راني كاره قولولي واشنو الحل

[البحر الهادي]

الحمد لله والصلاة والسلام على رسول الله وآله وصحبه ومن اهتدى بهداه أما بعد


مانيش عارف مين نبدا وين نكمل


مانيش عارف واش نقول واش نخلي


مانيش عارف كيفاش نتكلم ولانحلل


المهم جيت نفرغ قلبي لقيته ملآن حتى للكل


علابالي بلي غادي تلوموني وتزعفوا علي


المهم هدي الهدرة مش ساهلة ولكن هي أسهل


الكرها راها داخلة قلبي والديقوتاج والملل

الهموم بزاف والقلب ملأن زعاف وله احتل


الجميع يتفرج فيك ولكن كلهم يقولك انت تعرف الحل

هدي إستراحة في اسرة اللمة لي أجمل روائح الزهور فيها فواحة


نجلس نخمم نلق ديك الطريق هي المناسبة مي قلبي دخله الخلل


لمن تقول ولمن تشتكي الكل راهم في شغل


المهم شغلتكم بهدرتي هدي


بصح هدي مجرد خاطرة


شعال من واحد يقول راني كاره بدون مايعرف السبب

وتاني ثاني مايحوسش يعرف المخرج من هدي الكرهة يبق منغلق على نفسة

قولولي في النهاية


عجبتكم هدي الكرهة ولالا


المهم شكرا لأني طولت الموضوع إليكم الفائدة


شكون لي ماجاتهش في نفسه هدي الهدرة؟
هل شخصت أولا أسباب هذي الكرهة؟
كي تجيك الكرهة واشنوا الحل لي تتخذه؟
هل تعرض المشكل نتاعك على غيرك ولاتبحث عن الحلول لوحدك؟
كلمة موجزة عن كلمة راني كاره

 

[Malika Tlm]

ههههه واو علي الكرهة راها عايشة معانا والحمد لله
حلول كثيييرة للكرهة تعرف انا كي نكره ندخل للمة نتلف ولكن بعض المرات متروحليش نروح نخرج للبالكون ونبدي ستغفر
والله الحمد لله نعمة كبيييرة نعمة الاستغفار
ومرات اسباب الكرهة بلاك متقدرش تحل مشكلتك بلاك تسمع كلام قلقك وووووووو
ههه تعرف مرات نقولهم راني كااارهة ومرات لالا نقول كل واحد عندوا كرهتوا علاش نزيدهم
والحمد لله انا مانيش من النوع لي يكره بزاف الحمد لله
وفي الاخير نقولك اخي متكرهش وعلاش تكره الدنيا فانية
مشكور اخي وربي يبعد عليك وعلينا الكرهة
تحياتي اخي الفاضل

 

[السلطانة]

وعليكم السلام ورحمة الله وبركاته
صح اخي كل واحد فينا تصرالو هاذ الحالة من ذاك
ان شاءالله ربي يفرج عليك وعلينا وعلى كل مومن .......

 

[البحر الهادي]

ههههه واو علي الكرهة راها عايشة معانا والحمد لله
حلول كثيييرة للكرهة تعرف انا كي نكره ندخل للمة نتلف ولكن بعض المرات متروحليش نروح نخرج للبالكون ونبدي ستغفر
والله الحمد لله نعمة كبيييرة نعمة الاستغفار
ومرات اسباب الكرهة بلاك متقدرش تحل مشكلتك بلاك تسمع كلام قلقك وووووووو
ههه تعرف مرات نقولهم راني كااارهة ومرات لالا نقول كل واحد عندوا كرهتوا علاش نزيدهم
والحمد لله انا مانيش من النوع لي يكره بزاف الحمد لله
وفي الاخير نقولك اخي متكرهش وعلاش تكره الدنيا فانية
مشكور اخي وربي يبعد عليك وعلينا الكرهة
تحياتي اخي الفاضل

هههههه
السلام عليكم
أردت المزاح وفقط خاطرة
شكرا لك
تحيتي لك اخت الطيبة

وعليكم السلام ورحمة الله وبركاته
صح اخي كل واحد فينا تصرالو هاذ الحالة من ذاك
ان شاءالله ربي يفرج عليك وعلينا وعلى كل مومن .......

