لا صوت يعلو على صوت المترشحين

[Only me]

السلام عليكم ناس اللمة الغاليين
عندي مدة ماجيتش لهاذ المنتدى ، وحد الوقت كنت ساكنة هنا
المهم اليوم جيتكم بموضوع يهمكم بزاااف " كلنا معنيون" انعم ايه انتخابات 4 ماي ههه وزيد داروها نهار قبل عيد ميلادي يوخذهم.

المشكل لي محيرني هو هاذوك لي نهار كامل وهوما يهرفو علينا نديرو ونديرو تقول رئيس العالم، يعني المشاريع لي عجزت عليهم دولة كاملة يجي واحد مايعرفش يقرا حتى من الورقة يقولك ندير وندير ، الله يهديك يا أخي...
خلينا منهم وهوما رايحين يولو نواب والا نوام في البرلمان وأنا راني نقلق في روحي ،، حقا ياك هاذو الانتخابات تاع البرلمان ؟؟

المصيبة لكبيرة هي هاذيك لي شفتها قبيل في التلفزيون، سقسيت يما اذا أذن للمغرب ، قاتلي أذن مي ديري الدزاير تتأكدي، كي درتها لقيت واحد مترشح يهدر ونستنى في الأذان واذا به يكتبولي أسفل الشاشة حان موعد آذان المغرب حسب التوقيت المحلي ،، والله تشوكيت ، لهاذ الدرجة صوتهم مهم ؟؟ ماقدروش يحبسو هدرتهم باه يديرو الأذان ؟؟ فهموني راني رايحة نهبل

قولولي زوج كلمات يتنحالي الضغط ​

 

[آمِيْرَتُه]

السلام عليك
تم الاعتماد
شحال نكره فترة الانتخابات يرجع كل شي ممل
لي جامي يبان يولي يبان في هذا النهار
من بكرييديرو هي العفسة ميقطعوش على المترشحين يخلونا بلا آذان و يعطوهم الحق
ربي يهدي

 

[Only me]

السلام عليك
تم الاعتماد
شحال نكره فترة الانتخابات يرجع كل شي ممل
لي جامي يبان يولي يبان في هذا النهار
من بكرييديرو هي العفسة ميقطعوش على المترشحين يخلونا بلا آذان و يعطوهم الحق
ربي يهدي

وعليكم السلام
هذي هي البلاد ، أوراق الامتحانات يخلصوهم التلاميذ واوراق الانتخابات الدنيا بيضة بيهم
ربي يجيب الخير ان شاء الله ​

 

[Only me]

شكرا على الاعتماد ​

 

[Fethi.dz]

السلام عليكم

هههههه والله بلاد ميكي ما راحت ما جات. يعرفو الشعب غير نهار تقرب الحفلة اللي يعاودو يقسطو واش بقى فالشكارة بعد ما خلاااو لبلاد, كون حتى جاو يقسطو مع الشعب شويا نقولو معليش.

المهم ما تنساوش تفوطيو لخونا المترشح الذي لا يغلق تيليفونه هههههه << اطونسو برك تقولو او يديرلو في الدعاية


---------

 

[ليليا مرام]

السلام عليكم

هههههه والله بلاد ميكي ما راحت ما جات. يعرفو الشعب غير نهار تقرب الحفلة اللي يعاودو يقسطو واش بقى فالشكارة بعد ما خلاااو لبلاد, كون حتى جاو يقسطو مع الشعب شويا نقولو معليش.

المهم ما تنساوش تفوطيو لخونا المترشح الذي لا يغلق تيليفونه هههههه << اطونسو برك تقولو او يديرلو في الدعاية
مشاهدة المرفق 62419

السلام عليكمِ
العاجل والمهم انو خونا فتحي القناص نزل من الغاريتا وراه هنا تحية ليك صاحبة الموضوع عيينا نديرو فالمواضيع شابو ليك يا ختي خليتينا نشوفوه فموضوع ههههه ويرد
انا نفوطي عليك هههه جندي الخفاء ههه

 

[ليليا مرام]

السلام عليكم

هههههه والله بلاد ميكي ما راحت ما جات. يعرفو الشعب غير نهار تقرب الحفلة اللي يعاودو يقسطو واش بقى فالشكارة بعد ما خلاااو لبلاد, كون حتى جاو يقسطو مع الشعب شويا نقولو معليش.

