صور من تصميمي..

[Snow pink]

Hello guys... How are you.. انا عجبتني فكرة التصميم وجربتها رح نشارككم بالصور الي صممتها وأعطوني رأيكم ...
..ملاحضة... صور الخرائط قمت بتصويرها شخصيا ثم ركبت عليها بقية الصور التي سترونها .... تفضلو... ماتحرموناش من تعليقاتكم عاد ...OK
....# الصورة الأولى ذات طابع ديني سياسي...

....# الصورة الثانية ذات طابع سياسي ..

 

[aymen-mans]

وعليكم السلام ورحمة الله ..
احيي فيك حماسك وهوسك الجميل بالتصميم اختي
اعجبتني فكرتك ومتابع لجديد تصاميمك
كل التوفيق .

 

[طائر الخير]

و عليكم السلام و رحمة الله

بداية موفقة اختاه و التصميم الاول فكرته غاية في الروعة حقيقة
فقط كملاحظة صغيييرة نتمنى في مواضيعك القادمة لو تعطينا البرنامج المستخدم و الملحقات كذلك الوقت المستغرق في التصميم ان امكن
لان شكل الموضوع و طريقة الطرح جزء من عملية التصميم كذلك
في انتظار جديد تصاميمك اختاه

مزيد من التالق و الابداع في المستقبل ان شاء الله
في امان الله
​

 

[ريحـان]

الله يبارك
تصميمات جميلة
برك لو تعطينا الملحقات
تسلم ايديك
في انتظار جديدك

 

[Mårőųā Řāhïł]

ماشاء الله تصميمات روعة سلمت يداك

 

[Snow pink]

أوووو ....thankyou very much guys .... I'm very happy realy ....فرحانه لإن تصميماتي عجبتكم وان شاء الله رح نزيد نحط تصميمات جديدة لأن كلامكم شجعني لدرجة متتوقعهاش ..... بالنسبة للملحقات ممكن تشرحولي أكثر كفاه نضيفها وش لازم نضيف بالضبط لو سمحتو ....

 

[Snow pink]

... بالنسبة للبرنامج إلي إستخدمتو هو برنامج ...text grame...هذا الرابط إلي يحب يحملو ...Codeadore... أما الوقت الكلي المستغرق في تصوير الخرائط والتركيب والتعديل فهو لا يتجاوز 15 دقيقة ....وربما أقل .... فكرة الصور من عندي أيضا غير مقتبسة .... والملحقات بصراحه منعرفش وش هم ممكن توضحولي بش نضيفهم .... وشكرا لدعمكم وتشجيعكم

 

[طائر الخير]

... بالنسبة للبرنامج إلي إستخدمتو هو برنامج ...text grame...هذا الرابط إلي يحب يحملو ...Codeadore... أما الوقت الكلي المستغرق في تصوير الخرائط والتركيب والتعديل فهو لا يتجاوز 15 دقيقة ....وربما أقل .... فكرة الصور من عندي أيضا غير مقتبسة .... والملحقات بصراحه منعرفش وش هم ممكن توضحولي بش نضيفهم .... وشكرا لدعمكم وتشجيعكم

الف شكر اختي العزيزة على التوضيح
و بالنسبة لاسئلتك اخترتك موضوع من المواضيع كي تاخذي فكرة عن طريقة الطرح

في التلاعب بالصور و الدمج Another Friendship

كيما رح تلاحظي في مزضزع الاخ رشدي
التحية بعدها طرح فكرة التصميم و بعدها المدة و الملحقات (و المقصود بالملحقات هو الخطوط و الفرش و الخامات المستعملة في التصميم)
وبعدها قام بعرض التصميم النهائي و كان هذا الكل باختصار و زاد التشويق لرؤية التصميم النهائي
موفقة اختي العزيزة
و اسعدني انو كلامنا شجعك واصلي العمل الجيد و رح نكونوا كامل هنا للدعم و النصح و التشجيع ان شاء الله

في امان الله
​

 

[Snow pink]

.... أيوه خويا فهمت شكرا جزيلا على النصائح ....thanks

 

[acher.dz]

جميل ..

 

[Snow pink]

Thanks ...acher

 

[Snow pink]

@ السلام عليكم ناس اللمة @ وش راكم كامل .... إن شاء الله بخير .... أنا شفت بلي أول تجربة ليا في التصميم عجبتكم كثير ... وبفضل تشجيعكم ليا وتحميسكم ... رح نصمم أكثر ونعرضلكم تصاميمي في هذا الموضوع ان شاء الله قريبا .... أرجو ألا تحرموني من متابعتكم وأرائكم ....ok

 

[Snow pink]

~Hello guys ~ ....وش راكم ishallah nice كامل...كيما وعدتكم أمس قلتلكم رح نشارككم بمزيد من تصاميمي وفعلا راني جبتلكم مجموعه جديدة من التصاميم .... الكل تدور حول فكرة واحد ... وهي فكرة الرسوم المتحركة إلي كامل تبعناها في صغرنا .... ولدرك مازال نتبعو فيهم كيما أنا هههه ^_^... بش نتفكرو أيام كنا في الإبتدائي وكان كل حوارنا حول الرسوم المتحركه إلي نتابعو فيهم .... المهم خاوتي منطولش عليكم الكلام ....
البرنامج المستخدم :تراكبات صور
المدة المستغرقة : حوالي 7دقائق لكل تصميم
الصور المستعمله : العديد من صور الشخصيات الكرتونية .... وهي صور كثيرة مش رح نحطهم كامل رح نحطلكم بعض منهم فقط ...

