شيماء05محتاجة مساعدتكم

[شيماء05]

السلام عليكم
اسمحولي مليقيتش وين نحط الموضوع
المهم
حبيت نسقسيكم على زوج حوايج
لولى
انا نايضلي شعر في حاجبي حتولاو كلي مقرونين مع بعضاهم نضن كامل فهمتوني حابة نسقسيكم اذا حلال عند ربي باش نحيهم يعني نحي الشعر المڨرون مع بعضاه هو جاي شعر مابين عينيا مبشعهم شوي وممكن كاش متعرفو فتوى على هذا
انا نحس بلي الاخت @دعاء الجنات تعرف على هذو المواضيع لهذا حابة تعطيني رايها
السؤال الزاوج
هو انا شعري قصير بزاف بسك قصيتو مي قصتهولي الحفافة قصير بلبزاف وعاد ينسل بشكل غير معقول بعيد الشر عليكم مالا حابة على خلطة تكون مجربة بلش نطولو نكثفو بسرعة
وشكر مسبقا
وارجو الرد السريع​

 

[فيتامين سي]

الله اعلم انا لقيت بلي الشعر لي بين الحاجبين تقلعيه بصح متخربيش في الحاجب ولا شعرة
يعني لي فوق الانف قلعيه بلقاط برك و لي فوق العين خليه
بالنسبة للخلطات بارح كوافيرة مدلتي واحد شومبوا اسمه انفا اكتيف شريه من عند الفارماسي
و قالتلي متشديهش بزاف خليه مطلوق خطرات باش ميتزيرش و شديه بكراب تاني و كل خطرة مشطيه بطريقة
تاني قالتلي خجرة قبل مدوشي ديريله زيت زيتون و دوشي ولا زيوت بزاف انواع
تاني القهوة و تاني القرنفر غليه في الما و شلي بيه
ان شاء الله نكون فدتك شويا اي اسئلة راني هنا نجاوبك حسب منعرف

 

[cosette]

السلام عليكم
اختي وحدة راسلت شمس الدين وقساته على شعر بين العينين )نخلة (ومنعرف اسمها قال يجوز والله اعلم ليسونييال ماتنحيش حواجبك ^_^وراني. درت تجربتي مع زيت الخروع في ركن الاناقة والزينة. لتكثيف وتطويل الشعر. زوريه وراح تدعيلي اكيد^_^^_^​

 

[شيماء05]

مرسي حبيباتي كنت محتاجة هذوا النصائح وكاش معند الاعضاء لخرين يزيدو يمدولي من فضلهم

 

[شيماء05]

اختي @فيتامين سي راكي ڨلتيها بفمك كاش سؤال راني هنا عندي سؤال ليك ولي هوا اسكو نقدر ندير زيت الزيتون على شعري فليل ولا لازم من حنعود ندوش برك

 

[فيتامين سي]

اختي @فيتامين سي راكي ڨلتيها بفمك كاش سؤال راني هنا عندي سؤال ليك ولي هوا اسكو نقدر ندير زيت الزيتون على شعري فليل ولا لازم من حنعود ندوش برك

الزيوت حتى و ديري في االيل مي صباح دوشي
ديري زيت شربيه مليح و ديري سربيتة فوقو ولا فورانة لي متغيضكش الى شدت ريحة و خسرت و فوقهم صاشي (بورسة) و صباح غسلي شعرك
مي مديريهش و تقولي بعد 3 ايام نغسله لا شعر هنا يخسر و يزيد يطلع الزيت تاعه و تحكمك القشرة
ولا ديري زيت صباح عشيا دوشي كيف كيف

 

[شيماء05]

اووو مرسي حنونة @فيتامين سي