ساعدوني في اختيار تخصصي ^^

[همس الوُرود]

السلام عليكم ورحمة الله وبركاته

بما أني أعتبركم عائلتي الثانية وددت أخذ آرائكم والإستماع إلى نصائحكم
لأختار التخصص المناسب لي

أول مرة في جامعتنا يعملوا تخصصات للسنة الثانية في البيولوجيا

أمامي بطاقة الإختيارات نحو 3 تخصصات

- علوم طبيعية وقالو لنا أنها في السنة الثالثة تصبح "Bio chimie"
-بيئة ومحيط والتي تبقى كما هي في السنة الثالثة"ecology"
- بيوتكنلوجيا والتي تصبح في السنة الثالثة "Bio végétale"

إخوتي أرجو من يعرف هاته التخصصات وما فيها يخبرني بإيجابياتها وسلبياتها

وبارك الله فيكم مسبقا​

 

[همس الوُرود]

أختي زكية أتمنى أن تكوني بخير ^^

أرجو أن تفيديني عزيزتي بما تعلمين ,, @حروف تائهة

كما أرجو إفادتي من كل شخص لديه معلومات على هاته التخصصات

" فضلا وليس أمرا"
​

 

[فيتامين سي]

للرفع

 

[همس الوُرود]

للرفع

Hhhhhhh

 

[Only me]

والله يا أختي أنا لا علاقة مع هاذ الدومان لكن أعتقد أنو أحسن شيء بيوشيمي :p
والله ولي التوفيق ​

 

[أم أُنٌَيسة]

السلام عليكم ورحمة الله تعالى وبركاته
بوجد هدا :
ملتقى طلبة البيولوجيا...كل مايخص تخصص البيولوجيا​

 

[آمِيْرَتُه]

السلام عليك
ربي يوفقك ونظن انت ادرى منا في التخصص نظن "Bio chimie" احسن

 

[ميمي مرام]

ربي يوفقك أخيتي و اتمنى من الاخوات لي عندها معلومات عن النخصصات كلها يفيدوك بالتوفيق ان شاء الرحمان...

 

[Hakan]

السلام عليكم
انا كنصيحة مني بما انو نقرى طب بيطري وفاتو علينا التخصصات هذو ولانو نعرف صحابي بزاف في بيولوجي
نقلك تخيري التخصص الاول :
لانو اوال يكون عندك لاشونس باش تدخلي لسلك التعليم كأستاذة علوم طبيعية او اذا كملتي ماستر تكوني استاذة بيوشيمي اللي ناقصين بزااف في الجامعات
او تعلمي مستقبلا في المخابر نتاع التحالل الطبية سواء الخاصة او في المستشفيات والله اعلم
كاينة الاخت @زهور الشوق تقدر تعاونك سلام ​

 

[ضآحكة مستبشرة]

السلام عليكم و رحمة الله

ختي عبير بما انو عندي من العائلة لي قراو بيوشيمي انا ننصحك بيه
لانو فيه حظوظ تقري بيه علوم و تخدمي في مخابر طبية و حتى في مصانع الدواء

و الله اعلم

 

[همس الوُرود]

والله يا أختي أنا لا علاقة مع هاذ الدومان لكن أعتقد أنو أحسن شيء بيوشيمي :p
والله ولي التوفيق ​

ههههه ماعليش أختي ربي يحفظك شكرا على النصيحة
بارك الله فيك​

 

[همس الوُرود]

السلام عليكم ورحمة الله تعالى وبركاته
بوجد هدا :
ملتقى طلبة البيولوجيا...كل مايخص تخصص البيولوجيا
​

وعليكم السلام ورحمة الله وبركاته

صح أختي طليت عليه بصح ماتحكيش على سبيسياليتي فوتوها 2 جامعي بدون تخصصات حنا تاني كنا بدون تخصصات ولكن دوك دخلوهم جدد​

 

[همس الوُرود]

السلام عليك
ربي يوفقك ونظن انت ادرى منا في التخصص نظن "Bio chimie" احسن

وعليكم السلام ورحمة الله وبركاته أختي
آمين يا رب وإياك حبيبتي ,, وي نعرف بيولوجي برك بيوشيمي بعد هادي الي مانعرفش إيكزاكت وش نقرا فيها ووو ربي يحفظك أختي
شكرا على النصيحة​

 

[همس الوُرود]

ربي يوفقك أخيتي و اتمنى من الاخوات لي عندها معلومات عن النخصصات كلها يفيدوك بالتوفيق ان شاء الرحمان...

