رحلتنا في كوكب تجي تدوخ تفهم .. رحلة1

[قرصان الساحل]

السادة ... السيدات ... البائسون ... على قلوبكم عافسون ... كيف تشعرون عندما تقرصكم وشواشة وتبدى تاكل بلاصتها وانت تحك تحك حتى يسيل الدم ... تبا شعور مقزز في بلاد الاوبئة تحساب عايشين مع مصاصين دماء وليست ناموسة منحوسة.. بلادكم مليئة بالحشرات صديقي -__-

على ذكر الحشرات والطفيليات والفطريات فتحت هاد الموضوع نتكلم فيه على ظواهر نعايشوها ...

★★★★★
طفل في عمر الزهور نجح في السيزيام بالانقاذ فكانت الفرحة فرحتان ... خرج يغني عومي شيخة عومي ... جيل عايم هايم ...
هذا القماش لي جاي طالع أدي ولا خلي

★★★★★
في احدى القنوات وفي الكاميرا ماشي وفي شهر رمضان مخلاو حتى مغني ملاهي لا شابة صباح ولا دليلة ... وكملوها بكائن اسمو انوش نافيا ... قالك هادو هوما الشخصيات .. نيفو يتكركر واتفرج انت والعايلة السيرك غير تبدا الحصة كل واحد وين يتخبى ... ياااااااو عيب عيييييب احترموا عادتنا وتقاليدنا
على انغام او طاح القدر او طاح القدر

★★★★★

منذ قليل قريت حالة خاصة لعضو قال .. لا تفتخر بالانجاب امام عقيم .. هادي هي المصيبة عجز وقصور كلوي واعاقة مستدية وعقم في النفوس والعقليات ... حال هاديك الطفلة كي خطبوها صبغت شعرها بالاصفر وولات ما تحلبش صحباتها وكتبت في الفايس بوك ... اصبحت ملكة نساء العالم
ستوووووب ستوب بدلو عليا القناة العالم يفتخر بالانجازات وحنا يفتاخرو بعمليات بيولوجية تصرا كل ثانية في العالم حتى عند الحيوانات ..

★★★★★

في بلدي حد وقت الفطور ناس كامل تمشي غير 20 كلم/سا .. تبقى خمس دقائق للآذان يبدا رالي باريس داكار ... وكل يوم ضحايا كثر في هاد الوقت بالذات في الطرقات ...
صون كمونتار ...
★★★★★

إلى هنا انتهت رحلتنا في كوكب تجي تدوخ تفهم ولنا عودة في أعداد اخرى ان شاء الله
ودمتم سالمين
​

 

[Salah eddin]

السلام عليكم
خويا القرصان
و الله راك جبتها في الصميم
شايف هذيك الاغنية تاع الزربوعي
و الله يجيبولنا حثالة الفنانين او المعفونين و يوروهم في التيلي العائلي و يطلعولهم فالتيتر
ياخي حالة ياخي
و الله طاح القدر مع العايلة
سطوووب
شكرا خويا على الموضوع المميز
و الرحمة على والديك ما تزيدش تفكرنا في هذوك الحثالة
هههه
شكرا ​

 

[Abodi84]

اصبح الاعلام مفلس عبارة عن تعبئه للوقت دون النظر الى المضمون هذه بداية لتغييب قيم الشعوب
الله المستعان

 

[دعاء الجنات]

-السلام عليكم...

كل الكوارث موجودة في هاذ البلاد... العباد لي ملاح يحاربوهم... والمغنيين تاع...-مانكملش احتراما للأعضاء- يجيبوهم ويضحكو معاهم...
غريب الله يهدينا وشكرا على هاذي الجولة في انتظار كوارث اخرى
تحياتي​

 

["viola"]

أتمنى أن تسرب لي بعض أفكارك ندير كاش موضوع هنا راني غملت فالمدونة و الحالة الخاصة و لك مني مئتا ناقة -_-
ي خويا وش نقولك سيرتو قنوات الصرف الصحي خخخخ قالو رأيك في ايمينام قالو "نحترمه" هههههههه تبا إنها دعاوي الشر
و الناموس منحكيلكش صديكي -__- تسكر الطاقة تتبخر -_- تفتحها تجي هي و تجيب لافامي معاها يتسحروا
صحيت موضوع هايل كومدابيتيد ​

 

[قرصان الساحل]

