مشكلتي أريد حلا؟؟؟؟؟

[مشكلتي]

مشكلتي باختصار هو انني خاطب وحدة و راني قاري عليها الفاتحة يعني شرعا هي مرتي.أنا في عمري 33 سنة وهي 28 سنة خطبتها عن طريق بنت خالتي.هي طفلة متربية و متدينة و عائلتها ماشاء الله بصح المشكل يكمن فيا أنا.راني عصبي جدا و سريع النرفزة و ساعات يجيوني افكار ماشي مليحة من ناحيتها يعني يجيوني شكوك و وساوس وانا راني نحكم عليها ونحاسب فيها على أساس أفكاري.صرا بيناتنا مشكل وانا هو المتسبب الرئيسي فيه و كبرت بيناتنا حتى وصلت لباباها وباباها غاضو الحال مني..........المهم من فضلكم اذا تقدرو تعاونوني كيفاش نتخلص من هاذ الوساوس و الشكوك ربي يجازيكم

 

[آمِيْرَتُه]

السلام عليكم
تم الاعتماد
آخي الوسواس يخرب البيوت هو و النميمة
ومين يجينا يجينا من الشيطان
مالا آخي حاول تلهي روحك بأمور مفيدة متخليش الشيطان يغلبك
و متنساش قادر هذا الوسواس يرجع مرض نفسي فحاول كل ما تجيك هذي الافكار الاستعاذة من الشيطان و الدعاء
كاين درس للأستاذ محمد العريفي روح لليوتيوب تفرجه ممكن يساعدك
ربي يطيب ما بيناتكم آخي

 

[الامين محمد]

أخي اذا أردت ان تكون زوجا سعيدا عليك أن تحسن الظن بها
و اتقي الله في نفسك اولا و في زوجتك لأنك تظلمها
و الظلم ذنب عظيم
و لا تترك أي واحد يتحدث عنها مهما كان حتى و لو كطانت أختك هي من تحدثك
و اجعل ثقتك بها لأن الزوجة اذا رأت ان زوجها يثق بها
تسعده و لا تتخلى عنه في أحلك الظروف
اخي انت اخترتها عن قناعة فلا تتخلى عنها بظن
اذا اخرتها و انت تعرف أصلها و فصلها و خلقها
فارتاح و كن كبيرا و كن في مستوى المسؤولية

و ربي يوفقك و يسعدك و يبعد عنك الوسواس
و اكثر من القرآن و الذكر و التزام المسجد

 

[همس الوُرود]

السلام عليكم ورحمة الله وبركاته ​

أنصحك أخي بكثرة الإستغفار كلما بدأت تفكر بهاته الأفكار أكثر من الإستغفار
وربي يفك الأحوال إن شاء الله​

 

[طموحة]

السلام عليكم
بارك الله لكما و عليكما و جمع بينكما في خير
أخي الثقة متطلب أساسي لاستقرار العلاقة
حتى أنت لو تقوم بعكس الأدوار لن تتحمل أن تشك فيك و تبحث وراك على الصغيرة و الكبيرة
ليس من الجيد أن تقوم بذلك اتجاهها فبذلك ستضايقها
يعني تخلص من وسواس الشيطان بالاكثار من قراءة سورة الناس فهي تفيد لذلك
وحاول أن لا تكثرا الحديث في فترة الخطوبة لأن أكثر الناس التي تعاني مشكلتك
سببها أنها تكثر الحديث فالهاتف و لما لا تجد ما تتحدث يأتي خلق المشاكل التي لا معنى لها
هاته الخطيبة كي راح تولي زوجتك و أمام عينك راح تكون أنت وليها و راح تستشيرك في كل أمر و لن تضطر للتفكير
بهاته الطريقة ولا تحاسبها
في أمان الله بالتوفيق و أعتذر منها في حال خطأك على الأقل لتساعدها عن التجاوز
​

 

[ليليا مرام]

