عيد ميلاد الأخ حكيم ستوري

[لؤلؤة قسنطينة]

السلام عليكم أهل اللمة الكرام وأسعد الله اوقاتكم
اليوم عيد ميلاد أخ لينا في هاد اللمة ومن الاخوة المميزين بمشاركاتهم وبردودهم وبمواضيعهم
أخ استفدنا منو بزاف سواء من مواضيعو او مواقفو الشهمة
صحيح هاد الاخ راهو غايب علينا هاد اليامات ومعرف اذا يرجع ولالا بصح من واجبنا
نهنؤوه بعيد ميلادو باه يعرف بلي خاوتو تفكروه وتفكرو عيد ميلادو
مالا اليوم والموافق لـ 19 أفريل هو عيد ميلاد الاخ @hakim story
وبهاد المناسبة نقولولو عيد ميلاد سعيد وعمر مديد وكل عام وانت بخير وبصحة وعافية
نتمناولك مزيد من النجاحات والتفوق في دراستك وفي حياتك العملية او الشخصية
ربي يحققلو امنياتو ان شاء الله ويوفقو لكل خير
علابالي الاخ راهو يستنى في هاد اليوم غير باه يحتفل بيه مع خاوتو مالا ماتنساوش تهنؤوه
هيا اهل اللمة نخليلكم الخط للتهنئة
تحياتي​

 

[الصحافية الساخرة]

وعليكم السلام و رحمة الله
ها ختك بدلت اللون باش تهنئ االأخ الكريم بعيد ميلاده هههه
@hakim story اسال الله ان يطيل عمرك في طاعته
ونتمنى تكون ايامك اللي جاية كلها فرح و نجاحات

ونشكرك ختي "لؤلؤة" على التذكير و بارك الله فيكم
سلام

 

[أم أُنٌَيسة]

السلام عليكم ورحمة الله تعالى وبركاته
بارك الله فيكي اختي مريم
عيد ميلاد سعيد وعمر مديم اخي الصغيروني حكيم ،الله يكبرك فالسن وفي طاعتو ان شاء الله يارب
تحياتي​

 

[Djaouida]

سلام عليكم
واه راه غايب علينا نشالله يكون بخير ويرجع لينا بصحة وعافية .... ياه ليوم عيد ميلاد مسيو حكيم ههه كل عام ونتا بخير خويا وعقبال ل 1000 سنة نشالله
تحياتي

 

[السلطانة]

وعليكم السلام ورحمة الله وبركاته
صار ياحكيم بينك وبين صغيرتي يوم هههه ^^
كل عام وانت بألف خير خويا
ان شااءلله ربي يكبرك في طاعته وتبقى في الطريق المستقيم ^^
كل عام وأنت بمليون ألف مليار خير
يعطيك الصحة لؤلؤتنا الزينة

 

[*amani*]

وعليكم السلام
عيد ميلاد سعيد وعمر مديد للأخ حكيم
كل عام وانت الى الله واحبابك اقرب
كل عام وانت بالف خير يارب
العاقبة ل100سنة ان شاء الله
ربي حفظك وخليك لوالديك وحبابك
ربي حققلك ماتمنى ان شاء الله

شكرا اختي لؤلؤة ^^

 

[بشرى ملاك]

 

[لؤلؤة قسنطينة]

بارك الله فيكن غاليتي على كرم المرور وعلى التهنئة الطيبة
ربي يحفظكم ان شاء الله
وأختي @أم ياسمينdz مالا من درك نقولو للكتكوتة ياسمين عيد ميلاد سعيد وعمر مديد
ربي يعيشهالك ان شاء الله ويطولك في عمرها
شكرا للجميع​

 

[Soumia hadj mohammed]

وعليك السلام ورحمة الله وبركاته
اهلا الحاجة القرمية كيراكي هه راكي كي صحاب الاحصاي يا محاينك كالوندريي تع اعياد ميلاد اللمة قع عندك / ممم غير انا /هه نقجم برك
يعطيك الصحة مريامو كي فكرتينا
راني دخلت ديركت دك تقلي @عاشقة الكرة حطي صباطك راني مسيقة ، يا بنتي الفرحة تع خونا حكيم نساتني فروحي
المهم كيما عهدتموني نجيب القطو برك

ها الشاي على ختي @الصحافية الساخرة اما القهوة يجبهالكم @الامين محمد من عند خالتي الزايخة هه به تطلعلكم التخمام المتوحش خخخ
هيا خويا حكيم : بارك الله في عمرك وعمر الوالدين ووفقك لما يحب ويرضى ورزقك الثبات الثبات وجعلك من زينة شباب االمسلمين وقرب منك رفقة االخير ودرء عنك رفقة همت بك سوءا ويسر امرك في طلب العلم ووفقك للرزق الحلال ورزقك بالزوج الصالحة

