لشعر طويل وقوي وناعم كالهنديات (وصفة مجربة)

[Smile Queen]

السلام عليكم حبيباتي

توحشتكم وتوحشت هذا القسم
نبداو في المفيد
شعري كان يطوال لحد معين ويحبس وكان يتساقط رحت لطبيبة اعشاب عندنا في باتنة اعطاتني هذي الوصفة بدات نتائجها من اول ايام تجربتها
والحمد لله اليوم عندي 3 اشهر ملي نديرها في الاسبوع مرتين اصبح طويل جدا وجميل الحمد لله رب العالمين التقصق راح نهائيا وفي كل المناسبات يسقسيوني وش درت باش رجع هكذا طويل بزاف وقاوي
الوصفة : حزمة جرجير تلقايه عند العشاب + نصف بصلة متوسطة الحجم+ 2 ملاعق كبيرة قرفة + نصف كوب ماء
تحطيهم في الميكسور كي يترحاو ضيفيلهم ملعقة اخرى قرفة وخلطي جيدا باش تتجانس المكونات مع بعض
طبقيها على شعرك ابداي من الجذور وباقي الخلطة كملي طبقيها على الشعر كامل وغطيها ببلاستيك مدى ساعتين واغسلي شعرك بماء دافي + شمبوان ريحتو قوية باش تنحي ريحة البصل
وبعدي على السيشوار في مدة العلاج هذي
ملاحظة: لما تحطي المكونات على شعرك رح تحسي بحرقة وحرارة في جلد راسك هذا تأثير القرفة ما تخافيش عادي جدا

لي طبقتها تجي تقوللنا انطباعها والنتيجة لي تحصلت عليها وتدعيلي​

 

[الورد الأحمر]

السلام عليكم ورحمة الله وبركاته

أهلا أختي ...

مشمورة جدا على مشاركتنا الوصفة ومحاولة مساعدة الأخوات يعطيك الصحة.

بخصوص الخلطة رح تجي سائلة كيف الزيت ؟ ولا كريمية ؟

 

[Smile Queen]

السلام عليكم ورحمة الله وبركاته

أهلا أختي ...

مشمورة جدا على مشاركتنا الوصفة ومحاولة مساعدة الأخوات يعطيك الصحة.

بخصوص الخلطة رح تجي سائلة كيف الزيت ؟ ولا كريمية ؟

منورة موضوعي غاليتي
تجي كيما خلطة الحنة بالضبط وثقيلة

 

[دعاء الجنات]

شكرا اختي ان شاء الله نجربها ونرد لك بالخبر ،بارك الله فيك

 

[Smile Queen]

شكرا اختي ان شاء الله نجربها ونرد لك بالخبر ،بارك الله فيك

منورة حبيبتي وبانتظار دعائك بالخير ليا لما تفرحي بالنتيجة باذن الله

 

[عاشقة الكرة]

السلام عليكم
باذن الله تعالى نجربها والله صدقيني لوكان تشوفي شعري كيفاه كان يطوال متأمنيش حتى وليت نكره منو ونقصو ودوكا ليا 4 سنوات او5 ملي قصيتو عند وحدة من ذاك العام مزادش طوال درت الخلطات كامل وحدة مانفعت
ان شاء الله نجربها ونردلك لخبر
ربي يحفظك وألف شمر ليك

 

[عاشقة الكرة]

بعد اذنك قوليلي شحال من مرة تطبقيها

 

[Smile Queen]

السلام عليكم
باذن الله تعالى نجربها والله صدقيني لوكان تشوفي شعري كيفاه كان يطوال متأمنيش حتى وليت نكره منو ونقصو ودوكا ليا 4 سنوات او5 ملي قصيتو عند وحدة من ذاك العام مزادش طوال درت الخلطات كامل وحدة مانفعت
ان شاء الله نجربها ونردلك لخبر
ربي يحفظك وألف شمر ليك

وعليكم السلام
صباح الخير حبيبتي
منورة الموضوع وان شا الله تجربيه وتجي تفرحينا هنا بانتظارك غاليتي

 

[الصحافية الساخرة]

السلام عليكم
مشكورة اختي ربي يجازيك
ومي الشعر يختلف ماش كيف كيف ولا هذي الوصفة تليق للشعر كامل؟

