انتخبونا و حاسبونا ...اذا حكمتونا

[Salah eddin]

السلام عليكم يا جماعة الخير
صحيتو و وش راكم ش احوالكم ؟ لاباس ؟ الحمد لله
ياودي و اله يخلوك تهدر عليهم بالسيف
المهم ...الموضوع باين و واضح ...و هوا الانتخابت التشريعية المقبلة ان شاء الله
بسم الله
و راها كلي بدات القوام تظهر و الجماعة راهم فرغوا الشكاير باه يعاودو يعمروها من جديد
ههه
و تحير في ناس لا مستوى ا هم يحزنون يترشحو و قالعافية ..ايه القانون ما يمنعش و لكن ..ها شويا
و ضروك تبدا سلسلة الوعود الكاذبة و كل واحد داير عرس وحدو و يهف في المواطنين : نبني و نعمل و نوفر و كذا وكذا ..الخ ​

راكم عارفين السيناريو كيفاه
و يعجبك تقريبا نفس الوجوه تتكرر في كل عهدة
..
ضروك نتوا ما تحشموش على رواحكم ولا وش
اووو ...هاو تضول تتمهردو بينا ولا وش ؟
ها خافوا ربي ...يا سيدي ادوا الشكارة و اقسموها نص ليكم و نص اخدموا بيه البلادها ترقدو عليها ق دراهم دراهم ..نقصوا شوية اسيدي ...
خلاص
المهم
رغم هذا و كل
نطلبو ربي يجعل الخير و يهدي المسؤولين
و
نتوما ياناس اللمة ؟ وش رايكم ؟
و يا هل ترى تنتخبوا ولا لا ؟
انا بربي ان شاء الله ننتخب ...لانو لازم نشارك في مصير بلادي رغم كل شيء
و
السلام عليكم ​

​

​

 

[لؤلؤة قسنطينة]

السلام عليكم خويا صلاح ومساء الانوار
راني نشوف والفت تاع الصح قسم واش راك تهدر هههه
على كل حال بالتوفيق ان شاء الله وان شاء الله نشوفو من عندك غير الجديد
المهم يا خويا فيما يخص الانتخابات والتمسخير هادا انا اصلا من اسبوع ولا باه سمعت بهاد الانتخابات
يعني صراحة راني لا علاقة بهاد الامور راني 24 سنة ماعنديش بطاقة الناخب هههههه والله كارثة
بصراحة امور الانتخابات وماشابه راني خارجة التغطية فيما يخص هاد المواضيع
بالاك بقية الاعضاء يفيدوك برايهم
بارك الله فيك خويا على الموضوع بالتوفيق
تحياتي​

 

[Salah eddin]

السلام عليكم خويا صلاح ومساء الانوار
راني نشوف والفت تاع الصح قسم واش راك تهدر هههه
على كل حال بالتوفيق ان شاء الله وان شاء الله نشوفو من عندك غير الجديد
المهم يا خويا فيما يخص الانتخابات والتمسخير هادا انا اصلا من اسبوع ولا باه سمعت بهاد الانتخابات
يعني صراحة راني لا علاقة بهاد الامور راني 24 سنة ماعنديش بطاقة الناخب هههههه والله كارثة
بصراحة امور الانتخابات وماشابه راني خارجة التغطية فيما يخص هاد المواضيع
بالاك بقية الاعضاء يفيدوك برايهم
بارك الله فيك خويا على الموضوع بالتوفيق
تحياتي​

اهلا باالاخت لؤلؤة
ههه
امالا راني وليت معاكم هنا في واش راك تهدر
ههه
المهم ...نتي خاطيك البوليتيك ههه
ها قلت الانتخابات لا حقة لاحقة بربي ان شاء الله
نشوفو شوي الحالة كيفاه
شكرا على الاعتماد و الرد
بارك الله فيك
​

 

[أم أُنٌَيسة]

السلام عليكم و رحمة الله تعالى و بركاته
بارك الله فيك لمواضيعك المميزة و الهادفة و جزاك خيرا
كما سبق وقلت في حالتك الشخصية خاطيني البوليتيك و غيرها
مدلي الانيم و ثقافة عامة
واللي فيه خير يجيبو ربي ان شاء الله
تحياتي احترامي و تقديري​

 

[Salah eddin]

السلام عليكم و رحمة الله تعالى و بركاته
بارك الله فيك لمواضيعك المميزة و الهادفة و جزاك خيرا
كما سبق وقلت في حالتك الشخصية خاطيني البوليتيك و غيرها
مدلي الانيم و ثقافة عامة
واللي فيه خير يجيبو ربي ان شاء الله
تحياتي احترامي و تقديري​