السلام عليكم
خويا القرصان
وعليكم السلام صحا فطورك خويا صلاح
و الله راك جبتها في الصميم
شايف هذيك الاغنية تاع الزربوعي
اخخخخ تحب الصح اغنية زربوعي جابها بتمسخير مي جات خير من تاع لي يسمو رواحهم فنانين زعما
و الله يجيبولنا حثالة الفنانين او المعفونين و يوروهم في التيلي العائلي و يطلعولهم فالتيتر
ياخي حالة ياخي
و الله طاح القدر مع العايلة
سطوووب
ايه راك شفت والله تحشم تشوفها مع الدار خاصة هاديك الفترة بين الفطور وصلاة التراويح هو عادة وقت لي تجمع فيه العايلة ويحبو يشوفو قنوات جزايرية اخخخ ندوروها اذاعة خير في بالي
شكرا خويا على الموضوع المميز
و الرحمة على والديك ما تزيدش تفكرنا في هذوك الحثالة
هههه
عفوا ... ههه مي واش راح دير لما تكون عايش في مستنقع مش راح تتكلم على نقاء النهر -__-
شكرا ​

يعطيك الصحة خويا صلاح ... وصح سحورك

 

[قرصان الساحل]

اصبح الاعلام مفلس عبارة عن تعبئه للوقت دون النظر الى المضمون هذه بداية لتغييب قيم الشعوب
الله المستعان

المشكل حتى صغارنا وتأثرو بدل الاصلاح وفي هاد الشهر الفضيل الاعلام هو النقطة التي أفاضت الكأس ... حقا هم يبكي وهم يضحك
وشر البلية ما يضحك ... رانا في شر البلية الان
وهم الاعلام اكبر مشاهدة كيما قلت على حساب الاخلاق والعادات همهم الربح وفقط ...
نعم السلطة الرابعة في بلادنا ...​

 

[قرصان الساحل]

-السلام عليكم...
وعليكم السلام ... مرحبا بيك اختي
كل الكوارث موجودة في هاذ البلاد... العباد لي ملاح يحاربوهم... والمغنيين تاع...-مانكملش احتراما للأعضاء- يجيبوهم ويضحكو معاهم...
انت في ردك حشمتي حتى تسميهم وهوما ما حشموش باه قابلو بيهم 40 مليون مشاهد .. هنا تفهمي حجم الكارثة لي وصلنا ليها ...
غريب الله يهدينا وشكرا على هاذي الجولة في انتظار كوارث اخرى
عفوا ان شاء الله ختي
تحياتي​

يعطيك الصحة ختي على مشاركتك الموضوع
صح سحورك​

 

[قرصان الساحل]

أتمنى أن تسرب لي بعض أفكارك ندير كاش موضوع هنا راني غملت فالمدونة و الحالة الخاصة و لك مني مئتا ناقة -_-
هههه والله وش نقلك مام انا غملت واني غير نخلط وش كاين في راسي وخلاص ونزيدك انت عندك افكار كثر مني هادوك لي تكتبي فيهم في الحالة الخاصة تاعك ديريلهم حروف العطف ولصقيهم يجي موضوع هايل
ي خويا وش نقولك سيرتو قنوات الصرف الصحي خخخخ قالو رأيك في ايمينام قالو "نحترمه" هههههههه تبا إنها دعاوي الشر
ههههه واه شفتي يحترمه تبا امينام نهار بدا يغني ضحكو عليه مقدرش يواجهم في بداية تاعو مي نهار قلعلهم تحساب ريال نهار ضربت اليوفي ب 4 يجي هدا البرررر يحل فمه دعاوي شر صح
و الناموس منحكيلكش صديكي -__- تسكر الطاقة تتبخر -_- تفتحها تجي هي و تجيب لافامي معاها يتسحروا
ههههه لازمكم كليماتيزور كوندور وتغلقو المنافذ وتنامون في سعادة وهناء اخخخ اشهاااااار
صحيت موضوع هايل كومدابيتيد ​

الله يسلمك فيولنتينا حتى انت ردودك ديما تووووب ... ولك مني 100ناقة خالصة مع تبنها وشعيرها -____-​

 

["viola"]

الله يسلمك فيولنتينا حتى انت ردودك ديما تووووب ... ولك مني 100ناقة خالصة مع تبنها وشعيرها -____-​

خخخخخخخخخ الكليماتيزور دارو الزعيم بابا فالشومبرا تاعوا و خلانا حنا نقلبوا فالمخدة كل 3 دقائق هههه ربي يسامحوا برك
فونتيلاتور و مصحتليش :/ تقول منيش بنتهم
​

 

[قرصان الساحل]

خخخخخخخخخ الكليماتيزور دارو الزعيم بابا فالشومبرا تاعوا و خلانا حنا نقلبوا فالمخدة كل 3 دقائق هههه ربي يسامحوا برك
فونتيلاتور و مصحتليش :/ تقول منيش بنتهم
​

اه الحل يكون عندك تخمام ناموس وتهجمو على الزعيم مرة وحدة اخخخخ
ايه الكل نتقاسم هادي المعاناة -____- دولة لي ناس تسب فيها ومدايرة لي كليماتيزور في كل مكان احنا ولاد الدولة ماشي الشعب هههههه
والله قتلني ردك بالضحك سيرتو تاع ماشي بنتهم نهههننهههههههههههه يعطيك عام كسرة​