ملتَقآنَآ للمُـــــــــــــــرآجعَة النهَآئيَة لِطلآب البكالوريا -2017-

[*amani*]

هههههه مليح بالتوفيق ان شاء الله

 

[ضآحكة مستبشرة]

يآ رب العالمين اجمعين

 

[Mårőųā Řāhïł]

يا درا كي درتو

 

[ضآحكة مستبشرة]

رآنا تاكلين على ربي سبحانوا

 

[aymen-mans]

وعليكم السلام ورحمة الله وبركاته
الحمد لله بخير وعافية / السؤال عليك

نصيحتي ان تباشروا في حل البكالوريات السابقة احبتي
اعانكم الله ونحن هنا في الخدمة ان شا الله

 

[Mårőųā Řāhïł]

مادابيكم اذا عندكم مواضيع فلسفة من 2008_2016 غدوة حطوهم قدامكم وخبروني نقوليكم على واحد الحاجة لفتت انتباهي

 

[MAROUA HAIBER]

واش هي الحاجة هاذي مروة رحيل قولي قولي
وجماعة انا لغات اجنبية بغيت مقالاات الفلسفة المتوقعة

 

[ضآحكة مستبشرة]

وعليكم السلام ورحمة الله وبركاته
الحمد لله بخير وعافية / السؤال عليك

نصيحتي ان تباشروا في حل البكالوريات السابقة احبتي
اعانكم الله ونحن هنا في الخدمة ان شا الله

إن شاء الله أخي بارك الله فيك وجزاك الله خيرا
انت أستاذ ؟؟

 

[sosobibicha]

السلام عليكم
بالتوفيق للجميع ^^​

 

[ضآحكة مستبشرة]

مادابيكم اذا عندكم مواضيع فلسفة من 2008_2016 غدوة حطوهم قدامكم وخبروني نقوليكم على واحد الحاجة لفتت انتباهي

لا قوليلنا مكاش وين نحطوهم هيا حبيبتي

 

[ضآحكة مستبشرة]

السلام عليكم
بالتوفيق للجميع ^^​

و عليكم السلام و رحمة الله
و لك بالمثل حبيبتي

 

[ضآحكة مستبشرة]

@MAROUA HAIBER ختي وين راكي في المراجعة ؟؟

 

[MAROUA HAIBER]

@MAROUA HAIBER ختي وين راكي في المراجعة ؟؟

أهلا الزينة
بالنسبة للغة العربية حفظت أمور التقويم النقدي : تعريف المقال و القصة و تطورها و المسرح لأنو أنا إن شاء الله غندير النص النثري
بالنسبة للرياضيات راني نقرا فالدوال ونخلط هههههه
والفرنسية ماطليتش عليها عام كامبلي والله بيسك الأسئلة جينا غير من النص
مازالي: قواعد اللغة العربية والاجتماعيات وش حفظت كامل نسيت راني رايحة نعاود
بالنسبة للفلسفة حفظت البارح غير الأدلة و الأقوال ديال الفلاسفة باسكو الطريقة باينة و الموضوع راني معولة ندير على فهامتي نعبر و نخلط هههه
والله راني متهورة وانت كشما خصك كشما حصلتي راني هنا

 

[ضآحكة مستبشرة]

إن شاء الله حبيبتي يعطيك الصحة
انا الفلسفة كملت رآني نراجع مزالي المصطلحات و لشخصيات و التاريخ و الادب نزيد نراجع و الشريعة ههههه قولي مزال كلشي
ربي يوفقك حبيبة
بارك الله فيك

 

[MAROUA HAIBER]

إن شاء الله حبيبتي يعطيك الصحة
انا الفلسفة كملت رآني نراجع مزالي المصطلحات و لشخصيات و التاريخ و الادب نزيد نراجع و الشريعة ههههه قولي مزال كلشي
ربي يوفقك حبيبة
بارك الله فيك

