مشكلتي انصحوني من فضلكم

[مشكلتي]

ااسلام عليكم
في احد مجموعات الزواج وضعت فتاة طلب تريد زوج يصلي وكذا وكذا فبعثت لها رسالة في الخاص وطلبت منها عنوانها ورقم والدها فبعثتهما على الفور وأخبرت والدتها عني فشعرت بالحيرة والغرابة وقررت تجريب رقم الهاتف فاذا به والدها فعلا تكلمت معه ورحب بي وانا بصدد ترتيب موعد معه لزيارته ورؤية الفتاة لانهما من غير ولايتي ...ما استغربته هو تقبل والدها للموضوع وبدا لي انه متفتح وانا عكس ذلك تماما وكذلك عائلتي فبماذا تنصحونني ؟​

 

[GI Joe]

و عليكم السلام
yaa l akh wech kont tame3 mala ?? yek rofla tokhtebha men papaha w madamek kont fi groupe hakdek c ue nta thani 9abelha sinon wech dek !!
doonc khamem binek bin rohek la hab tkemel tchoufhom w tahder m3ahom yaa habess men dok matkhalich tofla tessperi;; hata hiyaa tkoun mahtouma madam wellat tmed f numero sur internet
bn courage

 

[فيتامين سي]

لساني طويل بصح منقدرش نخليها في قلبي
كنت تتوقع تعيط و تحكي معاك هي و كي لقيت باباها وليت تخمم بلي متفتح و انت ماشي هكدا نقدر نقولك بلي انت مكانش نيتك تخطب اصلا و بغيت فقط تتسلى بصح لقيت راجل و شفت اللعب بدا يخشان بغيت تمد حجة فيك (كدبت كدبة و امنتها )
ماشي متفتح املا واش كنت تدير في جروب هاه :X3:
تقبل مروري

 

[prince of love]

السلام عليكم

اذا كنت ناوي الزواج والحلال صح .. روح شوف يخي ماشي راح تزوج ديراكت .. اذا كانو متفتحين كيما راك تقول وما عجباتكش العقلية ربي يسهل وشوف من جهة اخرى و اذا عجباتك وعجباتك العقلية ربي يسهل ان شاء الله

 

[aljentel]

اتوقع انك تلعب ولا عندك رغبه بالزواج
واللعب على بنات الناس عيب معيب
فياليت والدها يرفضك ...

 

[يزيد 05]

وعليكم السلام
الزواج ليس بهذه الطريقه ولا بكلمه او اثنان اخي
وملاحظة التعليقات كل شخص يحكم على جهة و برأي معين على الولد او البنت
نحن لا نعرفك لا انت ولا هذه البنت ولا من بعض سطور نحكم على هذا او ذاك
الانسان لما يريد الزواج يسأل ويبحث اولا ثم بعده يقرر نفس الشيء ينطبق على البنت واهلها لان هذا ليس لعب

 

[Hakan]

رغم ان المشكلة لديها العديد من الايام مذ ان طرحت
لكن يااخي التفتح هذا علاش دايما نفهموه حاجة مش مليحة
عجبني صاحبي وحاب نعطيلو ختي كاين بروبلام
بابا عجبو واحد وعطالو بنتو كاشمن يسالو
يااخي الزواج هذا مسؤولية اولا والزواج زواج عائلات مش فردين
والطفلة انت ياك مازال ماعرفتهاش مليح روح وتوكل على بي
وزين النية نتاعك وربي يكتبلك اللي فيه خير
يااخي كاين شي فتيات علاقتها مليحة مع باباها ما تخبيش عليه
واللي كاينة تقولهالو وهذا الاب كذالك عندو احترام كبير على الاقل ماهوش مغلق راسو
كي بعض الاباء الي ماشيين تحت شعار انا ربكم الاعلى
مايشاور بنت ما يشاور اخت يمدها لحمار نورمال روح وشوف والتقي بالاب هذا
واذا عزمت امرك جيب اهلك وخلي ربي يكمل في الخير
وحاليا ونحبو او نكرهو زواج النت راهو مسيطر في السنوات الاخيرة
واغلب الاباء والامهات وقعو تحت هذا الضغط وهذا الواقع وماعليهم غير يسايرو هذي الاشياء
بالعقل الرزين والمنطق الصحيح وانت يااخي توكل على ربي وربي يهنيكم كاامل .​

 

[بقايا إنسان]

سلام الله عليكم اخينا الكريم وبعد:ان يسر لك الله سبيلا فلا تعسره على نفسك لانقول ان الوالد متفتح بل نقول الوالد اتخذ كل السبل المقبولة شرعا من اجل تزوج ابنته زد على ذلك ان البنت اعطتك رقم والدها ولم تدخل معك في مغامرات كلامية اي (اقصر الطريق هو الخط المستقيم) ولو شتمك والدها في الهاتف ماذا كنت تقول؟؟؟؟
يا اخي انت اتصلت من اجل الزواج واهل البنت فتحوا لك الابواب فهل تدخل؟كما بدأت ام ترجع لتبحث عن عروس صعبة المنال
سلامي لك واحترامي