السلام عليكم
اولا خويا اسمحلي على الكلام اللي راح نقولولك ولو مارانيش فوضع ننصح فيه غيري مي معليش
خويا وعلاه نتوما الرجال دايما عندكم غير المرا اللي تغلط انت لوما عارفها وعارف اهلها علاه خطبتها لما عندك الشك فيها كنت تخلي بنت الناس للي يعرف قيمتها ما تدوهمش وتعذبوهم اذا انت موسوس وعارف روحك هذا طباعك خليها وما تعذبهاش تديها وتولي مرضها ومرض روحك علاه الظلم ربي ما يحبوش واكيد عندك خوتاتك وما تقبلهاش انو تغير عليها حقك انو تخرج ورا ظهرك حقك لانو مفتح عليها معناها مرتك لكن انت عارف انو ماراهي دير فوالو وانك موسوس وانت فبالك اهلها يقبلو كل مرة تخرجلهم بخرجة هذي بنتهم ما لقاوهاش فالاومو وهي لحد وينتا تتحمل هبالك وكل مرة تخرجلها بخرجة لالا خويا شكون قالك المرا تحمل الزعاف وراجل موسوس لالا هي تولي تخمم لحياتها معاك بالشك راحين تعيشو في جحيم يا خويا الدوا فالقرآن استغفر دايما وما تتقلقش منيرفي تعلم لما تكون منيرفي تسكت قولها نكوبي من بعد نهدا نهدرو وميم تديها لما تتقلق اخرج من الدار حتى تهدا لو حابها ومش حاب تخسرها لو شايف روحك مريض بالوسوسة شوف طبيب نفسي مش عيب واخر حل لو عارف روحك راح تظلم بنت الناس خليها وحوس على وحدة موسوسة ذاك انلهار تحس بواش راك دير في بنت الناس الله يهديك

 

[Hakan]

ما لقيت واش ننصحك بيسك انا نقلك الوساوس نتاع الراجل مع النساء تجي من زوج حوايج
اذا الراجل يقعد مع رفقاء السوء وواش يشوف منهم او انو يتبع في اخبار الفاجرات نتاع بلادو ولا المدينة نتاعو
وبالتالي يقعد يشك في البنات حتى مرتو بصح سقسي روحك سؤال علاه تشك في خطيبتك وما تشكش في اختك
هنا لازم تطرح سؤال انو شخصيتك ضعيفة انا مانيش رايح نقول البنات كاملين ومايغلطوش
لكن اذا كان الديدن نتاعك انك تشك في رفيقة عمرك
يااخي ننصحك انو تبتعد بزااف على الصحاب نتاعك وتقنع نفسك انك احسنت الاختيار وتعاملها معاملتك لاختك
من ناحية الثقة بيسك ما نفهمش الرجال نتاع الدزاير يشكو في كامل الناس ومدايرين لاكونفيونص في خواتاتهم
امالا حذاري خويا وما يغرك الشيطان سلام​

 

[Soumia hadj mohammed]

سلام عليكم
مبارك عليكما ، ولهي نعمة ينبغي ان تحمد وتشكر المولى ان فتح عليك بامراة صالحة ونسب طيب فلسانك شهد بذلك ، لذا لا تفرط فيما رزقت به
ما دمت تعلم انك المخطىء واين المشكلة فابشر خيرا ، فقط بادر بتغير طبعك غير الجيد وانت على مقدرة بذلك لان العبد اذا نطق بخطئه ولام نفسه ليس بعيد عنه ان يصلح نفسه
وضع قبل ذلك المشاكل المترتبة عن تصرفاتك وما لكما وقتها ستكره تصرفك وسينصرفك عنك باذن الله
يعني الواحد بمثل هاته المرحلة على ابواب الزواج شان كالشك والظن السيئ قد يهدم العلاقة وقبل هدم العلاقة يكسر الخاطر والقلب
استعذ بالله من الشيطان الرجيم كلما راودك ذاك التفكير و احسن الظن
ان لم تكن لك اسبابك التي تؤدي بك الى هذا الوسواس فلا تعطها تفكيرا اكثر مما تستحق
اسال الله ان يؤلف بينكما ويتمم بينكما على خير
وزغريدة لعرس مع بقلاوة عليا ^^

