عضوة في ضيافة صالون الزينة والعناية بالجسم -العدد الثاني-

[ضآحكة مستبشرة]

-صبغتي شعرك ولا جامي ؟
جامي صبغتـو و باذن الله منصبغوش
-لوكان تصبغيه واش هو لون لي ديريه؟
نحب اللون الاشقـــر هههه كيما في الصورة

-نوع تسريحة لي ديريها لشعرك في الأعراس ؟
غالبا ما نطلقو و احيانا ذيل الحصان ولا ضفيرة​

شكرا على المرور عبورتي
نورتــــــــــــــــــي ​

 

[chirine zina]

*كل بشرة المادة غذائية معينة تتحسس منها...نتي بشرتك حساسه ؟ واشمن مادة غذائة بشرتك حساسة منها؟
* تستعملي عدسات ..وأضافر إصطناعية ..ورموش؟
* تحبي الvيرني (طلاء الأضافر)؟ واشمن لون تحبي الديريه ؟ واش هي الألوان لي راكي شاريتهم؟
*تستعملي أحمر شفاه ؟ جربتي اللون البوردو كاش مرة ؟ خرج عليك ولا لا

 

[chirine zina]

....نحن الفتيات نحب العناية ببشرتنا خصوصا الوجه ؟ هل إستعملتي وصفات طبيعية للوجه؟ ما إسم الوصفة ؟ وماهي مكوناتها ؟
......تستعملي ماسكات للوجه؟ إذا كنت تستعملين ما إسم الوجة؟
......هل تعانين من حب الشباب؟ وإذا كنت تعانين ماهي الوصفات اللتي تستعملينها لكي يختفي
ّ........واقيلا قلقتك بالأسئلة من الصباح ..ضرك تحاوزيني ههههه

 

[نعمات]

السلام علبكم
كفاش راكى يا عروسة اللمة
القعدة بلا بيك سامطى انتي واختى ام ياسمين وغيركن
ربي بثلتك في الدارين
احلى شئ الي قلبك
اكره شئ الي قلبك
احب الناس اليك
اروع قصة قرأتيها
ما هو مرادك في هده الحياة

 

[بشرى ملاك]

شكرا لك غاليتي على المرور
نورتي ​

شكرا حبيبتي والله نفس المعطر لينستعمله رائحة روعة وطول فالجسم وكل انواعه شابة

 

[ضآحكة مستبشرة]

آسفة على التأخر في الرد و ذلك راجع لاني نكوناكتي بالهاتف
استناو حتى نكوناكتي بالميكرو و نرد عليكم حبيباتي ​

 

[Mårőųā Řāhïł]

سلااام وشراكي لباس
سؤالي جربتي خلطات طبيعية لشعرك واذا كنتي جربتي واش هي الخلطة لي عطات مفعول مليح

 

[طموحة]

السلام عليكم و رحمة الله و براكته
مرحبا بيك معانا ومرحبا بينا عندك
مخلاولي والو ماشاء الله
هل عانيتي من قبل من مشكل القشرة و كيف تخلصتي منه
قصيتي شعرك تغييرا للوك أم مشكل تقصف ....
أي قناع طبيعي تعتمد عاشقة الجنة لوجهها من فترة لأخرى ؟
​

 

[Malika Tlm]

السلام هليكم حبيبتي هدا وين شفت الموضوع
قوليلي يا لغزالة تستعملي منتوج محلي ولا نتاع الخارج ماكياج شمبوان وووو؟
ايا الشطورة كيفاش تعتني بشعرك؟
تستعملي الوصفات الطبيعية ولا لالا؟
جربت وصفة مخرجتش عليك وندمتي لي درتيها؟
درك نروح وكي نتفكر نرجعلك اوك
سلام

 

[ضآحكة مستبشرة]

*كل بشرة المادة غذائية معينة تتحسس منها...نتي بشرتك حساسه ؟
لالا و الحمد لله لا اعاني من مشكل الحساسية
واشمن مادة غذائة بشرتك حساسة منها؟
مكان حتى مادة لحد الان و لله الحمد
* تستعملي عدسات ..وأضافر إصطناعية ..ورموش؟
ابدا جامي درتها و باذن الله منديرهاش لانها لا تتناسب مع مبدائي و مبادئ ديننا الحنيف
* تحبي الvيرني (طلاء الأضافر)؟ واشمن لون تحبي الديريه ؟
ايه نحبو كأي بنت و نحب اللون الوردي
واش هي الألوان لي راكي شاريتهم؟
عندي لون وردي فقط
*تستعملي أحمر شفاه ؟
نعم
جربتي اللون البوردو كاش مرة ؟ خرج عليك ولا لا
انا من عشاق هذا اللون مزال مجربتوش شريت واحد غير كيما بصح مخرجش اللون كيما حبيت

شكرا لك غاليتي على المرور
نورتـــــــــــــــــي الزينة​

 

[ضآحكة مستبشرة]

....نحن الفتيات نحب العناية ببشرتنا خصوصا الوجه ؟ هل إستعملتي وصفات طبيعية للوجه؟
نعم استعملت مي ماشي بزاف منحبش نخلط في وجهي
ما إسم الوصفة ؟
ماسك القهوة و منين ذاك قشور الليمون
وماهي مكوناتها ؟
تتكون من التلوة تاع القهوة و زيت الزيتون

