الحساسية

[انا مسلمة]

السلام عليكم انشالله تكونو ملاح
حبيتكم تفيدوني ف ادوية طبيعية او اعشاب مجربة ف مرض الحساسية
والله كرهت حياتي منها المشكل مهيش فصلية ديما معايا ولاتلي مرض مزمن
واللي هي حساسية البرد والغبرة والروائح تأثر فيا بشكل كبير دارتلي ضرر ف الانف والحنجرة والعينين والاذنين لدرجة تطيحني فالفراش
داويت عليها شحال من مرة مي نبرا منها مؤقتا و تعاود ترجعلي
تعيشو ل عندو كاش نصيحة ولا مجرب شي حاجة يقولهالي
شكرا مسبقا

 

[فيتامين سي]

نهار تلقي الحل خبريني
الطبيق قالي باختصار مكانش علاش و بعدي على الحجات لي يضروك و تنقصلي و بمجرد ريحة الدخان نرجع اكثر مكنت
و دوا علاجه مرقت .جربت ابرة درتعا اول مرة نفعتني تاني شهر لا ..بدلوهالي بوحدة اقوى من الاولى اول مرة نفعت تانيا لا ..خفت نبقا غير نطلع في دوا حبست كلش ..عليك و على تسكني في بلاصة نقيا مفيهاش بزاف دخان و غبرة .كي تخدمي بالجافيل و مشتقاته حلي كلش باش متتنفسيش هذاك ااهوا و الفراش دايما شمسيه و بعدي على الدخان و الريحة قدر الامكان ..

 

[انا مسلمة]

والله مشكل كبير راني نعاني منو
مي انشالله ربي يشافينا و يعافينا
شكرا اختي

 

[rycerz]

كيما نصحاتك الأخت vitamine c بخصوص الإحتراز و الوقاية .. لأنو فالغالب الأعراض تذهب مع ذهاب الأسباب .. و لكن بعد ذلك إذا بقات أعراض مثل إنغلاق الأنف و حمرة العينين .. إلخ .. أشير عليك بشيء و هو إن لم ينفع هو لا يضر .. و لكن فيه أمل بإذن الله
كل يوم تقطري عصير البصل (وحده) فالأنف .. قطرة واحدة من اليمين و أخرى من اليسار ثم الضغط بالإصبعين على جانبي الأنف مع الإستنشاق مرتين أو ثلاثة مرات حتى يتوزع العصير جيدا في الداخل و إلى الأعلى .. و في الغالب قبل النوم لكن إذا كان بحتى هو يديرلك حساسية و يضرك فما يلزمش تستعمليه .. و إذا حسيتي أنو ينفع ما تنسايش المداومة على العلاج ..
و ندعو لك بالشفاء يا أخت لك و لجميع المؤمنين و المؤمنات. ​

 

[بشرى ملاك]

انا تاني نعاني منها بزاف اول حاجة كي نوض صباح نهبل عطسة وكي نشم ريحة مهما كانت مليحة ولالا نخلص وفوت عند طبيب حساسية شوية وكي حبست الدوا وليت كيما كنت جربت زوج وصفات لقيت وحدة ف نت وواحدة قالولي عليها ونجحو معايا غير يبغو المداومة انا كنت نقطع كي نشوف حساسية حبست عليا
اول وحدة تحكمي ثوم اربع فصوص ملاح تنقيهم وتمضغيهم مليح مليح كانه علك تمضغي حوالي 5 دقائق فمافوق وكل ماطولتي احسن غادي يحرقك بصح صبري مبعد بلعيه وشربي ماء دافئ باش ينحيلك الحرقة غادي ضرك ليسطوما دقيقتين مبعد سايي كرري هاد الدوا شحال من يوم المهم مرة كل يوم حتى تريحي
الثانية حشاكم روث الجمل تحكميه ديريه في كيردو او عود او اي شي وشعلي فيه نار وطفيها خليه مثل جمر وشمي مليح دخانه بصح غمضي عينيك يحرق مام فالانف يحرق صبري برك لانه نافع المهم انا كنت نستعمله كل ليلة فليل مليح بزاف المهم داومي عليه هاد الوصفة قاتلي عليها واحدة كبيرة فالسن
والله يشافيك ويشافينا

 

[heba biba]

السلام عليكم احبائي
انا تاني اعاني من الحساسية وتطورت مع الزمن وصرت اعاني منها كثيرا لدرجة اصبحت مرض مزمن وهو الربو ولاني اكره الطبيب لم اعالج عنها
وفي احدى الايام مرضت منها لدرجة لا استطيع الوقوف (الكحة القوية .سيلان الانف و التقيءو احمرارا العين ) فاخدتني امي لطبيبة اسمها حسينة حصرون اعطتني دواء مدته 3اشهر والحمد لله من داك الدواء لا اعرف الحساسية ابدا عندي 3سنين ونصف وانا بخير انصحك بها اختاه
ربي يشفيك اختاه واسفة على عدم الاختصار

 

[cosette]

السلام عليك ربي يشفيك حبيبتي
موفةق

 

[فيتامين سي]

السلام عليكم احبائي
انا تاني اعاني من الحساسية وتطورت مع الزمن وصرت اعاني منها كثيرا لدرجة اصبحت مرض مزمن وهو الربو ولاني اكره الطبيب لم اعالج عنها
وفي احدى الايام مرضت منها لدرجة لا استطيع الوقوف (الكحة القوية .سيلان الانف و التقيءو احمرارا العين ) فاخدتني امي لطبيبة اسمها حسينة حصرون اعطتني دواء مدته 3اشهر والحمد لله من داك الدواء لا اعرف الحساسية ابدا عندي 3سنين ونصف وانا بخير انصحك بها اختاه
ربي يشفيك اختاه واسفة على عدم الاختصار

عطاتك دوا طبيعي ؟؟؟

 

[ميمي مرام]

انا ثاني عندي حساسية حكة في لهاتي ( الحنك الرخو '' soft palate'') بصح ذروك الحمد لله تقريبا ماهيش حاكمتني قاع داويتها غير بالحبة السودا تاع مكة و العسل الحر الحبة سودا هاذي تتنتباع هنا بصح انا جابوهالي من مكة تجي كيما الحبة تاع العدس و هي مرة الطعم طحنتها مليح م خلطتها بالعسل الحر رجعت عقدة ز كل يوم ناكل مغرف صغيرة صباح على الخوى و مغرف صغيرة فلليل قبل ما نرقد و الحمد لله ذروك تقريبا بريت منها تماما و لكن المداومة ثم المداومة عليها حتى لي تبراي سواسوا تقدري تحبسيها و متأطكدة مترجعلكش اختي ثاني دارتها و ذروك الحمد لله برات قاع منها و ربي يرزقك الشيفاء العاجل