راح نتخلى عن احلامي ..فشلت

الحالة
مغلق ولا يسمح بالمزيد من الردود.

بنفسج

:: عضو بارز ::
أحباب اللمة
إنضم
12 نوفمبر 2015
المشاركات
1,975
نقاط التفاعل
6,215
النقاط
221
الجنس
أنثى
السلام عليكم

بلاك جامي شاركت فهااد القسم .. نقرا غير من بعيييد وبلاك نخلي دعوة ولا كلمة نوااسي بيهاا ..ديما نحب نخلي فقلبي
لكن بما انكم وليتو عايلتي الثانية قررت نكسر الرهبة ونجي نفرغ قلبي ..ولاول مرة
بيسك علابالي بيكم متبخلوش بالنصح..كيما اللمة بيتي الثاني انتوما خاوتي اللي جامي حلمت نقابلهم ونحبهم هااك ..لاني بصراحة بلغت حد الياس من العالم الخارجي ..الواقعي ..كرهت ...
بلاك مكانش لي ممرش بالمرحلة لي راني نمر بيهااا ..الباك قرب ..حاسة روحي منقدرش نجيبو ..فشلت بمعنى الكلمة ...فقدت توازني لي يخزر فياا نبكي ههه ولا واحد ميقربلي
غير اللمة نجي نحي فيهاا شوي هم ونضحك مع الخاوة ..اعلابالي بلي نقدر نجيب الباك وبمعدل مليح لكن الفشلة لي حكمتني درك تلفتلي كلش

زييد كملتها كي فتحت فيسبوك الفترة الاخيرة هاادي مع اني كنت ضدو ..وليت غير فيه ..بلوكيتو وشحال من مرة مي نعاود نرجع نفتحو ..مالقري معلاباليش واش عجبني فيه خخخ

الموهييم محتاجة نصايحكم دعمكم ...بلاك نقدر نرجع كيف كنت.. نرجع لاجتهاادي ...ممكن كلمة صغيرة تبدل مصيري ..ملقيتش لمن نحكي غيركم ..اصدقاء مكانش غير نتاع المصلحة ..انا الكبيرة في البيت يعطي هوما يستمدو مني القوة ..ملقيت غير انتومااا
دعييت لربي بزااف باش نرجع ..لكن حاسة حاجة بياا ماتت معرف شني هي

بانتظاركم
 
السلام عليكم صحا فطورك ختي كارلا ومرحبا بيك وان شااء الله تكوني بخير
كامل كااااامل واسمعيني كااااامل مرينا على واش مريتي واغلبنا اعلنا الاستسلام التام في الباكالوريا يعني كي لحقت
لكن هذا ما منعش انو ما نجيبوش الباك او نفكرو انو ما نجيبوهش
الحاجة الوحيدة اللي لازم تكون في ذهنك هته الايام انو لازم تقولي لنفسك انو ما بقاش وترتاحي وتكونيكتي في اللمة
انت ما عندك ماديري باخ لماوي او اخت لماوية او حنا ما عندنا مانديرو بيك اذا كنت محطمة او ضيعتي نفسك على جالنا
ما نحبوش نشوفوك في حالة سيئة او ماكيش ناجحة في الباك نتفكر برك الاخت عبير @Twinkle Stars كي كانت تبكي ليلو ونهار
على جال الباك ممكن كان متكتوبها واكيد كل شيء مكتوب لكن هذا لا يمنع انو نشجعوك باش تجيبي الباك
ماشاء الله غبتي علينا مدة طويلة استعدادا لهذا اليوم وكاخ لماوي نقلك ما تخليش هذيك المدة اللي توحشناك فيها تروح هباءا منثورا وان شااء الله نسمعو عليك انباء تفرح
وتجيبي الباك ولو بمعدل 10 المهم تفرحي ومن بعد الاحلام ماهيش هاربة مادامك مازالك على قيد الحياة
بالتوفيق خيتو سلام
 
