تهباط السروال

،كارينا،

:: عضو بارز ::
أحباب اللمة
إنضم
20 جويلية 2016
المشاركات
2,451
نقاط التفاعل
6,755
النقاط
191
العمر
26
محل الإقامة
دارنا
الجنس
أنثى
اسمعوا انتوما انا هنا راني نعالج في قضايا المجتمع وانتوما ماحبيتوش تعطوني وسام التميز تعطوهلي سي نو نشري كلاشينكوف وراكم عارفين واش ندرلكم سمعتوني .. قصدي قريتوني المهم اليوم خرجت ايا وانا نمشي مافقت حتان لقيت روحي نشوف في هدوك الناس واكثر حاجة لفتت انتباهي هوما الشباب {ماتروحوش بعيد عيب عليكم تقولو تشوف في الشباب نو نو خاطيني }ماشي هاك وانما لفتو انتباهي بوحد العفسة تمحص ماعلبليش روسهم معمرة شعير .
هديك العفسة لوسمها o_Oتهباط السروالo_O واش نقول ياجدك تجي تمشي دوخ هديك السراول كامل طايحة لدرجة انو قريب نلقاو السروال يكركر فيه مولاه غير من السبتة تخيلوها هداك الشاب لابس سبتة والسروال يتكركر موراه !!اا....لا احترام لا لصغير ولا لكبير لا للمرا ولا للراجل سروالو طايح ويجري من ليسي لليسي لاخر زعما لبنات رايحين كامل يطيحو فيه وهو الشورت تاعو مكشوف لعباد الله كامل معبي بابيون وكاروهات كرهتونا فيكم يامحاينك ارفد سروالك ياوليدي ياراجل وياطفل سروالك قريب يولي يبكي ويندب ويقول طلعني الله الله توشيت لارض" علبالكم يغيض هداك السروال المسكين"ياخيي افهم روحك سروال طايح فوقها مقطع من كل الجهات اخرجلنا بالشورت وحدو اوموا باينة لابس شورت باسكو انا مافهمتش لاراكم لابسين سروال ولا ربع سروال
نقولكم الصح عييت نفهم والو..تجي تفهم يصيبك شلل قالك لامود والصيحات ناس مرضى صيحات واش من صيحات تعمرها لوبيا وطيح السروال وتخرج وتقول لامود يابابا لو كان جيت نقدر والله نرفعلهم هدوك السراول حتان للرقبة ونسكوتشيهم امود ابليس هادياحشمو استر روحك يابن عمي واش بيمك راه كاين غاشي يمشي موراكم ولا واش تحوسو نغمضو عينينا ونمشو الاحسن ارفدو سراويلكم ريقلو رواحكم وزيروا السبتة سي نو نديرلكم حملة "اسكتشيهم وماتندمش".........راني نهدر مع لديما سراويلهم طايحة كما هاك (نتمنى ديروا الصورة وباش يفهوني اكتر)
61065
 
آخر تعديل بواسطة المشرف:
هدوك قوم ضعيفي الإيمان والشخصية يتبعو التقليد الأعمة
الواحد فيهم يضن في نفسه أنه متحضر كي يبين اللباس الداخلي نتاعو
بالأخص إدا كان مكتوب عليه إسم شركة أو شخصية مشهورة

**********************
حقيقة السروال لمهبط ترجع لأحد السجون في الغرب
كان فيها المتشددون جنسيا
يهبطو سراويلهم
باش يعرفوهم محبي اللواط والعياد بالله
********************

نتعجب في لبنات لي يصاحبو هدا النوع من الشباب
وبالاك تلقاها تبنى مستقبلها عليه ( الزواج )

********************
لمشكل يبقى قايم والتوعية , ربما هي الحل

*******************
بارك الله فيك على الموضوه الجد حساس
 
علابالك ختي أنا من الناس اللي يحبو لامود
مي منقبلش أي حاجة تجي مودا
كاين صوالح يبانوا جدد ويقولو عليهم موضة ومنتقبلهمش
مثلا هاذ السروال الطايح
والله قلبي يتعيف كنشوف واحد هاك
يرحم باباك ميصلح لا أب لا أستاذ لازوج
والمشكل أنو مراهش يجبد فلبنات
بالعكس راه يحاوزهم
ولبنات اللي دورو بيه سير راهم كحالتو
مش أي حاجة تجي موضة ديروها
صح ساعات نشوف صوالح والله نعيا نسايي نفهمهم منقدرش
مش شابين ويتباعو بسومة غالية
ربي يهدينا
صح الأناقة والموضة حاجة مليحة
مي مش أي حاجة تدخل علينا نقبلوها
سلام
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top