هاوليك كادوك / راني حطيتلك باطة جال بهدلت بينا المرة لي فاتت يا بن عمي ، @الامين محمد يجيب الجال ل @Skor m@k وانت تغفله بيه آآآه راك كبير ههههههه /

​

 

[باتنية و نص]

سلام عليكم
كل عام وهو بألف خير
عقبال ال 100 سنة ان شاء الله

 

[حلم كبير]

تفرقت الحفلة ووصلت متأخر وما بقى ولا شيء
حتى صاحبها ماكانش

اللي فاتو الطعام يقول شبعت هههه

كل عام والاخ الكريم بألف الف خير وعقبال مئة عام وعشرين من فوق
إن شاء تحقق كل أحلامك
احترامي
​

 

[aljentel]

عيد ميلاد سعيد
اتمنى لك عمرا مديدا تقضيه بصحه وسلام
وكل عام وانت بخير ..

 

[محمد التبسي]

لا يجوز الاحتفال بأعياد الميلاد
هذا من عادات غير المسلمين
لا ينبغي ان نتشبه بهم
وفتاوى العلماء موجودة
وفقكم الله.​

 

[أم منيــــــر]

لحقت روطار بصح ماعليش المهم لحقت
يعطيك الصحة مريم كي تتفكري كل واحد نهار عيد ميلادو
ربي يحفظك
حكيم وليد اختي كل عام وانت بخير
ان شاالله تتوفق في قرايتك و تحقق كل طموحاتك وكل عام و انت بالف الفا خير

 

[نعمات]

كل عام وأنت في طاعة الله
ربي يحفظك ويعطك ما تتمنى يارب

 

[Hakan]

الله يبارك ومن غير مريم يتفكرني انا خلاص غسلت يدي من الاعضاء اللي زعما نحبهم
بديتول اللي يقضي على 99.99 من الجراثيم خخخ
المهم مريم ختي شابو ليك بعد العائلة نتاعي انت اللي تفكرتيني بميساج والشعب لاخر ما شقاش حتى يدخل ويرد
خايف نديرلهم اشارة وما يدخلوش المهم كيما قال خونا التبسي هذي نتاع الكفار
ربي يهنيك ختي والجماعة اللي حضرو بالردود ربي يحفظكم راهو رجع فيعمري 23 سنة ونهارين
ان شااء الله راهو بدا التغيير للاحسن ربي يحفظكم كاامل سلام​

 

[أم أُنٌَيسة]

الله يبارك ومن غير مريم يتفكرني انا خلاص غسلت يدي من الاعضاء اللي زعما نحبهم
بديتول اللي يقضي على 99.99 من الجراثيم خخخ
المهم مريم ختي شابو ليك بعد العائلة نتاعي انت اللي تفكرتيني بميساج والشعب لاخر ما شقاش حتى يدخل ويرد
خايف نديرلهم اشارة وما يدخلوش المهم كيما قال خونا التبسي هذي نتاع الكفار
ربي يهنيك ختي والجماعة اللي حضرو بالردود ربي يحفظكم راهو رجع فيعمري 23 سنة ونهارين
ان شااء الله راهو بدا التغيير للاحسن ربي يحفظكم كاامل سلام​

اسمع يا اخي الصغير
مراني نكتب حتى واحد في موضوع غائبون لانو نخاف ننسى اي وحدة ،لدا اللي في القلب او فالقلب هدي اولا
و ثانيا رجعت مانبعث حتى لواحد ميساجات كيما كنت لاني نخاف نديرونجي لعباد حتى ولو مهمين بالنسبة ليا ،وحسب ماشفت انا تقريب اللي نبعث ديما وواحد مايبعثلي لدا بطلت
و ادا كانت النتيجة انهم يظنو اني نسيتهم فبراحتهم لانو والفت على الظن هدا
وفقك الرحمن بما تحب فيما يحب و يرضى لك
عذرا واسفة
في امان الله وحفظه​

 

[{مُدَلَّلَتُهُ}]

السلآم عليكم و رحمة الله وبركاته

دخلت روطار بصح معليش أن تأتي متأخرا خير من أن لا تأتي أبدا

نقول لخويا حكيم عيد ميلاد سعيد كل عام و انت إلى الله أقرب . . . ربي يفرحك بشبابك و يعطيك ما تتمنى ان شا الله

مريومتي كالعادة الله يبارك عليك ما تنساي حتى حاجة ♥ ربي يفرحك كيما دايمما مفرحتنا و يعطيك ما تتمناي الزينة تاعي و يسهلك أمورك ♥​

 

[بنفسج]

السلام عليكم
عيد ميلاد سعيد مؤخراا خونا العزيز حكيم
كل عااام وانت بالف خير وعقبال ال100 سنة
وعذراا على التاخر راااه كل واحد ومشاغلو + بالتوفيق
تحياااتي~​

 

[Bouchra zarat]

عيد ميلاد سعيد