السلام عليكم ورحمة الله وبركاته

أختي نقولك حاجة على قد القلق تاعك والخوف رايحة تنجحي بإذن الله
أنا فالباك تاعي الأول كنت ولا يهمني بقات سمانة للباك وأنا نقوللهم نورماال نجيب الباك وش حاسبينو هدا صدقيني ماقريتلوش خلاااص
ومنجحتش للأسف لأني استخفيت بيه وديت 9.63 واقيلا المهم ف 9 وحاجة كيما هكا المهم تعرفي فوتت عام الثاني غير ألم غابت عليا البسمة خلاص
وكيما قالك خويا حكيم وهو يعرف وأغلب اللمة تعرف شحال كنت نتألم ونهبل فيهم ههههه
ولكن الحمد لله فالأخير كلش يهون وتنجحي وتفرحي وتولي تضحكي على أيامك لابروف كي شفت الإشارة بلي تحكي على الباك نضت نضحك والله
شوفي أختي كاينة حاجة حلوة فالباك هي التعب الي تتعبيه صدقيني على قد ماتتعبي على قد ماتحلى الفرحة ممبعد
وكاين وحد الناس وقفو معايا صح وكي نقولك فالعامين وحد الحاجة أثرت عليا بزاااااف وهزتني خلاتني نحارب صح على الباك
هي دوك نديرهالك بين قوسين كانت موجهة ليا العام الماضي واليوم نوجهها ليك " شوفي حبسي اللمة دوك أغلقيها وأرمي عليك النت ضربة وحدة واش الباك هدا دوك يحطم فيك أنتي كيما هكا؟؟ روحي أحكمي ورقة وستيلو دوووك وأحرقي الورقة هاي ليك حاربي الباك برهني للناس شكون أنتي كارلا أنتي كارلا ايه بينيلهم أنتي بالذات شكون ماتطلقيش الستيلو والورقة أقراي أقراي أقرااااي وأقراي مايهمش حاربي نوضي أفطني دوك والباك بإذن الله تديه ماتبكي ما والو أختي هاي ليك فرغي زعافك فالقراية وحاربي نفسك والباك وبيني لنفسك قبل الناس شكون نتي"

تعرفي أنا هذا الكلام كي قالوهولي بطريقة تع حبو يخبطوني صح تع حبو يفطنوني بطريقة حماسية فطنتني صح وبقيت نقرا نقرا
والحمد لله معدلي جبتو 13.44

وكش ماتحتاجي أسئلة راني هنا أختي

ونهار النتائج نتلاقاو حبيبتي وأنتي تضحكي على حزنك هذا وقولي قالت عبير :giggle:
 
السلام عليكم صحا فطورك ختي كارلا ومرحبا بيك وان شااء الله تكوني بخير
كامل كااااامل واسمعيني كااااامل مرينا على واش مريتي واغلبنا اعلنا الاستسلام التام في الباكالوريا يعني كي لحقت
لكن هذا ما منعش انو ما نجيبوش الباك او نفكرو انو ما نجيبوهش
الحاجة الوحيدة اللي لازم تكون في ذهنك هته الايام انو لازم تقولي لنفسك انو ما بقاش وترتاحي وتكونيكتي في اللمة
انت ما عندك ماديري باخ لماوي او اخت لماوية او حنا ما عندنا مانديرو بيك اذا كنت محطمة او ضيعتي نفسك على جالنا
ما نحبوش نشوفوك في حالة سيئة او ماكيش ناجحة في الباك نتفكر برك الاخت عبير @Twinkle Stars كي كانت تبكي ليلو ونهار
على جال الباك ممكن كان متكتوبها واكيد كل شيء مكتوب لكن هذا لا يمنع انو نشجعوك باش تجيبي الباك
ماشاء الله غبتي علينا مدة طويلة استعدادا لهذا اليوم وكاخ لماوي نقلك ما تخليش هذيك المدة اللي توحشناك فيها تروح هباءا منثورا وان شااء الله نسمعو عليك انباء تفرح
وتجيبي الباك ولو بمعدل 10 المهم تفرحي ومن بعد الاحلام ماهيش هاربة مادامك مازالك على قيد الحياة
بالتوفيق خيتو سلام
اهلا خويا حكيم الله يسلمك انت زاادة صحاا فطورك
وهادا لي خلاني نكتب الموضوع اني خااايفة داك التعب نتاع العااام قااع يروح درك علاجال احباااط حكمني فجااة
بدون مقدماات ..وبلا سبة بااينة ..مالقري الحمد لله كلشي متوفر