و عليكم السلام
شكرا و الله يحفظك على الاطراء
هه
خاطيك البوليتيك ..امالا اقعدي في الانيم تاعك
ههه
عندك الحق
الله يجيب الخير
كل الاحترام و التقدير
شكرا لك ​

 

[حمزةusma]

موضوع قيم خويا وشعار الحملة انتخبونا ولا تحاسبونا ههههه

 

[الامين محمد]

انا على روحي ما رايحش نفوطي
مانيش ننتظر في حاجة جديدة
كيييييييي زمااااااااااااااان

 

[حلم كبير]

السلام عليكم و رحمه الله تعالى وبركاته

دير نواظر واقعد قعدة مليحة الحديث طويل

خويا صلاح موضوعك راه على هاذوك.
والمشكل وشكون هاذوك يجيبوهم اشكال والوان ،اخضر ،اصفر ،زنجفوري .... المهم الدنيا مليانة بفواقرهم تقول نتا بحث في فائدة العائلات .

تجي تقرا يقولك انتاخبو الشيخ مقدم وشعارو: تجي تقدم توخر وإذا توخرت اقعد ثم،ما عندكش بلاصة لقدام محجوزين مسبقا

وانتاخبو الشيخة وردية وشعارها: جميعا نحو غد مثل البارح ،والذيب فالشياه سارح.:X3:

وانتاخبو الجان سمسم ،وشعارو: انتخبوني نملالكم دياركم جنون ،وولادكم يقراو غير الفنون، وإذا لزم وفاقو نستوردولهم الآفيون ،نخليوهم يرقدو عشرة من القرون.


انتخبوني انا بيهم وشعاري : نركبكم طيارات دزاير إيه مخدومين في دزاير ما تخلصوش بزاف كي تعود مروحين ميتين الف برك.

وتوليو تخلصو مليح الاخر فيكم يخلص ربع ملاين إيييييه كيما قريت ربعة

والخضرة والسلعة هز على راي عينك سلعة مخدومة هنا في دزاير ومغروسة في بلادك ، الرخا يدهش

ندير لولادكم منحة دراسية كل عام نمدهالهم مع الدخول المدرسي ونقدرها بزوج ملاين للطفل،إيييييه زوج

وعندكم الحق في موعد معايا مرة في السمانة ، نهار مخصص غير للشعب ،احكي مشاكلك برد قلبك اشكي على موضف عندي ما قضالكش حوايجك انا نجيبلك حقك منو ،ايييييييه نهار

والسيارة نركب 404 ونمشي بيها كيفي كيفكم ااااسيدي .يا جماعه انا كيفكم مواطن

واللي بنو ما قراش وما نجحش كاين التكوين والمنحة تكفيه حتى يتخرج ،ويخدم ولا مخدمش تقعد المنحة معاه حتى يخدم



عجبكم برنامجي؟ انتخبتو عني ؟ اديت 95℅من الاصوات؟ ،الله يعطيكم الربح كنت نقصر بارك حسبتكم علابالكم بلي قصرة المرة الجاية نقولكم راني نقصر في عنوان البرنامج.


أيا تبقاو على خير خليوني عييت من الهدرة واللي حكمتوه منا وجاي

خويا صلاح انا هنا في فرنسا نفوطي عندنا زعما ممثلين على الجالية الجزائرية في فرنسا نشوفوهم غير فالفوط. بلا ما نقرأ حتى برنامج بصح كي نفوطي نحس براحة نفسية.
يعطيك الصحة على الموضوع .
وتبقى على خير .
احترامي وتقديري.
حلم كبير

 

[sanaya]

هل سننتخب للوعود الكاذبة أم للحكام الذين يرقدون عالكراسي ؟؟؟

 

[Salah eddin]

موضوع قيم خويا وشعار الحملة انتخبونا ولا تحاسبونا ههههه

اهلا خويا حمزة
ههه
و الله عندك الحق
ههه
​

 

[Salah eddin]

انا على روحي ما رايحش نفوطي
مانيش ننتظر في حاجة جديدة
كيييييييي زمااااااااااااااان

اهلا خويا امين
الله يسهل عليك يا خيي
ههه
انا نفوطي و الباقي بينهم و بين ربي و ضمائرهم
هوما قالو بلي راهم رايحين يخدمو
و انا عليا ننتخب
و الحسيب ربي
​

 

[Salah eddin]

السلام عليكم و رحمه الله تعالى وبركاته

دير نواظر واقعد قعدة مليحة الحديث طويل

خويا صلاح موضوعك راه على هاذوك.
والمشكل وشكون هاذوك يجيبوهم اشكال والوان ،اخضر ،اصفر ،زنجفوري .... المهم الدنيا مليانة بفواقرهم تقول نتا بحث في فائدة العائلات .

