الغاز منطقتنا أدخل وجاوب

[الأميرة الخجولة]

السلام عليكم ورحمة الله تعالى وبركاته
أولا موضوع ليا ^^

قلت بلا ممنقول منا منتديات وقاع ههه علاه منديرش أنا موضوع ...
حتى لقيت روحي في قسم الألغاز
جات في بالي فكرة نعطيكم الألغاز المتداولة في منطقتنا هههه علبالي قليل الي يعرفها بصح معليش كل واحد عاداته وتقاليده ....طبعا منطقتي مشرية ولاية نعامة صحرااا ...ههه بلا منطول عليكم
حقا مكان لا جائزة لا والو أعرف الغز علق وشوور هههه..

نبداا ..
(1) هين هين يجر في مسييرين ؟
(2) قدها قد الفارة ومعمرا الدارة{ أي معمرا المنزل } ؟
(3) قبة خظرا ومفتاحها حديد وسكانها عبيد..؟
(4) كرعيه في طين و سابق الطايرين ؟
(5) طڨ هنا و طڨ لهيه و طڨ شڨ بحر منهيه
(6)دخلت يدي في صفحا جبت تفاحة
(7)كمتي بيا لبسة مئة عبيا و ركبة عريانا
(8) كمتي بيا لبسة مئة عبيا و ركبة عريانايها
(9) طيها طي كتاب ولونها لون غراب ؟

أيام ونكتب اجابة ^^
دمتم في حفظ الله ورعايته

 

[{هِشام}]

وعليكم السلام ورحمة الله ~​

(2) قدها قد الفارة ومعمرا الدارة{ أي معمرا المنزل } ؟
اللامبة

(3) قبة خضرا ومفتاحها حديد وسكانها عبيد..؟
الدلاعة​

(5) طڨ هنا و طڨ لهيه و طڨ شڨ بحر منهيه
البرق​

​

 

[الأميرة الخجولة]

وعليكم السلام ورحمة الله ~​

(2) قدها قد الفارة ومعمرا الدارة{ أي معمرا المنزل } ؟
اللامبة

(3) قبة خضرا ومفتاحها حديد وسكانها عبيد..؟
الدلاعة​

(5) طڨ هنا و طڨ لهيه و طڨ شڨ بحر منهيه
البرق​

​

أسعدني مرورك أخي
ههههههههه أحسنت ....
في إنتظار البقية

 

[ريحـان]

وعليكم السلام و الرحمة و الاكرام

(3) الدلاعة هههه


(7) الدجاجة


هدا لي عرفتو ههه​

 

[الأميرة الخجولة]

وعليكم السلام و الرحمة و الاكرام

(3) الدلاعة هههه


(7) الدجاجة


هدا لي عرفتو ههه​

هههههه صح ... أسعدني مرورك شكرا

 

[ريحـان]

هههههه صح ... أسعدني مرورك شكرا

يعطيك الصحةاختي
تسلم ايدك
في انتظار جديدك ~