جيل مسوفج ....واليوم عيد

[لاريمان]

السلام عليكم ورحمة الله وبركاته

موضوعي اليوم حبيت نهدر على جيل
الي راهو طالع ان شاء الله والي راهو فايق بزاف تلقاه فتح عينيه على التكنولوجيا يخدم فيها
باه تسكتو يماه تعطيه البرطابل
يلعب به وحتى طابلات
ويكبرو مع الاجهزة التكنولوجيا
زعم شناوة رايحين نطلعو بيهم لبلاد
وتلقاهم حتى الي عندو فايس بوك
وهو من الفروض راهو مازالو يلعب
ويبقى التساؤل مفتوح؟؟؟؟؟
تخيلو اليوم الصباح كامل رانا ناسين كامل قداه التاريخ عندنا وليد اخي
يقرا سنة اولى ابتداءي بعد ما شرب
الحليب وبدينا نوجدو فيه باه يلبس يروح يقرا قالنا اليوم مانقراش
لاه قالك اليوم عيد اوو

قلتهم كاش مكاينة مناسبة وطنية
وحنا لخبر قالنا والله بالحرف الواحد
اليوم عيد واش من عيد قالنا عيدالحب تشوكينا ياجماعة
انا بلامنهدر على تاع الليسي والجامعة
ياجماعة راهو ابتداءي المطلوب منكم تشخيص الحالةراهي
مستعجلة وأصر انو ميروحش
وكاينة حاجة باه ماتقولوش بلي البراءة متعرفش الجمال
اختي في الروضة عندها اطفال وزعم باه متخلطش الذكور مع الاناث
عاملة صف ذكور وصف اناث
وقالك وحد طفل ديما بارم راسو جهة
طفلة وحب ينعت روحو قدامها
لدرجة انو أم الطفل جات وحبت تشوف
طفلة تقرا مع بنها يظل يهدر عليها وقالها سجدة مليحة تهبل:Love:
ياشومي الرومنسية راهي بدات تظهر
بوادرها:X3:
وانتوما هنا في المنتدى راكم مع
يجوز ولا يجوز
رايحين نشوفو لعجب
وربي يستر


​

 

[ضآحكة مستبشرة]

السلام عليكم اختي
بارك الله فيك على الموضوع الرائع و الحساس

اي و الله عندك الحق حبيبة جيل الله يستر
أولا أنا من اصحاب لا يجوز و لا اعتبره عيدا للحب لان الايام كلها ايام حب و ود ماشي حتى نخصولها نهار سبيسيال و زيد للي رآهم يحتافلو بيهم انا شخصيا نقوللهم بالصحة والعافية عليكم عيد الزنى ( عفوا على هذه الكلمة )
جيل طالع بسروال هابط هههه هما رآهم يقولو عليه
ربي يستر اليوم في الطرام شفت مشهد الله لا يشوفكم و قدام كامل الغاشي ربي يهدينا
و لي قتلتني كامل اليوم انو في كليتي ( كلية العلوم الاسلامية زعما ) جلبابياات مجمعين و طالبات شريعة مع صحابهم بصح في التالي يرجع كل شي نورمال لانو مكاش رقابة من طرف الوالدين و هاذي رانا كامل نعانوا منها في كل بلاص
ربي يجيب الخير حبيبتي
شكرا على الموضوع
نتمنى انو المجتمع يتصلح و الشعب يوقف وقفة واحدة باش نكونوا كلمة واحدة و نحاولوا محاربة هذه الظواهر الدخيلة

شكرا غاليتي

 

[Tama Aliche]

السلام عليكم
اليووم عيد ؟ هههههه علابلك هذا وين عرفت بلي 14 يوم الشكولا هههههه ربي يهدي
وانا نقوول علاه الغاشي بزااف برى وحديقة الحيوانات اللي بحذانا معمرة فيقتيني هذا وين هههه
واش نقولك جيل مسوفج هذا واش خرجوا الوالدين تاع اخر زمن
مشكورة على الموضوع

 

[Salah eddin]

السلام عليكم
و يااااو عليكم القااالمة
ياو راها لعبت
...
شوك ذيك الهدرة شوف

ذري في عمرو 5سنين قير ربع و يعرف عيد الحب
شني هذي رحمة على والديكم
انا ما سمعتش بهذا الخرطي تقريبا ختى لحقت للبيام و الليسي و ضروك تلقاه مولا 5 و لا 6 سنين و يعرف هذو الصوالح خير منك
يا جماعة راها كارثة
الاطفال لي هم رايحين يرفدو البلاد مستقبلا راهم غارقين في وحل التكنلوجيا و الغزو الفكري
بصح انا نقلكم حاجة
ياو الوالدين و الاسرة هم السبب
موفرين لهم الانترنت و الهواتف
يا عجابة ...طفل مولا خمس سنين عندو بورطابل ؟؟؟؟
و فيس بوك و و وو ...
وش يدير بيه يا قوم ؟؟؟
افطنوا ...
...
و الله ما لقيت وش نزيد
الله يعافينا و يعفو عنا
بالعافية ​