.... ولأن نخليكم مع التصاميم ان شاء الله تعجبكم .... ومتنسوش تعطوني أراءكم وتعليقاتكم .... وإرشاداتكم للتحسن أكثر إن شاء الله .... تفضلو هذه التصاميم ...

نتمنى تكون التصاميم عجبتكم ...and coming soon ان شاء الله رح نحط المزيد .... في أمان الله أصحابي.. ^_^...

 

[طائر الخير]

السلام عليكم

يعطيك الصحة اختي سنو بينك على التصاميم
الثاني و الثالث ملاح مي الاول لوكان دمجتي االصور فوق خط الافق تاع الخلفية يعني في السماء تاع صورة الخلفية كانت تخرج روووعة
راكي في الطريق الصحيح و واصلي بهاد النشاط و ان شاء الله بعد مدة قصيرة رح تولي مصممة فووور باذن الله
واصلي ولا تفاصلي و في انتظار جديدك

مزيد من التالق و الابداع في المستقبل ان شاء الله
و في امان الله
​

 

[Snow pink]

وعليكم السلام ورحمة الله خويا .... شكرا جزيلا على تنويرك الموضوع ^_^.... فرحانه كثييير إنهم عجبوك التصاميم .... وراني حطيت إرشاداتك ونصائحك في عين الإعتبار والمره الجايه إن شاء الله رح نحاول نطبقهم في التصاميم إلي بش نقوم بيهم .... # إنت معلم وإحنا منك نتعلم ... ^_^.... في أمان الله أخي

 

[Snow pink]

...........

 

[Snow pink]

... السلام عليكم ورحمة الله .... كيف حال أهل اللمة ... إن شاء الله لاباس كامل ...^_^.... وش راكم مع تحضيرات العيد ...
... اليوم جبتلكم مجموعه جديدة من التصاميم تدور حول نفس موضوع التصاميم السابقه وهو موضوع الرسوم المتحركه بش ناس اللمه لكبار شوي (تقريبا أكبر من 25سنه ) يتفكرو صغرهم وإلي أقل منهم كيما أنا (18سنة وأقل )يتفكرو السنين القليلة الماضية إلي كنا نتبعو فيهم غير رسوم متحركه فقط ... المهم منطولش عليكم بالثرثرة ههههه .... تفضلو التصاميم نتمنى تعجبكم .... وكثفو التعليقات والأراء ...^_^..
بالنسبة للمده والملحقات والتطبيق : نفس المستعملة في التصميمات السابقه (تصميمات الرسوم المتحركه )
مشاهدة المرفق 65039
مشاهدة المرفق 65054 مشاهدة المرفق 65055

 

[يونس قاسم]

جميل حقا
اعجبني تفكيرك و تصميمك
واصلي بالتوفيق

 

[طائر الخير]

السلام عليكم

رجعت المصممة تاعنا الله يبارك
عجبني التصميم الثاني هو احسنهم

الاول مليح مي عملية قص الصورة الاساسية ما كانتش موفقة .... لازمي تصبري مع عملية القص اكثر .... باين تفنينتي و حبتي تكملي ليه ليه ههههههه

و ملاحظة عامة حاولي في المرات القادمة تختاري صور اكثر جودة باه ما يبانوش العيوب في التصميم كيما صرا لصورة المحقق كونان في التصميم الثاني ولاو يبانو المربعات هادوك(البيكسلز) و نفس الشيء في صورة ستوروبري شورت كيك في التصميم الاخير

واصلي يعطيك الصحة راكي في الطريق الصحيح
و لازمك تديري محاولة ولا زوج بالفوتوشوب

مزيد من التالق و الابداع في المستقبل ان شاء الله
في امان الله
​

 

[Snow pink]

جميل حقا
اعجبني تفكيرك و تصميمك
واصلي بالتوفيق

.... شكرا جزيلا لك خويا يونس على تشجيعك ودعمك هذا يعني ليا الكثير حقا ... ومسرووورة إنو عجبوك التصاميم وإنت باين من صورتك الرمزية تحب الإنمي والكرتون أليس كذلك ... مثلي أنا هههه ....منور الموضوع خويا ^_^