 

[ورد العطر]

وين تلقاي الجرجير انا حوست عليه بزاف قالولي مكانش

 

[Smile Queen]

السلام عليكم
مشكورة اختي ربي يجازيك
ومي الشعر يختلف ماش كيف كيف ولا هذي الوصفة تليق للشعر كامل؟

العفو غاليتي
منورة الموضوع
الوصفة تصلح لجميع انواع الشعر واكيد لما يكون الشعر جاف من الافضل ترطيبه بالزيوت واحسن زيت هي زيت جوز الهند

 

[Smile Queen]

وين تلقاي الجرجير انا حوست عليه بزاف قالولي مكانش

هنا عندنا كاين لما توصي العشاب يجيبلك
منورة غاليتي

 

[حكاية قمر]

بارك الله فيك حبيبتي
ماعلاباليش اذا راح نقدر نجرب ولالا باسكو نخاف من الوصفات ^^ مام الحمد لله ماعنديش مشكل مع شعري لكن زيادة الخري خيرين هه

 

[جيهان جوجو]

السلام عليكم
بارك الله فيك اختي الكريمة على الوصفة
شعري طويل لكن ماشي ياسر كيما نبغي هههه
ان شاءالله غي نكمل الفروض والامتحانات ونتهنى
راح نجربها باذن الله
شكرا جزيلا وجعلها الله في ميزان حسانتك^^
في امان الله

 

[Smile Queen]

بارك الله فيك حبيبتي
ماعلاباليش اذا راح نقدر نجرب ولالا باسكو نخاف من الوصفات ^^ مام الحمد لله ماعنديش مشكل مع شعري لكن زيادة الخري خيرين هه

وفيك بارك الله حبوبتي حكاية قمر
منورة الموضوع وماتخافيش انا ثاني خوافة مي كي جربتها ولقيتها فعالة حبيت نفيدكم
لان النتيجة فعلا تستحق التجربة

 

[Smile Queen]

بعد اذنك قوليلي شحال من مرة تطبقيها

حبوبتي عاشقة الكرة في الاول كنت نديرها كل يوم لمدة اسبوع لكن حسيت اني كثرت على شعري الغسيل هههه وليت نديرها مرتين في الاسبوع بصح يبان تأثير الوصفة من اول اسبوع
ادعيلي حبيبتي

 

[Smile Queen]

السلام عليكم
بارك الله فيك اختي الكريمة على الوصفة
شعري طويل لكن ماشي ياسر كيما نبغي هههه
ان شاءالله غي نكمل الفروض والامتحانات ونتهنى
راح نجربها باذن الله
شكرا جزيلا وجعلها الله في ميزان حسانتك^^
في امان الله

وعليكم السلام حبيبتي جيهان جوجو
منورة حنونة هههه انا ثاني كنت كيفك ما حبش يطول اكثر من حد ظهري لكن فورصيتو بهذي الوصفة والحمد لله ضرك راه تقريب عندي ركبتي وجميل جدا يعني كل المكونات مفيدة
ان شا الله تعجبكم النتيجة ونتمنى فقط دعوة خير

 

[Soumia hadj mohammed]

وعليكم السلام ورحمة الله وبركاته
يا ختيتي جيتي في وقتك
يعطيك الصحة كنت حابة وصفة طبيعية هك
مي محووستش والاخت سكون الفجر ما قصرت
ودرك لقيت عنوانك وخاصة انك مجربتها
ربي يحفظك خختي
شكرا

 

[❤️كلي أمل❤️]

بارك الله فيك اختي على الوصفة

 

[عاشقة الكرة]

حبوبتي عاشقة الكرة في الاول كنت نديرها كل يوم لمدة اسبوع لكن حسيت اني كثرت على شعري الغسيل هههه وليت نديرها مرتين في الاسبوع بصح يبان تأثير الوصفة من اول اسبوع
ادعيلي حبيبتي

وي بزاف كل يوم راني جربت هاذيك نتاع كل يوم و يضربك الهواء في راسك
باذن الله تعالى نجربها ونردلك لخبر
ربي يحفظك و يهنيك في حياتك ويرزقك من حيث لا تحتسبي