......تستعملي ماسكات للوجه؟
نعم
إذا كنت تستعملين ما إسم الوجة؟
كيما سبق و قلت ماسك القهوة و احيانا ماسك صابون خاص بالكلف و النمش يصفي الوجه و يرجعو رطب
......هل تعانين من حب الشباب؟
لا و الحمد لله
وإذا كنت تعانين ماهي الوصفات اللتي تستعملينها لكي يختفي
لم استعمل اي شيء
ّ........واقيلا قلقتك بالأسئلة من الصباح ..ضرك تحاوزيني ههههه

هههههههه لالا حنونتي بالعكس فرحت بمرورك من هنا
راني نستنى فيك ترجعي هههههه
​

 

[ضآحكة مستبشرة]

السلام عليكم
و عليكم السلام
كفاش راكى يا عروسة اللمة
الحمد لله بخير { بصح مزال مانيش عروس ههههه }
القعدة بلا بيك سامطى انتي واختى ام ياسمين وغيركن
تعيشي ربي يحفظك حتى انت وجودك يعطي رونق كبير
ربي بثلتك في الدارين
آمين يا رب و لك بالمثل
احلى شئ الي قلبك
التســـــامح
اكره شئ الي قلبك
اكره الحقـــــــــــد و الغيبة
احب الناس اليك
عائلتــــــــــــــــــي و صديقاتي
اروع قصة قرأتيها
لست من محبات القصص
ما هو مرادك في هده الحياة ؟
اكمال دراستي و العيش في رغد سعيد فقط و نيل رضا الله و والداي

شكرا اختي نعمات على المرور
نورتي القعدة
​

 

[ضآحكة مستبشرة]

شكرا حبيبتي والله نفس المعطر لينستعمله رائحة روعة وطول فالجسم وكل انواعه شابة

العفــــــــــــو ... انا مزال ماستعملتوش بصح يقولو بلي هو الافضل​

 

[ضآحكة مستبشرة]

سلااام وشراكي لباس
و عليكم السلام بخيـر و انتي ؟
سؤالي جربتي خلطات طبيعية لشعرك واذا كنتي جربتي واش هي الخلطة لي عطات مفعول مليح
لا لحد الان مزال مجربتش لقيت خلطة تمنع تساقط الشعـــــر لكن مدرتهاش
انا نستعمـل زيت الزيتون لشعري

شكرا على المرور ختي مروة
نورتي
​

 

[ضآحكة مستبشرة]

السلام عليكم و رحمة الله و براكته
و عليكم السلام و رحمة الله تعالى و بركاته
مرحبا بيك معانا ومرحبا بينا عندك
و بيـــــك مرحبا ختي طموحة نورتي
مخلاولي والو ماشاء الله
ههههه مزال كاين الخير اعصري راسك شوي برك
هل عانيتي من قبل من مشكل القشرة و كيف تخلصتي منه
لالا الحمد لله مواجهتش هاذ المشكل لانو كيما قلت نغسل شعرب بصابون الطرف { الحجرة } و يساعدني بزاف
قصيتي شعرك تغييرا للوك أم مشكل تقصف ....
قصيـتو من اجل اللوك لانو منحبش الشعر بلا قصـة و كذلك للتخلص من التقصف في نفس الوقت
أي قناع طبيعي تعتمد عاشقة الجنة لوجهها من فترة لأخرى ؟
قناع تلوة القهوة مع زيت الزيتون ينقي الوجه و يرجعو مزيت

شكرا على المرور حنونتي
نورتي القعدة​

 

[ضآحكة مستبشرة]

السلام هليكم حبيبتي هدا وين شفت الموضوع
و عليكم السلام ملوكة معليش المهم شرفيتيني بحضورك
قوليلي يا لغزالة تستعملي منتوج محلي ولا نتاع الخارج ماكياج شمبوان وووو؟
الاغلبية منتوج تاع الخــارج و اذا ملقيتش نرجع للمحــــلي
ايا الشطورة كيفاش تعتني بشعرك؟
البشرة تاعي نقدر نقول لباس بيها منحبش نخلط فيها بصح كي نتعرض للشمس ولا كاش مشكل تاع حب نستعمل صابون الجزر هو لي يخرج عليا و في الليل ندير ايضا بومادة الجزر
و اذا على لي ماسك نستعمل ماسك التلوة تاع القهوة مع زيت الزيتون و احيانا قشور الليمون اذا كان متوفـر
اما المواد الكيمياوية لا احبهااااااا
تستعملي الوصفات الطبيعية ولا لالا؟
انا من مستعملي الوصفات الطبيعية غالبا
جربت وصفة مخرجتش عليك وندمتي لي درتيها؟
لالا لاني منجربش بزاف قليــــل وين نجرب
درك نروح وكي نتفكر نرجعلك اوك
سلام

ان شاء الله ختي مليكة نورتي
و عليكم السلام​

 

[فعل الخير غايتي]

السلام عليكم اختي
هل الاخت عاشقة الجنة من محبات الحناء سواء على الشعر او اليدين و الرجلين ؟

 

[ضآحكة مستبشرة]

السلام عليكم اختي
و عليكم السلام مرحبا بيك
هل الاخت عاشقة الجنة من محبات الحناء سواء على الشعر او اليدين و الرجلين ؟
نعم من محبات الحناء في اليدين فقط
الرجلين نادرا ما نديرها
اما الشعر لا احبها ولا مرة درتها

شكرا لك اختي
نورتي
​