفهم تعطش يحكموك من لقرجومة حق ربي اقسم بالله والله ندخل لكوما يضربني كاميو وراس يما غير نردهوملك غدوة مليار مكالمة تلقاها قريب يبوسلك يديك يا مخلوق تولي تضرب الزطلة عادي من جرتهم يا بلي بيك زهري نعطيه بالبشماق و في الدار خمسة في طبسي لوبيا وحاب نسلفك ! يبدالك بهدوك لقوالب راك عارف خاطيني هادوك لعفايس التسلاف ولوكان جيت انا نسلفك بلا ماتقلي زعما ماشي نعطيك ..حطو معاها "نسلفك"محاضرة تشطح عليها الهيب هوب مع الواي واي ..نملة تزطل وتشطح o_O لوكان تديهم لكاميرون يسلفونا كاس افريقيا نورمال ياو يعطوهلنا يقولك هاكم غير عفونا بعدو علينا هاد المخلوقات.
ايا اليوم يحلل تسلفوا غدوة. تولي انت تحلل تولي تجري موراه وين يشوفك يهرب ..تجي نهار فايت عليه وشراك صافا يقولك
الحمد لله علاش ؟
اذا سلفتلو دراهم لازم تنساه ..ديراكت يقولك راك تمعنيلي o_Oوجوه صحيحة بسلامتهم ..زعما لوكان جا كاين ويفي في الحبس تقتلو وتروح تعزي وما كان حتى مشكل ..تولي تقلو رجعلي دراهمي يرحم بابك راك توخرت عندهم عامين عندك ....يردلك ويقولك كل تاخيرة فيها خيرة اصبر ايامات ويكونو عندك o_O ...تحسهم من برج لبغل ..ياجدك بليس يحير ...يطلعولك لاطونسيو ...ديراكت تروح سبيطار مجانين....
ايه هادي هيا فئة من بعض الناس مع التسلاف المخ تاع مخك يحبسوهلك :)
ملاحظة:المواضيع تاعي يشبهو للجنازات كيما قال مالك ههههه لخاطر عندي حاجة ماتخدم لا الوان ولاغيرها ..... نوار بلو كيما بكري اقراو واضربو النح ههههههههه
او غو فواغ ^_^
59944
 
آخر تعديل بواسطة المشرف:

الصحافية الساخرة

:: نجمة اللمة ::
إنضم
5 جانفي 2017
المشاركات
3,486
النقاط
1,441
العمر
26
محل الإقامة
Jijel
الجنس
أنثى
السلام عليكم
يا اختي واش من نح نضرب ؛ نضرب نواضر
باش نقرا الاسود هذا غمة هعههههههه ياو سلال
خطيك منو هو يشوف ويسمع ويخمم ويهدر
كلشي محل هههههه

موضوعاتك كي عادتها جميييلة نحييك حبيبة
خاطر عندي اضافة ههعه تعرفي لازمي نزيد
هدرتي هههه
بون التسلاف وما ادراك ما التسلاف ولا ذاخل فالاقتصاد هههه ومع التقشف لازم يذخل مصطلح وعقلية التسلاف ههه
حتى اللبسة تشريها الصباح برك يجو يسلفوها
لعشية من عندك علاه واش بيهم عريانين
هذوا اوووووو
ولكان شريتي صاك يقولولك سلفيهولي
ةتشري ستيلو ويقولولك سلفيهولنا
ياك الة حاسبة ما يشروهاش فالباك ويقولك استاذ سلفيها لزميلك هههههه سلف سلف كلشي دوك راه الدونتيفريست ويقولولك سلفيلنا
شوية اسنانا صفرا هههههه يااااااا وحتى عقلك
ويطمعوا فيك يقولولك سلفلنا عقلك نخدموا به فالامتحان ياا يما هذوا منين جاو من كوكب المسلفين والمسلفات ؛ عصر التسلاف هههه
يا محاينك النعاس وقالك سلفنا شوية ياااا ها منهم صح ولا طبيعة لا اي طبيعة تسلافية ههههه
مرسي على الموضوع هدرتيني يا مصيبة
يانتظار موضوع واريبلو بطابع اخر مكردي ههههه
 
Top