تطبيقي لخلطة الأخت nina2tessy ( موضوع هندية أنقذت شعري )

[بنقابي افتخر]

السلام عليكم خواتي

كيف حالكن
بون من فترة شفت موضوع الأخت الكريمة @nina2tessy
لي كان بعنوان
هندية أنقذت شعري
بون انا شعري كان. اكدولي على كان ههههه (حريري) ومع الميش تحرقلي عييت نعالج فيه وماكان حتى فايدة
سمعت لنصيحة الأخت الكريمة @أم ياسمينdz وقصيتو لكن ماسخيتش بطوله لذا خليت شويا منو تحت أي المحروق بصح عياني قعد عندي دو مودال نتاع الشعر حريري من فوق وحروق من تحت (حباكا )
البارح جربت هد الوصفة وجابت نتيجة روعة يعنى ولا حريري أكثر حتى من التحت روعة ياريت موضوعك من قبل عام ههههههه
حبيتي ر بي يجازيك الخير
هاوليك المكونات
استعملت بديل الزيت ( elseve) مع زيت زيتون

أقراص فيتامين E
زيت دابر أملا بلبس
زيت الجلسرين

وضعتها 3 ساعات تقريبا

هنا بعد المزج

ومن بعد غسلت بهاد الشمبوا وابغي شمبوا من هاد الماركة حاليا راني نستخدم فيها واللي لقيت عليها راحتي

المهم وصفات الناجحة كما هادي خسارة يمرو عليهم مرور الكرام هاكا عادي
بصح يحسن عون البنات رجعو يخاف من أي وصفة يشوفها بصح التطبيق يعطيك احسن دليل على نجاح الوصفة
نتمنى من الأخوات يجربوها واي تغيير يفيدنا به
ايه نسيت كل الشكر للأخت @Soumia hadj mohammed
هي لي دارتلي الكوراج
^^
في امان الله

 

[Soumia hadj mohammed]

سلام عليكم جارتي وعزيزة عل قلبي كل مرة نتفكرك وندع لك
كيراكي مع الحمل وكيراهي نت ختي الصغيرة داايمن ننسا اسمها
يا ختي انتي وش داااك ديري ليماش تضيعي شعرك ههه
انا راني غير الحنة وقلت كي نتزوج ان شاء الله منصبغوش نخليه هك ههه خخخ
بصحتك التطبيق ختي
وراني ناوية نزيد نعاودها غدوا ان شاء الله
ربي يهنيك اسومتي​

 

[بنقابي افتخر]

هههه واش رايك المهبولة نتاعي
ايه قلت نغير
تأمين حتى في عرسي مادتهاش خليتو ناتورال وبصحبته مور عرسي جاني التفيهيم ههههه
اسمها اميييييرة ياك ماشي صعيب
ايه ادعي وزيد الحالة قربت ههههه

 

[Soumia hadj mohammed]

اووو علامة كي مصبغتيهش ها نعرف كي تتزوجو لازم الجمال ثم الجمال
عقلي عقلي / خخخ بيناتنا كي تقوليلي مهبولة تعي نحسك تدلعيني ، ياو الموصيبة ليوم ختي الكبرى نتي مهبولة وزادت كملت الباقي بنت جيراننا لي عندها الباك تجي تتونس معي وتقرا ههه ومن كثرة لي نضحكهم يقولولي نت مهبول /
ايا لازم نقولها اميرتي به ما ننساش سماها
ههه قربت الحرب الولادية الثانية وبعدها تجي الحرب الغيورية تع اميرة
انتي تان دع لي نتي خيتي سيرتو كي تكوني تولدي تفكريني
منيش ناسيتك ختي اسماء
ربي يكون فعونك وتجيك الولادة سهلة

 

[بنقابي افتخر]

اوكي حبيبة غير تهني
ماني نسيانك دعوة في ظهر غيب مستجابة
مهبولتي^^^^
اي لوv_ يووووووووووو

 

[السلطانة]

وعليكم السلام ورحمة الله وبركاته
بصحتك اسوم الخلطة السحرية ههه الرائعة عجبتني تاع الهنديات تخيلت الشعر يعود كي تاع سوارة ههه
يعطيك الصحة لمشاركتنا تجربتك الناجحة
شوقتوني نرجع للنشاط
جربت كذا خلطة والتفنيين حكمني باه نحطلكم
تحياتي

 

[ميمي مرام]

سلااام
بصحتك و ان شاء الله رايحة نجربها بعد مشفتكم طلعتو انت و سمية حاج محمد درتولي الكوراج باه نجرب بصحتكم ...

 

[آمِيْرَتُه]

السلام عليك
مشكورة حبيبتي
راح نجربها بحول الله

 

[nina2tessy]

سلام حبيبتي و الله غير فررررررررررررررررررححححححتتتتتت كي شفتك درتيها
و الحمد لله كي فاداتك
و الشيء المضحك أكثر أني راني ملبزتها درك في شعري و راني ندور في المنتديات نشوف
راني صورت فيديو لطريقة الصنع مزال ندير المونتاج برك و نحطها ان شاء الله في قناتي
شجعتوني نزيد نحط وصفات لي عندي
ايا كي عدتو طبقو لعيونكم احلى وصفااات

 

[Djaouida]

سلام عليكم
راكي ساجية درتيعا انا مزال راني غير ندور كل يوم نقول نديرها و والووووو تفنيين هههههه
بصجتك حبيبة

 

[الورد الأحمر]

السلام عليكم ورحمة الله وبركاته

يعطيها الصحة الأخت ع الوصفة بارك الله فيها وانتي مشكورة ع التطبيق ومشاركتنا التجربة الناجحة هكذا ممكن بنات أخرين تفيدهم كي يلقاو بلي جربوها وناجحة.

يعطيكم الصحة وبصحتك انتي ولي حاطتها درك ملبزتها في شعرها ههههه.

 

[همس الوُرود]

Emmmm mliiiih bsahtek khti
Ana chrit chwya moukawinat bseh nzid nkhali ki tdkhoul la bource nkemal nechri li b9aw ncha allah w njerabha
Mechkouriiin 3la tar7

 

[اعميري فاطمة]

بارك الله فيك

 

[دعاء الجنات]

بارك الله فيك ،الله يبارك تشوقت وكتاه نجربها بصح عاودولي برك مكونات وحدها اذا سمحتو