صَرِيْحٌ / صَرِيْحَـةٌ جِـــــــدَاً عَلى اللمةِ الجَزائِريَة { العدد الثآمن }

[فيتامين سي]

تقدري تتزوجي بواحد يدخن و يشم ؟؟

سلام اختي
لاول مرة غادي نشارك احم احم ..شعور لا يوصف
ههه:Love:
البحر :Love::Love::Love: كي نحكيلك بلي البحر حدايا و باش نروح لواحد باللوطو 5 دقايق ولا اقل نوصل و زاوج لي نروحله 10 دقايق في الحافلة يعني راه حداااايا بحاااااااااار و منروحش نشوفه خطرة في 10 سنين و نروحو في المشتا وين ناس ميروحوش و نروحو لولاية بعيدة و مكالاش تجو تقولولي نبحرو عندكم كما البنات لي نعرفهم هع هع هع هع
بنت البحر و خاطيني البحر ترارا و نزيدك كون نكون في الرملة نخاف ادا نغرق اخر مرة بهدلنا ماما ماما ماما ماما ماما :X3:كشفة يخصنا لابوووي (سر هذا متخبروش عليا )

المهم نمدلك رأيي
شرط من شروطي و هو ممنوع التدخين ماشي غير نكره التدخين بصح عندي حساسية و فقط من بعيد نشم ريحتو يصرالي العجب و الطبيب قالي مكانش دوا صافي انا منقبلش تدخين نهار و نقبله حياتي كومبي ..مستحيل
خاصة الالم لي نحسه كي نستنشق داك الدخان .. بزاف حجات حبستهم بسبب التدخين كنت في معهد سبب الي حبست على جاله هو الدخان كانو الاولاد يدخنو الادارة دخن تخيلي و في بديا صبرت من بعد مرضت بغيت شهرين مريضة فراش توجور الكحة و من بعد ولا يجيني اختناقات كما صحاب اللازم (صرالي العجب ) ماما قالتلي بنتي نحتاجك صحتك اولى و حبست
و نزيد نكره الانسان لي يدخن احتقره خاصة كي يدخن و ميحسن عون المرضى مرة في المعهد انا نكح و هو قالي معندي منديرلك قلته رانا حدا القسم روح ملهيه والو و في الحافلة كي يدخنو بدون ادنى انسانية بالمرضى
ربي يهديهم نساو بلي صحتنا مسؤولين عليها حدا ربي سبحانه و بلي حرام على الانسان يضر نفسه
تقبلي مروري غاليتي .:Love::Love:

 

[*amani*]

السلام عليكم



بين زوج منحبهمش وماينطاقوش خخخ
ولكن يبقى الدخان خير بالنسبة للشمة........
شكرا

 

[Malika Tlm]

السلام عليكم
راني رجعتلك حبيبتي
لالا الدخان صدقيني منحملش الريحة ديالوا ولكن ارحم علي الشمة هههههه
واما عن اخي الغالي مالك واخي حبيب عرفتوا تخيروا والله خيرلكم من الصداع ههه
بصح شريوا سيارة اخر طراز اوك
تحياتي للجميع

 

[زاد الرحيل]

تجعل رائحة الفم كريهة فهددن يا فتيات لعلى و عسى ينفع تهديدكن قبل فوات الاوان

 

[Salah eddin]

السلام عليكم
بصراحة
و الله ما عرفت وش نقول ..ماذا بيا في زوج
ههه
لكن اذا تقدرت و تحطيت في موقف تخيير
و الله ماني عارف وش نقول صراحة ... ممكن نخير الكروسة و من بعد نبيعها ...و بدراهمها نتزوج
ههه
بصح لازم العروسة الي نجيبها تستاهل نبيع على جالها الكروسة
ههههههه​

 

[لؤلؤة قسنطينة]