 

[محمد التبسي]

أنت أكيد متأثر من قصص المجتمع وما تراه أمامك من علاقات في الحرام وخيانات زوجية
لكن بما أنك قلت أنها متخلقة ومن عائلة محترمة فأبعد عنك هاته الشكوك
استعذ بالله واسرع بالزواج
ما تبقاش في الحكايات
لأن الشيطان أسمى اهدافه أن يفرق بين زوجين في الحلال
لأنه يحب الحرام
وأهم شيء لازم تقوي ايمانك وثقتك بنفسك وتحسن ظنك بالله
لأنو اذا كنت انت شخص طيب بعيد عن المحرمات راح تكون زوجتك مثلك
عفوا تعف نسائكم
ربي يتمم على خير​

 

[ammmmoula]

اولا اخي احي فيك شجاعتك في الاعتراف بخطئك لان هاذا دليل على نبلك وخلقك اكثر الاستغفار والدعاء والزم الصلاة وكلما جائك وسواس توضئ وصلي ركعتان والله ولي اللوفيق

 

[rycerz]

مشكلتي باختصار هو انني خاطب وحدة و راني قاري عليها الفاتحة يعني شرعا هي مرتي.أنا في عمري 33 سنة وهي 28 سنة خطبتها عن طريق بنت خالتي.هي طفلة متربية و متدينة و عائلتها ماشاء الله بصح المشكل يكمن فيا أنا.راني عصبي جدا و سريع النرفزة و ساعات يجيوني افكار ماشي مليحة من ناحيتها يعني يجيوني شكوك و وساوس وانا راني نحكم عليها ونحاسب فيها على أساس أفكاري.صرا بيناتنا مشكل وانا هو المتسبب الرئيسي فيه و كبرت بيناتنا حتى وصلت لباباها وباباها غاضو الحال مني..........المهم من فضلكم اذا تقدرو تعاونوني كيفاش نتخلص من هاذ الوساوس و الشكوك ربي يجازيكم

--
إن أكبر حسود في الوجود هو إبليس و العياذ بالله منه ..
ألا ترون أنه أهلك نفسه بيده عندما أعماه الكبر و حسد أول البشر أبونا و سيدنا آدم عليه السلام ، فعصى الله جهارا فكان جزاءه أن طرد من رحمة الله و أصبح من الخاسرين
الشيطان يفعل المستحيل للإنسان حتى لا يتزوج .. و عندما يتزوج يفعل المستحيل كي يفرق بين الزوجين .. و كل ذلك حسدا و بغضا لبني آدم
فالشيطان يعلم مدى النعمة و الراحة و الإستقرار و الإلتزام بالدين الذي يصبح عليه الزوجين .. و بالتالي يفعل المستحيل لمنع الزواج أو التفريق بين الزوجين
--
سأحكي لك قصة واقعية ..
حكى لي شخص تجربته الخاصة عندما ذهب ليرى شابة لأجل خطبتها .. و لم يكن يصلي و لم يكن طاهرا و حتى أنه لما إقترب ليراها لم يذكر إسم الله .. فظهر له وجهها قبيح و بالبثور .. إلخ .. فغير رأيه .. و صدف أن رآها مرّة ثانية صدفة فبهت لما تبين له أنها ليست بقبيحة و لكنها فعلا كانت جميلة جدا و حتى أن وجهها صافي و لا أثر للبثور التي تصورها قبلا .. (و الحقيقة أن ما تصوره أولا كان من تدليس الشيطان حتى يرده عن الزواج) .. الآن تلك الفتاة خطبت و تزوجت و هو نادم عليها ندم كبير .. (هذه قصة حقيقية)
--
يا أخ لست أنت الوحيد من حدث معه هذا بل سمعت الكثير عن هذه المشكلة ... فمن المعروف أن الشيطان الرجيم يستغل الوقت بين الخطبة و الدخلة كي يثير فتنة الشك و الوسوسة خاصة لدى الرجل و الهدف هو فسخ الخطوبة و إلغاء الزواج .. لأنه و العياذ بالله منه يعلم أن العلاقة بين الزوجين ستتوطد أكثر بعد الزواج و يقوى الود بينهما فتصتعصي عليه المهمة أكثر .. هذا أمر واضح
و بعد الزواج يتحول مخطط الشيطان إلى محاولة إفساد علاقة الود بين الزوجين ..
و لهذا التمسك بالدين و التحصن هي مما يمنع عمل الشيطان و يصدّه
--
أنا راني شايف أنو الشيطان لمّا شافك طحت على مرأة مليحة .. بدا عليك حرب باش يمنعك و يمنعها من الخير.