تجي تقرا يقولك انتاخبو الشيخ مقدم وشعارو: تجي تقدم توخر وإذا توخرت اقعد ثم،ما عندكش بلاصة لقدام محجوزين مسبقا

وانتاخبو الشيخة وردية وشعارها: جميعا نحو غد مثل البارح ،والذيب فالشياه سارح.:X3:

وانتاخبو الجان سمسم ،وشعارو: انتخبوني نملالكم دياركم جنون ،وولادكم يقراو غير الفنون، وإذا لزم وفاقو نستوردولهم الآفيون ،نخليوهم يرقدو عشرة من القرون.


انتخبوني انا بيهم وشعاري : نركبكم طيارات دزاير إيه مخدومين في دزاير ما تخلصوش بزاف كي تعود مروحين ميتين الف برك.

وتوليو تخلصو مليح الاخر فيكم يخلص ربع ملاين إيييييه كيما قريت ربعة

والخضرة والسلعة هز على راي عينك سلعة مخدومة هنا في دزاير ومغروسة في بلادك ، الرخا يدهش

ندير لولادكم منحة دراسية كل عام نمدهالهم مع الدخول المدرسي ونقدرها بزوج ملاين للطفل،إيييييه زوج

وعندكم الحق في موعد معايا مرة في السمانة ، نهار مخصص غير للشعب ،احكي مشاكلك برد قلبك اشكي على موضف عندي ما قضالكش حوايجك انا نجيبلك حقك منو ،ايييييييه نهار

والسيارة نركب 404 ونمشي بيها كيفي كيفكم ااااسيدي .يا جماعه انا كيفكم مواطن

واللي بنو ما قراش وما نجحش كاين التكوين والمنحة تكفيه حتى يتخرج ،ويخدم ولا مخدمش تقعد المنحة معاه حتى يخدم



عجبكم برنامجي؟ انتخبتو عني ؟ اديت 95℅من الاصوات؟ ،الله يعطيكم الربح كنت نقصر بارك حسبتكم علابالكم بلي قصرة المرة الجاية نقولكم راني نقصر في عنوان البرنامج.


أيا تبقاو على خير خليوني عييت من الهدرة واللي حكمتوه منا وجاي

خويا صلاح انا هنا في فرنسا نفوطي عندنا زعما ممثلين على الجالية الجزائرية في فرنسا نشوفوهم غير فالفوط. بلا ما نقرأ حتى برنامج بصح كي نفوطي نحس براحة نفسية.
يعطيك الصحة على الموضوع .
وتبقى على خير .
احترامي وتقديري.
حلم كبير

اهلا خويا
تاخذ رايي بدل اسم العضوية
ديرو * مجلد كبير *
ههه
المهم
..رانا كلنا عارفين بلي الناس لي تهف و تبلعط في الحملة الانتخابية اكثير من الي تقول الصح
بصح ...حا ماناش عارفين شكون لي رايح يحكمها من لي ما يحكمهاش
و لازم نفوطو و نشاركو في مصير البلاد رغم كل كشي
و الله يجيب الخير
ههه
المرة الجاية نجيب نواظير معايا كي نجي نقرا ..يا بن عمي راك تكتب بالكلافي ولا بالكريون
ههه
بارك الله فيك
و هكذاك شجعنا من خطرة لخطرة
ه​

 

[Salah eddin]

هل سننتخب للوعود الكاذبة أم للحكام الذين يرقدون عالكراسي ؟؟؟

يا اختي
مع احتراماتي ...ردك هذا ما عجبنيش
لانو انا دايما كي نشارك في مواضيعك
ما ناشاركش بجملة تاع واحد مش عاجبو الحال
اولا لازم التحية ثم ...ثم.... ثم ....ثم الشكر و السلام
و لازم تقيمينا شوي على الاقل بجملتين او ثلاثة
...
و اجابة سؤالك ...الواعود ما نقدروش نعرفو اذا هي كاذبة ولا لا اذا ما جربناش
لهذا ..ننتخب لي نشوفو مناسب
و
السلام​

 

[sanaya]

