السلام عليكم خويا
ووعلاه تتهم فالحلزون انا نشوفو نقي وضارب فيها حطة ارواحلي للدود ماشي الحلزون
يا خويا وانا فهمت علاه نص الشعب يحب العفن والله مادراهم قضية نظافة يولف روحو يدوش ويخسر على عمرو ديودورون وطرف صابون ويغسل فمو ركزلي على فمو تقول ميت فيه فار عندو 10 سنين وعلاه قتلونا المشاعر فمرة نتفكرها فالكار حا قعد واحد قدامي مع انو حاسة الشم عندي ضعيفة معناهالازم ريحة قاوية بزاف باه نشمها قعد شوي يا خويا جثة منحلة فوق الارض ما فهمت داير ليكوش وما نحاهمش ما فهمتش مقبرة الراجل ماشي نورمال اموا عيطولو فالتلفون وفتح فمو يهدر وياااااا غبار يخرج منو واحد ريحة يظيروها فالقرع يخدمو بيها مخدر للفيلة فبن عكنون تغاشيت نضت قتلو اسمحلي خويا. عيطت للشوفور خويا حطني هنا لوتوروت الغابة. فلامازون هنا ننزل قالي ممنوع قتلو شوف حطني راني نموت يا بن عمي هذي كار والا باتواغ نتاع الفيران استنيتو يهدر ذاك السيد نعايرو نداء اللي يعرفو يخطفو ويبعثوه للحمام يسكن فيه سمانة وانا نخلص لوجه ربي
انا هذو العباد نعيفهم واذا عفت العبد وديت عليه نظرة انو مسخ لو يبدل جلدو ما نشوف فيه كل شي عندي الا النظافة
ربي يبعد عليا هذو الديدان
مشكور خويا صحا فطورك وكمل اكتب عجبتني مقدمة مقززة نتاع بصح قلبتلي ليسطومة ههههه