--
تذكّر :
أن الشيطان يحاول أن يشوّه السمعة بإدخال الشك و الوسوسة .. و يحاول أن يشوّه الصورة و الشكل بالتدليس و جعل غشاوة على البصر
لكنه لن يستطيع الإقتراب و التأثير على الطاهرين و المتحصنين بالأذكار و المتمسكين بالدين
و من الأفضل الإسراع في العرس و الدخلة قدر الإمكان.
--
الله يبارك عليكم و يباركلكم .. بالتوفيق إن شاء الله.
​

 

[yakuzaishi]

بالنسبة الي أخي الحل هو الاسراع في الزواج و الله لم يأمرنا بالتنقيب والتدقيق الممل في حياة أحد ! وإنما عجباتك و رضيت دينها وخلقها اتكل على ربي و نصيحة خليك من هدرة التيليفون و أيضا التخمام بطريقة "شرعا راني راجلها" ، بالنسبة لي ما تشيخش عليها بزاف حتى تجيبها لدارك والله الموفق !

 

[زاد الرحيل]

مشكلتي باختصار هو انني خاطب وحدة و راني قاري عليها الفاتحة يعني شرعا هي مرتي.أنا في عمري 33 سنة وهي 28 سنة خطبتها عن طريق بنت خالتي.هي طفلة متربية و متدينة و عائلتها ماشاء الله بصح المشكل يكمن فيا أنا.راني عصبي جدا و سريع النرفزة و ساعات يجيوني افكار ماشي مليحة من ناحيتها يعني يجيوني شكوك و وساوس وانا راني نحكم عليها ونحاسب فيها على أساس أفكاري.صرا بيناتنا مشكل وانا هو المتسبب الرئيسي فيه و كبرت بيناتنا حتى وصلت لباباها وباباها غاضو الحال مني..........المهم من فضلكم اذا تقدرو تعاونوني كيفاش نتخلص من هاذ الوساوس و الشكوك ربي يجازيكم

هذا يسمى مرض الوسواس واذا معالجتوش راح يبقى فيك طول العمر حتى بعد الزواج سواء هي او غيرها و راح يبقى معك طول العمر حالات بزاف مثل هذه وصلت للطلاق في الشيخوخة
اكيد عندك مشكل في الصغر اثر عليك بلا ما تشعر حاول تعالج نفسك كللياا لا جزئيا حتى ترتاح و تريح اللمعاك مش عيب انك مريض العيب انك تنكر و تستمر حياتك تضيع

 

[هواري بومدين.]

السلام عليكم ورحمة الله وبركاته ​

أنصحك أخي بكثرة الإستغفار كلما بدأت تفكر بهاته الأفكار أكثر من الإستغفار
وربي يفك الأحوال إن شاء الله​

 

[aljentel]

كأنك تعترف انك مخطيء وبما انك تعرف حالك مخطيء لما لاتصلح حالك ... هل تريد منا ان نصلحه لك .. كيف .!