 

[زاد الرحيل]

موضوع يستحق الختم فعلا
مصيبة المصائب رانا فيها اليوم كل يوم عيد ،اليوم العام الجديد وغدوا الشجرة وغير غدوا عيد الحجرة والاخيرة بكل وقاحة عيد الحب ، و اي حب هذا في الحرام وثاني رجع واجب و واجب مقدس ثاني والمسكين الي معندوش باش يشري الهدية هذاك هو نهاره الاخير و التجار المي خافوش ربي هذا هو نهار المكسب انتاع العام انتاعهم الشيكولة يا الشيكولة وش درتي صراحة انا نحب الشيكولة بصح مش الشيكولة انتاع يوم الغضب انتاعهم
ياترى فكروا في الوالدين او الزوجة اوالاخت ولا هذوا ميستحقوش يوم الحب اانتاع التمسخير

 

[حلم كبير]

السلام عليكم و رحمه الله تعالى وبركاته
اختي تستحقين ختم التميز بارك الله فيك.
قال الاخ @habchisalaheddin

هااااي ربحت

إذا كان رب البيت للدف ضارب ما على اهل البيت سوى التزمير.

اللي ما عندوش يشري لبنو صباط بصح يشري بورتابل نتاع خمس ملاين ويركب انترنت، ويخلص كل شهر ،ويشكي من الفوق...

نقولولو الله يهديك

عيد الضياع وي

تقبلي مني اختي الفاضلة فائق الاحترام والتقدير
حلم كبير​

 

[Smile Queen]

لا حول ولا قوة الا بالله
ايه وصلنا لوقت الله يلطف بينا وخلاص .. اليوم اخر كونترول عندي في الجامعة نعقب الكونترول على 11 رحت على 10 زعما كاش ما نشوف من الزملاء حاجة ماريفيزيتهاش ولا كاش ما نسقسي
ايا كي دخلت من الباب يابعد بديت نتشوكا ههههه الجامعة كامل رافدة شكاير شكاير هههههه الوان واشكال ما تفهمي والو
الله يهدي ما خلق وخلاص

 

[Skor m@k]

السلام عليكم
واش نقولك يا ختي الحالة راهي توعار وتزيد
نشفا كي كنا صغار نعرفو غير gريندايزر وسبيد ريسر وزينة ونحول سوفجونة شويا
مي ماشي حتى وصلنا حتى لهذا الشي هههه
هذي كامل نحصل فالرسوم المتحركة تاع ضرك هي لي تسوفج الدراري هكذا
والله تتفرجي في mbc3 ولا كارتون ناتوورك وحدك تحشمي تكملي الرسوم هذاك
بصح بزاف تلقاه تحضيري وعندو تخمام هكذا
ربي يجيب الخير كي يكبر هذا الجيل
موضوع مميز كالعادة
يستحق الختم​

 

[السلطانة]

وعليكم السلام جيل حل عينيه عالعدم من درك يعرفو كلش في المستقبل كيفاه

 

[لاريمان]

السلام عليكم
اولا اشكر كم على الاعتماد والتميز
كما اشكر كل من مر ورد بارك الله فيكم
اعتذر لغيابي وعدم لظروف استسمحكم عذرا
فالظرف صحي

 

[أم أُنٌَيسة]

و عليكم السلام و رحمة الله تعالى و بركاته
بارك الله فيكي وجزاكي خيرا للموضوع المميز
بالنسبة لي الخطا في الاهل و الكبار
اني ناسياتو ادا كاين ولا لا الحمد لله والله كون مافكرتنيش فيه صديقة البارح و سالتني والله لا علاقة

السؤال
ما حكم الاحتفال بعيد الحب، مع الدليل، مع بيان من قال بذلك من أهل العلم ؟
الإجابــة​

الحمد لله والصلاة والسلام على رسول الله وعلى آله وصحبه أما بعد:

​

فالحب فطرة في النفوس ، وهدي الإسلام فيه معروف ، أما ما يسمى بعيد الحب فليس من هذا الباب ، بل هو من دين النصارى ، ومقاصده فاسدة ، كما سنبين . واحتفال بعض المسلمين بعيد الحب، أو ما يسمى بيوم "فالنتاين" سببه الجهل بدينهم، واتباع سنن الأمم الكافرة حذو القذة بالقذة.
ويحسن بنا أن نبين أصل هذا العيد المزعوم ليقف عليه كل رشيد بصير فيتبين له حكم الشرع فيه دون شك أو مداراة. فنقول :
يرجع أصل هذا العيد إلى الرومان القدماء ، فقد كانوا يحتفلون بعيد يسمى (لوبركيليا) في يوم 15 فبراير كل عام يقدمون فيه القرابين لإلههم المزعوم (لركس) ليحمي مواشيهم ونحوها من الذئاب، كي لا تعدو عليها فتفترسها.
وكان هذا العيد يوافق عطلة الربيع بحسابهم المعمول به آنذاك، وقد تغير هذا العيد ليوافق يوم 14 فبراير، وكان ذلك في القرن الثالث الميلادي، وفي تلك الفترة كان حكم الامبراطورية الرومانية لكلايديس الثاني الذي قام بتحريم الزواج على جنوده، بحجة أن الزواج يربطهم بعائلاتهم فيشغلهم ذلك عن خوض الحروب وعن مهامهم القتالية.
فقام فالنتاين بالتصدي لهذا الأمر، وكان يقوم بإبرام عقود الزوج سراً، ولكن افتضح أمره وقبض عليه، وحكم عليه بالإعدام وفي سجنه وقع في حب ابنة السجان، وقد نفذ فيه حكم الإعدام في 14 فبراير عام 270 ميلادي، ومن هذا اليوم أطلق عليه لقب قديس وكان قسيساً قبل ذلك، لأنهم يزعمون أنه فدى النصرانية بروحه وقام برعاية المحبين. ويقوم الشبان والشابات في هذا اليوم بتبادل الورود، ورسائل الحب، وبطاقات المعايدة، وغير ذلك مما يعد مظهراً من مظاهر الاحتفال بهذا اليوم. بل إن الغربيين من الأمريكيين والأوربيين يجعلون من هذا العيد مناسبة نادرة لممارسة الجنس على أوسع نطاق ، وتتهيأ المدارس الثانوية والجامعات لهذا اليوم بتأمين الأكياس الواقية، التي تستعمل عادة للوقاية من العدوى بين الجنسين عند ممارسة الجنس ، وتجعل هذه الأكياس في دورات المياه وغيرها . فهو مناسبة جنسية مقدسة عند أهل الكفر . فكيف سمح المسلمون لأنفسهم أن يتسرب إلى عوائدهم أو أن يلقى رواجا بينهم عيد هو من أقذر أعياد النصارى ؟ ! .
ولهذا نقول: إنه يحرم الاحتفال بهذا العيد وبغيره من أعياد المشركين، فقد روى البخاري ومسلم عن عائشة رضي الله عنها أن أبا بكر دخل عليها والنبي صلى الله عليه وسلم عندها يوم فطر أو أضحى وعندها قينتان تغنيان بما تقاذفت الأنصار يوم بعاث فقال أبو بكر : مزمار الشيطان ـ مرتين ـ فقال النبي الله صلى الله عليه وسلم: " دعهما يا أبا بكر إن لكل قوم عيداً ، وأن عيدنا هذا اليوم". فالأعياد والاحتفال بها من الدين والشرع، والأصل فيما كان من هذا الباب الاتباع والتوقيف . قال ابن تيمية رحمه الله: (إن الأعياد من جملة الشرع والمنهاج والمناسك التي قال الله تعالى: ( لكل أمة جعلنا منسكاً هم ناسكوه) كالقبلة والصيام، فلا فرق بين مشاركتهم العيد وبين مشاركتهم سائر المنهاج. فإن الموافقة في العيد موافقة في الكفر لأن الأعياد هي أخص ما تتميز به الشرائع).
ولم يقر النبي صلى الله عليه وسلم أعياد الكفار وأعياد الجاهلية، فعن أنس رضي الله عنه قال: قدم رسول الله صلى الله عليه وسلم المدينة ولهم يومان يلعبون فيهما فقال: "ما هذان اليومان؟ قالوا: كنا نلعب فيهما في الجاهلية. فقال رسول الله صلى الله عليه وسلم: "إن الله قد أبدلكم بهما خيراً منهما: يوم الأضحى ويوم الفطر" رواه أبو داود والنسائي.
ومن صفات عباد الرحمن أنهم لا يشهدون الزور ، ولايقعدون حيث يكون اللغو واللهو المحرم . قال تعالى: (والذين لا يشهدون الزور وإذا مروا باللغو مروا كراماً) [الفرقان: 72].

وبهذا نعلم أن هذا العيد ليس من أعياد المسلمين ، بل هو عيد وثني نصراني ، وأنه لايجوز ـ تبعا لذلك ـ أن يحتفل به ، أو تكون له مظاهر تدل عليه ، ولايجوز بيع مايكون وسيلة إلى إظهاره ، فإن فعل ذلك من التعاون على الأثم والعدوان ، ومن الرضا بالباطل وإقراره ، ومن مشابهة الكفار في هديهم الظاهر ، وهذا من الذنوب العظيمة التي قد تورث محبة الكافرين ، فإن من أحب شيئا قلده ، ومن أحب شيئا أكثر من ذكره . والواجب على المسلمين أن يمتازوا بدينهم ، وأن يعتزوا بشعائره ، فإن فيه غنية وكفاية لمن وفقه الله وعرف حدود ما أنزل الله على رسوله صلى الله عليه وسلم . والله نسأل أن يبصر المسلمين ، وأن يرشدهم إلى الحق. والله أعلم.

المصدر : اسلام ويب

و هو رايي
تحياتي احترامي و تقديري لشخصكم الكريم
​