اللهم امين
شكرا لك
لالا مش الكرهة فقط خاطرة
رب يبارك فيك

 

[الامين محمد]

ههههههههههههه الله يعطيك ألف عافية خويا الحبيب

انا شخصيا و الله ما ني عارف راسي من رجليا
الله يجيب الخير

 

[حلم كبير]

السلام عليكم و رحمه الله تعالى وبركاته

يعطيك عام ربح نشالله وعام كسرة .....
تصرا بزاف وتحس روحك حاب تبدل حاجة فيك ،ماكش عارف وش هي
ولا ناسي حاجة وما كانش اللي يفكرك

ضرك نعطيك الحل وإن شاء الله نافع

اللي تجيه هاذي الحالة يعتزل البشر نص نهار ويروح يقعد وحدو في كاش بر ويدي معاه الما والصلاية ، ويقعد يريح أعصابو ويفرغ راسو من كلش (حتى من المنتدى :p) ، وكي يروح يصلي ركعتين ويتنفس عميقا واللي عندو ولاد يتحضنهم بزاف لأنو بالمعانقة يفرز هرمون السعادة واللي ما عندوش الاولاد يتحضن أمو أبوه أخوه أو أختو الصغار ،راح يلقى روحو ريح وراحلو ما يسمى بالكره والديقوطاج .
( وصفة مجربة)

عافانا الله وإياكم من حالات اللخبطة والتيه آمين يا رب .
احترامي وتقديري
حلم كبير

 

[دعاء الجنات]

انا نحب نعيش سعيدة وعمري مانخلي هادي (الكرهة ) تأثر فيا اذا كان اصعب الظروف ماقدرتش تحطمني وينك وينك يا الكرهة... هاذي شحنات سلبية ماتخليش قلبك يلتقطها لأنها ماعندها ولا فايدة نقصان عمر برك عش ولا تحزن فرزقك مقسوم واجلك محسوم! انطلق نحو الحياة فالحياة تحدي فلا تستسلم لأي شيئ خاصة انك مؤمن والمؤمن امره كله خير! اذا اصابه ضراء صبر فكان خير له واذا اصابه سراء شكر فكان خيرا له.

 

[فيتامين سي]

تكره و متعرفش علاش تبكي و معلابلكش علاش تتنارفة بلا سبة و تضحك بلا سبة ..نعم نعم نحن المهابيل

 

[،كارينا،]

السلام عليكم
انا نقولك الصح ماشي ديما كارهة
احيانا نكره من حاجات معينة ...نبعد عليهم وننساهم نولي عادي كما كنت يروح هداك الكره ...
وحاليا هاد الايامات راني عييت من بعض غاشي ماشي كرهت بصح عييت منهم ومن تصرفاتهم وان شاء الله رايحة نبعد عليهم ويرجع كلشي كما كان ....كلشي ولا يتعب في هاد الزمان ....ربي يكون معاك ومع الجميع ...بارك الله فيك ...

 

[rycerz]

إيييه يا صاحبي لعزيز
أنا عندي عشرة طويلة مع الكرهة و الديقوتاج
حتى وين الكرهة و الديقوتاج كرهو منّي
و صبحو منين يشوفوني يقطعو الطريق بالجري و يهربو
حتى وين مرّة فتحت بطاقة التعريف نتاعي
لقيت اللقب : كرهة و الإسم : ديقوتاج (هههههه)
--
و مرّة وانا نمشي فالطريق
تلاقيت مع صاحبي (بحتى هو قاتلو الديقوتاج)
كان رافد زجاج النافذة شراه باش يبدل بيه المكسور
و كان رافدو بصفحة نتاع جريدة باش ما يتجرحش
بعد ما وصل للدار قتلو هات الصفحة نقراها
لقيت فيها إعلان مسابقة
دفعت الملف و ربحت المسابقة و رحت نقرا
بعد ما بعّدت على المحيط لي كنت فيه تبدلت
و لما رجعت بديت عقلية جديدة
و غلقت 90 % من الأبواب القديمة
من ثم راحت 90 % من الكرهة و الديقوتاج
حبيت نقولك :
1 - عندنا ما كانش لي يتعبك قد بنادم (الناس لي يعرفوك)
2 - و بدّل لمراح تستراح
---
هذه تجارب خاصة ليست بالضرورة أنها تعني الجميع.​