يا اختي
مع احتراماتي ...ردك هذا ما عجبنيش
لانو انا دايما كي نشارك في مواضيعك
ما ناشاركش بجملة تاع واحد مش عاجبو الحال
اولا لازم التحية ثم ...ثم.... ثم ....ثم الشكر و السلام
و لازم تقيمينا شوي على الاقل بجملتين او ثلاثة
...
و اجابة سؤالك ...الواعود ما نقدروش نعرفو اذا هي كاذبة ولا لا اذا ما جربناش
لهذا ..ننتخب لي نشوفو مناسب
و
السلام​

السلام عليكم
منك بالصح صلاح والله سمحلي وي عندك الحق مام أنا نكره اللي جاوب بسطرين هههه
مش مقصودة ياأخي
قريت الموضوع ونامستعجلة علاهاديك جاوبت هاك
وهاذي مش طبيعتي
وعجبتني هاذ الصراحة ههه
على كل حال من نهار اللي حاوزوا فيه رشيد نڨاز كرهت الإنتخاب علاخاتر فلاخر يطلع اللي يبغوه هما
علاهاديك معندو معنى ننتخب
كل عام تشوف هذيك الضجة وهذاك الإشهار تبدا تطمع فالخير تقول بالاك يجي واحد يغير شويا
ومبعد مكان والو
خمول خمول
هاذا رايي مالڨري الانتهاب حق وواجب مي ماشفنا والو من بعد
وعذرا أخي صلاح
سلام

 

[Salah eddin]

السلام عليكم
منك بالصح صلاح والله سمحلي وي عندك الحق مام أنا نكره اللي جاوب بسطرين هههه
مش مقصودة ياأخي
قريت الموضوع ونامستعجلة علاهاديك جاوبت هاك
وهاذي مش طبيعتي
وعجبتني هاذ الصراحة ههه
على كل حال من نهار اللي حاوزوا فيه رشيد نڨاز كرهت الإنتخاب علاخاتر فلاخر يطلع اللي يبغوه هما
علاهاديك معندو معنى ننتخب
كل عام تشوف هذيك الضجة وهذاك الإشهار تبدا تطمع فالخير تقول بالاك يجي واحد يغير شويا
ومبعد مكان والو
خمول خمول
هاذا رايي مالڨري الانتهاب حق وواجب مي ماشفنا والو من بعد
وعذرا أخي صلاح
سلام

اهلا اختي مريم
اعتذارك مقبول
هه
و شكرا على تفهمك
...
و فيما يخص الموضوع
كل واحد و رايو صح
لكن ما ننساوش القضية تاع نكاز كانت انتخابات رءاسية اما اليوم راها تشريعية تاع البرلمان
و لازم فيها ممثلين للشعب يكونو اكفاء
لذلك لازم نخير ولي نشوفوه مناسب
...
و كل واحد حر في اختيارو سواء ينتخب ولا لا
...
و شكرا على تفهمك يا اختي و اعتذارك
راكي كبرتي في عيني
شكرا و السلام

​

 

[sanaya]

اهلا اختي مريم
اعتذارك مقبول
هه
و شكرا على تفهمك
...
و فيما يخص الموضوع
كل واحد و رايو صح
لكن ما ننساوش القضية تاع نكاز كانت انتخابات رءاسية اما اليوم راها تشريعية تاع البرلمان
و لازم فيها ممثلين للشعب يكونو اكفاء
لذلك لازم نخير ولي نشوفوه مناسب
...
و كل واحد حر في اختيارو سواء ينتخب ولا لا
...
و شكرا على تفهمك يا اختي و اعتذارك
راكي كبرتي في عيني
شكرا و السلام

​

ولو ياأخي
عادي نغلطوا ونعتذروا
ومشكور على أنو نبهتني
أما على الإنتخاب جابلي ربي عندك الحق
حنا ننتخبوا ونخيروا اللي عجبنا ونتكلوا على ربي
يعني إتخاذ الأسباب ثم التوكل على الله
وي صح الأحسن الإنتخاب
لأنو فالأخير هاذا وطننا وحنا نديروا واجبنا ولو مم تأخذ أصواتنا بعين الاعتبار

 

[الامين محمد]

اهلا خويا امين
الله يسهل عليك يا خيي
ههه
انا نفوطي و الباقي بينهم و بين ربي و ضمائرهم
هوما قالو بلي راهم رايحين يخدمو
و انا عليا ننتخب
و الحسيب ربي
​