الله يسلمك و فيك بركة حبيبة
تقدري تقولي رانا كيف كيف بيسك انا راجعت غير اللي قتلك سيتو
اسمعي كاينة وحد الطريقة وهي قصة بالدارجة على مصطلحات و تواريخ الثورة فالتاريخ هايلة
درك نبعثهالك لقيتها في فيسبوك ماما

 

[ضآحكة مستبشرة]

الله يسلمك و فيك بركة حبيبة
تقدري تقولي رانا كيف كيف بيسك انا راجعت غير اللي قتلك سيتو
اسمعي كاينة وحد الطريقة وهي قصة بالدارجة على مصطلحات و تواريخ الثورة فالتاريخ هايلة
درك نبعثهالك لقيتها في فيسبوك ماما

اوك حبيبة ابعثيهالي نشوفها
ربي يحفظك حبيبتي و إن شاء الله تنجحي
واش حابة تقراي بعد الباك ان شاء الله

 

[MAROUA HAIBER]

ملخص الوحدة الثانية فالتاريخ باللهجة الجزائرية
القصة عبارة عن مراجعة شاركوا مع أصدقاءكم 1 ... لي فهمها مبروك عليه الباك

الوحدة 2 (الجزائر بين 1945 و 1989 )
مور ما دخلت فرنسا للدزاير و صراو مقاومات شعبية و حركات تحررية ما فادوش باش يخرجو الاستعمار و لحق عام 1945 و واحد ماراو سامع بالثورة ديالنا
و فرنسا مازالها دايرة رايها فالشعب الجزائري خاصة مجازر 8 ماي 45 اللي زادت قنعت الدزيريين باش يديرو ثورة عالمستعمر
بدات الخدمةو تاسست المنظمة الخاصة في فيفري 47 و زادت موراها حركة انتصار الحرويات الديمقراطية في 1950 و بدات ريحة الثورة تطلع و المجاهدين بداو يحسولها
و هنا دارو لجنة ثورية للوحدة و العمل 23 مارس 1954 و بداو يتلاقاو و يتفاهمو وقتاش تندلع الثورة و دارو بيان 1 نوفمبر اللي كتبو بوضياف محمد.
لكن الواحد بش يدير ثورة ناجحة مشي ساهل و لازم الشعب يوقف معاه
و هنا في 1 نوفمبر مور ما إنطلقت اول رصاصة فالاوراس (خيرو الاوراس لانها منطقة واعرة عالمستعر و الدزيريين يعرفوها مليح) هنا سرباو بيان نوفمبر اللي يشرح فيه سبب الثورة و النتائج ديالها و في نفس الوقت دارو بث في إذاعة صوت العرب المصرية باش يفهمو العرب وش راو صاري
في هاد اليامات اللولين تاع الثورة الدزيريين ماكانتش عندهم القوة و الخبرة الكافية علابيها إعتامدو سياسة الكر و الفر بالعربية اضرب و اهرب و دارو جيش على الحدود الجزئرية و بداو العمل الفدائي (يفجرو رواحهم في وسط الفرنسيين و يخربو وسائل النقل و بدات الحالة تتوسع حتى لحقت لداخل فرنسا
و مع كامل هاد الحوايج اللي صراو فرنسا ما بقاتش قاعدة و مربعة يديها
مام هي دارت ردت فعل و حاصرت كامل الاوراس باش تحبس الثورة
هنا زيغود يوسف جاتو فكرة باش يدير جاست تخلي فرنسا تبعد على الاوراس و داو ما يسمى هجومات الشمال القسنطيني 20 اوت 1955 في نص النهار باش يبين بلي الجزائريين واعرين
و جات كرد فعل لمشروع سوستيل و اعتقال مصطفى بن بولعيد و رابح بيطاط و قتلهم لديدوش مراد احد قادة الثورة
و جات هاد الهجومات مع اجتماع هية الامم و اصبحت الجزائر قضية دولية( تم تدويل القضية الجزائرية في هيئة ألأمم في دورتها 10
و الشعب زاد وقف مع الثوار و عاونهم و الحصار تنحا على الاوراس لكن للاسف إستشهد 1500 جزائري