 

[أم أُنٌَيسة]

السلام عليكم و رحمة الله تعالى و بركاته
اولا يا اخي لم يكتمل الزواج بعد بينك و بينها ليس انك قاري عليها الفاتحة يعني راك راجلها شرعا ، لما تقرا عليها الفاتحة يعني راك قادر تحكي معاها و تشوفها بدون حجاب فقط ادا تلاقيت بيها في بيتها
لكن باه تقدر تقول انك زوجها شرعا لازمك تكون قاري الفاتحة و عاقد و دافع المهر ديالها هدا تفسير برك الناس الكل يغلطو فيه
اما فيما يخص بالوسواس الاخوة كفوا ووفو ولا اعلم كيف يجب ان امصحك لاني مررت في نفس تجربت خطيبتك و اريد الانفصال عنه لانه من لا يفهمني حتى وان شرحت له لا احتاجه
و اسال الله لكما التوفيق و ان يجمعكما ان شاء الله ان كان لكما في دلك خيرا
تحياتي احترامي و تقديري​

 

[**laila**]

خلي عقلك مٽل الكومبيوتر
اذا جاتك فكرة سيئة على الطفلة اعمللها الغاء و اعكسها هي متربية هي ناس ملاح ديما و اكتبها في ورقة كل يوم و مع الوقت عقلك رح يستجيب لهذي الافكار

 

[صانعة الإبتسامة]

مشكلتي باختصار هو انني خاطب وحدة و راني قاري عليها الفاتحة يعني شرعا هي مرتي.أنا في عمري 33 سنة وهي 28 سنة خطبتها عن طريق بنت خالتي.هي طفلة متربية و متدينة و عائلتها ماشاء الله بصح المشكل يكمن فيا أنا.راني عصبي جدا و سريع النرفزة و ساعات يجيوني افكار ماشي مليحة من ناحيتها يعني يجيوني شكوك و وساوس وانا راني نحكم عليها ونحاسب فيها على أساس أفكاري.صرا بيناتنا مشكل وانا هو المتسبب الرئيسي فيه و كبرت بيناتنا حتى وصلت لباباها وباباها غاضو الحال مني..........المهم من فضلكم اذا تقدرو تعاونوني كيفاش نتخلص من هاذ الوساوس و الشكوك ربي يجازيكم

بارك الله لكما وبارك عيكم وجمع بينكم في

خير هذه الوسوسة تغلب عليها بلاستغفار

وقراءة القرآن ربي يسعدكم ويلم شملكم

 

[zyd87]

اسمحلي نقولك حاجه,المرأه هذي اللي هي زوجتك كرهت منك ومن فعايلك قبل ماتديها عندك ,المرأه ماهيش حجر رو فيها قلب كبي وطيب وواسع تحاول تتحمل كل شئ باش تخليك تشوفها غير هيا,مالا كيتديها عندك تدفنها فالدار وتقتلها بهبالك,امالا بركاك واخزي الشيطان,وصلي صلاتك وادعي ربي يعاونك,سلام.

 

[Only me]

السلام عليكم
والله يا أخي مدام راك مستعرف بلي لمشكل فيك وبلي عندك وسواس هاذي نقطة ايجابية تخيك تتغلب عليه وتتخلص منو
أنت لازم تبرمج روحك وتقتنع بلي هاذوك الأفكار كامل راهم وسواس من الشيطان وأنت لازم تكون أقوى منو يا اخي تخيلو واحد من العايلة حاب ينحيلك هاذ المرأة باه يديها هو أنت تقبل ؟؟ أكيد لالا امالا لازم عليك تحارب وتكافح بالشيء لي قدرت عليه، أهدر معاها وفهمها بواش راك تحس هي ثاني تقدر تعاونك وتتفهم الوضعية تاعك وماتنساش الاستغفار والصلاة على النبي عليه الصلاة والسلام هاذو يخلصوك من كل هم
وربي يهنيك ان شاء الله ​