ان شاء الله تكون مجرد كبوة حصاان ..راح نحاول نوقف على رجلياا من جديييد ونرجع لنشااطي ..
نرجع كيماا كنت ..
انا لي راهي مخوفتني هياا الناس كامل غير تستنا فياا وفنتيجتي بيسك كامل يعرفو بلي نقرااا مليح
ووالدياا حاطين كامل امااالهم فياا ..اااه احسااس كبير بالمسؤؤلية مع الخوف ...
ربي يستر
شكرااا خوياا حكيمو ربي يحفظك على كلماااتك
تحيااتي
 
  • أعجبني
التفاعلات: Hakan
السلام عليكم ورحمة الله وبركاته

أختي نقولك حاجة على قد القلق تاعك والخوف رايحة تنجحي بإذن الله
أنا فالباك تاعي الأول كنت ولا يهمني بقات سمانة للباك وأنا نقوللهم نورماال نجيب الباك وش حاسبينو هدا صدقيني ماقريتلوش خلاااص
ومنجحتش للأسف لأني استخفيت بيه وديت 9.63 واقيلا المهم ف 9 وحاجة كيما هكا المهم تعرفي فوتت عام الثاني غير ألم غابت عليا البسمة خلاص
وكيما قالك خويا حكيم وهو يعرف وأغلب اللمة تعرف شحال كنت نتألم ونهبل فيهم ههههه
ولكن الحمد لله فالأخير كلش يهون وتنجحي وتفرحي وتولي تضحكي على أيامك لابروف كي شفت الإشارة بلي تحكي على الباك نضت نضحك والله
شوفي أختي كاينة حاجة حلوة فالباك هي التعب الي تتعبيه صدقيني على قد ماتتعبي على قد ماتحلى الفرحة ممبعد
وكاين وحد الناس وقفو معايا صح وكي نقولك فالعامين وحد الحاجة أثرت عليا بزاااااف وهزتني خلاتني نحارب صح على الباك
هي دوك نديرهالك بين قوسين كانت موجهة ليا العام الماضي واليوم نوجهها ليك " شوفي حبسي اللمة دوك أغلقيها وأرمي عليك النت ضربة وحدة واش الباك هدا دوك يحطم فيك أنتي كيما هكا؟؟ روحي أحكمي ورقة وستيلو دوووك وأحرقي الورقة هاي ليك حاربي الباك برهني للناس شكون أنتي كارلا أنتي كارلا ايه بينيلهم أنتي بالذات شكون ماتطلقيش الستيلو والورقة أقراي أقراي أقرااااي وأقراي مايهمش حاربي نوضي أفطني دوك والباك بإذن الله تديه ماتبكي ما والو أختي هاي ليك فرغي زعافك فالقراية وحاربي نفسك والباك وبيني لنفسك قبل الناس شكون نتي"

تعرفي أنا هذا الكلام كي قالوهولي بطريقة تع حبو يخبطوني صح تع حبو يفطنوني بطريقة حماسية فطنتني صح وبقيت نقرا نقرا
والحمد لله معدلي جبتو 13.44

وكش ماتحتاجي أسئلة راني هنا أختي

ونهار النتائج نتلاقاو حبيبتي وأنتي تضحكي على حزنك هذا وقولي قالت عبير :giggle:
وعليك السلام
اهلا عبيير
متامنيش وشحااال حفزتييني ...رجعتيلي شوي امل خيتي ربي يحفضك
ملقيت واااش نقول ربي يعطيك ماتتمناااي
شوفي حبسي اللمة دوك أغلقيها وأرمي عليك النت ضربة وحدة واش الباك هدا دوك يحطم فيك أنتي كيما هكا؟؟ روحي أحكمي ورقة وستيلو دوووك وأحرقي الورقة هاي ليك حاربي الباك برهني للناس شكون أنتي كارلا أنتي كارلا ايه بينيلهم أنتي بالذات شكون ماتطلقيش الستيلو والورقة أقراي أقراي أقرااااي وأقراي مايهمش حاربي نوضي أفطني دوك والباك بإذن الله تديه ماتبكي ما والو أختي هاي ليك فرغي زعافك فالقراية وحاربي نفسك والباك وبيني لنفسك قبل الناس شكون نتي