جازو عامين و الجزايريين مازالهم مكروشيين مع فرنسا
مي الثورة خصها تنظيم (التنظيم المؤسساتي ) و هادا اللي داروه فمؤتمر الصومام20 اوت 1956 في بجاية و حكاو فيه على العامين اللي جازو وقسمو فيه البلاد إلى ست ولايات و دارو جيش منظم و بقات جماعة 3 (الوفد الخارجي ) تخدم على برا
و تم تشكيل الحكومة المؤقتة 19 سبتمبر 1958 رئيسها فرحات عباس
و بداو الاضرابات (إضراب 8 ايام) و المظاهرات (17 اكتوبر 1961 ف فرنسا )
هنا فرنسا داقتلها و اختاطفت الوفد الخارجي في 22 اكتوبر 1956
و بدا تعديب الجزايريين و إنشاء مناطق محرمة و محتشدات
و زادت شاركت في العدوان الثلاثي على مصر (حكاية العدوان الثلاثي بدات كي امم رئيس مصر جمال عبد الناصر قناة السويس اللي كانت بريطانيا حابَ تديها و دارت هي و إسرائيل عدوان على مصر خاطر كانت تابعة للإتحاد السوفياتي و فرنسا عاونتهم)
و كذا إقامت خطي شال و موريس (و هو عملية غلق الحدود الجزارية الشرقية و الغربية باسلاك شائكة و مكهربة و زرع الالغام
و بدات فرنسا تضاعف فالقوة ديالها و تتبع في سياسة القمع و التجويع و هكذا و الجزايريين بقاو صامدين و فرنسا حبت تجبدهم ليها (سياسة الاغراء) بداتها بمشروع قسنطينة اللي فيه 400 الف خدمة و250 الف سكنة و 255 الف مورصو تراب و دخل ثلثي الدراري الجزايريين يقراو ( مي قرايتهم تكون بالفرنسية و يقراو تاريخ فرنسا و يتعلمو المسيحية ... يعني بالعربية حبت تقضي على الهوية الوطنية) و إذا صرا و قبلو الجزايريين بهاد المشروع تتسمى الثورة ب ثورة الجياع و الجزايريين رفضوها رفض تااااااااااام مي كاين شي ناس حركة قبلو و ولاو خدامين عند فرنسا و زعما يمثلو الجزايريين على برا
و هنا الجنرال الفرنسي ديغول قالهم نديرو سلم الشجعان 23 اكتوبر 1958(الثوار يحبطو م الجبال و فرنسا تسامحهم و هدا باش يمزق صفوف الثوار مي ما صدقتلوش
زاد دار مشروع تقرير المصير 19 سبتمبر 1959 و فيه يحبس القتال و يديرو استفتاء على 4 سنين باش يشوفو ادا يبقاو الجزايريين مع فرنسا ولا ينفاصلو عليها ولا يبقاو تابعين ليها برك و يحكمو وحدهم .......مام هاد المشروع مافادوش مسكين ههههه
و راحت دات الصحراء و بدات تجرب فالاسلحة النووية ديالها فيها
و سمحت فرنسا تقريباً فكامل الدول اللي كانت مستعمرتها على جال الدزاير باش ما تطلقهاش من يدها

 

[ضآحكة مستبشرة]

شكرا مروة حبيبتي ربي يوفقك حبيبة
بارك الله فيك إن شاء الله نقرأها و تفيدني
بالتوفيق للجميع

 

[MAROUA HAIBER]

اوك حبيبة ابعثيهالي نشوفها
ربي يحفظك حبيبتي و إن شاء الله تنجحي
واش حابة تقراي بعد الباك ان شاء الله

راني بعثتهالك
إن شاء الله وحتى انت ياربي
إنا نجحت إن شاء الله ندير فرنسية

 

[MAROUA HAIBER]

شكرا مروة حبيبتي ربي يوفقك حبيبة
بارك الله فيك إن شاء الله نقرأها و تفيدني
بالتوفيق للجميع

العفو ا حياتي إن شاء الله أجمعين
اقرايها و ماتندميش بيسك فيها شوي ضحك