السلام عليكم
وانا نقول العدد الثامن وين راح وهو هنا هههه
اممم سؤال هايل كيما قالتها الاخت مليكة هههه
راهي معركة قايمة بين البطل الرئيسي الدخان والبطلة الرئيسية الشمة
المهم إذا كان زوجي يدخن من واجبي نحاول نبعد عليه هاد السم خاطر مادام هو يهمني حتى صحتو تهمني
هادا إذا كنا متزوجين وطاح الفاس في الراس ههههه (مادموزال شمة مانذكرهاش اصلا لأنو ماكانش اصلا في القاموس تاعي هههه)
اما اذا جا يخطبني انسان يدخن، نشوف اخلاقو اولا يعني اذا انسان متربي وولد عايلة وفيه كلشي مليح الا التدخين
نقبل بيه نورمال خاطر كاين لي ولد فاميليا بصح عاش ظروف قاسية خلاتو يولي يدخن، يعني نقبل بصح بشرط اني نساعدو باه يتخلص منو
خاصة انو الرجل تلقاي اولادو نقطة ضعفو كي يحس بلي رايح ياذيهم بالتدخين تاعو رايح يتشجع باه يحبسو
اما المخلوقة هاديك الآنسة شمة هاديك راهي كارثة هههه واصلا قداه من مرأة ماتفيقش براجلها خاطر الدخان يبان بصح هي ماتبانش
يعني تزوجت مع راجلها نورمال وهوووب نهار راحت لدارو لقات بلي زوجها عندو زوجة ثانية هههههه هي الشمة
المهم انا نفضل الرجل مايدير دخان ولا شمة واذا وافقت نقبل بالدخان فقط بشرط انو يحبسو وبشرط انو اخلاق هاد الانسان تشفعلو
هادي هي اجابتي شكرا، مانقدرش زعما نجاوب حتى انا على سؤال الشباب هههه باه مكرا فيهم نخير السيارة حتى انا ويقولو ماتيرياليست
غير نضحك، شكرا اسومة
تحياتي​

 

[Hakan]

السلام عليكم
ههههه راح تهبلونا بمواضيع الزاوج هي هههههههه
كيما قالت مليكة سؤال شباب هذا هههه حتى تاعنا شباب ههههه
أنا نخير سيارة بصح نشطرط فيها كيما نشترط فالمرأة لي نتزوجها هههه
لازم تكون سيارة ألمانية فخمة ذات رهبة فوق الطريق
ياك معليش نجبد الأسموات ههههه أيا خلاص مانسميش باش ماتزعفوش وتغيرو
وتانيت لازم تكون سوداء اللون
وتكون ديازال باش ماتلكلش بزاف الدراهم وتانيت لو حبذا تكون رياضية الطراز
بصفة أخرى نحب الطونوبيل ممبعد المرأة والزواج يجو وحدهم ساهلين هذوك هههه
راني معاك خويا @السحاب العابر في الاتحاد قوة هههه
كيما هوما يحبو المادة حنا نعشقو السيارة الألمانية يامحاينك ههههه
فخامة الصورة تكفي ولا واش قال خويا @hakim story

​

انا نخير السيارة كيما نتاع مالك سواسوة ههه
بيسك السيارة تجيبلك الزوجة خخخخ
بصراحة راكي درتي حاجة لا للمقارنة ديفيرونص كبير
بين زوجة وسيارة يعني انا نخير الزوجة بكل صراحة
اما الحاجة لخرى في اي وقت تجي مرحبا بيها
وبالنسبة للمقارنة نتاع الشمة والدخان يااختي في زوج حرام
نورمالمون تكون الاجابة ما نخيرهمش في زوج خخخ ​

 

[afnene]

السلام عليكم
الصراحة انا مرحش نقبلهم بالزوج ورح يكونوا من اول الشروط في الزوج المستقبلي اذا حيانا ربي
بلاك نقدرو نقولو التدخين اقل ضرر من الشمة (منظنش اذا كاين مرة تقبل انو راجلها يكون يدير الشمة شيء مقرف )
ولكن مع ذلك ارفضه اولا لصحتي لان في صغري عانيت بسبب ان ابي يدخن من جهت اني نشوف ان المرء يقتل في روحه من جهة اخرى اكثر حاجة انه حرام
منقدروش نربطو التدخين بالاخلاق باسكو بزاف الناس لي يدخنو مي متربين الله يبارك الشيء لي خلاهم يدخنو هو قساوة الحياة
لجؤوا للتدخين نهار لي ملقاوش شكون يخفف عليهم ويوقف معاهم