المهم ما تنساوش تفوطيو لخونا المترشح الذي لا يغلق تيليفونه هههههه << اطونسو برك تقولو او يديرلو في الدعاية
مشاهدة المرفق 62419

ملاحظة برك
وعلاه ما قلتوليش اللي ما يغلقش تلفونو يترشح كنت نرشح روحي راني غير ينوي يصوني نرد ههههه وسيسلونسيو نحس بيه راح يصوني نفهمو بعضانا من العينين ياه راحتلي والله وينتا يعاودو الفوط
ههههه عندك الحق الخلعة نتاع تلفون نزلاتك من الغاريتا وانا نقول واش نزل القناص من بلاصتو تكون حاجة كبيرة

 

[ha kh]

عليكم السلام
في مثل يقول عند حاجاتكم صيرو حرير
هذه عبارة عن مسرحية ليوهم الشعب انه انتخابات و هم اصحاب الرأي الحقيقة النواب معروفين كل ما كانت علاقتك قوية مع اللي فوق ضمنت المقعد اتسلو يومين ثلاث على ظهر الانتخابات

 

[Only me]

السلام عليكم

هههههه والله بلاد ميكي ما راحت ما جات. يعرفو الشعب غير نهار تقرب الحفلة اللي يعاودو يقسطو واش بقى فالشكارة بعد ما خلاااو لبلاد, كون حتى جاو يقسطو مع الشعب شويا نقولو معليش.

المهم ما تنساوش تفوطيو لخونا المترشح الذي لا يغلق تيليفونه هههههه << اطونسو برك تقولو او يديرلو في الدعاية
مشاهدة المرفق 62419

---------

ههههه أكيد لا يغلق هاتفه لكن كيما قال خويا مرات يروحلو الريزو برك ههههه
وكيما قالها خونا في الفيديو مانسوطيش ،، درت مواضيع ماعلقتوليش، كتب تعليق ماجمجمتوليش ،، مانسوطيش ههههه

 

[Only me]

السلام عليكمِ
العاجل والمهم انو خونا فتحي القناص نزل من الغاريتا وراه هنا تحية ليك صاحبة الموضوع عيينا نديرو فالمواضيع شابو ليك يا ختي خليتينا نشوفوه فموضوع ههههه ويرد
انا نفوطي عليك هههه جندي الخفاء ههه

وعليكم السلام
آآآه يا عفريتة ،، قلتي ماتديش مشرف هههههه
فوطي فوطي ،، تفكرت غنية المازوني ههههههه

 

[Only me]

ملاحظة برك
وعلاه ما قلتوليش اللي ما يغلقش تلفونو يترشح كنت نرشح روحي راني غير ينوي يصوني نرد ههههه وسيسلونسيو نحس بيه راح يصوني نفهمو بعضانا من العينين ياه راحتلي والله وينتا يعاودو الفوط
ههههه عندك الحق الخلعة نتاع تلفون نزلاتك من الغاريتا وانا نقول واش نزل القناص من بلاصتو تكون حاجة كبيرة

ههههه ماتخافيش ليليا كاين كاستينغ جديد غير أترشحي ونفوطي عليك ( كاستينغ مرت المدير هههههههه)

 

[Only me]

عليكم السلام
في مثل يقول عند حاجاتكم صيرو حرير
هذه عبارة عن مسرحية ليوهم الشعب انه انتخابات و هم اصحاب الرأي الحقيقة النواب معروفين كل ما كانت علاقتك قوية مع اللي فوق ضمنت المقعد اتسلو يومين ثلاث على ظهر الانتخابات

أكيد يا أختي ديما الأفلان لي تربح والناس تربح الكيوي والبنان

 

[ha kh]

أكيد يا أختي ديما الأفلان لي تربح والناس تربح الكيوي والبنان

الله يصطفل بالظالمين