وهادا لي رح نديرو باذن الله

شكرااا لك
تحيااتي
 
السلام عليكم
جيبولي عصا نعطيها طريحة لهاد المخلوقة ههههه، غير نضحك وصح فطورك كارليتا
شوفي ختي ماتخلعي ماتفجعي روحك خاطر انا راني عندي في الدار كارثة كتر عليك ختي الصغيرة العام لي فات
كي جوزت الباك صدقيني كارثة، جابتها بالاك شهرين قبل الباك غير بكا والكلمة المعهودة "انا مانديش الباك"
وزيد الباكالوريا عداتو بكاوات وورا الباكالوريا بكاوات هههه حتى للنتائج، خاطر مشكلتها ماعندهاش ثقة في نفسها
وتخلع، خاطر هادي ماش اول مرة حتى في شهادة التعليم المتوسط ودارت هكا، يعني حبيت نفهمك بلي الخلعة والقلق هادا طبيعي
ماتزيديش توسوسي روحك وماتفشليش، مابقاش وقت للفشل هاد الفترة لي بقات هي الحاسمة، قوليلي واش خصك باه
بنات خلاف يريفيزيو نورمال وهوما ماش اهل حتى للمراجعة ونتي لي قارية وواعية ماشاء الله تتعطلي وتفشلي؟ لالا ختي
كوني قوية كيما عرفناك وكامل نمرو بمرحلة فشل والله ماش غير نتي، امتحانات عادية وتصرالنا حالة نفسية كيما تاعك وين
الباكالوريا لي الاسم تاعو وحدو يخلع قداه من تلميذ، وزيد من المفروض تبروفيتي من هاد الشهر الفضيل خاطر ماكانش
فيه شياطين لي توسوسك يعني شهر الرحمة يزيد يعطيك عزيمة، وانا نوافق الخاوة قبلي واش قالو، كيما قاتلك عبير لازمك تتحداي نفسك
اقعدي وحدك في غرفة واحكي مع نفسك صدقيني طريقة فعالة بزاف، قولي لنفسك واش خاصني باه مانقراش؟ علابالك بلي
كاين معاقين حركيا وكاين لي عميان وراهم يجوزو في الباك ويجهزولو وانا لي قادرة من كل النواحي واش خصني؟ اتحداي نفسك وواجهيها
وكيم اقالك خويا حكيم اذا كانت اللمة والنت هي السبب حنا نفرحو صح كي نشوفوك بيناتنا بصح مادابينا تكوني ناجحة
هيا اقفزي كيما عرفناك وماتخيبيش املنا، ابذلي جهدك وخلي الباقي على ربي سبحانو، ومازال مامات فيك والو نحي هاد الفكرة من راسك
الوقت مازال قدامك ونتي عندك كامل المؤهلات مالا شدي الهمة وازدمي وماتخافيش رانا معاك بالدعوات
وربي ينجحك ان شاء الله ويفرحك وتفرحي والديك يارب
بالتوفيق عزيزتي
 
أهلا اختي
الأمر اللي راكي تمري بيه وقع مع أغلب التلاميذ
و كأنه نوع من ردة الفعل عن الضغط النفسي
لكن لازم تكوني عاقلة و تاخذي نفس و ترتبي امورك من جديد
و ما زال الوقت
و أي استشارة راني هنا و نقدر نتابع معاك الأمر حتى نسمع بالربحة نتاعك في الباك
 
شكرا غاليتي لؤلؤة على كرم مرورك كنت متوقعة نلقاك هنا ههه ربي يخليلك
طيبتك غاليتي
شكرا اخي الامين محمد على مرورك ايضاا
شكرا لكل من مرة هناا وترك دعوة مااا ...او قرا ورحل في صمت
اشعر بتحسن والحمد لله
تحياتي
 
ربي معاك حبيبتي مابقاش قد لي فات اسبوع وتتهناي ان شاء الله
كوني قوية كما عهدناكِ ودعواتنا راهي معاك
بالتوفيق حبيبتي :kiss:
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top