آمييين يا رب وإياك عزيزتي ميمي
إن شاء الله يا رب ربي يهنيك حبيبتي​

 

[همس الوُرود]

السلام عليكم
انا كنصيحة مني بما انو نقرى طب بيطري وفاتو علينا التخصصات هذو ولانو نعرف صحابي بزاف في بيولوجي
نقلك تخيري التخصص الاول :
لانو اوال يكون عندك لاشونس باش تدخلي لسلك التعليم كأستاذة علوم طبيعية او اذا كملتي ماستر تكوني استاذة بيوشيمي اللي ناقصين بزااف في الجامعات
او تعلمي مستقبلا في المخابر نتاع التحالل الطبية سواء الخاصة او في المستشفيات والله اعلم
كاينة الاخت @زهور الشوق تقدر تعاونك سلام ​

وعليكم السلام ورحمة الله وبركاته أخي حكيم

وي صح نعرف وحدة قرات بيوشيمي راهي تدير ليزاناليز دوك مليح بصح خايفة فميلة يدوني ندير ليزاناليز على الما ماشي على العباد

وي أختي مريم إن شاء الله كيما نصحتيني وخديت رايك نروح بيولوجي زيدي نصحيني وين نروح دوك

بارك الله فيك خويا حكيم

أنا تاني نخمم فبيوشيمي الأولى وبيو فيجيتال التانية ,, إيه بيو فيجيتال ماعلاباليش وين تخرج
والإيكولوجي مش دايرتها كامل فبالي

بارك الله فيك​

 

[همس الوُرود]

السلام عليكم و رحمة الله

ختي عبير بما انو عندي من العائلة لي قراو بيوشيمي انا ننصحك بيه
لانو فيه حظوظ تقري بيه علوم و تخدمي في مخابر طبية و حتى في مصانع الدواء

و الله اعلم

وعليكم السلام ورحمة الله وبركاته
أهلا أختي أسماء نتمنى تكوني مليحة

بصح وش دارو بيها قوليلي سقسيهم وش قراو وش يقراو فيها إيكزاكت وكلش لكان تقدري ربي يحفظك أختي

ايه مليح عجبوني

ربي يحفظك أختي بورك فيك​

 

[zohor kfz]

ana na3rafhom kolhom
1 la biochimie
fiha 7fada ta7fad tadi w zid nas kolhom tay7in 3liha ya3ni raki 3arfa ida raki m3awla 3la khadma raham kaynin bzf w zidi majalatha ma7doda
ana 9rit ecologie animal wallahi toooooooooooooooooop akid ida ta3tamdi 3la lafhama w zid jatni 7aja 7aya ya3ni nokhrjo lbara namchiw les parques des animaux w tamchiw les oueds w les puits
ya3ni ida t7obi 7aja active diriha w zid falkhadma ta9adri tafat7i labo wa7adki
pr eco V
ana man7Abhach psk nta3 assa7 7faaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaada ta3 les escpeces
ya3ni botanique w twila chwaya
w nti rabi ysahalki w ida 7tajita ay 7aja rani hna

 

[ضآحكة مستبشرة]

عبور ختي وحدة فيهم كانت رح تخدم في تحليل الدم و صراولها ظروف و مخدمتش
و الاخرى كانت تقري فيزياء
اسمحيلي مكاش كيفاش نسقسيهم رآهم بعاد عليا حبيبة

 

[ميمي مرام]

آمييين يا رب وإياك عزيزتي ميمي
إن شاء الله يا رب ربي يهنيك حبيبتي​

امين يا رب تسلمي غاليتي​

 

[حروف تائهة]

السلام عليكم
كيف حالك اختي عبير
اعذريني لم تصلني إشارة في التنبيهات و لم أرى الموضوع بسبب دخولي القليل هذي الايام
بالنسبة للتخصصات انت لي تعرفي قدراتك و رغباتك اختاري لي يناسبك
راح نحكيلك شوي على كل تخصص بش تولي عندك فكرة
Biochimie هي التخصص لي انا فيه
أصعب تخصص فيهم راح تقراي على كلش يعني جميع التخصصات تقراوهم في هذا التخصص
لكن التركيز الاكبر راح يكون على النشاطات الحيوية لجسم الانسان على المستوى الجزيئي و الخلوي
هذا التخصص يحتاج صبر أيوب بصراحة لكن ايضا تخصص ممتع بالنسبة لي لاني لا احب النبات و لا البيئة ههه
اما مستقبلا هذا التخصص عنده افاق كبيرة و فرص العمل فيه أيضا واسعة يعني تقدري تخدمي في اكثر من مجال
Biovégétal تخصص اسهل من بيشيمي بقليل فقط لكن ايضا طلبة الvégétal يعانو من ضغط كبير جدا و تقريبا كل يوم عندهم tp و تعرفي تعب الtp
تقراو فيه كل ما يخص فيزيولوجيا النبات ايضا على المستوى الجزيئي و الخلوي
الجيد انو ماتقراوش حوايج تتعلق بتخصصات اخرى فقط علوم النبات و كل مايخصها