صباح الخير خويا صلاح
ما نيش عارف وين الصح لكن
الشي اللي راني نشوف فيه هو تقريبا نفس
الأمر يتكرر يعني ما راحش يكون جديد
مثلا تتغير الحالة و نروح للتقدم و يرتاح الشعب الفقير
انا لو كان يساعفوني يخلوا هاذوا و اخلاص
ما كان لاه يضيعوا زوج دورو لي راهي باقية
على انتخابات
هاذ الناس اللي في مجلس الأمة كامل العام غايبين و يقضوا في صوالحهم
و صوالح نتاوعهم ماهمش جايبين للخبر كامل
و زيد ما تنساش واش شفنا في الفترة الفايتة
واحد يزقي و واحد راقد و وحدة ما هيش عارفة تقرا زوج حروف
و منه نظن تضييع للمال و خلاص

شكرا حبيبي صلاح

 

[ملامح شاعر]

وعليكم السلام ورحمة الله وبركاته
أهلا بك اخي وبمواضيعك القيمة التي تمس الوتر الحساس
أولا انا لا أؤمن بالديمقراطية ولا أنتخب
وعدك ألف حق راهم فرغوا الشكارة وحبين يعاودوا عمروها
واليوم نسمعوا الخطب الرنانة والمشاريع الخيالية
وريحين انشوفوا التواضع ودخولهم للأحياء القصديرية
والبلديات النائية لعمرهم ما تكلموا عليها في البرلمان
واليوم رايحين نسمعوا الكذب بأنواعه
للعلم أن صلاحية البرلماني لا تتعدى من أنه صوت الشعب
يرفع إنشغلاتهم لسلطة ويصادق على الدستور لا أكثر ولا أقل
وهم على العكس ريحين يوهمونا أنهم ريحين يوفرونا السكنة والعمل والمشاريع تبقى حاير
كأنها انتخابات الرئاسة مهيش التشريعية
و من درسوا السياسية يعلمون أن وضائف الأحزاب
السياسية معارضة أو مؤييدة هو نقل هموم العامة
للحكومة وتحويل انشغلاتنا لمشاريع يطرحونها
وعلى العكس عندنا ينقلون إنشغالاتهم هم ويطرحون مشاريع تخدم أحزابهم.
الإنتخابات اتجي وتروح ما تغير ولو الشباب بلا عمل وهو مزال يحلم يحرق
مزال الناس تعاني من غلاء المعيشة السكن كأن الأرض عندنا ضيقة متر على متر بمبلغ خيالي
والحقيقة أرضنا الخير لفيها تستطيع كل ولاية تصبح دولة
ولكن لا حياة لمن تنادي
والسلام عليكم

 

[Salah eddin]

وعليكم السلام ورحمة الله وبركاته
أهلا بك اخي وبمواضيعك القيمة التي تمس الوتر الحساس
أولا انا لا أؤمن بالديمقراطية ولا أنتخب
وعدك ألف حق راهم فرغوا الشكارة وحبين يعاودوا عمروها
واليوم نسمعوا الخطب الرنانة والمشاريع الخيالية
وريحين انشوفوا التواضع ودخولهم للأحياء القصديرية
والبلديات النائية لعمرهم ما تكلموا عليها في البرلمان
واليوم رايحين نسمعوا الكذب بأنواعه
للعلم أن صلاحية البرلماني لا تتعدى من أنه صوت الشعب
يرفع إنشغلاتهم لسلطة ويصادق على الدستور لا أكثر ولا أقل
وهم على العكس ريحين يوهمونا أنهم ريحين يوفرونا السكنة والعمل والمشاريع تبقى حاير
كأنها انتخابات الرئاسة مهيش التشريعية
و من درسوا السياسية يعلمون أن وضائف الأحزاب
السياسية معارضة أو مؤييدة هو نقل هموم العامة
للحكومة وتحويل انشغلاتنا لمشاريع يطرحونها
وعلى العكس عندنا ينقلون إنشغالاتهم هم ويطرحون مشاريع تخدم أحزابهم.
الإنتخابات اتجي وتروح ما تغير ولو الشباب بلا عمل وهو مزال يحلم يحرق
مزال الناس تعاني من غلاء المعيشة السكن كأن الأرض عندنا ضيقة متر على متر بمبلغ خيالي
والحقيقة أرضنا الخير لفيها تستطيع كل ولاية تصبح دولة
ولكن لا حياة لمن تنادي
والسلام عليكم

اهلا خويا الشاعر
صحيح
رانا كلنا عارفين بلي غلب الوعود ممكن و راني ناكد ....ممكن تكوت وهمية
وصح المشاكل تاع المجتمع هي نفسها من بكري
و لكن
الله غالب
ما باليد حيلة
الحل في الانتخاب
و لازم ننتخبو لي راهم صح ناويين يخدمو البلاد
و كلش باين
و الله يجيب الخير و خلاص ​

 

[Salah eddin]

......​